ദോഹ : മാപ്പിളപ്പാട്ട് ഗാന ശാഖയിലെ പ്രമുഖ താരങ്ങള്‍ ഒന്നിച്ചണി നിരക്കുന്ന “ഇശല്‍ തേന്‍കണം 2012” സ്റ്റേജ് ഷോ മെയ്‌ 18 വെള്ളിയാഴ്ച രാത്രി 7:30 ന് ദോഹ സിനിമയില്‍ അരങ്ങേറുന്നു.
ആര്‍ഗണ്‍ ഗ്ലോബലിന്റെ ബാനറില്‍ “മലബാര്‍ ടാലന്റ്സ് ദോഹ” അവതരിപ്പിക്കുന്ന “ഇശല്‍ തേന്‍കണം 2012″ പഴയതും പുതിയതുമായ എല്ലാതരം ഗാനങ്ങളും ഉള്‍ക്കൊള്ളിച്ച് കൊണ്ട് പ്രേക്ഷകര്‍ക്ക്‌ ആസ്വാദ്യകരമായ രീതിയിലാണ് ഇതിന്റെ സംഘാടകര്‍ ഒരുക്കിയിരിക്കുന്നത് .
പ്രശസ്ത ഗായകരായ കണ്ണൂര്‍ ഷെരീഫ് , ആദില്‍ അത്തു , അന്‍വര്‍ സാദത്ത് , കണ്ണൂര്‍ സീനത്ത് , റിജിയ യൂസുഫ് , സിമ്മിയ ഹംദാന്‍ എന്നിവര്‍ പങ്കെടുക്കുന്ന പരിപാടിക്ക് നേതൃത്വം വഹിക്കുന്നത് പ്രശസ്ത ഗാന രചയിതാവ് ബാപ്പു വെള്ളിപ്പറമ്പ് ആണ്.
കേരളത്തിലെ കാന്‍സര്‍ രോഗികളുടെ സഹായത്തിനായി രൂപം കൊണ്ടിട്ടുള്ള സംഘടനയായ ” മലബാര്‍ ടാലന്റ്സ് ദോഹ ” കാന്‍സര്‍ രോഗികളായ സഹായത്തിന് അര്‍ഹതയുള്ളവരെ കണ്ടെത്തി സഹായം എത്തിച്ചു കൊടുക്കുക എന്നതാണ് സംഘടനയുടെ പ്രധാന ലക്ഷ്യമെന്ന് ഇതിന്റെ ചെയര്‍മാന്‍ ആബിദ് അലിയും , ഡയറക്ടർമാരായ ഹമീദ് കല്ലേപ്പാലവും , ഹമീദ് ദാവിടയും പറഞ്ഞു.
പ്രശസ്ത അവതാരകനായ റജി മണ്ണേല്‍ അവതാരകനായെത്തുന്ന പരിപാടിയുടെ ടിക്കറ്റുകള്‍ ഖത്തര്‍ ഷോപ്പിംഗ്‌ കോംപ്ലക്സിന്റെയും , ഫാമിലി ഫുഡ്‌ സെന്ററിന്റെയും എല്ലാ ശാഖകളിലും ലഭിക്കുന്നതാണ്.
ടിക്കറ്റ് നിരക്ക് : ഖത്തര്‍ റിയാല്‍ 75 , 50
വിശദ വിവരങ്ങള്‍ക്ക് വിളിക്കുക – 33854748
– കെ. വി. അബ്ദുല്‍ അസീസ് – ചാവക്കാട്, ദോഹ – ഖത്തര്‍
