അബുദാബി : ദീര്‍ഘ കാലത്തെ പ്രവാസ ജീവിതം മതിയാക്കി നാട്ടിലേക്ക് പോകുന്ന മലയാളി സമാജം സജീവ പ്രവര്‍ത്തകനും ഇന്ദിരാ ഗാന്ധി വീക്ഷണം ഫോറം യു. എ. ഇ. കമ്മിറ്റി വൈസ് പ്രസിഡണ്ടുമായ എ. കെ. ഗോപിക്ക് സമാജ ത്തിന്‍റെ ആഭിമുഖ്യ ത്തില്‍ യാത്രയയപ്പ് നല്‍കുന്നു.
1975 – ല്‍ ഗള്‍ഫില്‍ എത്തിയ ഗോപി ഇന്ദിരാഗാന്ധി വീക്ഷണം ഫോറം അബുദാബി ഘടകത്തിന്‍റെ പ്രസിഡന്‍റ്, സെന്‍ട്രല്‍ കമ്മിറ്റി ട്രഷറര്‍, ഒ. ഐ. സി. സി. അബുദാബി യുടെ സ്ഥാപക ട്രഷറര്‍ എന്നീ നിലകളില്‍ പ്രവര്‍ത്തി ച്ചിട്ടുണ്ട്.
മൂന്നര പതിറ്റാണ്ടായി ഹിലാല്‍ ആന്‍ഡ് പാര്‍ട്ട്‌ണേഴ്‌സ് എന്ന സ്ഥാപന ത്തില്‍ സീനിയര്‍ ഡ്രാഫ്റ്റ്‌സ്മാനായി ജോലി ചെയ്തു വരുന്ന ഇദ്ദേഹം തൃശ്ശൂര്‍ നാട്ടിക സ്വദേശിയാണ്.
അബുദാബി : തളിപ്പറമ്പ് താലൂക്ക് നിവാസി കളുടെ യു. എ. ഇ. യിലെ കൂട്ടായ്മ തപസ്സ് വാര്‍ഷി കാഘോഷം ‘സര്‍ഗോത്സവം’ ദുബായ് വിമെന്‍സ് കോളേജില്‍ വെച്ചു നടന്നു. വിശിഷ്ട അതിഥി കളായി ചലച്ചിത്ര സംവിധായകരായ ബ്ലെസ്സി, ലാല്‍ജോസ് എന്നിവര്‍ പങ്കെടുത്തു. കേന്ദ്രമന്ത്രി കെ. സി. വേണു ഗോപാല്‍, കേരള ധനകാര്യമന്ത്രി കെ. എം. മാണി, തളിപ്പറമ്പ് മണ്ഡലം നിയമസഭാ പ്രതിനിധി ജെയിംസ് മാത്യു എന്നിവര്‍ ആശംസാ സന്ദേശം നല്‍കി.
തപസ്സ് ചെയര്‍മാന്‍ മുരളീവാര്യര്‍ അദ്ധ്യക്ഷത വഹിച്ചു. വൈസ് ചെയര്‍മാന്‍ ജയശങ്കര്‍ സ്വാഗതം പറഞ്ഞു. സര്‍ഗോത്സവ ത്തിന്‍റെ മുഖ്യസഹകാരി യായിരുന്ന രാജേഷ്, ട്രഷറര്‍ മാധവന്‍, വിജി ജോണ്‍ എന്നിവര്‍ നന്ദിയും അറിയിച്ചു.
ദുബായ് : പതിമൂന്ന് വര്‍ഷമായി പ്രവര്‍ത്തിച്ചു വരുന്ന 
