 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : യു. എ. ഇ. യിലെ ഗുരുവായൂര്‍ നിവാസികളുടെ പ്രവാസി കൂട്ടായ്‌മയായ ‘ഗുരുവായൂര്‍ എന്‍ ആര്‍ ഐ ഫോറം’ സംഘടിപ്പിക്കുന്ന കുടുംബ സംഗമം ‘ഫാമിലി ഫെസ്റ്റ് -2012’ മെയ് 4 വെള്ളിയാഴ്ച വൈകുന്നേരം 4.30 ന് ദുബായ് ഗിസൈസിലുള്ള ‘ആപ്പിള്‍ ഇന്റര്‍നാഷണല്‍ സ്കൂളില്’ (ലേബര്‍ ഓഫീസിനു സമീപം) വെച്ച് ചേരുന്നു.
കൂടുതല്‍ വിവരങ്ങള്‍ക്ക് വിളിക്കുക : മനാഫ് ഗുരുവായൂര്‍ (050 – 844 55 93), മുഹമ്മദുണ്ണി (050 – 67 87 860), സുനില്‍ (050 – 67 530 24).
- pma
ദുബായ് : ചെറുവാടി നിവാസി കളുടെ പ്രവാസി കൂട്ടായ്മ ‘ചെറുവാടി സംഗമം’ മെയ് 4 വെള്ളിയാഴ്ച വൈകീട്ട് 4 മണിക്ക് ദുബായ് ഖിസൈസ് അല്‍ ബുസ്താന്‍ ഹോട്ടലിന് സമീപം യു. എ. ഇ. എക്‌സ്‌ചേഞ്ച് ബില്‍ഡിംഗില്‍ ചേരുന്നു.
‘നാടിന്റെ പ്രവാസ ആകുലതകള്‍ ‘ വിഷയമാകുന്ന സംഗമ ത്തില്‍ ‘സൈകത ഭൂവിലെ സൗമ്യ സാന്നിദ്ധ്യം’ കെ. എ. ജബ്ബാരി മുഖ്യാതിഥി ആയിരിക്കും.
കൂടുതല്‍ വിവരങ്ങള്‍ക്ക് : 055 24 87 341.
- pma
ദുബായ് : വടകര എന്‍ ആര്‍ ഐ ഫോറം അബുദാബി പത്താം വാര്‍ഷിക ത്തോട് അനുബന്ധിച്ച് നടത്തുന്ന രണ്ടാമത് പരിപാടിയായ സ്റ്റേജ് ഷോ മെയ് 4 വെള്ളിയാഴ്ച അബുദാബി ഇന്ത്യന്‍ സോഷ്യല്‍ സെന്ററില്‍ നടത്തും.
വൈകിട്ട് 6ന് തുടങ്ങുന്ന പരിപാടി യില്‍ വടക്കന്‍ പാട്ടിലെ ഇതിഹാസമായ ‘കുഞ്ഞിത്താലു’ അവതരിപ്പിക്കുന്നത് പ്രമുഖ വടക്കന്‍ പാട്ടു രചയിതാവും ഗായകനുമായ ഒഞ്ചിയം പ്രഭാകരനും സംഘവുമാണ്.
പ്രമുഖ ഗായകരായ കൈതപ്രം ദീപാങ്കുരന്‍, ഐഡിയ സ്റ്റാര്‍ സിംഗര്‍ ഫെയിം സായി ബാലന്‍, അഭിരാമി തുടങ്ങി ഒട്ടേറെ ഗായകര്‍ പങ്കെടുക്കുന്ന ഗാനമേള, പഞ്ചാരിമേളം, ശിങ്കാരി മേളം, തെയ്യം, നൃത്ത – നൃത്ത്യങ്ങള്‍ എന്നിവയും വാര്‍ഷിക ആഘോഷങ്ങളുടെ ഭാഗമായി ഒരുക്കിയിട്ടുണ്ട് എന്നും പ്രവേശനം സൗജന്യം ആയിരിക്കും എന്നും ഭാരവാഹികള്‍ അറിയിച്ചു.
കൂടുതല്‍ വിവരങ്ങള്‍ക്ക് 050 – 32 99 359.
- pma
ദുബായ് : തൃശൂര്‍ ജില്ലയിലെ എടക്കഴിയൂര്‍ സ്വദേശികളുടെ യു. എ. ഇ. കൂട്ടായ്മ യായ എനോറ (എടക്കഴിയൂര്‍ നോണ്‍ റെസിഡന്റ് അസോസിയേഷന്‍) യുടെ വിപുല മായ സംഗമം മെയ് 4 വെള്ളിയാഴ്ച വൈകീട്ട് മൂന്ന് മണി മുതല്‍ ദുബായ് ഖിസൈസ് ഗള്‍ഫ് മോഡല്‍ സ്കൂളില് നടക്കും.
സാംസ്‌കാരിക സംഗമം, മുതിര്‍ന്ന പ്രവാസികളെ ആദരിക്കല്‍, കുട്ടികളുടെ കലാകായിക മത്സരങ്ങള്‍, വെബ്‌സൈറ്റ് പ്രകാശനം തുടങ്ങി വിവിധ പരിപാടികള്‍ ഉണ്ടാവുമെന്ന് ഭാരവാഹികള്‍ അറിയിച്ചു.
മാധ്യമ രംഗത്തെ പ്രമുഖരായ കെ.എ. ജബ്ബാരി, രാജീവ് കോടമ്പള്ളി, കമാല്‍ കാസിം, എഴുത്തുകാരായ സാബ ജോസഫ്, സൈനുദ്ദീന്‍ ഖുറൈഷി, സിനി ആര്‍ട്ടിസ്റ്റ് ഫൈസല്‍ കല്ലൂര്‍ തുടങ്ങിയവര്‍ പങ്കെടുക്കും.
വിശദ വിവരങ്ങള്‍ക്ക് 055 – 123 69 41, 050 – 33 42 963, 050 – 570 52 91 എന്നീ നമ്പറുകളില്‍ ബന്ധപ്പെടുക.
- pma
അബുദാബി : ഗൃഹാതുര സ്മരണകള്‍ ഉണര്‍ത്തി വടകര എന്‍ ആര്‍ ഐ ഫോറം അബുദാബി യില്‍ സംഘടിപ്പിച്ച വടകര മഹോത്സവം പലഹാര പ്പെരുമ യാലും നാട്ടുകാഴ്ച കള്‍ കൊണ്ടും ശ്രദ്ധേയ മായി.
കേരള സോഷ്യല്‍ സെന്ററില്‍ ഒരുക്കിയ തട്ടുകട കളില്‍ നിരന്ന വിഭവങ്ങള്‍ കണ്ട് അബുദാബി യിലെ മലയാളി സമൂഹം വിസ്മയ ഭരിതരായി.
മുട്ടമാല, പിഞ്ഞാണത്തപ്പം, കലത്തപ്പം, കുഞ്ഞിപ്പത്തല്‍, ചീരോക്കഞ്ഞി, ഉന്നക്കായ, ചട്ടിപ്പത്തിരി, കോഴിയട, കൊഴുക്കട്ട, ഏലാഞ്ചി, പോള, റൊട്ടി നിറച്ചത്, കടലപ്പത്തിരി, മത്തി അച്ചാര്‍, പിലായില, മുട്ടസുറുക്ക, പത്തല്‍, പൊട്ട്യാപ്പം, അച്ചപ്പം, ബിണ്ടി തുടങ്ങിയ വിഭവങ്ങളും പലതരം പായസ ങ്ങളും ഇറച്ചി ക്കറികളും കൊതിയൂറുന്ന കാഴ്ചകളായി തട്ടില്‍ നിരന്നു.
മറ്റൊരു വശത്ത് ഗ്രാമീണമായ കാഴ്ച വസ്തുക്കള്‍. പാനൂസ്, തഴപ്പായ, കിണ്ടി, കോളാമ്പി, ഇസ്തിരി പ്പെട്ടി, കിണ്ണം, ഉലക്ക, ഉരല്‍, കുഴി അമ്മി, മുളനാഴി, അപ്പച്ചട്ടി, കടകോല്, മുളപുട്ടുകുറ്റി, ഭരണി, നിലോതിക്ക, തള, തെരുവ, കലപ്പ, ഉറി, വട്ടക്കിണര്‍ എന്നിങ്ങനെ ഉള്ളതെല്ലാം നഗര ങ്ങളില്‍ ജീവിക്കുന്ന പുതിയ തലമുറയ്ക്ക് കൗതുക ക്കാഴ്ചകളാണ്.
തട്ടുകട കളില്‍ വടകര യിലെ മങ്കമാര്‍ നാടന്‍ പലഹാര ങ്ങള്‍ വിളമ്പുമ്പോള്‍ സ്റ്റേജില്‍ കടത്തനാടന്‍ കളരിപ്പയറ്റും ദഫ്മുട്ടും നാടന്‍ പാട്ടും അരങ്ങു തകര്‍ക്കുക യായിരുന്നു.
വടകര എന്‍ ആര്‍ ഐ ഫോറം ഒരുക്കിയ ഗ്രാമീണ മേളയ്ക്ക് പ്രസിഡന്റ് ഇബ്രാഹിം ബഷീര്‍, പ്രോഗ്രാം കമ്മറ്റി ചെയര്‍മാന്‍ ബാബു വടകര, ജനറല്‍ കണ്‍വീനര്‍ എന്‍ കുഞ്ഞഹമ്മദ്, ജനറല്‍ സെക്രട്ടറി വി. പി. കെ. അബ്ദുള്ള, ട്രഷറര്‍ പി. മനോജ് തുടങ്ങിയവര്‍ നേതൃത്വം നല്കി.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
