മസ്കറ്റ് : ഒമാനില്‍ ഈദുല്‍ഫിത്വര്‍ അവധി ദിനങ്ങള്‍ പ്രഖ്യാപിച്ചു. ഈ മാസം 18 മുതല്‍ 22 വരെ അഞ്ചു ദിവസ മാണ് സര്‍ക്കാര്‍ മേഖലക്ക് അവധി, സ്വകാര്യ മേഖലക്ക് 18 മുതല്‍ 21 വരെ നാലു ദിവസമാണ് അവധി. ഒപ്പം ലഭിക്കുന്ന വാരാന്ത്യ അവധികള്‍ കൂടി ചേര്‍ത്താല്‍ സര്‍ക്കാര്‍ മേഖലക്ക് ഒമ്പത് ദിവസവും സ്വകാര്യ മേഖലക്ക് ആറ് ദിവസം വരെയും തുടര്‍ച്ചയായി മുടക്കം ആയിരിക്കും.
ദീവാന്‍ ഓഫ് റോയല്‍ കോര്‍ട്ട് മന്ത്രി സയ്യിദ് ഖാലിദ് ബിന്‍ സൗദ് ആല്‍ ബുസൈദി, തൊഴില്‍ മന്ത്രി ശൈഖ് അബ്ദുല്ല ബിന്‍ നാസര്‍ ആല്‍ ബക്രി എന്നിവരാണ് അവധി പ്രഖ്യാപിച്ചത്. സര്‍ക്കാര്‍ മേഖല യിലുള്ളവര്‍ അവധി പൂര്‍ത്തിയാക്കി ഈ മാസം 25ന് ജോലി പുനരാരംഭിച്ചാല്‍ മതി. സ്വകാര്യ മേഖല യിലുള്ളവര്‍ 22ന് ജോലി തുടങ്ങണം.
– അയച്ചു തന്നത് : ബിജു കരുനാഗപ്പള്ളി
മസ്കറ്റ് : ഒമാനിലെ ഖാബൂറക്ക് സമീപം ടാക്‌സി ട്രക്കിലിടിച്ച് കണ്ണൂര്‍ സ്വദേശി മരിച്ചു. രണ്ടു പേര്‍ക്ക് പരിക്കേറ്റു. തളിപറമ്പ് ശ്രീകണ്ഠപുരം നെടിയങ്ങ അയ്യകത്ത് പുതിയ പുരയില്‍ മുഹമ്മദ്കുഞ്ഞിന്റെ മകന്‍ മുസ്തഫയാണ് (31) മരിച്ചത്. ബിദായ യില്‍ കഫ്തീരിയ നടത്തുന്ന ഇദ്ദേഹം ചൊവ്വാഴ്ച വൈകുന്നേരം ഖാബൂറയിലെ ഹൈപ്പര്‍ മാര്‍ക്കറ്റിലേക്ക് പോകവെ യാണ് അപകടം. മുസ്തഫ സഞ്ചരിച്ചിരുന്ന ടാക്‌സി നിയന്ത്രണംവിട്ട് ട്രക്കിലിടിക്കുക യായിരുന്നു എന്ന് ബന്ധുക്കള്‍ പറഞ്ഞു.
