അബുദാബി: യു. എ. ഇ. യിലെ പ്രവാസി കളുടെ സാംസ്കാരിക പ്രവര്‍ത്തന രംഗത്ത്‌ പുതിയ ഒരു അദ്ധ്യായം എഴുതി ചേര്‍ത്തു കൊണ്ട് കേരളാ സോഷ്യല്‍ സെന്റര് തയ്യാറാക്കിയ ഓണസദ്യ യില്‍, സംസ്ഥാന ഭക്ഷ്യ മന്ത്രി സി. ദിവാകരന്‍റെ മഹനീയ സാന്നിദ്ധ്യം പ്രവാസി സമൂഹത്തിന് ഇരട്ടി മധുരമുള്ളതായി തീര്‍ന്നു. അബുദാബിയിലെ തന്നെ മറ്റൊരു ചടങ്ങില്‍ നിന്നും കെ. എസ്. സി. യില്‍ എത്തിച്ചേര്‍ന്ന മന്ത്രി, പ്രവര്‍ത്തകരുടെ സ്നേഹപൂര്‍വ്വമായ നിര്‍ബന്ധത്തിനു വഴങ്ങിയാണ് ഒരു രണ്ടാമൂണിന് തയ്യാറായത്.
ഇന്ത്യന്‍ അംബാസിഡര്‍ എം. കെ. ലോകേഷ് ഉള്‍പ്പെടെ സമൂഹത്തിലെ വിവിധ മേഖല കളിലെ പ്രശസ്തരും, പ്രഗല്‍ഭരും, മറ്റു സംഘടനാ പ്രതിനിധി കളും പങ്കെടുത്ത ഓണ സദ്യക്ക് നേതൃത്വം നല്‍കിക്കൊണ്ട് സെന്റര് പ്രസിഡന്‍റ് കെ. ബി. മുരളി, ജനറല്‍ സിക്രട്ടറി ബക്കര്‍ കണ്ണപുരം, മറ്റു മാനേജിംഗ് കമ്മിറ്റി അംഗങ്ങള്‍, വളണ്ടിയര്‍ ക്യാപ്റ്റന്‍ ബി. ജയകുമാര്‍, വൈസ്‌ ക്യാപ്റ്റന്‍ മോഹന്‍ദാസ്‌, വനിതാ കണ്‍വീനര്‍ പ്രീതാ വസന്ത് എന്നിവര്‍ മുന്‍ നിരയില്‍ ഉണ്ടായിരുന്നു.
അബുദാബി ശക്തി തിയ്യറ്റേഴ്സ്, യുവകലാ സാഹിതി, കല അബുദാബി, നാടക സൌഹൃദം, ഫ്രണ്ട്സ് എ. ഡി. എം. എസ്, ശാസ്ത്ര സാഹിത്യ പരിഷത്ത്‌ തുടങ്ങി അബുദാബിയിലെ അമേച്വര്‍ സംഘടനകളുടെ ഭാരവാഹികളും, സെന്റര് പ്രവര്‍ത്തകരുമായ ഒട്ടനവധി വളണ്ടിയര്‍മാരുടെ ചിട്ടയായ പ്രവര്‍ത്തന ത്തിലൂടെ മറ്റുള്ളവര്‍ക്ക് ഒരു മാതൃകയായി തീര്‍ന്നു ഈ സംരംഭം.
ദുബായ് : ജോസഫ്‌ മാര്‍ത്തോമ്മ മെത്രാപ്പോലീത്ത സമൂഹത്തിനും സഭയ്ക്കും സ്നേഹത്തിന്റെ കരസ്പര്‍ശമായി മാറുന്ന വലിയ ഇടയനാണ് എന്ന് പ്രതിപക്ഷ നേതാവ്‌ ഉമ്മന്‍ ചാണ്ടി അഭിപ്രായപ്പെട്ടു. ദുബായ് മാര്‍ത്തോമ്മ പാരീഷ്‌ തിരുമേനിയുടെ എണ്‍പതാം ജന്മ ദിനത്തോട് അനുബന്ധിച്ച് നടത്തിയ അനുമോദന സമ്മേളനത്തില്‍ മുഖ്യ പ്രസംഗം നടത്തുക യായിരുന്നു ഉമ്മന്‍ ചാണ്ടി.
ദുബായ് : യുവ കലാ സാഹിതി ദുബായ് ഘടകം സംഘടിപ്പിക്കുന്ന പി. കെ. വി. അനുസ്മരണം ജൂലൈ 23 ന് വെള്ളിയാഴ്ച വൈകീട്ട് 4 മണിക്ക് ദുബായ് ക്ലോക്ക് ടവറിലെ വനിസ് ഹോട്ടലില്‍. അനുസ്മരണ സമ്മേളന ത്തോട് അനുബന്ധിച്ച് സെമിനാറും കവിയരങ്ങും സംഘടിപ്പി ച്ചിട്ടുണ്ട്. വിവിധ സംഘടനാ പ്രതിനിധികള്‍ പങ്കെടുക്കും. വിശദ വിവര ങ്ങള്‍ക്ക് ബന്ധപ്പെടുക: 050 140 13 39 (സത്യന്‍ മാറഞ്ചേരി) 055 21 25 739 (വിജയന്‍ നണിയൂര്‍).
ദുബായ് : ദല സംഘടിപ്പിക്കുന്ന സഃ ഇ. എം. എസ്. ജന്മ ശതാബ്ദി ആഘോഷം 2010 ആഗസ്റ്റ് 6ന് രാവിലെ 10 മണി മുതല്‍ രാത്രി 9 വരെ ദുബായ് ഇന്ത്യന്‍ കൗണ്‍സിലേറ്റ് ഹാളില്‍ വെച്ച് നടക്കും. സാഹിത്യ – സാംസ്ക്കാരിക – ദാര്‍ശനിക – രാഷ്ട്രിയ – ചരിത്ര രംഗങ്ങളില്‍ സഃ ഇ. എം. എസ്. നല്‍കിയിട്ടുള്ള വിലപ്പെട്ട സംഭാവനകളെ പറ്റിയുള്ള ചര്‍ച്ചകളും സിമ്പോസിയവും സെമിനാറും ഉണ്ടാവും. ലോകം അറിയപ്പെടുന്ന ചരിത്ര പണ്ഡിതന്‍ ഡോഃ കെ. എന്‍. പണിക്കര്‍, പ്രശസ്ത സാമ്പത്തിക വിദഗ്ധന്‍ കെ. എന്‍. ഹരിലാല്‍, മന്ത്രിമാരും സാമൂഹ്യ – സാമ്പത്തിക – സാംസ്ക്കാരിക രംഗത്തെ മറ്റു പ്രമുഖരും പങ്കെടുക്കും.
