മസ്കറ്റ് : ഒമാനില്‍ റമദാന്‍ മാസ ത്തിലെ പ്രവര്‍ത്തി സമയം പ്രഖ്യാപിച്ചു. സര്‍ക്കാര്‍ സ്ഥാപനങ്ങള്‍, മന്ത്രാലയങ്ങള്‍ എന്നിവ രാവിലെ ഒമ്പത് മുതല്‍ ഉച്ചക്ക് രണ്ടു വരെ അഞ്ച് മണിക്കൂര്‍ മാത്രമായിരിക്കും പ്രവര്‍ത്തിക്കുക. സ്വകാര്യ സ്ഥാപന ങ്ങളില്‍ നോമ്പനുഷ്ഠിക്കുന്ന വിശ്വാസി കള്‍ക്ക് ദിവസം ആറ് മണിക്കൂര്‍ മാത്രമേ ജോലി നല്‍കാന്‍ പാടുള്ളു. ആഴ്ചയില്‍ 30 മണിക്കൂറില്‍ കൂടുതല്‍ ജോലി നല്‍കരുത്. തൊഴില്‍മന്ത്രി ശൈഖ് അബ്ദുല്ല ബിന്‍ നാസര്‍ ആല്‍ബക്രി, ദീവാന്‍ ഓഫ് റോയല്‍ കോര്‍ട്ട് മന്ത്രി സയ്യിദ് ഖാലിദ് ബിന്‍ ഹിലാല്‍ ബിന്‍ സൗദ് ആല്‍ബുസൈദി എന്നിവരാണ് റമദാനിലെ പ്രവര്‍ത്തി സമയം പ്രഖ്യാപിച്ചത്.
-വാര്‍ത്ത അയച്ചത് : ബിജു കരുനാഗപള്ളി
ദുബായ് : ഈ വര്‍ഷം യു. എ. ഇ. യില്‍ നിന്ന് ഉംറ യാത്ര പോകാന്‍ ഉദ്ദേശിക്കുന്നവര്‍ രേഖകള്‍ സമര്‍പ്പിക്കേണ്ട അവസാന തിയ്യതി 2012 ജൂലൈ 15 ആണെന്ന് അല്‍ യര്‍മൂക്ക് ഹജ്ജ് – ഉംറ സര്‍വ്വീസില്‍ നിന്നും അറിയിച്ചു.
