അബുദാബി: സയ്യിദ്‌ മുഹമ്മദലി ശിഹാബ്‌ തങ്ങളുടെ ഓര്‍മ്മ ചിത്രങ്ങള്‍ നിരത്തി അബുദാബി സര്‍ഗ്ഗധാര ഒരുക്കുന്ന ‘ആര്‍ദ്ര മൌനത്തിലേക്കൊരു ജാലകം’ എന്ന ഫോട്ടോ പ്രദര്‍ശനം നവംബര്‍ 5 വൈകീട്ട് 4 .30 ന് അബുദാബി കേരളാ സോഷ്യല്‍ സെന്ററില്.
ചന്ദ്രിക ദിനപ്പത്ര ത്തിന്‍റെ ഫോട്ടോഗ്രാഫര്‍ ഷംസീര്‍, ശിഹാബ്‌ തങ്ങളുടെ കൂടെ നടന്ന് എടുത്തിരുന്ന അപൂര്‍വ്വ ചിത്രങ്ങള്‍ പ്രദര്‍ശിപ്പിക്കുന്ന ഈ പരിപാടിയോടനു ബന്ധിച്ച് സ്കൂള്‍ വിദ്യാര്‍ത്ഥികള്‍ ക്കായി ചിത്ര രചനാ മത്സരവും ഒരുക്കിയിരിക്കുന്നു. അന്നേ ദിവസം ഉച്ച തിരിഞ്ഞ് 3 മണി മുതല്‍ മത്സരം നടക്കും. പങ്കെടുക്കാന്‍ ആഗ്രഹിക്കുന്ന കുട്ടികള്‍ / രക്ഷിതാക്കള്‍, 056 134 70 59 എന്ന നമ്പറിലോ sargadharaabudhabi അറ്റ്‌gmail ഡോട്ട് കോം എന്ന ഇ-മെയില്‍ വിലാസത്തിലോ ബന്ധപ്പെടുക.
കുവൈറ്റ്‌ : കേരള ഇസ് ലാഹി സെന്റര്‍ സാമൂഹ്യ ക്ഷേമ വിഭാഗത്തിന്റെ ആഭിമുഖ്യത്തില്‍ ബലി പെരുന്നാളിനോ ടനുബന്ധിച്ച് കുവൈറ്റിന്റെ വിവിധ ഭാഗങ്ങളിലും കേരളത്തിലും ഉദ്ഹിയത് സംഘടിപ്പിക്കുമെന്ന് സെന്റര്‍ സോഷ്യല്‍ വെല്‍ ഫെയര്‍ സിക്രട്ടറി ഇസ്മായില്‍ ഹൈദ്രോസ് പത്രക്കുറിപ്പില്‍ അറിയിച്ചു. ഈ കര്മത്തിന്റെ നടത്തിപ്പിന്നായി ശബീര്‍ നന്തി ജനറല്‍ കണ്‍വീനറും സക്കീര്‍ കൊയിലാണ്ടി, സുനില്‍ ഹംസ എടക്കര ജോയന്റ് കണ്‍വീനര്‍ മാരുമായി ഒരു കമ്മിറ്റി രൂപീകരിച്ച് പ്രവര്ത്തിച്ചു വരുന്നു. ഒരു ഉരുവിന് 45 ദീനാറാണ് വില കണക്കാക്കി യിട്ടുള്ളത്. ഇത് കൂടാതെ കേരളത്തിലെ തിരഞ്ഞെടുത്ത ചില പ്രദേശങ്ങളിലും നടപ്പാക്കുന്നുണ്ട്. നാട്ടിലേക്കുള്ള ഒരു ഷെയറിന് 15 ദീനാറാണ് കണക്കാക്കിയിട്ടുള്ളത്.
