അബുദാബി : ഇന്ത്യൻ ഇസ്ലാമിക് സെൻ്റർ മതകാര്യ വിഭാഗം സംഘടിപ്പിക്കുന്ന ഖുർആൻ പാരായണ മത്സരം സീസൺ- 3 മാർച്ച് 22, 23, 24 (വെള്ളി, ശനി, ഞായർ) എന്നീ ദിവസങ്ങളിൽ സെൻ്റർ അങ്കണത്തിൽ വെച്ച് നടക്കും. യു. എ. ഇ. യിലെ താമസക്കാരായ ഇന്ത്യക്കാർക്ക് വേണ്ടിയാണ് ഖുർ ആൻ പാരായണ മത്സരം. പ്രമുഖ മത പണ്ഡിതർ വിധി കർത്താക്കൾ ആയിരിക്കും.
പങ്കെടുക്കുവാൻ താല്പര്യമുള്ളവർ 2024 മാർച്ച് 5 നു മുൻപായി പേര് റജിസ്റ്റർ ചെയ്യണം. ജൂനിയർ, സീനിയർ എന്നീ വിഭാഗങ്ങളിലായി നടക്കുന്ന മത്സരങ്ങളിൽ ഭാഗമാവാൻ ഗൂഗിൾ ഫോമി ലൂടെയും റജിസ്റ്റർ ചെയ്യാം. വിജയികൾക്ക് ആകർഷകങ്ങളായ സമ്മാനങ്ങൾ നൽകും.
കൂടുതൽ വിവരങ്ങൾക്ക് 02 642 4488, 055 955 7395, 050 581 0744, 055 824 3574 എന്നീ നമ്പറുകളിൽ ബന്ധപ്പെടാം.
