അബുദാബി: ശക്തി തായാട്ട് അവാര്‍ഡ് – ടി കെ രാമകൃഷ്ണന്‍ പുരസ്കാര സമര്‍പ്പണ ത്തോട് അനുബന്ധിച്ച് ഒക്ടോബര് 19ന് കേരള സോഷ്യല്‍ സെന്ററില്‍ ഗള്‍ഫിലെ എഴുത്തു കാരുടെ ഏകദിന സാഹിത്യ സദസ്സ് സംഘടിപ്പിക്കും.
കേരള സാഹിത്യ അക്കാദമി മുന്‍ സെക്രട്ടറി പ്രൊഫ. എരുമേലി പരമേശ്വരന്‍ പിള്ളയുടെ അദ്ധ്യക്ഷത യില്‍ രാവിലെ 9 ന് ആരംഭിക്കുന്ന സര്‍ഗ സംവാദം പ്രൊഫ. എം കെ സാനു ഉദ്ഘാടനം ചെയ്യും. ‘വിമര്‍ശന സാഹിത്യ ത്തില്‍ അഴീക്കോടിന്റെ ഇടം’ എന്ന വിഷയത്തില്‍ ഡോ. പി എസ് രാധാകൃഷ്ണന്‍ സംസാരിക്കും.
‘എഴുത്തിന്റെ വഴികള്‍, എഴുത്തു കാരന്റെയും’ എന്ന വിഷയത്തിലുള്ള സംവാദ ത്തില്‍ പ്രമുഖ കവി എസ് രമേശന്‍ നായര്‍ വിഷയം അവതരിപ്പിക്കും. തുടര്‍ന്നു നടക്കുന്ന സംവാദ ത്തില്‍ ഡോ. ബി സന്ധ്യ, കാനായി കുഞ്ഞിരാമന്‍, മേലൂര്‍ വാസുദേവന്‍, പ്രൊഫ. വി പാപ്പുട്ടി, വിപിന്‍, എ ശാന്തകുമാര്‍, ടി പി വേണു ഗോപാല്‍ എന്നിവര്‍ സംബന്ധിക്കും.
സാംസ്കാരിക സമ്മേളനം പി കരുണാകരന്‍ എം പി ഉദ്ഘാടനം ചെയ്യും ടി കെ രാമകൃഷ്ണന്‍ അനുസ്മരണ പ്രഭാഷണം പ്രൊഫ. എം കെ സാനുവും തായാട്ട് അനുസ്മരണ പ്രഭാഷണം എസ് രമേശനും നിര്‍വഹിക്കും. സാഹിത്യ സദസ്സി നോട് അനുബന്ധിച്ച് ഗള്‍ഫിലെ എഴുത്തു കാരുടെ പുസ്തക ങ്ങളുടെ പ്രദര്‍ശനവും ഉണ്ടായിരിക്കും.
സംഗമ ത്തില്‍ പങ്കെടുക്കാന്‍ താല്‍പ്പര്യമുള്ളവര്‍ കൂടുതല്‍ വിവരങ്ങള്‍ക്ക് sakthilitrarywing at gmail dot com എന്ന ഇ – മെയില്‍ വിലാസ ത്തിലോ 050 69 21 018 – 055 422 05 14 എന്നീ നമ്പരുകളിലോ ബന്ധപ്പെടുക.
അബുദാബി : കഴിഞ്ഞ 25 വര്‍ഷമായി കേരള ത്തിലെ വിവിധ ജില്ലാ ആസ്ഥാന ങ്ങളില്‍ വെച്ച് നല്‍കി വന്നിരുന്ന അബുദാബി ശക്തി തായാട്ട് അവാര്‍ഡു സമര്‍പ്പണം ഈ വര്‍ഷം ഒക്ടോബര് 19 വെള്ളിയാഴ്ച അബുദാബി യില്‍ നടക്കും. കേരള ത്തിലെ സാമൂഹിക സാഹിത്യ സാംസ്കാരിക രാഷ്ട്രീയ രംഗത്തെ നിരവധി പേര് അവാര്‍ഡ് സമര്‍പ്പണ പരിപാടി യില്‍ സംബന്ധിക്കും.
