ഷാർജ : ക്യാമ്പസ് ഓക്സിന്റെ അദ്യ ഹ്രസ്വ സിനിമയായ ‘ദ ബാക്ക് ഓഫ് ബിയോണ്ട്’ ഷാർജ നാഷണൽ തിയേറ്റർ മിനി ഹാളിൽ പ്രിവ്യു പ്രദർശനം നടത്തുന്നു. സെപ്റ്റംബർ 7 വൈകീട്ട് 7 മണിക്ക് ക്ഷണിക്കപ്പെട്ട സദസിനു മുൻപിൽ നടക്കുന്ന പ്രദർശനത്തിന് ശേഷം സിനിമയെ കുറിച്ച് നടക്കുന്ന പൊതു ചർച്ചയിൽ പ്രമുഖ സാഹിത്യ സാംസ്കാരിക കലാ നിരൂപകർ പങ്കെടുക്കും എന്ന് സംഘാടകർ അറിയിച്ചു.

സുനിൽ കുമാർ സംവിധാനം ചെയ്ത ചിത്രത്തിന്റെ കഥയും തിരക്കഥയും സജിത് കുമാറിന്റേതാണ്. സംഗീതം റോയ്, ക്യാമറ സുമേഷ് കുമാർ, എഡിറ്റിംഗ് ഒമർ ഷെറീഫ്.

ശ്രീനിവാസൻ, നിതിൻ പോളി, കെ. പി. എ. സി. ലളിത, ഹേമന്ത്, ഗൌതമി നായർ എന്നിവർ അണി നിരക്കുന്ന ക്യാമ്പസ് ഓക്സിന്റെ പ്രഥമ ചലചിത്രമായ ചാപ്റ്റേഴ്സ് ഒക്ടോബറിൽ പുറത്തിറങ്ങും.

ഷാര്‍ജ : പ്രവാസ ലോകത്തെ യുവ ചലച്ചിത്ര പ്രതിഭയായ നൌഷാദ് രചനയും സംവിധാനവും നിര്‍വ്വഹിച്ച ദി അണ്‍ ഐഡന്റിഫൈഡ് (The Unidentified), ദി ട്രാപ്പ് (The Trap) എന്നീ ടെലി സിനിമ കളുടെ പ്രിവ്യൂവും സീഡി പ്രകാശനവും ജൂണ്‍ 28 വ്യാഴം വൈകീട്ട് എട്ടു മണിക്ക് ഷാര്‍ജ ഇന്ത്യന്‍ അസോസിയേഷന്‍ ഹാളില്‍ നടക്കും. പ്രത്യേകം ക്ഷണിക്കപ്പെട്ട സദസ്സിലായിരിക്കും ചിത്ര പ്രദര്‍ശനം.

ദുബായിലെ പ്രമുഖ സാംസ്കാരിക പ്രവര്‍ത്തകനും മാധ്യമ പ്രവര്‍ത്തകനുമായ കെ. എ. ജബ്ബാരി അടക്കം നാടക – ടെലിവിഷന്‍ രംഗത്തെ അഭിനേതാക്കള്‍ ഈ ചിത്രങ്ങളില്‍ അഭിനയിച്ചിരിക്കുന്നു.