അബുദാബി : പണം സ്വീകരിച്ചു കൊണ്ട് തെറ്റായ വിവരങ്ങള്, നിയമ വിരുദ്ധമായ ഉള്ളടക്കം തുടങ്ങിയവ പ്രസിദ്ധീകരിക്കുന്നവര്ക്ക് ജയിൽ ശിക്ഷയും 20 ലക്ഷം ദിർഹം പിഴയും ലഭിക്കും എന്ന് പബ്ലിക് പ്രോസിക്യൂഷൻ മുന്നറിയിപ്പ് നൽകി. വ്യാജ വിവരങ്ങൾ പ്രസിദ്ധീകരിക്കുക, അല്ലെങ്കില് പുനഃപ്രസിദ്ധീകരിക്കുക എന്നിവക്ക് നേരിട്ടോ അല്ലാതെയോ പണം കൈപ്പറ്റുന്നതു നിയമ വിരുദ്ധമാണ് എന്നും സാമൂഹിക മാധ്യമങ്ങളിലൂടെ വ്യക്തമാക്കി.
2021ലെ ഫെഡറൽ നിയമത്തിലെ 55-ാം വകുപ്പ് പ്രകാരമാണ് ശിക്ഷ ലഭിക്കുക. കൂടാതെ മേൽ പ്പറഞ്ഞ ഉള്ളടക്കങ്ങൾ അടങ്ങിയ വെബ് സൈറ്റിനു മേൽ നോട്ടം വഹിക്കുകയും അത്തരം പോര്ട്ടലുകള് പരസ്യ പ്രചാരണത്തിന് ഉപയോഗിക്കുന്നവർക്കും ഇതേ പിഴ ലഭിക്കും എന്നും വീഡിയോ സന്ദേശത്തിലൂടെ അധികൃതർ വ്യക്തമാക്കി.
അബുദാബി : ബ്രെസ്റ്റ് ക്യാൻസർ ചികിത്സക്ക് വേണ്ടി പുറത്തിറക്കിയ പുതിയ മരുന്നിന് യു. എ. ഇ. ആരോഗ്യ-രോഗ പ്രതിരോധ മന്ത്രാലയം അംഗീകാരം നല്കി. ട്രിപ്പിള് നെഗറ്റീവ് ബ്രെസ്റ്റ് ക്യാന്സര് (TNBC) തടയുന്നതില് ഏറ്റവും ഫലപ്രദമായ പുതിയ മരുന്നിനാണ് യു. എ. ഇ. ആരോഗ്യ വിഭാഗം അനുമതി നല്കിയിരിക്കുന്നത്.
