 |
 |
 |
 |
 |
 |
 |
 |
 |
 |
 |
 |
 |
 |
അബുദാബി: യുവ കലാ സാഹിതി ഒരുക്കുന്ന യു. എ. ഇ. തല കവിത ക്യാമ്പ് നവംബര്‍ 30 വെള്ളിയാഴ്ച അബുദാബി കേരള സോഷ്യല്‍ സെന്‍ററില്‍ നടക്കും. രാവിലെ പത്തു മണിക്ക് പ്രശസ്ത കവി കുരീപ്പുഴ ശ്രീകുമാര്‍ ക്യാമ്പ് ഉദ്ഘാടനം ചെയ്യും.
കവിത അവലോകനം, ചൊല്ലരങ്ങ്, പുസ്തക പ്രകാശനം എന്നിവ ക്യാമ്പു മായി ബന്ധപ്പെട്ട് നടക്കും.
- pma
വായിക്കുക: യുവകലാസാഹിതി, സാഹിത്യം
ഷാര്‍ജ : യുവ കലാ സാഹിതി ഷാര്‍ജ യൂണിറ്റ് വാര്‍ഷികം ‘യുവകലാസന്ധ്യ12’ എന്ന പേരില്‍ വിപുലമായി ആഘോഷിക്കുന്നു. നവംബര്‍ 15 വ്യാഴാഴ്ച വൈകിട്ട് 6.30 നു ഷാര്‍ജ ഇന്ത്യന്‍ അസോസിയേഷന്‍ ഹാളില്‍ നടക്കുന്ന പരിപാടിയോട് അനുബന്ധിച്ച് നടക്കുന്ന സാംസ്‌കാരിക സമ്മേളനം മുന്‍ എം. എല്‍ എ. കാനം രാജേന്ദ്രന്‍ ഉത്ഘാടനം ചെയ്യും. നോര്‍ക്ക ഡയറക്ടര്‍ ഇസ്മയില് റാവുത്തര്‍ മുഖ്യ അഥിതി ആയി പങ്കെടുക്കും.
പ്രശസ്ത പിന്നണി ഗായകരായ ജി. വേണുഗോപാല്‍, സുനിതാ മേനോന്‍ എന്നിവര്‍ നയിക്കുന്ന ഗാനമേളയും ഉണ്ടായിരിക്കും.
കൂടുതല്‍ വിവരങ്ങള്‍ക്ക് : 050 86 30 603, 050 17 69 065
- pma
വായിക്കുക: യുവകലാസാഹിതി, ഷാര്‍ജ, സംഗീതം
അബുദാബി: അബുദാബി യില്‍ നിന്ന് കൊച്ചി യിലേക്ക് യാത്രക്കാരുമായി പോയ വിമാനം തിരുവനന്തപുരത്ത് ഇറക്കുകയും അടിസ്ഥാന സൌകര്യങ്ങള്‍ നല്‍കാത്തതില്‍ പ്രതിഷേധിച്ച യാത്രക്കാരെ കള്ളകേസില്‍ കുടുക്കാന്‍ ശ്രമിക്കുകയും ചെയ്ത എയര്‍ ഇന്ത്യ ഉദ്യോഗസ്ഥരുടെ നടപടി അത്യന്തം അപലപനീയവും പ്രതിഷേധാര്‍ഹവും ആണെന്ന് യുവ കലാ സാഹിതി യു. എ. ഇ. ജനറല്‍ സെക്രട്ടറി ഇ. ആര്‍. ജോഷിയും പ്രസിഡന്റ് പി. എന്‍. വിനായചന്ദ്രനും പ്രസ്താവിച്ചു.
മുഴുവന്‍ പ്രവാസി സമൂഹവും ഒറ്റക്കെട്ടായി ഈ സംഭവ ത്തില്‍ പ്രതിഷേധിക്കണം എന്ന് യുവ കലാ സാഹിതി ആഹ്വാനം ചെയ്തു.
- pma
വായിക്കുക: പ്രതിഷേധം, യുവകലാസാഹിതി, വിമാനം
റാസല്‍ ഖൈമ : യുവ കലാ സാഹിതി യു. എ. ഇ. യുടെ പുതിയ ഭാരവാഹി കളായി പി. എന്‍. വിനയചന്ദ്രന്‍ (പ്രസിഡന്റ്) സലിം കാഞ്ഞിരവിള, വില്‍സണ്‍ തോമസ് (വൈസ് പ്രസിഡന്റുമാര്‍ ) ഇ. ആര്‍. ജോഷി (ജനറല്‍ സെക്രട്ടറി), പി. ശിവപ്രസാദ്, അഡ്വ. നജിമുദീന്‍ (ജോയിന്റ് സെക്രട്ടറി) വിജയന്‍ നണിയൂര്‍ (ട്രഷറര്‍) എന്നിവരെ തെരഞ്ഞെടുത്തു.
- pma
വായിക്കുക: യുവകലാസാഹിതി
റാസ് അല്‍ ഖൈമ : പ്രവാസി കളുടെ യാത്ര ദുരിത ങ്ങളോടും മറ്റു പ്രശ്‌നങ്ങളോടും മുഖം തിരിഞ്ഞു നില്‍ക്കുന്ന കേന്ദ്ര ഗവണ്മെന്റിന്റെ നിലപാടുകള്‍ക്ക് എതിരെ ശക്തമായ പ്രക്ഷോഭങ്ങള്‍ അനിവാര്യം ആണെന്ന് പ്രവാസി ഫെഡറെഷന്‍ സംസ്ഥാന സെക്രട്ടറിയും സി. പി. ഐ. ദേശീയ നിര്‍വ്വാഹക സമിതി അംഗ വുമായ കെ. ഇ. ഇസ്മയില് പ്രസ്താവിച്ചു. യുവ കലാ സാഹിതി യു. എ. ഇ. സമ്മേളനം മുഗള്‍ ഗഫൂര്‍ നഗറില്‍ (ഇന്ത്യന്‍ പബ്ലിക് സ്‌കൂള്‍) ഉദ്ഘാടനം ചെയ്യുക യായിരുന്നു അദ്ദേഹം.
കേരള ത്തില്‍ നിന്ന് നിരവധി മന്ത്രിമാര്‍ കേന്ദ്ര ഗവണ്‍മെന്റില്‍ പ്രതിനിധികള്‍ ആയിരുന്നിട്ടും കേരള ത്തിലെ പ്രവാസി കളോട് മാത്രമുള്ള ഗവണ്മെന്റിന്റെ ചിറ്റമ്മ നയം നിര്‍ഭാഗ്യകരം ആണെന്ന് അദ്ദേഹം പറഞ്ഞു. കാലങ്ങളായുള്ള യാത്രാ ദുരിതം അനുഭവിക്കുന്ന പ്രവാസി കളോട് കടുത്ത അവഗണന യാണ് രാജ്യത്തിന്‍റെ ദേശീയ വിമാന കമ്പനി യായ എയര്‍ ഇന്ത്യ തുടരുന്നത്.
പാസ്‌പോര്‍ട്ട് പുതുക്കല്‍ നിരക്ക് വര്‍ദ്ധന അടക്കമുള്ള വിഷയ ങ്ങളില്‍ സര്‍ക്കാര്‍ എടുക്കുന്ന നിലപാടുകള്‍ കുറഞ്ഞ വേതനമുള്ള പ്രവാസികളെ ബാധിക്കുമെന്നും അദ്ദേഹം കൂട്ടി ചേര്‍ത്തു. കേരള ത്തിലെ എല്‍. ഡി. എഫ്. സര്‍ക്കാര്‍ കൊണ്ടു വന്ന പ്രവാസി ക്ഷേമ പദ്ധതി കാര്യക്ഷമ മായി നടപ്പാക്കുവാന്‍ യു. ഡി. എഫ്. സര്‍ക്കാരിനു സാധിക്കുന്നില്ല എന്ന് അദ്ദേഹം കുറ്റപ്പെടുത്തി.
നോര്‍ക്ക റൂട്‌സ് ഡയറക്ട്ടര്‍ ഇസ്മയില് റാവുത്തര്‍ മുഖ്യ അഥിതി ആയിരുന്നു. പി. എന്‍. വിനയചന്ദ്രന്‍, സലിം കാഞ്ഞിരവിള, വില്‍സണ്‍ തോമസ് എന്നിവര്‍ അടങ്ങിയ പ്രസീഡിയം സമ്മേളന നടപടികള്‍ നിയന്ത്രിച്ചു.
ഇ. ആര്‍. ജോഷി പ്രവര്‍ത്തന റിപ്പോര്‍ട്ടും പി. എന്‍. വിനയചന്ദ്രന്‍ ഭാവി പ്രവര്‍ത്തന രേഖയും അജിത് വര്‍മ്മ വരവ് ചെലവു റിപ്പോര്‍ട്ടും പി. എം. പ്രകാശന്‍ ക്രഡന്‍ഷ്യല്‍ റിപ്പോര്‍ട്ടും അവതരിപ്പിച്ചു. പൊതു ചര്‍ച്ചയില്‍ അനീഷ് നിലമേല്‍, മുജീബ് റഹ്മാന്‍, പ്രശാന്ത് മണിക്കുട്ടന്‍, ശരവണന്‍, എം. സുനീര്‍, ഷക്കീല സുബൈര്‍, സലിം മുസ്തഫ, രഞ്ജിത് കായംകുളം, മുരളി, പ്രദീപ് പൊന്നാനി, ശിഹാബ് എന്നിവര്‍ പങ്കെടുത്തു.
കൂടംകുളം ആണവ പദ്ധതി ഉപേക്ഷിക്കുക, പ്രവാസി കളോടുള്ള എയര്‍ ഇന്ത്യയുടെ അവഗണന അവസാനിപ്പിക്കുക തുടങ്ങിയ പ്രമേയങ്ങള്‍ സമ്മേളനം അംഗീകരിച്ചു. സ്വാഗത സംഘം കണ്‍വീനര്‍ അഡ്വ. നജ്മുദ്ദീന്‍ സ്വാഗതവും ചെയര്‍മാന്‍ കെ. രഘു നന്ദന്‍ നന്ദിയും പറഞ്ഞു.
- pma
വായിക്കുക: യുവകലാസാഹിതി
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
