 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : യുവ കലാ സാഹിതി യു. എ. ഇ. കമ്മിറ്റി പുറത്തിറക്കുന്ന വാര്‍ഷിക പതിപ്പിലേക്ക് യു. എ. ഇ. യിലെ മലയാളി എഴുത്തു കാരില്‍ നിന്ന് കഥ, കവിത, ലേഖനം, അനുഭവ ക്കുറിപ്പുകള്‍ എന്നിവ ക്ഷണി ക്കുന്നു. സൃഷ്ടികള്‍ നവംബര്‍ 30 നു മുന്‍പ് പോസ്റ്റില്‍ അയക്കണം.
വിലാസം : ഇ. ആര്‍. ജോഷി, പി. ഒ. ബോക്‌സ് : 34621, അബുദാബി, യു. എ. ഇ.
- pma
വായിക്കുക: യുവകലാസാഹിതി, സാഹിത്യം
ദുബായ് : നാടന്‍ പാട്ടിന്റെയും, കളികളുടെയും ആരവങ്ങളും, മുത്തശ്ശി കഥകളുടെ നന്മയും പകര്‍ന്ന കളിവീട് ദുബായിലെ മലയാളി ബാല്യങ്ങള്‍ക്ക്‌ പുതുമയാര്‍ന്ന ഒരു ദിനം സമ്മാനിച്ചു. യുവ കലാ സാഹിതി യു. എ. ഇ. കമ്മിറ്റി യു. എ. ഇ. യുടെ വിവിധ ഭാഗങ്ങളില്‍ സംഘടിപ്പിച്ചിട്ടുള്ള കളിവീടിന്റെ ദുബായ് എഡിഷന്‍ അമ്മ മലയാളത്തിന്റെ നന്മ പകര്‍ന്ന് ദുബായ് അല്‍ യാസ്മീന്‍ ഓഡിറ്റോറിയത്തില്‍ അരങ്ങേറി.
അഭിനയം, ചിത്രകല, നാടന്‍ പാട്ടുകള്‍, നാട്ടുകളികള്‍ എന്നീ മേഖലകള്‍ അധികരിച്ചു നടന്ന ദുബായ് കളിവീട് പ്രശസ്ത കാര്‍ട്ടൂണിസ്റ്റ് സദാനന്ദന്‍ കാരയില്‍ കാര്‍ട്ടൂണ്‍ വരച്ച് ഉദ്ഘാടനം ചെയ്തു. യുവ കലാ സാഹിതി യു. എ. ഇ. ജോയിന്റ് സെക്രട്ടറി വിജയന്‍ നണിയൂര്‍ അദ്ധ്യക്ഷത വഹിച്ചു. യുവ കലാ സാഹിതി യു. എ. ഇ. ജനറല്‍ സെക്രട്ടറി ക്യാമ്പ്‌ രൂപ രേഖ അവതരിപ്പിച്ചു. തുടര്‍ന്ന് സദാനന്ദന്‍ കാരയില്‍, പ്രകാശന്‍ മാസ്റ്റര്‍, ഷാജഹാന്‍ എന്നിവര്‍ നേതൃത്വം കൊടുത്ത വിവിധ ഗ്രൂപ്പുകളായി തിരിഞ്ഞു കുട്ടികള്‍ കളിവീടിന്റെ ഭാഗമായി. വേണുഗോപാല്‍, സതീഷ്‌, ഉദയ് കുളനട, അഭിലാഷ് വി. ചന്ദ്രന്‍, വിനീത് എ. സി. ജലീല്‍ എന്നിവര്‍ നേതൃത്വം കൊടുത്തു. വൈകീട്ട് നടന്ന സമാപന സമ്മേളനം യുവ കലാ സാഹിതി യു. എ. ഇ. പ്രസിഡന്റ് പി. എന്‍. വിനയചന്ദ്രന്‍ ഉദ്ഘാടനം ചെയ്തു. തിയേറ്റര്‍ ദുബായ് കണ്‍വീനര്‍ ഷാജഹാന്‍ ഒറ്റതയ്യില്‍ ആശംസകള്‍ നേര്‍ന്നു. പ്രകാശന്‍ മാസ്റ്ററുടെ നാടന്‍ പാട്ടോടെ കളിവീടിനു പരിസമാപ്തിയായി.
- ജെ.എസ്.
വായിക്കുക: കുട്ടികള്‍, യുവകലാസാഹിതി
ദുബായ് : യുവ കലാ സാഹിതി യു. എ. ഇ. യിലെ വിവിധ എമിറേറ്റു കളില്‍ സംഘടി പ്പിച്ചിരിക്കുന്ന കളിവീടിന്റെ ദുബായ് എഡിഷന്‍ ഒക്ടോബര്‍ 28 വെള്ളിയാഴ്ച ഹോര്‍ലാന്‍സ് ബസ്‌ സ്റ്റേഷന് എതിര്‍ വശത്തുള്ള അല്‍യാസ്മി ബില്‍ഡിങ്ങില്‍ വെച്ച് നടക്കും.
അഭിനയം, ഭാഷ, ചിത്രരചന എന്നീ മേഖല കളെ അധികരിച്ച് സംഘടി പ്പിച്ചിരിക്കുന്ന കളിവീടില്‍ 5 മുതല്‍ 15 വയസ്സു വരെയുള്ള കുട്ടികള്‍ക്ക് പ്രവേശനം സൗജന്യ മായിരിക്കും എന്ന് യുവ കലാ സാഹിതി ദുബായ് യൂണിറ്റ് സെക്രട്ടറി സത്യന്‍ മാറഞ്ചേരി അറിയിച്ചു.
കാര്‍ട്ടൂണിസ്റ്റ് സദാനന്ദന്‍ കാരയില്‍, നാടക പ്രവര്‍ത്തകനും അഭിനേതാവുമായ ഷാജഹാന്‍ ഒറ്റത്തയ്യില്‍, കെ. പി. എ. സി. സജു, പ്രകാശന്‍ മാസ്റ്റര്‍ എന്നിവര്‍ കളിവീടിന് നേതൃത്വം നല്‍കും. കൂടുതല്‍ വിവര ങ്ങള്‍ക്ക് 050 – 677 63 56, 050 – 140 13 39 എന്നീ നമ്പറു കളില്‍ ബന്ധപ്പെടുക.
- pma
വായിക്കുക: കുട്ടികള്‍, യുവകലാസാഹിതി
അബുദാബി: യുവ കലാ സാഹിതി യു. എ. ഇ. കമ്മിറ്റി യുടെ ആഭിമുഖ്യ ത്തില്‍ വിവിധ എമിറേറ്റു കളില്‍ സംഘടിപ്പിക്കുന്ന കളിവീട് 2011 എന്ന കുട്ടികളുടെ ക്യാമ്പിന് അബുദാബി യില്‍ തുടക്കം കുറിച്ചു.
വിവിധ മേഖല കളിലെ പ്രമുഖര്‍ നേതൃത്വം നല്‍കിയ കളിവീട്, ചിത്രകാരന്‍ രാജീവ് ചിത്രം വരച്ച് ഉദ്ഘാടനം ചെയ്തു. യുവ കലാ സാഹിതി വൈസ് പ്രസിഡന്റ് രാജന്‍ ആറ്റിങ്ങല്‍ അദ്ധ്യക്ഷത വഹിച്ചു. ജനറല്‍ സെക്രട്ടറി ഇ. ആര്‍. ജോഷി ക്യാമ്പിനെ ക്കുറിച്ച് വിശദീകരിച്ചു.
അപര്‍ണ സുരേഷിന്‍റെ നാടന്‍ പാട്ടോടെ ആരംഭിച്ച കളിവീട്ടില്‍ ചിത്രകല, മലയാള ഭാഷ, അഭിനയം, ശാസ്ത്രം, സംഗീതം എന്നിങ്ങനെ തരം തിരിച്ച വിവിധ ഗ്രൂപ്പു കളിലായി പരിപാടി കള്‍ നടന്നു.
ജോഷി ഒഡേസ, ഹരീഷ്, പവിത്രന്‍, കെ. പി. എ. സി സജു, മധു പരവൂര്‍, ഇ. പി. സുനില്‍, ലക്ഷ്മണന്‍, നവീന്‍, ദിവ്യവിമല്‍ എന്നിവര്‍ നേതൃത്വം നല്‍കി. നൂറിലേറെ കുട്ടികള്‍ പങ്കെടുത്ത കളിവീട് നാടന്‍ പാട്ടു കളുടെയും കളികളുടേയും സംഗമ വേദിയായി മാറി.
സമാപന സമ്മേളനം കേരള സോഷ്യല്‍ സെന്‍റര്‍ വൈസ് പ്രസിഡന്റ് ബാബു വടകര ഉദ്ഘാടനം ചെയ്തു. പി. ചന്ദ്രശേഖരന്‍ സ്വഗതവും അബൂബക്കര്‍ ചാവക്കാട് നന്ദിയും പറഞ്ഞു. ദിവ്യ വിമലിന്‍റെ നേതൃത്വ ത്തില്‍ ഗാനമേളയും അരങ്ങേറി.
- pma
വായിക്കുക: കുട്ടികള്‍, യുവകലാസാഹിതി
റാസല്‍ ഖൈമ : യുവ കലാ സാഹിതി റാസല്‍ ഖൈമ യുണിറ്റ് രൂപീകരിച്ചു. റാസല്‍ ഖൈമ IRC യില്‍ നടന്ന രൂപീകരണ യോഗം സെന്‍ട്രല്‍ കമ്മിറ്റി പ്രസിഡന്റ് പി. എന്‍. വിനയ ചന്ദ്രന്‍ ഉല്‍ ഘാടനം ചെയ്തു.
ഭാരവാഹി കളായി കെ.രഘു നന്ദനന്‍ (പ്രസിഡന്റ്). എം. ഷാഹുല്‍ ഹമീദ്, എ. അലിയാര്‍ കുഞ്ഞ് (വൈസ് പ്രസിഡണ്ടുമാര്‍), പി. എം. മുഹമ്മദ്‌ ഷാനിക് (സെക്രട്ടറി), ഷാജി, നജീബ് (ജോയിന്റ് സെക്രട്ടറിമാര്‍), ശിഹാബ് (ട്രഷറര്‍) എന്നിവരെ തിരഞ്ഞെടുത്തു.
എം. ഷാഹുല്‍ ഹമീദ് യോഗത്തില്‍ അദ്ധ്യക്ഷത വഹിച്ചു. സെന്‍ട്രല്‍ കമ്മിറ്റി അംഗം അഡ്വ. എ. നജുമുദ്ധീന്‍ പുന്നവിള സ്വാഗതവും പി. എം. മുഹമ്മദ്‌ ഷാനിക് നന്ദിയും പറഞ്ഞു.
- pma
വായിക്കുക: യുവകലാസാഹിതി
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
