അബുദാബി : കേരള സോഷ്യല്‍ സെന്ററിന്റെ ആഭിമുഖ്യത്തില്‍ സംഘടിപ്പിച്ച ആറാമത് ഭരത് മുരളി നാടകോത്സവ ത്തിന്റെ മൂന്നാം ദിവസം, വൈക്കം മുഹമ്മദ്‌ ബഷീറിന്റെ പ്രേമ ലേഖനം അരങ്ങില്‍ എത്തി.

വൈക്കം മുഹമ്മദ്‌ ബഷീര്‍, കഥാ പാത്രമായി രംഗത്ത് വരികയും കഥ യില്‍ ഇടപെടുകയും ചെയ്യുന്ന രീതി യില്‍ ദുബായ് യുവ കലാ സാഹിതി അവതരിപ്പിച്ച നാടകം കാണികളെ ഏറെ ആകര്‍ഷിച്ചു. 1940 കളില്‍ രചിച്ച പ്രേമ ലേഖനം എന്ന കൃതി ഏതു കാല ഘട്ട ത്തിലും പ്രസക്തി ഉള്ള വിഷയമാണ് എന്ന് പ്രേക്ഷക രുടെ പ്രതി കരണ ത്തില്‍ നിന്നും മനസിലാക്കാം.

പ്രേമ ലേഖന ത്തിന് രംഗ ഭാഷ തയ്യാറാക്കിയത് രഘു നന്ദനന്‍. സംവിധാനം സുഭാഷ് ദാസ്. കേശവന്‍ നായരായി എത്തിയ സുഭാഷ് പന്തല്ലൂര്‍, സാറാമ്മയായി വേഷമിട്ട ദേവി സുമ എന്നിവര്‍ കഥാ പാത്ര ങ്ങളായി ജീവിക്കുക യായിരുന്നു.

സോണിയ, ലത്തീഫ് തൊയക്കാവ്, റസാഖ് മാറഞ്ചേരി തുടങ്ങിയ വരാണ് മറ്റ് അഭി നേതാക്കള്‍. സംഗീതം ഷാജിത്ത് വിജു ജോസഫ്, വെളിച്ചം രവീന്ദ്രന്‍ പട്ടേന, നിര്‍മാണ നിയന്ത്രണം അജി കണ്ണൂര്‍, ജോര്‍ബിനോ കാര്‍ലോസ്.

അബുദാബി : കേരള സോഷ്യല്‍ സെന്ററിന്റെ ആഭിമുഖ്യ ത്തില്‍ നടക്കുന്ന ഭരത് മുരളി നാടകോത്സവ ത്തിന്റെ രണ്ടാം ദിവസം യുവ കലാ സാഹിതി അബുദാബി അവതരിപ്പിച്ച കുറ്റവും ശിക്ഷയും എന്ന നാടകം അരങ്ങില്‍ എത്തി.

വിശ്വവിഖ്യാത റഷ്യന്‍ സാഹിത്യ കാരന്‍ ദസ്തോവ്സ്കിയുടെ നോവലിനെ ആസ്പദ മാക്കി ഗോപി കുറ്റിക്കോല്‍ രചനയും സംവിധാനവും നിര്‍വ്വഹിച്ച കുറ്റവും ശിക്ഷയും അവതരണ രീതി കൊണ്ടും നടീനടന്മാരുടെ മികച്ച പ്രകടനം കൊണ്ടും ശ്രദ്ധേയമായി.

ശരീഫ് ചേറ്റുവ, ദേവി അനില്‍, അപര്‍ണ്ണ രാജീവ്, ഈദ് കമല്‍, സിനി ഫൈസല്‍, റഫീഖ് വടകര, ബിജു മുതുമ്മല്‍, വിജീഷ് കാട്ടൂര്‍, ബിജു ഏറയില്‍, ഫിറോസ്, ആരിഫ് പെരുന്താനം, അബിദ് ജിന്ന, സിദ്ദീഖ് പെരിങ്ങോട്ടുകര, ഗഫൂര്‍ കൊണ്ടോട്ടി, വിനോദ് കാഞ്ഞങ്ങാട്, ടോബിന്‍, അമീര്‍ മിര്‍സ, ആസാദ് ഹുസൈന്‍, ഷിബില്‍ ഫൈസല്‍, അഷിത തുടങ്ങി യവര്‍ വേഷപ്പകര്‍ച്ചയേകി.

രവീന്ദ്രന്‍ പട്ടേന (വെളിച്ചം), റഹ്മത്തലി കാതിക്കോടന്‍ (സംഗീതം), ജോഷി ഒഡേസ (രംഗ സജ്ജീകരണം) എന്നിവര്‍ പിന്നണിയില്‍ പ്രവര്‍ത്തിച്ചു.

ഡിസംബര്‍ 19 വെള്ളിയാഴ്ച രാത്രി 8.30ന് നാടകോത്സ ത്തില്‍ മൂന്നാം നാടകം ‘പ്രേമലേഖനം’ ദുബായ് യുവ കലാ സാഹിതി അവതരിപ്പിക്കും.