മൂന്നു പതിറ്റാണ്ട് പിന്നിട്ട പ്രവാസികളെ ആദരിച്ചു

December 25th, 2013

ഉമ്മുല്‍ ഖുവൈന്‍ : മലപ്പുറം ജില്ലയിലെ പെരിന്തല്‍മണ്ണ പാതായ്ക്കര നിവാസി കളുടെ യു. എ. ഇ. യിലെ കൂട്ടായ്മ ‘പാതായ്ക്കര പ്രവാസി സംഘം‘ ഒരുക്കിയ കുടുംബ സംഗമ ത്തില്‍ മൂന്നു പതിറ്റാണ്ട് പിന്നിട്ട പ്രവാസികളെ ആദരിച്ചു.

പാതായ്ക്കര പ്രദേശത്തു നിന്നും യു. എ. ഇ. യില്‍ എത്തി മുപ്പതു വര്‍ഷം ജോലി ചെയ്ത കുന്നത്ത് ഹംസ, എം. ടി. ഷംസുദ്ദീന്‍, കുന്നത്ത് അബു, കുറ്റീരി മുസ്തഫ, സി. മൊയ്തീന്‍ കുട്ടി, കുന്നത്ത് അബ്ദു ഹാജി, പൊതിയില്‍ മുഹമ്മദ് എന്നീ ഏഴു പ്രവാസി കളെയാണ് ആദരിച്ചത്.

ഉമ്മുല്‍ ഖുവൈന്‍ ഇന്ത്യന്‍ അസോസിയേഷന്‍ സംഘടിപ്പിച്ച യു. എ. ഇ. ദേശീയ ദിനാഘോഷ പരിപാടി കളില്‍ പങ്കെടുത്ത് വിജയിച്ച പാതായ്ക്കര പ്രവാസി സംഘം അംഗ ങ്ങളുടെ കുട്ടി കള്‍ക്ക് സമ്മാന ങ്ങളും വിതരണം ചെയ്തു. പ്രവാസി സംഘം പ്രസിഡന്റ് കുന്നത്ത് അബൂബക്കര്‍ അദ്ധ്യക്ഷത വഹിച്ചു.

ഉമ്മുല്‍ ഖുവൈനില്‍ നടത്തിയ സെവന്‍സ് ഫുട്ബോള്‍ ടൂര്‍ണ്ണ മെന്റിന്റെ വിലയിരുത്തലും യോഗ ത്തില്‍ വെച്ച് നടന്നു. സെക്രട്ടറി മേലെതില്‍ ആഷിക് സ്വാഗതവും ട്രഷറര്‍ എം. സൈതലവി നന്ദിയും പറഞ്ഞു.

- കറസ്പോണ്ടന്റ്

വായിക്കുക: , ,

Comments Off on മൂന്നു പതിറ്റാണ്ട് പിന്നിട്ട പ്രവാസികളെ ആദരിച്ചു

മോഹന്‍ എസ്. വെങ്കിട്ടിന് ‘ഭാരത് ഗൗരവ് അവാര്‍ഡ്’

December 16th, 2013

ദുബായ് : ‘ഇന്ത്യ ഇന്‍റര്‍നാഷണല്‍ ഫ്രണ്ട്ഷിപ്പ് സൊസൈറ്റി’ യുടെ ‘ഭാരത് ഗൗരവ് അവാര്‍ഡി’ന് കോഴിക്കോട് ജില്ലാ പ്രവാസി അസോസി യേഷന്‍ പ്രസിഡന്‍റ് മോഹന്‍ എസ്. വെങ്കിട്ട് അര്‍ഹനായി.

ബിസിനസ്, സാമൂഹിക സേവന രംഗ ങ്ങളില്‍ പ്രവാസി എന്ന നില യിലെ മികവ് പരിഗണി ച്ചാണ് അവാര്‍ഡ്.

ദുബായ് പ്രിയദര്‍ശിനി മുന്‍ പ്രസിഡന്‍റ്, അക്കാഫ് മുന്‍ സെക്രട്ടറി, ഗുരുവായൂരപ്പന്‍ കോളേജ് പൂര്‍വ വിദ്യാര്‍ഥി സംഘടനാ സ്ഥാപക പ്രസിഡന്‍റ് എന്നീ നില കളില്‍ പ്രവര്‍ത്തിച്ചിട്ടുണ്ട്.

തൃശ്ശൂര്‍ ചേലക്കര സ്വദേശി ഷീല യാണ് ഭാര്യ. അക്ഷയ്, അഭിഷയ് എന്നിവര്‍ മക്കളാണ്. ഇന്ത്യാ ഗവണ്‍മെന്‍റിന്റെ ‘പ്രവാസി ഭാരതീയ ദിവസി’ നോട് അനുബന്ധിച്ച് ജനവരി ഒമ്പതിനു ഡല്‍ഹി യില്‍ സംഘടി പ്പിക്കുന്ന ഗ്ലോബല്‍ ഫ്രണ്ട്ഷിപ്പ് ഡേ യുടെ വേദി യില്‍ അവാര്‍ഡ് സമ്മാനിക്കും.

- കറസ്പോണ്ടന്റ്

വായിക്കുക: , ,

Comments Off on മോഹന്‍ എസ്. വെങ്കിട്ടിന് ‘ഭാരത് ഗൗരവ് അവാര്‍ഡ്’

മലയാളി യുവാവിന് ദുബായ് പോലീസിന്റെ ആദരം

December 15th, 2013

ദുബായ് : പോലീസിന് നൽകിയ സേവന ത്തെ അംഗീ കരിച്ച് മലയാളി യുവാവിന് ദുബായ് പോലീസിന്റെ ആദരവ്.

ദുബായ് ഇന്റർനെറ്റ് സിറ്റി യിൽ ജോലി ചെയ്യുന്ന തൃശൂർ ജില്ലയിലെ ചാവക്കാട് പുന്ന അമ്പലത്ത് വീട്ടിൽ ഉമ്മർഹാജി യുടേയും ലൈല യുടെയും മകനായ ഫാറൂഖ് ആണ് ദുബായ് ഗവണ്മെന്റിന്റെ അവാർഡിന് അർഹ നായത്.

ദുബായ് പോലീസിന്റെ സൈബർ സെല്ലിന് നൽകിയ സേവന പ്രവർത്തനം അംഗീകരിച്ച് നൽകിയ സർട്ടി ഫിക്കറ്റും,ഗിഫ്റ്റു കളുമാണ് ദുബായ് ജുമേര യിൽ നടന്ന ചടങ്ങിൽ ദുബായ് പോലീസ് ജനറലിൽ നിന്ന് ഫാറൂഖ് ഏറ്റ് വാങ്ങിയത്.

യു. എ. ഇ. യിലെ ചാവക്കാട് പ്രവാസി ഫോറം എന്ന സംഘടന യുടെ ചാരിറ്റി വിഭാഗം കൺ വീനറായ ഇദ്ദേഹം ആറ് വർഷ മായി ദുബായിൽ ജോലി ചെയ്യുന്നു. ഹിൽഫത്ത് ആണ് ഭാര്യ. സൈറ മകളാണ്.

- കറസ്പോണ്ടന്റ്

വായിക്കുക: , , ,

Comments Off on മലയാളി യുവാവിന് ദുബായ് പോലീസിന്റെ ആദരം

നെൽസൺ മണ്ടേല അന്തരിച്ചു

December 6th, 2013

nelson-mandela-epathram

ജൊഹാന്നെസ്ബർഗ് : വർണ്ണ വിവേചനത്തിനെതിരെ ലോക മനഃസാക്ഷിയെ തന്റെ കൂടെ നിർത്തി പോരാടുകയും ഇനി ഒരിക്കലും തങ്ങളെ കൈവിടാൻ ഇട നൽകാത്തവണ്ണം സമത്വ സുന്ദര ഭാവി ഒരു ജനതയ്ക്ക് പ്രാപ്യമാക്കുകയും ചെയ്ത മുൻ ദക്ഷിണാഫ്രിക്കൻ പ്രസിഡണ്ട് നെൽസൺ മണ്ടേല അന്തരിച്ചു. ശ്വാസകോശ സംബന്ധമായ അസുഖത്തെ തുടർന്ന് ഏറെ നാളായി ചികിൽസയിൽ ആയിരുന്ന അദ്ദേഹം ജൊഹാന്നസ്ബർഗിലെ സ്വവസതിയിൽ വെച്ചാണ് ജീവൻ വെടിഞ്ഞത്. സംസ്കാരം അടുത്ത ശനിയാഴ്ച നടക്കും.

തന്റെ ജന്മനാട്ടിന്റെ സ്വാതന്ത്ര്യത്തിനായുള്ള പോരാട്ടത്തിനിടെ തടവിലാക്കപ്പെട്ട മണ്ടേല 27 വർഷം ജയിൽ വാസം അനുഭവിച്ചു. അനീതിക്കെതിരെയുള്ള പോരാട്ടത്തിന്റെ ആഗോള ബിംബമായി മാറിയ മണ്ടേലയുടെ വിടുതലിനായുള്ള മുറവിളി ലോകമെമ്പാടുമുള്ള യുവാക്കൾ പിന്നീട് ഏറ്റെടുക്കുകയുണ്ടായി.

1990ൽ ജയിൽ മോചിതനായ മണ്ടേലയെ ഇന്ത്യ പരമോന്നത ബഹുമതിയായ ഭാരത രത്ന നൽകി ആദരിച്ചു. 1993ൽ നെൽസൺ മണ്ടേലയ്ക്ക് സമാധാനത്തിനായുള്ള നൊബേൽ പുരസ്കാരം ലഭിച്ചു.

ജനാധിപത്യത്തിൽ അധിഷ്ഠിതമായ ഒരു സ്വതന്ത്ര രാഷ്ട്രമാണ് എന്റെ സ്വപ്നം. സമാധാനത്തോടെ തുല്യ അവസരങ്ങളോടെ സഹവസിക്കുന്ന ഒരു ജനത എന്ന ലക്ഷ്യത്തിനായി ജീവിക്കാനാണ് എന്റെ അഗ്രഹം. എന്നാൽ ഈ ആദർശത്തിനായി മരിക്കുവാനും ഞാൻ തയ്യാറാണ് – 1964ൽ തനിക്കെതിരെ രാജ്യദ്രോഹ കുറ്റം ചുമത്തി നടത്തിയ വിചാരണ വേളയിൽ മണ്ടേല പറഞ്ഞ വാക്കുകളാണിത്.

- ജെ.എസ്.

വായിക്കുക: , , ,

Comments Off on നെൽസൺ മണ്ടേല അന്തരിച്ചു

എക്സ്പോ 2020 ദുബായിൽ

November 27th, 2013

dubai-expo-2020

ദുബായ് : ഏറെ പ്രതീക്ഷകളോടെ ലോകം ഉറ്റു നോക്കിയ തെരഞ്ഞെടുപ്പിന് ഒടുവിൽ എക്സ്പോ 2020ന് ആതിഥേയം വഹിക്കാൻ ദുബായ് നഗരം അർഹമായി. മൂന്ന് വട്ടം നടന്ന തെരഞ്ഞെടുപ്പിന്റെ അവസാന ഘട്ടത്തിൽ 116 വോട്ടുകൾ ലഭിച്ചാണ് ദുബായ് റഷ്യയെ പുറന്തള്ളി അസൂയാവഹമായ ഈ നേട്ടം കൈവരിച്ചത്.

- ജെ.എസ്.

വായിക്കുക: ,

Comments Off on എക്സ്പോ 2020 ദുബായിൽ

Page 83 of 86« First...102030...8182838485...Last »

« Previous Page« Previous « ദോഹയിൽ ‘സ്നേഹ സംഗമം – 2013’ വെള്ളിയാഴ്ച
Next »Next Page » യൂണിവേഴ്സല്‍ ആശുപത്രി ദേശീയ ദിന ത്തില്‍ തുറന്നു കൊടുക്കും »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha