 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : കേരളാ സോഷ്യൽ സെൻറർ സംഘടിപ്പിക്കുന്ന പതിമൂന്നാമത് ഭരത് മുരളി നാടകോത്സവത്തിൽ ശക്തി തീയ്യറ്റേഴ്സ് അബുദാബി അവതരിപ്പിക്കുന്ന നാടകം ‘അബദ്ധങ്ങളുടെ അയ്യരു കളി’ യുടെ ആദ്യ പോസ്റ്റർ പ്രകാശനം പ്രശസ്ത എഴുത്തു കാരനും വയലാർ അവാർഡ് ജേതാവുമായ അശോകൻ ചെരുവിൽ, പ്രമുഖ കവിയും ഗാന രചയിതാവുമായ റഫീഖ് അഹമ്മദ് എന്നിവർ ചേർന്നു നടത്തി.
പ്രസിഡണ്ട് കെ. വി. ബഷീർ, ജനറൽ സെക്രട്ടറി സിയാദ്, കലാ വിഭാഗം സെക്രട്ടറിമാരായ അജിൻ, സൈനു എന്നിവർ സംസാരിച്ചു. Face Book
- pma
വായിക്കുക: നാടകം, ശക്തി തിയേറ്റഴ്സ്, സംഘടന
അബുദാബി : ശക്തി തിയ്യറ്റേഴ്‌സ് സാഹിത്യ വിഭാഗം കേരളാ സോഷ്യൽ സെൻ്ററിൽ വയലാർ ചെറുകാട് അനുസ്മരണം സംഘടിപ്പിച്ചു. മലയാളത്തിലെ ഉത്തരാധുനിക കവിയും കേരള സാഹിത്യ അക്കാദമി അവാർഡ് ജേതാവുമായ പി. എൻ. ഗോപീ കൃഷ്ണൻ അനുസ്മരണ പ്രഭാഷണം നടത്തി.
പ്രസിദ്ധീകരിച്ച് 50 വർഷം തികയുന്ന ചെറുകാടിൻ്റെ ആത്മകഥ ‘ജീവിത പ്പാത’ കേരള ചരിത്രത്തിൻ്റെ ഒരു പഠനമാണ് എന്നുംഅദ്ദേഹം ഓർമ്മപ്പെടുത്തി.
ചെറുകാടിൻ്റെ ‘മുത്തശ്ശി’ എന്ന ചെറുകഥയുടെ വായന അനുഭവം ദീപ അനീഷ് പങ്കു വെച്ചു. കെ. എസ്. സി. യുടെ ലൈബ്രറി ഫെസ്റ്റിവലിലേക്കു ശക്തി അവാർഡ് കൃതികൾ കൈമാറി. ശക്തി നാദിസിയ മേഖല സംഘടിപ്പിച്ച സാഹിത്യ രചന മത്സരങ്ങളുടെ വിജയികൾക്കുള്ള സമ്മാനദാനം പി. എൻ. ഗോപീ കൃഷ്ണൻ നിർവ്വഹിച്ചു.
ശക്തി പ്രസിഡണ്ട് കെ. വി. ബഷീർ അദ്ധ്യക്ഷത വഹിച്ചു. എ. എൽ. സിയാദ് സ്വാഗതം പറഞ്ഞു. സാഹിത്യ വിഭാഗം സെക്രട്ടറി ഷെറിൻ വിജയൻ മുഖ്യ അതിഥിയെ സദസ്സിന് പരിചയപ്പെടുത്തി. അസിസ്റ്റന്റ് സാഹിത്യ വിഭാഗം സെക്രട്ടറി റെജിൻ നന്ദി പറഞ്ഞു.
- pma
വായിക്കുക: remembering, ശക്തി തിയേറ്റഴ്സ്, സംഘടന, സാംസ്കാരികം, സാഹിത്യം
അബുദാബി : പ്രവാസി വിമാന യാത്രാ നിരക്ക്, പ്രവാസി വോട്ടവകാശം തുടങ്ങിയ സുപ്രധാന വിഷയങ്ങൾ മുൻ നിർത്തി അബുദാബി സംസ്ഥാന കെ. എം. സി. സി. യുടെ നേതൃത്വത്തിൽ ഡിസംബർ അഞ്ചിന് ഡൽഹിയിൽ സംഘടിപ്പിക്കുന്ന ‘ഡയസ്പോറ സമ്മിറ്റ് ഇൻ ഡൽഹി’ യുടെ യു. എ. ഇ. തല പ്രചരണ കൺവെൻഷൻ നവംബർ 6 ബുധനാഴ്ച വൈകുന്നേരം 8.30 നു അബുദാബി ഇന്ത്യൻ ഇസ്ലാമിക് സെൻ്റർ അങ്കണത്തിൽ നടക്കും. മുപ്പതിൽപ്പരം പ്രവാസി കൂട്ടായ്മകളുടെ സഹകരണത്തോടെയാണ് പരിപാടി സംഘടിപ്പിക്കുന്നത്.
ഡൽഹിയിൽ നടക്കുന്ന സമ്മിറ്റിൽ കേരളത്തിൽ നിന്നുള്ള എം. പി. മാർ, മന്തിമാർ തുടങ്ങിയവർ പങ്കെടുക്കും. കഴിഞ്ഞ ആഗസ്റ്റിൽ നടത്തുവാൻ തീരുമാനിച്ച ഡയസ്പോറ സമ്മിറ്റ് എന്ന പരിപാടി, വയനാട് ദുരന്ത പശ്ചാത്തലത്തില്‍ ഡിസംബറിലേക്ക് മാറ്റി വെക്കുകയായിരുന്നു.
- pma
വായിക്കുക: air-india, expat, nri, social-media, ഇന്ത്യന്‍ കോണ്സുലേറ്റ്, ഇന്ത്യന്‍ സോഷ്യല്‍ സെന്റര്‍, കെ.എം.സി.സി., കേരള രാഷ്ട്രീയ നേതാക്കള്‍, കേരള സോഷ്യല്‍ സെന്റര്‍, തൊഴിലാളി, പ്രതിഷേധം, പ്രവാസി, മലയാളി സമാജം, ശക്തി തിയേറ്റഴ്സ്, സംഘടന
അബുദാബി : രാജ്യത്തിൻ്റെ സമ്പദ് വ്യവസ്ഥ ഉലയാതെ പിടിച്ചു നിര്‍ത്തുന്നതില്‍ മുഖ്യ പങ്ക് വഹിക്കുന്ന പ്രവാസി സമൂഹം വിമാന ടിക്കറ്റ് നിരക്കിൻ്റെ പേരില്‍ വേട്ടയാടപ്പെടുന്നത് നീതീകരിക്കുവാൻ ആവുന്നതല്ല എന്ന് പാണക്കാട് സയ്യിദ് മുനവ്വറലി ശിഹാബ് തങ്ങള്‍. കെ. എം. സി. സി. യുടെ ‘ഡയസ്പോറ സമ്മിറ്റ് ഇന്‍ ഡല്‍ഹി’ യുടെ പ്രഖ്യാപന-പ്രചാരണ കണ്‍വെന്‍ഷന്‍ അബുദാബി ഇന്ത്യൻ ഇസ്ലാമിക് സെൻ്ററില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
പ്രവാസികള്‍ ഓരോ രാജ്യത്തിൻ്റെയും നട്ടെല്ലാണ്. ജീവിതം തേടി രാജ്യം വിടുന്ന പ്രവാസിയുടെ ഓരോ നിമിഷങ്ങളിലെ ജീവിതത്തിലും ജനിച്ചനാടും ബന്ധു മിത്രാദികളും നിറഞ്ഞു നില്‍ക്കുന്നു. വര്‍ഷത്തില്‍ ഒരിക്കല്‍ നാടണയാനുള്ള അവരുടെ ആഗ്രഹത്തെ വിമാന ക്കമ്പനികള്‍ ചൂഷണം ചെയ്യുന്നത് അന്യായമാണ് എന്നും തങ്ങള്‍ പറഞ്ഞു.
പലർക്കും ഒരു വര്‍ഷത്തെ സമ്പാദ്യം മുഴുവനും വിമാന ടിക്കറ്റിനായി ചെലവഴിക്കേണ്ട അവസ്ഥ വരെയുണ്ട്. ഈ സ്ഥിതി മാറേണ്ടത് അനിവാര്യമാണ്. ഈ ആവശ്യം ഉന്നയിച്ച് അബുദാബിയിലെ പ്രവാസി സംഘടനകള്‍ ഒരുക്കുന്ന ഈ മുന്നേറ്റം മാതൃകാപരമാണ്.
അതുപോലെ തന്നെയാണ് പ്രവാസി വോട്ടവകാശവും. പ്രവാസികളുടെ ദീര്‍ഘകാലത്തെ ആവശ്യമാണത്. ജനാധിപത്യപരവും ഭരണഘടനാ പരവുമായ അവകാശമാണ് ഒരു പൗരൻ്റെ വോട്ടവകാശം. പ്രവാസി ആയതു കൊണ്ടു മാത്രം അത് നിഷേധിക്കപ്പെടുന്നത് ശരിയല്ല എന്നും ഈ പോരാട്ടത്തില്‍ പ്രവാസികള്‍ ഒറ്റക്കെട്ടായി നില കൊള്ളണം എന്നും മുനവ്വറലി തങ്ങള്‍ പറഞ്ഞു.
വിമാന യാത്രാ നിരക്ക്, പ്രവാസി വോട്ടവകാശം തുടങ്ങിയ വിഷയങ്ങള്‍ ഉയര്‍ത്തി 2024 ഡിസംബര്‍ 5 ന് വൈകുന്നേരം 6 മണിക്ക് ഡല്‍ഹി കോണ്‍സ്റ്റിറ്റ്യുഷന്‍ ക്ലബ്ബ് ഹാളില്‍ സംഘടിപ്പിക്കുന്ന ഡയസ്പോറ സമ്മിറ്റില്‍ എം. പി. മാരും മന്ത്രിമാരും പങ്കെടുക്കും.
അബുദാബി-ഡല്‍ഹി കെ. എം. സി. സി. കളുടെ നേതൃത്വത്തില്‍ യു. എ. ഇ. യിലെ മുപ്പതോളം പ്രവാസി കൂട്ടായ്മകളുടെ ആഭിമുഖ്യത്തിലാണ് സമ്മിറ്റ് ഒരുക്കുക. കഴിഞ്ഞ ആഗസ്റ്റിൽ നടത്തുവാൻ തീരുമാനിച്ച ഡയസ്പോറ സമ്മിറ്റ് എന്ന പരിപാടി, വയനാട് ദുരന്ത പശ്ചാത്തലത്തില്‍ ഡിസംബറിലേക്ക് മാറ്റി വെക്കുകയായിരുന്നു.
പ്രഖ്യാപന പ്രചാരണ കണ്‍വെന്‍ഷനില്‍ എം. വിന്‍സെന്റ് എം. എല്‍. എ. മുഖ്യ പ്രഭാഷണം നിര്‍വ്വഹിച്ചു. ഇസ്ലാമിക് സെൻ്റർ വൈസ് പ്രസിഡണ്ട് വി. പി. കെ അബ്ദുല്ല, ഇന്‍കാസ് സെന്‍ട്രല്‍ കമ്മിറ്റി വര്‍ക്കിംഗ് പ്രസിഡണ്ട് ബി. യേശു ശീലന്‍, സലീം ചിറക്കല്‍ എന്നിവർ സംസാരിച്ചു.
അബുദാബി കെ. എം. സി. സി. പ്രസിഡണ്ട് ഷുക്കൂറലി കല്ലിങ്ങൽ അദ്ധ്യക്ഷത വഹിച്ചു. ജനറല്‍ സെക്രട്ടറി സി. എച്ച്. യൂസുഫ് സ്വാഗതവും സെക്രട്ടറി ടി. കെ. സലാം നന്ദിയും പറഞ്ഞു. സാമൂഹ്യ സാംസ്കാരിക പ്രവർത്തകരും വിവിധ സംഘടനാ സാരഥികളും സംബന്ധിച്ചു.
- pma
വായിക്കുക: air-india, incas, inl-imcc-uae, social-media, അബുദാബി, ഇന്ത്യന്‍ സോഷ്യല്‍ സെന്റര്‍, കല അബുദാബി, കെ.എം.സി.സി., കേരള രാഷ്ട്രീയ നേതാക്കള്‍, കേരള സോഷ്യല്‍ സെന്റര്‍, തൊഴിലാളി, പൂര്‍വ വിദ്യാര്‍ത്ഥി, പ്രതിഷേധം, പ്രവാസി, മലയാളി സമാജം, യുവകലാസാഹിതി, വിമാനം, ശക്തി തിയേറ്റഴ്സ്, സാമൂഹ്യ-സേവനം
അബുദാബി : വയനാട് മേപ്പാടി ഗ്രാമ പഞ്ചായ ത്തിലെ മുണ്ടക്കൈ, ചൂരല്‍ മല, വെള്ളാര്‍ മല, പുഞ്ചിരി മറ്റം എന്നീ ഗ്രാമങ്ങളിലെ ഉരുള്‍ പൊട്ടലില്‍ ദുരിതം അനുഭവിക്കുന്നവര്‍ക്കും നാമാവശേഷമായ ഗ്രാമങ്ങളെ പുനഃസ്ഥാപിക്കുന്നതിനും വേണ്ടി മുഖ്യ മന്ത്രിയുടെ ദുരിതാശ്വാസ നിധിയിലേക്ക് അടിയന്തിര സഹായ മായി ആദ്യഗഡു എന്ന നിലയില്‍ കേരള സോഷ്യൽ സെൻ്ററിൻ്റെ നേതൃത്വത്തിൽ പത്ത് ലക്ഷം രൂപ സംഭാവന നൽകും.
കേരള സോഷ്യൽ സെൻ്റർ അങ്കണത്തിൽ വിളിച്ചു ചേര്‍ത്ത മലയാളി സംഘടനകളുടെ സംയുക്ത യോഗമാണ് ഈ തീരുമാനം എടുത്തത്. മുപ്പതോളം സംഘടനാ പ്രതിനിധികള്‍ യോഗത്തില്‍ പങ്കെടുത്തു.
കേരള സര്‍ക്കാര്‍ നടത്തുന്ന ദുരിതാശ്വാസ പ്രവര്‍ത്തനവും അതിന്റെ ഏകോപനവും അഭിനന്ദാര്‍ഹമാണ്. സ്വന്തം ജീവന്‍ പോലും പണയം വെച്ച് രക്ഷാ പ്രവര്‍ത്തനങ്ങളില്‍ ഏര്‍പ്പെട്ടിരിക്കുന്ന സൈനികര്‍ അടക്കമുള്ള രക്ഷാ പ്രവര്‍ത്തകരെ അഭിവാദ്യം ചെയ്യുന്നതായും ജീവന്‍ പൊലിഞ്ഞവരുടെ വേര്‍ പാടില്‍ അനുശോചനം രേഖപ്പെടുത്തി.
കെ. എസ്. സി. ആക്ടിംഗ് പ്രസിഡണ്ട് ആര്‍. ശങ്കർ അദ്ധ്യക്ഷത വഹിച്ചു. മീഡിയ സെക്രട്ടറി ധനേഷ് കുമാര്‍ അനുശോചന പ്രമേയം അവതരിപ്പിച്ചു. ജനറല്‍ സെക്രട്ടറി നൗഷാദ് യൂസഫ് സ്വാഗതവും സെക്രട്ടറി പ്രകാശ് പല്ലികാട്ടില്‍ നന്ദിയും പറഞ്ഞു. FB PAGE
- pma
വായിക്കുക: അബുദാബി, ഇന്ത്യന്‍ സോഷ്യല്‍ സെന്റര്‍, കേരള സോഷ്യല്‍ സെന്റര്‍, ജീവകാരുണ്യം, തൊഴിലാളി, പൂര്‍വ വിദ്യാര്‍ത്ഥി, പ്രവാസി, മലയാളി സമാജം, യുവകലാസാഹിതി, ശക്തി തിയേറ്റഴ്സ്, സാമൂഹ്യ-സേവനം, സാമ്പത്തികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
