അബുദാബി : പതിമൂന്നാമത് കെ. എസ്. സി. ഭരത് മുരളി നാടകോത്സവത്തോട് അനുബന്ധിച്ച് കേരള സോഷ്യൽ സെന്റർ ഏകാങ്ക നാടക രചനാ മത്സരം സംഘടിപ്പിക്കുന്നു. യു. എ. ഇ. യിലെ പ്രവാസികളായ നാടക രചയിതാക്കൾക്കു പങ്കെടുക്കാം. 30 മിനുട്ട് അവതരണ ദൈർഘ്യമുള്ള രചനകളാണ് പരിഗണിക്കുക.
മൗലിക രചനകൾ ആയിരിക്കണം. ഏതെങ്കിലും കഥ, നോവൽ എന്നിവയെ അധികരിച്ചുള്ള രചനകൾ, മറ്റു നാടകങ്ങളുടെ വക ഭേദങ്ങൾ, വിവർത്തനങ്ങൾ എന്നിവ പാടില്ല. മതം, രാഷ്ട്രീയം എന്നീ വിഷയങ്ങളെ പരാമർശിക്കാത്തതും യു. എ. ഇ. നിയമങ്ങൾക്ക് അനുസൃതം ആയിരിക്കണം.
രചയിതാവിൻ്റെ പേര്, പ്രൊഫൈൽ, പാസ്സ് പോർട്ട്-എമിറേറ്റ്സ് ഐ. ഡി. കോപ്പികൾ എന്നിവ അറ്റാച്ച് ചെയ്ത് 2025 ജനുവരി 10 നു മുൻപായി കേരള സോഷ്യൽ സെന്റർ ഓഫീസിൽ ലഭിക്കണം.
കൂടുതൽ വിവരങ്ങൾക്ക് : 02 631 44 55 (KSC Office), 055 5520683, 050 5806557. e-Mail : kscmails@gmail.com
