ഭരത് മുരളി നാടകോത്സവം ‘മരണ ക്കളി’ അരങ്ങേറി

January 3rd, 2024

kanal-theatre-drama-marana-kkali-ePathram
അബുദാബി : ഭരത് മുരളി നാടകോത്സവത്തിലെ മൂന്നാം ദിനം കനൽ തീയ്യേറ്റർ ദുബായ് അവതരിപ്പിച്ച ‘മരണക്കളി’ ശ്രദ്ധേയമായി. ലോകത്ത് മനുഷ്വത്വ പരമായും സാമ്പത്തികമായും നടക്കുന്ന പ്രതിക്രിയയെ ആക്ഷേപ ഹാസ്യ രൂപേണ അവതരിപ്പിച്ചു കൊണ്ടാണ് പ്രശോഭ് ബാലൻ രചനയും സംവിധാനവും നിർവ്വഹിച്ച ‘മരണക്കളി’ എന്ന നാടകം അരങ്ങിൽ എത്തിച്ചത്.

നേടാൻ ഉള്ള നെട്ടോട്ടത്തിൽ അല്ലെങ്കിൽ മരണ ക്കളിയിൽ നമ്മുടെ മുന്നിൽ ഒരു യാഥാർത്ഥ്യം ഉണ്ട്.
നേട്ടങ്ങൾ കൊയ്ത് കൂട്ടുമ്പോഴും അത്യാഗ്രഹത്തിൽ നാം ചുരുങ്ങിപ്പോകുന്നു അല്ലെങ്കിൽ ഇല്ലാതാകുന്നു എന്ന് നാടകം പറഞ്ഞു വെക്കുന്നു.

സോമൻ പ്രണമിത, വിനോദ് മുള്ളേരിയ, ലെനിൻ പ്രഭാകർ, സുനിൽ കമ്പിക്കാനം, നവീൻ വെങ്ങര, സുമിത്രൻ കാനായി, പ്രശാന്ത് പെരിയാടാൻ, സന്തോഷ് അടുത്തില, പമ്പാ വാസൻ, ഷാജി വട്ടക്കോൽ, അലി അക്ബർ, സന്തോഷ് നിശാഗന്ധി, അർച്ചന പിള്ള, അശ്വതി, രാസ്ന നാലകത്ത്, ലീല ഫൽഗുണൻ, വിനായകൻ, ഉമ, നിവേദ്യ വിനോദ്, നവമി, പ്രമോദ് മാധവൻ, പ്രശാന്ത് കുമാർ എന്നിവർ കഥാപാത്ര ങ്ങൾക്ക് ജീവൻ നൽകി.

രത്നാകരൻ മടിക്കൈ, അനൂപ് പൂന, കളിൻ്റു പവിത്രൻ, ഷാജി കുഞ്ഞി മംഗലം, വചൻ കൃഷ്ണ എന്നിവരാണ് അണിയറയിൽ. KSC FB PAGE

- pma

വായിക്കുക: , , ,

Comments Off on ഭരത് മുരളി നാടകോത്സവം ‘മരണ ക്കളി’ അരങ്ങേറി

പ്ലാസ്റ്റിക് സഞ്ചികൾക്ക് ദുബായിലും നിരോധനം

January 1st, 2024

one-time-use-plastic-bags-banned-in-dubai-ePathramദുബായ് : ഒറ്റത്തവണ ഉപയോഗിക്കാവുന്ന പ്ലാസ്റ്റിക് സഞ്ചികൾക്കും പ്ലാസ്റ്റിക് ഉത്പന്നങ്ങൾക്കും 2024 ജനുവരി ഒന്ന് മുതൽ ദുബായിലും നിരോധനം ഏർപ്പെടുത്തി. ദുബായ് കിരീട അവകാശിയും എക്സിക്യുട്ടീവ് കൗൺസിൽ ചെയർമാനുമായ ശൈഖ് ഹംദാൻ ബിൻ മുഹമ്മദ് ബിൻ റാഷിദ് അൽ മഖ്‌തൂം പ്ലാസ്റ്റിക് നിരോധനം സംബന്ധിച്ച പ്രമേയം പുറത്തിറക്കിയത്.

ഒറ്റത്തവണ ഉപയോഗിക്കാവുന്ന പ്ലാസ്റ്റിക് ഉത്പന്ന ങ്ങളെ ദൈനം ദിന ജീവിതത്തിൽ നിന്നും ഘട്ടം ഘട്ടങ്ങളായി ഒഴിവാക്കി പരിസ്ഥിതി സൗഹൃദ ജീവിത ശൈലി പ്രോത്സാഹിപ്പിക്കുവാൻ കൂടിയാണ് ദുബായ് ലക്ഷ്യമിടുന്നത്.

എന്നാൽ പുനർ ഉപയോഗിക്കാൻ കഴിയുന്ന പ്ലാസ്റ്റിക് ബാഗുകൾക്കും ഭക്ഷണ വിതരണ പാക്കേജിംഗ് സാമഗ്രികൾ, മൽസ്യം, മാംസം, പഴം, പച്ചക്കറി, ധാന്യം, റൊട്ടി എന്നിവ പാക്ക് ചെയ്യാൻ സാധാരണയായി ഉപയോഗിക്കുന്ന നേർത്ത പ്ലാസ്റ്റിക് റോളുകൾക്കും കയറ്റു മതി ചെയ്യുന്ന പ്ലാസ്റ്റിക്കുകൾക്കും നിരോധനം ബാധകമല്ല.

Plastic: ePathram tag

- pma

വായിക്കുക: , , , ,

Comments Off on പ്ലാസ്റ്റിക് സഞ്ചികൾക്ക് ദുബായിലും നിരോധനം

ഭരത് മുരളി നാടകോത്സവം ‘ജീവലത’ അരങ്ങിലെത്തി

December 31st, 2023

al-quoz-theater-drama-jeevalatha-ePathram
അബുദാബി : പന്ത്രണ്ടാമത് ഭരത് മുരളി നാടകോത്സവം രണ്ടാം ദിവസം അൽ ഖൂസ് തിയേറ്റർ അവതരിപ്പിച്ച ജീവലത എന്ന നാടകം അരങ്ങിലെത്തി. എഴുത്തു കാരിയും സാമൂഹ്യ പ്രവർത്തകയുമായ സുധാ മേനോൻ്റെ ‘ചരിത്രം അദൃശ്യമാക്കിയ മുറിവുകൾ’ എന്ന കൃതിയിലെ ‘മീൻ പാടും തേൻ രാജ്യം’ എന്ന അദ്ധ്യായത്തിലെ തമിഴ് – സിംഹള വംശീയ ലഹള യുടെ ഇരയായ ‘ജീവലത’ എന്ന സ്ത്രീ യുടെ അനുഭവ സാക്ഷ്യത്തിനാണ് രംഗ ഭാഷ ഒരുക്കിയത്.

തമിഴ് ഈഴത്തിൻ്റെ മനുഷ്യത്വ വിരുദ്ധ നിലപാടു കളുടെയും അതോടൊപ്പം ഭരണകൂട ക്രൂരത കളുടെയും പ്രതീകമാണ് കൊക്കടിച്ചോല യിലെ ജീവലത എന്ന സ്ത്രീ. വംശീയ കലാപത്തിന്ന് എതിരെയും യുദ്ധത്തിന്ന് എതിരെയും നാടകം ശബ്ദം ഉയർത്തുന്നുണ്ട്. യു. എ. ഇ. യിലെ നാടക പ്രവർത്തകൻ അജയ് അന്നൂർ സംവിധാനം നിർവ്വഹിച്ച ജീവലത യുടെ രചന കെ. യു. മണി.

ദിവ്യ ബാബുരാജ്, വിനയൻ, ഏലിയാസ് പി. ജോയ്, ജിനേഷ്, വൈഷ്ണവി വിനയൻ, അദ്വയ് ദിലീപ്, അവ്യയ് ദിലീപ്, അഞ്ജന രാജേഷ്, അരുൺ പാർത്ഥൻ പ്രധാന വേഷങ്ങൾ കൈകാര്യം ചെയ്തു. FB 

- pma

വായിക്കുക: , , , ,

Comments Off on ഭരത് മുരളി നാടകോത്സവം ‘ജീവലത’ അരങ്ങിലെത്തി

റീബൂട്ട് യുവർ ബിസിനസ്സ് : എഡോക്സി ബിസിനസ്സ് കോൺക്ലേവ് ദുബായിൽ

December 8th, 2023

reboot-your-business-edoxi-conclave-in-dubai-ePathram
ദുബായ് : കോർപ്പറേറ്റ് ട്രെയിനിംഗ് രംഗത്ത് പ്രവർത്തിക്കുന്ന എഡോക്സി (edoxi) ട്രെയിനിംഗ് ഇൻസ്റ്റിറ്റ്യൂട്ട് സംഘടിപ്പിക്കുന്ന ബിസിനസ്സ് കോൺക്ലേവ് ‘റീബൂട്ട് യുവർ ബിസിനസ്സ്’ എന്ന പേരിൽ 2023 ഡിസംബർ 9 ശനിയാഴ്ച രാവിലെ ഒൻപതു മണി മുതൽ ദുബായ് ഹിൽട്ടൺ ഹോട്ടൽ ഡബിൾ ട്രീയിൽ വെച്ച് നടക്കും എന്ന് സംഘാടകർ വാർത്താ സമ്മേളനത്തിൽ അറിയിച്ചു.

ബിസിനസ്സ് പാടവവും തന്ത്രങ്ങളും നവീകരിക്കാൻ ഗൾഫ് നാടുകളിലെ വ്യവസായി കളെയും സംരംഭ കരെയും സഹായിക്കുക എന്ന ലക്ഷ്യത്തോടെ യാണ് കോണ്ക്ലേവ് സംഘടിപ്പിക്കുന്നത്. ഈ മേഖലയിലെ വിദഗ്ദ പരിശീലകൻ ഷമീം റഫീഖ് കോൺക്ലേവ് നയിക്കും.

വ്യവസായ വാണിജ്യ രംഗങ്ങളിലെ വെല്ലു വിളികളെ നേരിടാൻ വ്യവസായികളെയും സംരംഭകരെയും പ്രാപ്തരാക്കുകയാണ് പരിപാടിയിലൂടെ ലക്ഷ്യമിടുന്നത് എന്ന് എഡോക്സി ട്രെയിനിംഗ് ഇൻസ്റ്റിറ്റ്യൂട്ട് സി. ഇ. ഒ. ശറഫുദ്ദീൻ മംഗലാട് വാർത്താ സമ്മേളനത്തിൽ പറഞ്ഞു.

സമാന മനസ്കരുമായി കൈകോർക്കാനും സ്വപ്നങ്ങളും പദ്ധതികളും പങ്കിടാനുമുള്ള വിശിഷ്ടാവാസരം കൂടിയാണ് യു. എ. ഇ. യിലെ സംരംഭകരും ചെറുകിട-ഇടത്തരം ബിസിനസ്സ് സംരംഭങ്ങളുടെ തലവന്മാരും മേഖലയിൽ വിദഗ്ധരുമായ മലയാളികൾക്കു മുന്നിൽ ഒരുങ്ങുന്നത് എന്നും ശറഫുദ്ദീൻ കൂട്ടിച്ചേർത്തു.

രജിസ്‌ട്രേഷനും കൂടുതൽ വിവരങ്ങൾക്കും എഡോക്സി വെബ് സൈറ്റ് സന്ദർശിക്കാം. എഡോക്സി സീനിയർ ബിസിനസ്സ് മാനേജർ മുഹമ്മദ് ഫാസിൽ, ബിസിനസ്സ് അഡ്മിനിസ്ട്രേറ്റർ അഷിത പിള്ള എന്നിവരും വാർത്താ സമ്മേളനത്തിൽ സംബന്ധിച്ചു. FB Page edoxi 

- pma

വായിക്കുക: , , ,

Comments Off on റീബൂട്ട് യുവർ ബിസിനസ്സ് : എഡോക്സി ബിസിനസ്സ് കോൺക്ലേവ് ദുബായിൽ

ദുബായ് മെട്രോ ബ്ലൂ ലൈൻ പദ്ധതിക്ക് അംഗീകാരം നല്കി

November 27th, 2023

dubai-metro-blue-line-ePathram

ദുബായ് : മെട്രോ ബ്ലൂലൈൻ പദ്ധതിക്ക് യു. എ. ഇ. വൈസ് പ്രസിഡണ്ടും പ്രധാന മന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മഖ്‌തൂം അംഗീകാരം നൽകി. 1800 കോടി ദിർഹം ചെലവിൽ 30 കിലോ മീറ്റർ നീളത്തിലാണ് പുതിയ ബ്ലൂ ലൈൻ റെയിൽപ്പാത ഒരുക്കുന്നത്.

നിലവിലെ റെഡ്, ഗ്രീൻ ലൈനുകളുമായി ബന്ധിപ്പിച്ച് നിർമ്മിക്കുന്ന ഇതിന്‍റെ 15.5 കിലോമീറ്റർ പാത ഭൂമിക്ക് അടിയിലും 14.5 കിലോ മീറ്റർ ഉപരി തലത്തിലും ആയിരിക്കും.

ബ്ലൂ ലൈനിലെ മൊത്തം14 സ്റ്റേഷനുകളിൽ അഞ്ചു സ്റ്റേഷനുകൾ ഭൂഗർഭ പാതകളിലൂടെ ബന്ധിപ്പിക്കും. കൂടാതെ ഒരു ഇന്‍റർ ചേഞ്ച് സ്റ്റേഷനും സെന്‍റർ പോയൻര് സ്റ്റേഷനുമായി ബന്ധിപ്പിക്കുന്ന രണ്ട് എലിവേറ്റഡ് ട്രാൻസ്ഫർ സ്റ്റേഷനുകളും ഉണ്ടാവും.

പുതിയ പാതയിലൂടെ മിർദിഫ്, ഇന്‍റർ നാഷണൽ സിറ്റി, ദുബായ് ക്രീക്ക്, അൽ വർഖ, ദുബായ് ഫെസ്റ്റിവൽ സിറ്റി, അക്കാദമിക് സിറ്റി, സിലിക്കൺ ഒയാസിസ് എന്നിവിടങ്ങളിലായി പ്രതിദിനം 3,20,000 യാത്രക്കാർക്ക് മെച്ചപ്പെട്ട യാത്രാ സേവനങ്ങൾ ലഭ്യമാക്കും. 2009 ൽ 10 സ്റ്റേഷനുകളോടെ ആരംഭിച്ച ദുബായ് മെട്രോ 200 കോടി യാത്രക്കാർ ഉപയോഗിച്ചു.  HHShkMohdRTA

- pma

വായിക്കുക: , , ,

Comments Off on ദുബായ് മെട്രോ ബ്ലൂ ലൈൻ പദ്ധതിക്ക് അംഗീകാരം നല്കി

Page 10 of 51« First...89101112...203040...Last »

« Previous Page« Previous « മാർത്തോമ്മാ ഇടവക കൊയ്ത്തുത്സവം ഞായറാഴ്ച്ച
Next »Next Page » ഫ്ലോട്ടിംഗ് ബ്രിഡ്ജ് പിളർന്നു എന്ന വാർത്ത വ്യാജം : എം. എൽ. എ. »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha