കരാറില്‍ ഒപ്പ് വെച്ചു

November 4th, 2015

dr-shamseer-vps-cancer-hospital-ePathram
അബുദാബി : യു. എ. ഇ. യിലെ ആതുര ശുശ്രൂഷാ മേഖല യില്‍ അമേരിക്ക യിലെ പെന്‍സില്‍ വാനിയ ഹെല്‍ത്ത് സിസ്റ്റവും (പെന്‍ മെഡിസിന്‍) വി. പി. എസ്. ഹെല്‍ത്ത് കെയറും യോജിച്ചു പ്രവര്‍ത്തി ക്കാന്‍ ധാരണ യായി.

അബുദാബി യിൽ നടന്ന ചടങ്ങിൽ പെന്‍സില്‍ വാനിയ സര്‍വ്വ കലാ ശാല സി. ഇ. ഒ. റാല്‍ഫ് മുള്ളറും വി. പി. എസ്. ഗ്രൂപ്പ് എം. ഡി ഷംസീർ വയലിലും ഇതു സംബന്ധിച്ച കരാറിൽ ഒപ്പു വെച്ചു.

ചികിത്സ, ഗവേഷണം, വിദ്യാഭ്യാസം തുടങ്ങിയ മേഖല കളില്‍ കൂടുതല്‍ മികച്ച സേവനം ലഭ്യ മാക്കാനും വി. പി. എസ്. ഗ്രൂപ്പിന്‍െറ കീഴിലുള്ള ഡോക്ടര്‍ മാര്‍ക്കും നഴ്സുമാര്‍ക്കും അടക്കം പെന്‍ മെഡിസിന്‍െറ കീഴില്‍ പരിശീലനം നേടാനും ഈ പുതിയ കരാറിലൂടെ സാധിക്കും.

അര്‍ബുദ ചികിത്സയില്‍ കൂടുതല്‍ ഗവേഷണ ങ്ങള്‍ക്കും ഇത് നേട്ട മാവും. മാത്രമല്ല ആരോഗ്യ രംഗത്ത് കൂടുതൽ മെച്ചപ്പെട്ട സേവനം ലഭ്യമാകാൻ പെന്‍ മെഡിസിനു മായുള്ള കരാറി ലൂടെ സാധ്യ മാവും എന്നും യു. എ. ഇ. സര്‍ക്കാറിന്‍െറ ‘വിഷന്‍ 2020’ പദ്ധതി യുടെ ഭാഗ മായി ലോക നിലവാരമുള്ള ചികിത്സാ സംവിധാനം രാജ്യത്ത് തന്നെ ഉറപ്പു വരു ത്താനുള്ള സര്‍ക്കാരിന്റെ ശ്രമ ങ്ങള്‍ക്ക് വി. പി. എസ്. ഗ്രൂപ്പിന്റെ പിന്തുണ ഉണ്ടാകും എന്നും ഡോക്ടര്‍ ഷംസീർ വയലിൽ പറഞ്ഞു.

ഗ്രൂപ്പ് സി. ഇ. ഒ. ഡോക്ടര്‍ അലി ഉബൈദ് അല്‍ അലി, സീനിയര്‍ ഡയറക്ടര്‍ ഡോക്ടര്‍ ചാള്‍സ് സ്റ്റാന്‍ ഫോര്‍ഡ്, പെന്‍സില്‍ വാലിയ സര്‍വ്വ കലാ ശാല ബിസിനസ്സ് ഡെവലപ്മെന്‍റ് സീനിയര്‍ വൈസ് പ്രസിഡന്‍റ് ഫില്‍ ഒക്കാല എന്നിവരും ചടങ്ങില്‍ സംബന്ധിച്ചു.

- pma

വായിക്കുക: , , ,

Comments Off on കരാറില്‍ ഒപ്പ് വെച്ചു

യു. എ. ഇ. എക്‌സ്‌ചേഞ്ച് 35 ആം വാര്‍ഷികം ആഘോഷിക്കുന്നു

October 27th, 2015

logo-uae-exchange-ePathram
അബുദാബി : ധന വിനിമയ സേവന രംഗത്ത് മുന്‍ നിര യിലുള്ള യു. എ. ഇ. എക്‌സ്‌ചേഞ്ചിന്റെ 35 -ാം വാര്‍ഷിക ആഘോഷ ങ്ങള്‍ക്ക് തുടക്ക മായി.

ഗള്‍ഫ് മേഖല യിലെ സാമ്പ ത്തിക ഗതി വിഗതി കള്‍ ക്കൊപ്പം സഞ്ചരിച്ച യു. എ. ഇ. എക്‌സ്‌ചേഞ്ച്, 35 വര്‍ഷ ങ്ങള്‍ കൊണ്ട് ആഗോള തല ത്തിലേക്കു വളരു കയും ഇപ്പോള്‍ റെമിറ്റന്‍സ്, ഫോറിന്‍ എക്‌സ്‌ ചേഞ്ച്, പെയ്‌മെന്റ് സൊല്യൂഷന്‍സ് സേവന ങ്ങള്‍ ലഭ്യ മാക്കുകയും പ്രതി വര്‍ഷം 26,000 കോടി ഡോളറിന്റെ വിനിമയ ത്തിലൂടെ ഈ രംഗത്തെ ഒന്നാം നിര യില്‍ ആണി പ്പോള്‍.

35th-anniversary-celebration-of-uae-exchange-ePathram

1980ല്‍ അബുദാബി യില്‍ യു. എ. ഇ. എക്‌സ്‌ചേഞ്ച് പ്രവര്‍ത്തനം ആരംഭിച്ച കാലത്ത് പ്രതിവര്‍ഷം 150 കോടി യു. എസ്. ഡോളറാണ് കൈ കാര്യം ചെയ്തിരുന്നത്. പിന്നീട് ഗള്‍ഫിലെ സാമ്പത്തിക വളര്‍ച്ച യുടെ ഘട്ട ങ്ങളില്‍ ലക്ഷോപ ലക്ഷം വരുന്ന കുടിയേറ്റ തൊഴിലാളി കളുടെ സഹായ ശക്തി യായി യു. എ. ഇ. എക്‌സ്‌ ചേഞ്ച് പ്രവര്‍ത്തി ക്കുക യാണ്. ദിവസേന ശരാശരി നാലു ലക്ഷം പേരാണ് യു. എ. ഇ. എക്‌സ്‌ചേഞ്ച് ശാഖ കളെ ആശ്രയി ക്കുന്നത്.

ഇപ്പോള്‍ ഓരോ വര്‍ഷവും ഏകദേശം 2.54 കോടി ഇടപാടു കളാണ് യു. എ. ഇ. എക്‌സ്‌ചേഞ്ച് കൈ കാര്യം ചെയ്യുന്നത്. ലോക ത്തിലെ മൊത്തം എക്‌സ്‌ചേഞ്ച് ബിസിനസിന്റെ ആറ് ശതമാനം ഈ സ്ഥാപനം വഴിയാണ് നടക്കുന്നത്. ഇതില്‍ സിംഹ ഭാഗവും ഏഷ്യന്‍ രാജ്യ ങ്ങള്‍ ഉള്‍പ്പെടെ വികസ്വര രാജ്യ ങ്ങളിലാണ് ചെന്നെത്തുന്നത്.

നിരന്തരം ആധുനിക വത്കരണം നടത്തുക വഴി നിമിഷ മാത്രയില്‍ പണമയയ്ക്കാനും സ്വീകരിക്കാനും പറ്റുന്ന വിധം സേവന ങ്ങള്‍ ക്രമീകരിച്ചു എന്നും ചീഫ് എക്‌സിക്യൂട്ടീവ് ഓഫീസര്‍ പ്രമോദ് മങ്ങാട് പ്രസ്താവിച്ചു.

അഞ്ച് വന്‍ കര കളിലായി 800 ശാഖകളില്‍ എത്തി നില്‍ക്കുന്ന തങ്ങളുടെ വളര്‍ച്ചയയ്ക്ക് സാങ്കേതിക വത്കരണം പോലെ കുറ്റമറ്റ ഉപഭോക്തൃ സേവനവും നിദാന മാണെന്ന് അദ്ദേഹം പറഞ്ഞു.

പതിവു രീതികള്‍ കൂടാതെ ഇന്‍സ്റ്റന്റ് മണി ട്രാന്‍സ്ഫര്‍, ഫ്ലഷ് റെമിറ്റ് പോലുള്ള തത്സമയ വിനിമയം മാത്രമല്ല ഓണ്‍ ലൈന്‍ മണി ട്രാന്‍സ്ഫര്‍ വരെ എത്തിനില്ക്കുന്ന യു. എ. ഇ. എക്‌സ്‌ ചേഞ്ചിന്റെ സേവന ശൃംഖല ഒട്ടേറെ പുതിയ സരണി കളിലേക്ക് കുതിക്കുകയാ ണെന്നും പ്രമോദ് മങ്ങാട് കൂട്ടിച്ചേര്‍ത്തു.

- pma

വായിക്കുക: , , , , ,

Comments Off on യു. എ. ഇ. എക്‌സ്‌ചേഞ്ച് 35 ആം വാര്‍ഷികം ആഘോഷിക്കുന്നു

ഇന്ത്യ – അറബ് ഇക്കണോമിക് ഫോറം യു. എ. ഇ. യിൽ

October 15th, 2015

abudhabi-indian-embassy-logo-ePathram
അബുദാബി : ഇന്ത്യ യിലേക്ക് നിക്ഷേപക രുടെ ശ്രദ്ധ ക്ഷണിക്കുക എന്ന ഉദ്ദേശത്തോടെ ഇന്ത്യ – അറബ് ഇക്കണോമിക് ഫോറം നവംബർ 16,17 തിയ്യതി കളില്‍ യു. എ. ഇ. യിൽ നടക്കും. പ്രധാന മന്ത്രി നരേന്ദ്ര മോഡി യുടെ യു. എ. ഇ. സന്ദർശന ത്തിന്റെ തുടർച്ച എന്നോണം ആയിരിക്കും അറബ് – ഇന്ത്യ ഇക്കണോമിക് ഫോറം നടക്കുക. കേന്ദ്ര ധന മന്ത്രി അരുൺ ജയ്‌റ്റ്‌ലി ഇന്ത്യ – അറബ് ഇക്കണോമിക് ഫോറം ഉൽഘാടനം ചെയ്യും.

ഇന്ത്യൻ ടൂറിസം മന്ത്രാലയം, ബോംബെ സ്റ്റോക്ക് എക്‌സ്‌ചേഞ്ച്, യു. എ. ഇ. ധന കാര്യ – വാണിജ്യ വകുപ്പ്, സൗദി വ്യവസായ വകുപ്പ്, ഖത്തർ ധന – വാണിജ്യ വകുപ്പ് തുടങ്ങി യവ യുടെ പ്രതി നിധി കളുമായും അരുൺ ജയ്‌റ്റ്‌ലി കൂടിക്കാഴ്‌ച നടത്തും എന്ന് അബുദാബി ഇന്ത്യന്‍ എംബസ്സി വൃത്ത ങ്ങള്‍ അറിയിച്ചു. ഇന്ത്യ യിലേക്ക് നിക്ഷേപ കരുടെ കൂടുതൽ ശ്രദ്ധ ക്ഷണി ക്കുക എന്ന താണ് ഇന്ത്യ – അറബ് ഇക്കണോ മിക് ഫോറ ത്തിന്റെ ലക്‌ഷ്യം

- pma

വായിക്കുക: , , , ,

Comments Off on ഇന്ത്യ – അറബ് ഇക്കണോമിക് ഫോറം യു. എ. ഇ. യിൽ

ധനികരായ ഇന്ത്യക്കാര്‍ : മലയാളികളില്‍ എം. എ. യൂസഫലി ഒന്നാമത്

September 27th, 2015

ma-yousufali-epathram
അബുദാബി : ഫോബ്സ് മാഗസിന്‍ പുറത്തിറക്കിയ ഏറ്റവും പുതിയ പട്ടിക യില്‍ ലോക ത്തിലെ ധനി കരായ ഇന്ത്യ ക്കാരുടെ പേരു കളില്‍ എം. എ. യൂസഫലി ഒന്നാമത്.

മലയാളി കളായ ധനികരുടെ ലിസ്റ്റി ലാണ് എം. എ. യൂസഫലി മുന്നില്‍ നില്ക്കുന്നത് എങ്കിലും മുകേഷ് അംബാനി യാണ് ഏറ്റവും ധനിക നായ ഇന്ത്യ ക്കാരന്‍. ആസ്തി 1,890 കോടി ഡോളര്‍. യൂസഫലി യുടെ ആസ്തി 370 കോടി ഡോളറാണ്. നൂറു പേരുടെ പട്ടികയില്‍ രവി പിള്ള യാണു മലയാളി ധനികരില്‍ രണ്ടാമത്. ദിലീപ് സാങ്‌വി ഇന്ത്യ ക്കാരായ ധനിക രില്‍ രണ്ടാമൻ.

ഗള്‍ഫിലെ ഒമ്പതു പേരാണ് ഈ വര്‍ഷം ആദ്യ പട്ടിക യില്‍ ഇടം നേടിയത്. പതിനേഴാം സ്ഥാനത്തുള്ള സ്ഥാനത്തുള്ള മിക്കി ജഗ്താനിയാണ് ഇവരില്‍ മുന്നില്‍. എം. എ. യൂസഫലി, രവി പിള്ള, സണ്ണി വര്‍ക്കി, സുനില്‍ വാസ്വാനി, ഡോ. ബി. ആര്‍. ഷെട്ടി, ഡോ. ആസാദ് മൂപ്പന്‍, പി. എന്‍. സി. മേനോന്‍, രഘുവീന്ദര്‍ കട്ടാരിയ എന്നിവരാണ് ഗള്‍ഫില്‍ നിന്നും പട്ടികയില്‍ ഇടം പിടിച്ച സമ്പന്നര്‍.

- pma

വായിക്കുക: , , ,

Comments Off on ധനികരായ ഇന്ത്യക്കാര്‍ : മലയാളികളില്‍ എം. എ. യൂസഫലി ഒന്നാമത്

കരീം വെങ്കിടങ്ങിന് ഡോക്ടറേറ്റ് സമ്മാനിച്ചു

September 10th, 2015

bharath-gaurav-award-to-kareem-venkidangu-ePathram
ദുബായ്: യു. എ. ഇ. യിലെ സാമൂഹിക പ്രവർത്തകനും ബിസിനസു കാരനും തൃശൂർ ചാവക്കാട് വെങ്കിടങ്ങ് സ്വദേശി യുമായ എം. പി. അബ്ദുൽ കരീമിന് (കരീം വെങ്കിടങ്ങ്) ചെന്നൈയിൽ നടന്ന ചടങ്ങിൽ അക്കാദമി ഒാഫ് യൂണി വേഴ്സൽ ഫീസിന്റെ ഹ്യൂമാനിറ്ററി ഡോക്ടറേറ്റ് സമ്മാനിച്ചു.

സാമൂഹിക സാംസ്കാരിക മേഖല കളിലെ പ്രവർത്തന മികവിനാണ് ഡോക്ടറേറ്റ് നൽകിയത്. എ. യു. ജി. പി. ചെയർമാൻ ഡോ. മധുകൃഷ്ണ യാണ് പുരസ്കാരം സമ്മാനിച്ചത്.

* കരീം വെങ്കിടങ്ങിന് ഭാരത് ഗൗരവ് പുരസ്‌കാരം

- pma

വായിക്കുക: , , , , , ,

Comments Off on കരീം വെങ്കിടങ്ങിന് ഡോക്ടറേറ്റ് സമ്മാനിച്ചു

Page 21 of 26« First...10...1920212223...Last »

« Previous Page« Previous « ഓണാഘോഷം ശ്രദ്ധേയമായി
Next »Next Page » ഡോക്ടര്‍ താഹയ്ക്ക് എക്‌സലന്‍സ് പുരസ്‌കാരം സമ്മാനിച്ചു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha