 |
 |
 |
 |
 |
 |
 |
 |
 |
 |
 |
 |
 |
 |
| |
|
|
|
|
|
|
| |
|
|
|
|
|
|
അബുദാബി : യു. എ. ഇ. യുടെ ആരോഗ്യ പരിരക്ഷാ രംഗത്ത് വൻ മുന്നേറ്റം ലക്ഷ്യമിടുന്ന ബുർജീൽ മെഡിക്കൽ സിറ്റി യുടെ രണ്ടാം ഘട്ട വികസന പദ്ധതികൾ യു. എ. ഇ. പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാന് മുന്നിൽ വിശദീകരിച്ച് ബുർജീൽ ഹോൾഡിംഗ്സ് ചെയർമാനും സി. ഇ. ഒ. യുമായ ഡോ. ഷംഷീർ വയലിൽ.
അബുദാബി യിൽ നടന്ന ‘മേക്ക് ഇറ്റ് ഇൻ ദി എമിറേറ്റ്സ്-2026’ ഫോറത്തിന്റെ ഭാഗമായുള്ള ബുർജീൽ പവലിയൻ സന്ദർശിച്ച പ്രസിഡണ്ടിനെ ഡോ. ഷംഷീർ സ്വീകരിച്ചു. മെഡിക്കൽ വിദ്യാഭ്യാസം, ഗവേഷണം എന്നീ രംഗങ്ങളിൽ വൻ നിക്ഷേപം ലക്ഷ്യമിടുന്ന വിപുലീകരണ പദ്ധതി ഡോ. ഷംഷീർ വിശദീകരിച്ചു.
ഹൃദ്യമായ കൂടിക്കാഴ്ച ; പഴയ ഓർമ്മകളിൽ പുതിയ വികസനം
ബുർജീൽ മെഡിക്കൽ സിറ്റിയുടെ വികസന രേഖ അവതരിപ്പിക്കുന്ന വേളയിൽ പഴയൊരു കൂടിക്കാഴ്ച യുടെ ഹൃദ്യമായ ഓർമ്മകൾ ഡോ. ഷംഷീർ പങ്കു വെച്ചു.
മെഡിക്കൽ സിറ്റി എന്ന ആശയത്തിന്റെ ആദ്യ ഘട്ട ത്തിൽ ശൈഖ് മുഹമ്മദ് ബിൻ സായിദ് അൽ നഹ്യാനെ സന്ദർശിച്ച് പദ്ധതികൾ വിശദീകരിച്ചത് അദ്ദേഹം അനുസ്മരിച്ചു. അന്നു കണ്ടൊരു വലിയ സ്വപ്നത്തിന്റെ തുടർച്ചയാണ് വരാനിരിക്കുന്ന വിപുലീകരണം എന്നും അദ്ദേഹം പറഞ്ഞു.
3,87,000 ചതുരശ്ര മീറ്ററിലായി വ്യാപിച്ചു കിടക്കുന്ന പുതിയ വികസനത്തിലൂടെ അബുദാബി മുഹമ്മദ് ബിൻ സായിദ് സിറ്റിയെ ലോകോത്തര ചികിത്സാ കേന്ദ്രമാക്കി മാറ്റുകയാണ് ലക്ഷ്യം.
ക്യാൻസർ ചികിത്സ, മെഡിക്കൽ ഗവേഷണം, വിദ്യാഭ്യാസം എന്നിവ ഏകോപിപ്പിച്ചു കൊണ്ടുള്ള അതി നൂതന സൗകര്യങ്ങളാണ് ബുർജീൽ മെഡിക്കൽ സിറ്റിയുടെ അടുത്ത ഘട്ടത്തിൽ വിഭാവനം ചെയ്തിരിക്കുന്നത്.
സങ്കീർണ്ണമായ ചികിത്സാ സൗകര്യങ്ങൾക്കായി വിദേശ രാജ്യങ്ങളെ ആശ്രയിക്കാതെ തന്നെ മികച്ച പരിചരണം സ്വദേശികൾക്കും പ്രവാസികൾക്കും ലഭ്യമാക്കും.
തമിഴ്നാട്ടിലെ രാഷ്ട്രീയ ചരിത്രത്തിൽ പുതിയ അധ്യായം കുറിച്ചുകൊണ്ട് നടൻ വിജയ് മുഖ്യമന്ത്രിയായി തെരഞ്ഞെടുക്കപ്പെട്ടത് രാജ്യത്താകമാനം ശ്രദ്ധ നേടുകയാണ്. പരമ്പരാഗത രാഷ്ട്രീയ വർഗ്ഗീയ ശക്തി കേന്ദ്രങ്ങളെ മറികടന്ന് ജനപിന്തുണയുടെ ശക്തിയിൽ നേടിയ ഈ വിജയം സാധാരണ രാഷ്ട്രീയ നേട്ടമെന്നതിലുപരി ഒരു ജനകീയ പ്രസ്ഥാനമായാണ് വിലയിരുത്തപ്പെടുന്നത്.
വിജയിന്റെ നേതൃത്വത്തിലുള്ള ടി.വി.കെ.യുടെ വിജയത്തിന് പിന്നിൽ പ്രധാന ശക്തിയായി പ്രവർത്തിച്ചത് യുവജനങ്ങളുടെ വലിയ പിന്തുണയാണെന്ന് രാഷ്ട്രീയ നിരീക്ഷകർ ചൂണ്ടിക്കാണിക്കുന്നു. നിലവിലെ രാഷ്ട്രീയ സംവിധാനങ്ങളോടുള്ള അതൃപ്തിയും അഴിമതിക്കെതിരായ വികാരവും മാറ്റത്തിനുള്ള ആഗ്രഹവും യുവതലമുറയെ വിജയിയിലേക്ക് ആകർഷിച്ചു. “പുതിയ തലമുറയുടെ നേതാവ്” എന്ന നിലയിലാണ് നിരവധി പേർ വിജയിനെ കാണുന്നത്.
ഈ തെരഞ്ഞെടുപ്പ് “ജനവികാരങ്ങളുടെ ജനാധിപത്യ വിജയം” എന്ന രീതിയിലും വിശേഷിപ്പിക്കപ്പെടുന്നു. പണത്തിന്റെയും വർഗ്ഗീയതയുടേയും വിഭാഗീയതയുടേയും സ്വാധീനം ശക്തമായ തെരഞ്ഞെടുപ്പ് രാഷ്ട്രീയത്തിൽ ജനങ്ങളുടെ വിശ്വാസവും വികാരപരമായ പിന്തുണയും വിജയിയെ അധികാരത്തിലെത്തിച്ചു എന്നാണ് വിലയിരുത്തൽ. നിരവധി മണ്ഡലങ്ങളിൽ സ്ഥാനാർത്ഥികൾ അധികം അറിയപ്പെടാത്തവരായിരുന്നിട്ടും “വിജയ് തരംഗം” നിർണായകമായി പ്രവർത്തിച്ചുവെന്നാണ് റിപ്പോർട്ടുകൾ.
സിനിമയിലെ സൂപ്പർതാര പദവിയിൽ നിന്ന് ജനങ്ങളുടെ ശബ്ദമായി മാറുന്ന യാത്രയുടെ തുടക്കമാണിതെന്ന് അനുയായികൾ അഭിപ്രായപ്പെടുന്നു. വെള്ളിത്തിരയിൽ പ്രകടിപ്പിച്ച കരിസ്മയും ജനപ്രീതിയും ഇനി ഭരണത്തിലും സാമൂഹിക ഇടപെടലുകളിലും പ്രതിഫലിക്കുമെന്ന പ്രതീക്ഷയാണ് ജനങ്ങൾ പങ്കുവയ്ക്കുന്നത്.
വിജയം സ്വന്തമാക്കിയതിന് പിന്നാലെ തമിഴ്നാട്ടിലെ യുവജനങ്ങൾക്കും കുട്ടികൾക്കും വിജയ് നന്ദി രേഖപ്പെടുത്തി. കുടുംബങ്ങളെ സ്വാധീനിച്ച് മാറ്റത്തിനായുള്ള വോട്ടിലേക്ക് നയിച്ച യഥാർത്ഥ ശക്തി യുവതലമുറയാണെന്ന് അദ്ദേഹം അഭിപ്രായപ്പെട്ടു.
തിരഞ്ഞെടുപ്പിനിടെ നേരിട്ടുവെന്നു പറയപ്പെടുന്ന സമ്മർദ്ദങ്ങളും എതിർപ്പുകളും പൊതുജനങ്ങളിൽ വിജയിയോടുള്ള സഹാനുഭൂതിയും പിന്തുണയും വർധിപ്പിച്ചുവെന്നും രാഷ്ട്രീയ വൃത്തങ്ങൾ നിരീക്ഷിക്കുന്നു.
ഇന്ത്യയുടെ തന്നെ രാഷ്ട്രീയ ചരിത്രത്തിൽ വ്യത്യസ്തമായ രാഷ്ട്രീയ സംസ്കാരത്തിനും ജനകേന്ദ്രിത ഭരണത്തിനും തുടക്കമാകുമെന്ന പ്രതീക്ഷയാണ് വിജയിയുടെ ഈ ചരിത്ര വിജയം ഉയർത്തുന്നത്.
തിരുവനന്തപുരം : വരും ദിവസങ്ങളിൽ സംസ്ഥാനത്ത് വേനൽ മഴ ശക്തമാകും എന്ന് കേന്ദ്ര കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. പത്തനം തിട്ട, ഇടുക്കി, എറണാകുളം തൃശ്ശൂർ, കോഴിക്കോട്, വയനാട് എന്നീ ആറു ജില്ലകളിൽ യെല്ലോ അലർട്ട് പ്രഖ്യാപിച്ചു.
ഇവിടങ്ങളിൽ മണിക്കൂറില് 40-50 കിലോ മീറ്റര് വരെ വേഗത്തില് ശക്തമായ കാറ്റും ഇടി മിന്നലോട് കൂടിയ ഒറ്റപ്പെട്ട മഴയും പ്രതീക്ഷിക്കാം. ഞായറാഴ്ച വരെ മഴ പെയ്തേക്കാം. ഇടി മിന്നലിന്ന് എതിരെ ജാഗ്രതാ നിർദ്ദേശവും പുറപ്പെടുവിച്ചിട്ടുണ്ട്.
തൃശ്ശൂർ : ജില്ലയിലെ ഒരുമനയൂർ മാങ്ങോട്ട് എയ്ഡഡ് അപ്പർ പ്രൈമറി സ്കൂൾ പൂർവ്വ വിദ്യാർത്ഥി കൂട്ടായ്മ ‘ഓർമ്മച്ചെപ്പ്’ ഒരുക്കുന്ന മഹാ സംഗമം 2026 ജൂൺ 28 ഞായറാഴ്ച നടക്കും എന്ന് ഭാരവാഹികൾ അറിയിച്ചു.
മഹാസംഗമത്തിന് മുന്നോടിയായി മാങ്ങോട്ട് സ്കൂളിലെ നിർദ്ധന വിദ്യാർത്ഥികൾക്ക് പ്രവേശനോത്സവ ദിവസം പഠനോപകരണങ്ങൾ സമ്മാനിക്കും. ഇതിന്റെ പ്രവർത്തനങ്ങൾക്കായി പിപുലമായ ഒരു കമ്മിറ്റിയും അഡ്മിൻ പാനലിനു നേതൃത്വത്തിൽ രൂപീകരിച്ചു.
എ. വി. കബീർ (ചെയർമാൻ) നേതൃത്വം നൽകുന്ന കമ്മിറ്റിയിൽ വി. ലിയാഖത്ത് (സെക്രട്ടറി), ഷെമീന വാഹിദ്, സൈബു കബീർ (ജോയിന്റ് സെക്രട്ടറിമാർ), ഷബീർ (ട്രഷറർ), പ്രദീപ് (പ്രവാസി കോഡിനേറ്റർ), ഡേവിഡ് കാഞ്ഞിരത്തിങ്കൽ, ജസീന കരീം (പ്രോഗ്രാം കോഡിനേറ്റർമാർ) ബഷീർ ഖാൻ, അഭിനി (റിസപ്ഷൻ & ഫുഡ്), അജയൻ, ഷൈജു (സ്റ്റേജ് & ഗസ്റ്റ്), ഇബ്രാഹിം (പബ്ലിസിറ്റി), സരള (വളൻ്റിയേഴ്സ് ഹെഡ്) എന്നിവരും രക്ഷാധികാരികളായി ഹനീഫ, ഹൈദ്രോസ്, ഷാഹിന അക്ബർ എന്നിവരെയും തെരഞ്ഞെടുത്തു.
ഒരുമനയൂർ പഞ്ചായത്തിലെ 143 വർഷം പഴക്കമുള്ള മാങ്ങോട്ട് എ. യു. പി. സ്കൂളിൽ നിന്നും പഠിച്ചിറങ്ങിയ എല്ലാ പ്രായക്കാരായ പൂർവ്വ വിദ്യാർത്ഥി കളെയും ചേർത്ത് ഓർമ്മച്ചെപ്പ് വിപുലമായ പരിപാടികളാണ് ഒരുമനയൂർ പഞ്ചായത്ത് ഹാളിൽ ഒരുക്കുന്നത്.
പൂർവ്വ വിദ്യാർത്ഥിയായ ഗായകൻ പട്ടുറുമാൽ മുത്തുവിൻ്റെ സംഗീത പരിപാടി, നാടൻ പാട്ട്, മറ്റു വൈവിധ്യമാർന്ന കലാ പരിപാടികൾ എന്നിവ അരങ്ങേറും. വിവരങ്ങൾക്ക് : +91 99959 61466.
അബുദാബി : നിയമ ലംഘനം നടത്തുന്ന കാൽ നട യാത്രക്കാരുടെ ശ്രദ്ധയിലേക്കായി അബുദാബി പോലീസ് മുന്നറിയിപ്പ് വീഡിയോ പുറത്തിറക്കി.
റോഡ് മുറിച്ചു കടക്കുമ്പോൾ കാൽ നടക്കാർക്കായി ഒരുക്കിയ സീബ്ര ക്രോസിംഗ്, ഓവർ ബ്രിഡ്ജ്, അണ്ടർ പാസുകൾ അഥവാ ടണൽ തുടങ്ങി സുരക്ഷിത ഇടങ്ങൾ മാത്രം ഉപയോഗിക്കുക. ഈ സൗകര്യങ്ങൾ നിങ്ങളുടെ സുരക്ഷക്ക് വേണ്ടിയുള്ളതാണ്. മാത്രമല്ല അനുവദനീയം അല്ലാത്ത സ്ഥലങ്ങളിലൂടെ റോഡ് മുറിച്ചു കടക്കുന്നത് നിയമ ലംഘനമാണ്.
പാഞ്ഞു വരുന്ന വാഹനങ്ങൾ വക വെക്കാതെ ചാടി കടക്കുന്നതു ജീവന് ഭീഷണിയാണ്. നിയമ ലംഘകർ പിടിക്കപ്പെട്ടാൽ പിഴ അടക്കേണ്ടി വരും.
സീബ്രാ ക്രോസിംഗുകളിൽ കാൽനട യാത്രക്കാർക്ക് പരിഗണന നൽകാത്ത ഡ്രൈവർമാർക്കും ഫൈൻ ലഭിക്കും.
ഗതാഗത സുരക്ഷാ ബോധവൽക്കരണം ലക്ഷ്യം വെച്ച് ‘സുരക്ഷിതമായി റോഡ് മുറിച്ചു കടക്കുക’ എന്ന പ്രമേയ ത്തിൽ യു. എ. ഇ. ആഭ്യന്തര മന്ത്രാലയം അബു ദാബിയിൽ തുടക്കം കുറിച്ച ഏകീകൃത ജി. സി. സി. ഗതാഗത വാര ത്തിന്റെ ഭാഗമായിട്ടാണ് സാമൂഹിക മാധ്യമങ്ങളിൽ ഈ വീഡിയോ പങ്കു വെച്ചിരിക്കുന്നത്.
നിയമങ്ങൾ പാലിക്കുക ഏവരുടെയും ഉത്തരവാദിത്വം കൂടിയാണ് എന്ന് അബുദാബി പോലീസ് ഓർമ്മിപ്പിച്ചു.
ദുബായ് : നമ്പര് പ്ലേറ്റില്ലാതെ അതി വേഗത്തിൽ വാഹനം ഓടിച്ച് ചുവപ്പ് സിഗ്നല് മറി കടന്ന വാഹനം പിടിച്ചെടുത്ത് ഡ്രൈവർക്കെതിരെ നിയമ നടപടിയും സ്വീകരിച്ച് ദുബായ് പൊലീസ്. വാഹനത്തിന്റെ നമ്പർ പ്ലേറ്റ് മനപ്പൂർവം നീക്കം ചെയ്തതായും സി. സി. ടി. വി. ദൃശ്യങ്ങളിൽ കണ്ടെത്തി. ഈ വാഹനം തിരികെ ലഭിക്കാൻ 50,000 ദിർഹം പിഴ അടയ്ക്കണം.
റോഡ് ഉപയോക്താക്കളുടെ സുരക്ഷയെ മാനിക്കാത്ത, അശ്രദ്ധയോടെയുള്ള അപകടകരമായ ഡ്രൈവിംഗ് ഒരു കാരണവശാലും അനുവദിക്കുകയില്ല എന്നും ദുബായ് പോലീസ് അറിയിച്ചു.
ഗതാഗത നിയമങ്ങൾ ലംഘിച്ച് അതിവേഗത്തിൽ വാഹനം ഓടിക്കുന്നവർക്ക് 2000 ദിര്ഹം വരെ പിഴയും ലൈസൻസിൽ 12 ബ്ളാക്ക് പോയിന്റുകളും ശിക്ഷ ചുമത്തും. FB POST & Insta
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
