ഹൃദ്യമായ സ്വീകരണത്തിന് നന്ദി അറിയിച്ച് ഇന്ത്യൻ പ്രധാനമന്ത്രി

June 30th, 2022

uae-president-sheikh-mohamed-bin-zayed-receives-narendra-modi-ePathram
അബുദാബി : ഹ്രസ്വ സന്ദര്‍ശനത്തിനായി യു. എ. ഇ. യില്‍ എത്തിയ ഇന്ത്യൻ പ്രധാന മന്ത്രി നരേന്ദ്ര മോഡിക്കു നൽകിയ ഹൃദ്യമായ വരവേൽപ്പിനും സ്വീകരണത്തിനും നന്ദി അറിയിച്ച് അദ്ദേഹം ട്വീറ്റ് ചെയ്തു. ‘അബുദാബിയിലെ സ്വീകരണം വളരെ ഹൃദ്യമായിരുന്നു എന്നും വിമാനത്താവളത്തില്‍ നേരിട്ട് എത്തി സ്വീകരിച്ച പ്രിയ സഹോദരൻ ഹിസ് ഹൈനസ് ശൈഖ് മുഹമ്മദ് ബിൻ സായിദ് അല്‍ നഹ്യാന് നന്ദി’ എന്നും നരേന്ദ്ര മോഡി ട്വീറ്റ് ചെയ്തു.

ജർമ്മനിയിൽ ജി -7 ഉച്ചകോടിയിൽ പങ്കെടുത്ത ശേഷം മടങ്ങും വഴിയാണു മോഡി അബുദാബിയില്‍ എത്തിയത്. യു. എ. ഇ. പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാന്‍, വിവിധ വകുപ്പു മന്ത്രിമാര്‍, ഉദ്യോഗസ്ഥര്‍ എന്നിവരുമായി പ്രധാനമന്ത്രി കൂടിക്കാഴ്ച നടത്തി.

മുന്‍ പ്രസിഡണ്ട് ശൈഖ് ഖലീഫ ബിൻ സായിദ് അൽ നഹ്യാന്‍റെ വിയോഗത്തിൽ അനുശോചനം രേഖ പ്പെടുത്തി. അദ്ദേഹത്തിന്‍റെ ഉദാരമായ മാനുഷിക മൂല്യങ്ങളും ഇമാറാത്തി- ഇന്ത്യൻ ബന്ധങ്ങളിൽ എല്ലാ തലങ്ങളിലും ഉണ്ടായിട്ടുള്ള പുരോഗതിയും അനുസ്മരിച്ചു.

യു. എ. ഇ. യുടെ പുതിയ പ്രസിഡണ്ടായി ചുമതലയേറ്റ ശൈഖ് മുഹമ്മദ് ബിൻ സായിദ് അല്‍ നഹ്യാനെ അഭിനന്ദിച്ച നരേന്ദ്ര മോഡി, രാജ്യത്തെ നയിക്കുവാനും കൂടുതൽ പുരോഗതിയും വികസനവും കൈ വരിക്കുന്നതിലും വിജയിക്കട്ടെ എന്ന് ആശംസിച്ചു.

ഇരു രാജ്യങ്ങളും തമ്മിലുള്ള ഉഭയ കക്ഷി ബന്ധം മെച്ചപ്പെടുത്തുന്നതിനായി വരും കാലയളവിൽ കൂടുതൽ പ്രവർത്തിക്കാൻ താൻ ആഗ്രഹിക്കുന്നു എന്നും അദ്ദേഹം പറഞ്ഞു.

- pma

വായിക്കുക: , , , , , ,

അഭിപ്രായം എഴുതുക »

ഇ മൈഗ്രേറ്റ് സംവിധാനം : രജിസ്ട്രേഷന്‍ തുടരുന്നു

July 3rd, 2015

abudhabi-indian-embassy-logo-ePathram
അബുദാബി : തൊഴിലാളികളെ റിക്രൂട്ട് ചെയ്യുന്നതില്‍ നടന്നു വരുന്ന തട്ടിപ്പു കള്‍ ഒഴിവാക്കാന്‍ കേന്ദ്ര സര്‍ക്കാര്‍ ആരംഭിച്ച ഇ മൈഗ്രേറ്റ് സംവിധാന ത്തില്‍ യു. എ. ഇ. യില്‍ നിന്ന് നിരവധി തൊഴിലുടമകള്‍ രജിസ്റ്റര്‍ ചെയ്തതായി ഇന്ത്യന്‍ എംബസി.

എംബസ്സി യുടെ ഇന്ത്യന്‍ മിഷന്‍ വിഭാഗ ത്തിന്റെ പരിശോധന കള്‍ക്കു ശേഷമേ ഇതിന്റെ തുടര്‍ നടപടി കള്‍ക്കുള്ള അനുവാദം ലഭിക്കുകയുള്ളൂ എന്നും 2015 ജൂലായ് 31 ന് മുന്‍പായി ഇ മൈഗ്രേറ്റ് സിസ്റ്റ ത്തില്‍ എല്ലാ കമ്പനികളും വെബ് സൈറ്റില്‍ രജിസ്റ്റര്‍ ചെയ്യണം എന്നും ഡപ്യൂട്ടി ചീഫ് ഓഫ് മിഷൻ നീതാ ഭൂഷൻ വാർത്താ സമ്മേളന ത്തിൽ അറിയിച്ചു.

തൊഴിലുടമകള്‍ക്ക് തൊഴിലാളി കളെ നേരിട്ട് റിക്രൂട്ട് ചെയ്യുകയോ ഏജന്‍റുമാര്‍ വഴി നിയമി ക്കുകയോ ചെയ്യാം. എന്നാല്‍ തൊഴിലു കള്‍ സംബന്ധിച്ച നിബന്ധന കള്‍ തൊഴില്‍ ദാതാക്കള്‍ വ്യക്ത മാക്കി യിരിക്കണം.

വിദേശത്തേക്കുള്ള നഴ്സുമാരുടെ റിക്രൂട്ട്മെന്‍റും ഇതേ വെബ്സൈറ്റി ലൂടെയാണ് നടക്കുക. നോര്‍ക്ക റൂട്ട്സ്, ഓവര്‍സീസ് ഡെവലപ്മെന്‍റ് ആന്‍ഡ് എംപ്ളോയ്മെന്‍റ് പ്രമോഷന്‍ കണ്‍സള്‍ട്ടന്‍റ്സ്, ഓവര്‍സീസ് മാന്‍പവര്‍ കോര്‍പറേഷന്‍ ലിമിറ്റഡ് എന്നീ ഏജന്‍സി കള്‍ വഴി യായിരിക്കും നഴ്സുമാരുടെ നിയമനം. എന്നാല്‍ റിക്രൂട്ടിംഗ് ഏജന്‍സി കളും തൊഴില്‍ ദാതാ ക്കളും നഴ്സു മാരില്‍ നിന്ന് യാതൊരു ഫീസും ഈടാക്കാന്‍ പാടില്ല എന്നും എംബസ്സി അധികൃതര്‍ അറിയിച്ചു.

26 ലക്ഷ ത്തോളം ഇന്ത്യക്കാരുള്ള യു. എ. ഇ. യില്‍ ഇതുവരെ 40,000ഓളം പേര്‍ മാത്ര മാണ് ഇന്ത്യന്‍ എംബസി യില്‍ രജിസ്റ്റര്‍ ചെയ്തിട്ടുള്ളത്. എല്ലാ പ്രവാസി കളും എംബസ്സി വെബ്സൈറ്റി ലൂടെ തങ്ങളുടെ പേര് വിവര ങ്ങള്‍ നിര്‍ബന്ധ മായും നല്‍കേണ്ടതാണ് എന്നും അധികൃതര്‍ അഭ്യര്‍ത്ഥിച്ചു.

മലയാളം അടക്കമുള്ള വിവിധ ഭാഷ കളി ലായി വിശദാംശങ്ങള്‍ ഇതില്‍ രേഖ പ്പെടുത്തി യിട്ടുമുണ്ട്‌. യു. എ. ഇ. യിൽ താമസിക്കുന്ന ഇന്ത്യ ക്കാരുടെ കൃത്യ മായ വിവര ങ്ങൾ ശേഖരി ക്കുക യാണ് പദ്ധതി യുടെ പ്രധാന ലക്ഷ്യം.

എംബസ്സിയില്‍ നടന്ന വാര്‍ത്താ സമ്മേളന ത്തില്‍ സെക്കണ്ട് സെക്രട്ടറി മുഹമ്മദ്‌ ഷാഹിദ് ആലം, സുമൻ ചൗള എന്നിവരും സംബന്ധിച്ചു.

- pma

വായിക്കുക: , , ,

Comments Off on ഇ മൈഗ്രേറ്റ് സംവിധാനം : രജിസ്ട്രേഷന്‍ തുടരുന്നു

ഇന്ത്യന്‍ തൊഴിലാളി കളുടെ ക്ഷേമ പ്രവര്‍ത്ത നങ്ങളില്‍ എംബസി സജീവമാകും : വിദേശ കാര്യ മന്ത്രി

April 16th, 2012

face-to-face-with-minister-sm-krishna-in-abudhabi-ePathram
അബുദാബി : ഗള്‍ഫ്‌ രാജ്യങ്ങളിലെ ഇന്ത്യന്‍ സമൂഹത്തിന്റെ വിശിഷ്യാ തൊഴിലാളി കളുടെ പ്രശ്ന പരിഹാര ങ്ങള്‍ക്ക് എംബസ്സികള്‍ കാര്യ ക്ഷമമായി പ്രവര്‍ത്തിക്കും എന്ന് ഇന്ത്യന്‍ വിദേശ കാര്യ മന്ത്രി എസ്. എം. കൃഷ്ണ പറഞ്ഞു. അതിനായി എംബസിയിലും കോണ്‍സുലേറ്റിലും ഇരുപത്തി നാല് മണിക്കൂറും പ്രവര്‍ത്തിക്കുന്ന ഹെല്‍പ്‌ലൈന്‍ സര്‍വീസുകള്‍ സജീവമാകും.

ഇന്ത്യന്‍ തൊഴിലാളി കളുടെ പ്രശ്‌നങ്ങളെ ക്കുറിച്ച് അറിയാന്‍ അബുദാബി ഇന്ത്യന്‍ എംബസിയില്‍ ഞായറാഴ്ച വൈകുന്നേരം നടന്ന മുഖാമുഖ ത്തില്‍ സംസാരിക്കുക യായിരുന്നു മന്ത്രി.

audience-sm-krishna-abudhabi-meet-ePathram

യു. എ. ഇ. യിലെ ഇന്ത്യന്‍ തൊഴിലാളികളുടെ ക്ഷേമ പ്രവര്‍ത്ത നങ്ങളില്‍ കൂടുതല്‍ കാര്യക്ഷമമായി ഇടപെടാന്‍ എംബസിയില്‍ ഒരുക്കങ്ങള്‍ നടത്തുന്നുണ്ട് എന്നും അദ്ദേഹം കൂട്ടിച്ചേര്‍ത്തു.

വിവിധ മേഖലകളില്‍ ജോലി ചെയ്യുന്ന തൊഴിലാളികളുടെ പ്രതിനിധികളും മാധ്യമ പ്രവര്‍ത്തകരും സാംസ്കാരിക സംഘടനാ പ്രതിനിധികളും ഉള്‍പ്പെടുന്ന വലിയ ഒരു സദസ്സ്, ഇന്ത്യന്‍ സമൂഹത്തിന്റെ പുനരധിവാസം, വിമാന യാത്ര, തൊഴില്‍ തുടങ്ങി സമകാലിക പ്രശ്നങ്ങള്‍ അടക്കം നിരവധി വിഷയങ്ങള്‍ മന്ത്രി തല സംഘത്തിന് മുന്നില്‍ അവതരിപ്പിച്ചു.

ഇന്ത്യന്‍ സ്ഥാനപതി എം. കെ. ലോകേഷ്, വിദേശ കാര്യ വകുപ്പ് സെക്രട്ടറി സഞ്ജയ്‌ സിംഗ്, വിദേശ കാര്യ മന്ത്രാലയ ഉപദേഷ്ടാവ്‌ രാഘവേന്ദ്ര ശാസ്ത്രി, ആനന്ദ്‌ ബര്‍ദന്‍ എന്നിവര്‍ മുഖാമുഖം പരിപാടിയില്‍ പങ്കെടുത്തു.

കോണ്‍സുലാര്‍ സഹകരണ ത്തിന് ഇന്ത്യ – യു. എ. ഇ. സംയുക്ത സമിതി രൂപീകരിക്കുന്ന തിനായിട്ടാണ് വിദേശ കാര്യ മന്ത്രിയും സംഘവും അബുദാബി യില്‍ എത്തിയത്‌.
minister-sm-krishna-in-abudhabi-ePathram

ഇന്ത്യ – യു. എ. ഇ. സംയുക്ത സമിതി യോഗ ത്തില്‍ ഇന്ത്യന്‍ സംഘത്തെ എസ്. എം. കൃഷ്ണയും യു. എ. ഇ. സംഘത്തെ യു. എ. ഇ. വിദേശ കാര്യ മന്ത്രി ശൈഖ് അബ്ദുല്ല ബിന്‍ സായിദ് ആല്‍ നഹ്യാനുമാണ് നയിക്കുക.

സാമ്പത്തിക സഹകരണ ത്തിനുള്ള സംയുക്ത സമിതിയുടെ പത്താമത് യോഗമാണിത്. ഏറ്റവും ഒടുവില്‍ യോഗം നടന്നത് 2007ല്‍ ന്യൂദല്‍ഹി യിലാണ്.

media-personalities-with-minister-sm-krishna-at-indian-embassy-ePathram

കഴിഞ്ഞ അഞ്ചു വര്‍ഷ ത്തിനിടെ ഇന്ത്യ – യു. എ. ഇ. ബന്ധ ങ്ങളില്‍ വന്‍ കുതിച്ചു ചാട്ടമാണ് നടന്നത്. ഇരു രാജ്യങ്ങളും തമ്മിലുള്ള കയറ്റുമതി യിലും ഇറക്കുമതി യിലും അഭൂത പൂര്‍വമായ വളര്‍ച്ച യാണ് സംഭവിച്ചത്. യു. എ. ഇ. യുടെ ഏറ്റവും വലിയ വ്യാപാര പങ്കാളി എന്ന പദവിയും ഇപ്പോള്‍ ഇന്ത്യയ്ക്കാണ്.

ഒരു ദശലക്ഷ ത്തിനു മുകളില്‍ ഇന്ത്യക്കാര്‍ അധിവസിക്കുന്ന ഭൂപ്രദേശം എന്ന നിലയിലും യു. എ. ഇ. ക്ക് പ്രാധാന്യമുണ്ട്. ഇരു രാജ്യങ്ങളും തമ്മിലെ ഉഭയ കക്ഷി ബന്ധം മെച്ച പ്പെടുത്താനുള്ള നടപടി കളെ കുറിച്ച് ചര്‍ച്ച ചെയ്യും.

വാണിജ്യം, വ്യവസായം, നിക്ഷേപം, ഊര്‍ജ പദ്ധതികള്‍, കൃഷി, സുരക്ഷാ കാര്യങ്ങള്‍ തുടങ്ങിയ വിഷയ ങ്ങളിലാണ് മന്ത്രി തല സംഘം ചര്‍ച്ചകള്‍ നടത്തുക എന്ന് ഇന്ത്യന്‍ എംബസ്സിയില്‍ നിന്നും അയച്ച വാര്‍ത്താ ക്കുറിപ്പില്‍ അറിയിച്ചു.

– ചിത്രങ്ങള്‍ : ഹഫ്സല്‍ ഇമ -അബുദാബി

- pma

വായിക്കുക: , ,

അഭിപ്രായം എഴുതുക »

പ്രവാസി ഭാരതീയ ദിവസ് അടുത്ത വര്‍ഷം ദുബൈയില്‍

November 24th, 2011

mk-lokesh-ePathram
അബുദാബി : ഗള്‍ഫ് മേഖലക്കു വേണ്ടി മാത്രം ദുബായില്‍ പ്രവാസി ഭാരതീയ ദിവസ് സംഘടിപ്പിക്കാന്‍ തീരുമാനമായി എന്ന്‍ ഇന്ത്യന്‍ അംബാസഡര്‍ എം. കെ. ലോകേഷ് പറഞ്ഞു. കേന്ദ്ര പ്രവാസി കാര്യ മന്ത്രാ ലയം വര്‍ഷം തോറും സംഘടിപ്പിക്കുന്ന പ്രവാസി ഭാരതീയ ദിവസില്‍ ഗള്‍ഫ് മേഖല അവഗണിക്ക പ്പെടുന്നു എന്ന പരാതി ഇതോടെ തീരും.

2012 ഒക്ടോബര്‍ – നവംബര്‍ മാസത്തോടെ സമ്മേളനം നടത്താനാണ് സാധ്യത. ഇന്ത്യന്‍ എംബസ്സിയില്‍ വിളിച്ചു ചേര്‍ത്ത വാര്‍ത്താ സമ്മേളന ത്തിലാണ് അംബാസിഡര്‍ ഇക്കാര്യം അറിയിച്ചത്‌.

യു. എ. ഇ., സൗദി അറേബ്യ, ഒമാന്‍, ഖത്തര്‍, കുവൈത്ത്, ബഹ്റൈന്‍ എന്നീ രാജ്യങ്ങളിലെ ഇന്ത്യന്‍ അംബാസിഡര്‍ മാരും പ്രവാസി കളില്‍ നിന്നുള്ള പ്രതിനിധികളും ദുബൈ സമ്മേളന ത്തില്‍ പങ്കെടുക്കും. ഇതിലൂടെ ഗള്‍ഫ് മേഖല യിലെ ഇന്ത്യക്കാരുടെ പ്രശ്നങ്ങള്‍ നേരിട്ട് കേന്ദ്ര സര്‍ക്കാറിന്‍റെ ശ്രദ്ധയില്‍ പ്പെടുത്താന്‍ കഴിയും.

തൊഴില്‍ മേഖല യില്‍ ഉള്‍പ്പെടെ നിരവധി പ്രശ്നങ്ങള്‍ നേരിടുമ്പോഴും ഇന്ത്യയുടെ വിദേശ നാണ്യ ത്തിന്‍റെ ബഹു ഭൂരിഭാഗവും ഗള്‍ഫ് മേഖല യില്‍ നിന്നാണ്. എന്നാല്‍ ഇതിന് അനുസരിച്ച് പ്രവാസി ഭാരതീയ ദിവസില്‍ ഗള്‍ഫ് മേഖല യില്‍ നിന്നുള്ളവര്‍ക്ക്‌ പരിഗണന ലഭിക്കുന്നില്ല എന്ന് തുടര്‍ച്ചയായി പരാതി ഉയരുന്ന സാഹചര്യ ത്തിലാണ് ദുബായില്‍ സമ്മേളനം സംഘടിപ്പിക്കാന്‍ പ്രവാസികാര്യ വകുപ്പ് ശ്രമം തുടങ്ങിയത്.

- pma

വായിക്കുക: , ,

അഭിപ്രായം എഴുതുക »


« സുരക്ഷക്കും സമാധാന ത്തിനും ജി. സി. സി. സഹകരണം ശക്തമാക്കണം : യു. എ. ഇ. പ്രസിഡന്‍റ്
ഞാന്‍ പ്രവാസിയുടെ മകന്‍ : പുസ്തക പ്രകാശനം »



  • ബഹുസ്വര ലോകത്തെ ഇന്ത്യ : സെമിനാര്‍ ഒക്ടോബർ 1 ന്
  • മുഹമ്മദ് ബിൻ സൽമാൻ സൗദി പ്രധാന മന്ത്രി
  • നബിദിനം : ഒക്​ടോബർ എട്ടിന്​ ശമ്പളത്തോടു കൂടിയ അവധി
  • സമാധാന സംരക്ഷണം പ്രധാന ദൗത്യം : സാദിഖലി ശിഹാബ് തങ്ങള്‍
  • കൊവിഡ് മാന ദണ്ഡങ്ങളില്‍ മാറ്റം വരുത്തി യു. എ. ഇ.
  • ഔദ്യോഗിക മുദ്രകൾ നശിപ്പിച്ചാൽ തടവു ശിക്ഷയും പിഴയും
  • എക്സ് പ്രസ്സ് ബസ്സ് സർവ്വീസ് യാസ് മാളിലേക്ക്
  • ശൈഖ് സായിദ് റോഡിലെ പരമാവധി വേഗ പരിധി 100 കിലോ മീറ്റർ
  • ഷാര്‍ജ അന്താരാഷ്ട്ര പുസ്തകോത്സവം നവംബർ രണ്ട് മുതൽ
  • സൗഹൃദത്തിന്‍റെ ഒത്തു കൂടല്‍ : സാദിഖലി തങ്ങള്‍ 25 ന് അബുദാബി യില്‍
  • പി. എസ്. വി. അച്ചീവ്‌ മെന്‍റ് അവാര്‍ഡ് സമ്മാനിച്ചു
  • ബുർജീൽ ഹോൾഡിംഗ്‌സിന്‍റെ 15% ഓഹരികൾ ഐ. എച്ച്. സി. വാങ്ങി
  • തങ്ങൾ @ അബുദാബി : സൗത്ത് സോൺ കെ. എം. സി. സി. പ്രചാരണ കൺവെൻഷൻ
  • യുവജന സഖ്യം ‘ഓണ വസന്തം 2022’ ശ്രദ്ധേയമായി
  • മലയാളി സമാജം ഉപന്യാസ മത്സരം
  • ഖത്തറിന്‍റെ പുതുക്കിയ എംബ്ലം
  • ഉച്ച വിശ്രമം : 99 % സ്ഥാപനങ്ങളും നിയമം പാലിച്ചു
  • വിസ സ്റ്റാമ്പിംഗ് ഇനി നിര്‍ബ്ബന്ധമില്ല : റോയൽ ഒമാൻ പൊലീസ്
  • വിയറ്റ്നാം ഫുഡ് ഫെസ്റ്റിവലുമായി ലുലു ഗ്രൂപ്പ്
  • ഇസ്ലാമിക് സെന്‍ററില്‍ സെമിനാര്‍ : ‘പാഠ്യ പദ്ധതിക്ക് പുറത്തുള്ള രക്ഷാ കര്‍തൃത്വം’



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine