 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ഇന്ത്യന്‍ പ്രവാസികൾക്കായി അബുദാബി യിലെ ഇന്ത്യൻ എംബസിയില്‍ 2025 സെപ്റ്റംബർ 19 വെള്ളിയാഴ്ച ഉച്ചക്ക് 2 മണി മുതൽ നാലുമണി വരെ ഓപ്പൺ ഹൗസ് സംഘടിപ്പിക്കും എന്ന് എംബസി വൃത്തങ്ങൾ വാർത്താ കുറിപ്പിൽ അറിയിച്ചു.
തൊഴില്‍, കോണ്‍സുലാര്‍, വിദ്യാഭ്യാസം, ക്ഷേമം എന്നിവയുമായി ബന്ധപ്പെട്ട വിഷയങ്ങളില്‍ സംശയ നിവാരണവും ഉപദേശ നിർദ്ദേശങ്ങൾ തേടാനും ഓപ്പൺ ഹൗസില്‍ അവസരം ഒരുക്കും.
പാസ്സ്‌പോർട്ട്-വിസാ സേവനങ്ങൾ, അറ്റസ്റ്റേഷൻ തുടങ്ങിയ കോണ്‍സുലാര്‍ സേവനങ്ങള്‍ വെള്ളിയാഴ്ച ലഭ്യമല്ല എന്നും അധികൃതര്‍ അറിയിച്ചു.
- pma
വായിക്കുക: expat, help-desk-, nri, social-media, visa-rules, അബുദാബി, ഇന്ത്യന്‍ കോണ്സുലേറ്റ്, തൊഴിലാളി, പ്രവാസി, സാമൂഹ്യ സേവനം
ദുബായ് : യു. എ. ഇ. സപ്ലൈ ചെയിൻ നെറ്റ്‌ വർക്ക് ഗ്രൂപ്പ് സംഘടിപ്പിച്ച ഓണാഘോഷം വിവിധ ദേശക്കാരുടെ പങ്കാളിത്തം കൊണ്ടും അവതരിപ്പിച്ച പരിപാടികളുടെ വൈവിധ്യത്താലും ശ്രദ്ധേയമായി.
ദുബായിലെ ഗ്രാൻഡിയോർ ഹോട്ടലിൽ വെച്ച് നടന്ന ആഘോഷങ്ങളിൽ ക്ലിഫ്ഫോർഡ് ഡിസൂസ മുഖ്യ അതിഥി ആയിരുന്നു. വിഭവ സമൃദ്ധമായ ഓണ സദ്യ, ഓണക്കളികൾ, വിവിധ മത്സരങ്ങൾ എന്നിവ ആഘോഷങ്ങൾക്ക് കൊഴുപ്പേകി.
ലോജിസ്റ്റിക്ക് & സപ്ലൈ ചെയിൻ മേഖലയിൽ ജോലി ചെയ്യുന്നവരുടെ കൂട്ടായ്മയാണ് യു. എ. ഇ. സപ്ലൈ ചെയിൻ നെറ്റ്‌ വർക്ക് ഗ്രൂപ്പ്. ഇതിന്റെ അഡ്മിൻ ടീമംഗങ്ങൾ ഇല്ല്യാസ് അബ്ദുള്ള, റംസി, നിയാസ്, ബാസിത്ത്, വൈഷ്ണവി, ഇബ്രാഹിം, ബിഷ, മാനസ തുടങ്ങിയവർ പ്രോഗ്രാമുകൾക്ക് നേതൃത്വം നൽകി.
- pma
അബുദാബി : യു. എ. ഇ. യിൽ സ്വകാര്യ മേഖലയിലെ ജീവനക്കാർക്ക് നബി ദിനം പ്രമാണിച്ച് സെപ്റ്റംബർ 5 വെള്ളിയാഴ്ച പൊതു അവധി നൽകും. സർക്കാർ മേഖലയിലെ ജീവനക്കാർക്കും വാരാന്ത്യ അവധിയായ ശനിയും ഞായറും കൂടി ആവുമ്പോൾ 3 ദിവസത്തെ അവധി ലഭിക്കും. 2025 ആഗസ്റ്റ് 24 തിങ്കളാഴ്ച സൗദി അറേബ്യയിൽ ദൃശ്യമായ ഹിജ്‌റ മാസ പ്പിറവി യുടെ അടിസ്ഥാനത്തിൽ പ്രവാചകരുടെ ജന്മ ദിനമായ റബിഉൽ അവ്വൽ 12, സെപ്തംബർ 4 വ്യാഴാഴ്ചയാണ്. എന്നാൽ വാരാന്ത്യ അവധികളോട് ചേർത്ത് നബി ദിന അവധി പ്രഖ്യാപിക്കുകയായിരുന്നു. FAHR
- pma
വായിക്കുക: public-holidays, social-media, ആഘോഷം, തൊഴിലാളി, നിയമം, പൂര്‍വ വിദ്യാര്‍ത്ഥി, പ്രവാസി, മതം, യു.എ.ഇ.
ദുബായ് : എമിറേറ്റിലെ ശുചിത്വത്തിന് കോട്ടം തട്ടുന്ന പ്രവൃത്തികൾ നിരീക്ഷിച്ച് അവ രേഖപ്പെടുത്തുവാൻ ‘ഇൽത്തിസാം’ എന്ന ഡിജിറ്റൽ ആപ്ലിക്കേഷൻ വികസിപ്പിച്ചു.
പൊതു സ്ഥലങ്ങളിൽ തുപ്പുക, ച്യൂയിംഗം, സിഗരറ്റു കുറ്റികൾ, ചായക്കപ്പുകൾ, കാനുകൾ മറ്റു മാലിന്യങ്ങൾ അടക്കമുള്ളവ പൊതു സ്ഥലങ്ങളിൽ ഇടുക, നിരോധിത ഇടങ്ങളിൽ ബാർബിക്യൂ ഒരുക്കുക, അംഗീകൃതമല്ലാത്ത സ്ഥലങ്ങളിൽ ലഘു ലേഖകൾ, പോസ്റ്ററുകൾ, പരസ്യങ്ങൾ പതിക്കുക തുടങ്ങി നിയമ ലംഘനങ്ങൾ ആപ്പ് വഴി നിരീക്ഷിക്കും.
പൊതുജനാരോഗ്യം, പരിസ്ഥിതി സംരക്ഷണം, നഗര ഭംഗി കാത്ത് സൂക്ഷിക്കുക തുടങ്ങിയവക്കും ഉദ്യോഗസ്ഥരും പൊതു സമൂഹവും തമ്മിൽ ബന്ധം ശക്തിപ്പെടുത്തുവാനും കൂടിയാണ് ആപ്പ് രൂപ കൽപന ചെയ്തിരിക്കുന്നത്. നിയമ ലംഘനങ്ങളുടെ ഫോട്ടോ എടുക്കാനും അത് ഉടനെ തന്നെ റിപ്പോർട്ട് ചെയ്യാനും കഴിയും.
നഗരത്തിന്‍റെ ശുചിത്വം, സുസ്ഥിരത, ജീവിത നില വാരം എന്നിവ വർദ്ധിപ്പിക്കാനുള്ള മുനിസിപ്പാലിറ്റി യുടെ ദൗത്യങ്ങളിൽ ‘ഇൽത്തിസാം’ പോലുള്ള ഡിജിറ്റൽ ആപ്പുകൾ പ്രധാന പങ്കു വഹിക്കും. ലോകത്ത് ഏറ്റവും വൃത്തിയുള്ള നഗരം ദുബായ് എന്നുള്ള സ്ഥാനം നില നിർത്തുവാനും കൂടിയാണ് ഈ ദൗത്യം എന്നും പൊതു ജനങ്ങൾ ഇതിനോട് പൂർണ്ണമായും സഹകരിക്കണം എന്നും നഗര സഭാ അധികൃതർ അറിയിച്ചു. F B , Instagram
- pma
വായിക്കുക: social-media, ആരോഗ്യം, തൊഴിലാളി, ദുബായ്, നിയമം, പരിസ്ഥിതി, മാധ്യമങ്ങള്‍, സാമൂഹ്യ സേവനം
അബുദാബി : തലസ്ഥാന നഗരിയിലെ മിനാ ക്രൂയിസ് ടെര്‍മിനലില്‍ 24 മണിക്കൂറും പ്രവര്‍ത്തിക്കുന്ന സിറ്റി ചെക്ക്-ഇന്‍ സൗകര്യം ആഗസ്റ്റ് 11 മുതൽ ഇന്‍ഡിഗോ വിമാന യാത്രക്കാര്‍ക്ക് ഉപയോഗപ്പെടുത്താം.
അബുദാബി മുസ്സഫ ഷാബിയ 11 ലെ അൽ മദീന ഹൈപ്പർ മാർക്കറ്റിനു സമീപം, യാസ് മാളിലെ ഫെരാരി വേള്‍ഡ് എന്‍ട്രന്‍സ്, അല്‍ ഐന്‍ കുവൈറ്റാറ്റ് ലുലു മാള്‍ എന്നിവിടങ്ങളില്‍ രാവിലെ10 മണി മുതല്‍ രാത്രി 10 മണി വരെയും സിറ്റി ചെക്ക്-ഇന്‍ സൗകര്യം ഉപയോഗപ്പെടുത്താം.
ഇന്ത്യയിലെ 16 എയർ പോർട്ടുകളിലേക്ക് നിലവിൽ അബുദാബിയിൽ നിന്നും ഇന്‍ഡിഗോ എയർ സർവ്വീസ് നടത്തുന്നുണ്ട്. യാത്രയുടെ 24 മണിക്കൂർ മുതൽ 4 മണിക്കൂർ മുൻപ് വരെ സിറ്റി ചെക്ക്-ഇൻ നടപടികൾ പൂർത്തിയാക്കാം.
ബാഗേജുകള്‍ ഇവിടെ നല്‍കി ബോഡിംഗ്‌ പാസ്സ് എടുക്കുന്നവര്‍ക്ക് വിമാന ത്താവളത്തിലെ നീണ്ട ക്യൂവില്‍ നില്‍ക്കാതെ, നേരെ എമിഗ്രഷനിലേക്ക് പോകാനാകും എന്നതാണ് സിറ്റി ചെക്ക്-ഇൻ സൗകര്യം കൂടുതൽ ജനപ്രിയമാക്കിയത്.
അടുത്ത മാസം (സെപ്റ്റംബര്‍ ഒന്ന്) മുതലാണ് അല്‍ ഐനിലെ ഇന്‍ഡിഗോ യാത്രക്കാര്‍ക്ക് സിറ്റി ചെക്ക്-ഇൻ സൗകര്യം ആരംഭിക്കുക. അവിടെ സിറ്റി ചെക്ക്-ഇന്‍ ചെയ്യുന്നതിനുള്ള കുറഞ്ഞ സമയം ഏഴ് മണിക്കൂർ ആയിരിക്കും.
12 വയസ്സിനു മുകളിൽ ഉള്ളവർക്ക് 35 ദിർഹവും കുട്ടികൾക്ക് 25 ദിർഹവും രണ്ടു വയസ്സിനു താഴെ ഉള്ളവർക്ക് 15 ദിർഹവും ചെക്ക്-ഇൻ സേവനത്തിനുള്ള നിരക്കായി ഈടാക്കുന്നത്. വിവരങ്ങള്‍ക്ക് 800 6672347 എന്ന നമ്പറില്‍ ബന്ധപ്പെടുക.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
