സെവൻസ് ഫുട്ബോൾ ടൂർണ്ണമെന്‍റ് : റിവിയേറ ടീം ചാമ്പ്യന്മാര്‍

June 16th, 2022

dream-sports-sporting-abudhabi-football-ePathram
അബുദാബി : സ്പോർട്ടിംഗ് അബുദാബിയും ഡ്രീം സ്പോർട്സ് അക്കാദമിയും ചേര്‍ന്ന് സംഘടിപ്പിച്ച സെവൻസ് ഫുട്ബോൾ ടൂർണ്ണമെന്‍റില്‍ റിവിയേറ വാട്ടർ ടീം ചാമ്പ്യന്മാരായി. അബുദാബി ശൈഖ് സായിദ് സ്റ്റേഡിയത്തിൽ നടന്ന ടൂർണ്ണ മെന്‍റില്‍ യു. എ. ഇ. യിൽ നിന്നുള്ള 16 ടീമുകൾ പങ്കെടുത്തു. ഫൈനലിൽ ബി. ടി. ഗള്ളി ഫുട്‍ ബോൾ ക്ലബ്ബിനെ പെനാൽട്ടി ഷൂട്ടൗട്ടിൽ പരാജയപ്പെടുത്തിയാണ് റിവിയേറ വാട്ടർ ടീം കപ്പു നേടിയത്.

sporting-abudhabi-sevens-foot-ball-ePathram

മലബാർ എഫ്. സി, ഈറ്റ് & ആമ്പ്, ഡ്രൈവ് എഫ്. സി. അബുദാബി എന്നീ ടീമുകള്‍ മൂന്നും നാലും സ്ഥാനങ്ങൾ കരസ്ഥമാക്കി. തലാൽ സവായ ടൂർണ്ണമെന്‍റ് ഉൽഘാടനം ചെയ്തു. അബുദാബി സ്പോർട്ടിംഗ് ക്ലബ്ബ് പ്രസിഡണ്ട് ഷാജി ജേക്കബ്ബ്, ടീം മാനേജർ ജോസ് ജോർജ്ജ്, ഹാഷിം, സുനിൽ, സൈതലവി, സാഹിർ എന്നിവർ വിജയികൾക്കുള്ള ട്രോഫിയും ക്യാഷ് അവാർഡുകളും സമ്മാനിച്ചു.

- pma

വായിക്കുക: , , ,

Comments Off on സെവൻസ് ഫുട്ബോൾ ടൂർണ്ണമെന്‍റ് : റിവിയേറ ടീം ചാമ്പ്യന്മാര്‍

കേരളം സന്തോഷ് ട്രോഫി കിരീടം ചൂടി

May 3rd, 2022

santhosh-trophy-kerala-champions-ePathram
മലപ്പുറം : സന്തോഷ് ട്രോഫി കിരീടം സ്വന്തമാക്കി കേരളം. നാലിന് എതിരേ അഞ്ചു ഗോളുകള്‍ക്ക് പെനാള്‍ട്ടി ഷൂട്ടൗട്ടിലാണ് ബംഗാളിനെ തറ പറ്റിച്ച് ഏഴാം തവണ സന്തോഷ് ട്രോഫി കിരീടം കേരളം നേടിയത്. നിശ്ചിത സമയത്ത് ഗോൾ രഹിത സമ നിലയിൽ മത്സരം അവസാനിച്ചു. എക്സ്ട്രാ ടൈം കൂടെ കഴിഞ്ഞപ്പോള്‍ 1–1 എന്ന സമനിലയില്‍. തുടര്‍ന്നാണ് പെനാള്‍ട്ടി ഷൂട്ടൗട്ടിലേക്ക് നീങ്ങിയത്. ഷൂട്ടൗട്ടില്‍ സഞ്ജു, ബിപിന്‍ അജയന്‍, ജിജോ ജോസഫ്, ജെസിന്‍, ഫസ്‌ലുറഹ്‌മാന്‍ എന്നിവരാണ് ഗോളുകള്‍ നേടിയത്.

അവസാനമായി കേരളം സന്തോഷ് ട്രോഫി കിരീടം നേടിയത് 2018 ല്‍ ആയിരുന്നു.

ഏഴാം തവണ സന്തോഷ് ട്രോഫി കിരീടം ചൂടിയ കേരള ടീമിനെ അഭിനന്ദിച്ച് പ്രമുഖർ ട്വീറ്റ് ചെയ്തു. മുഖ്യ മന്ത്രി പിണറായി വിജയൻ, സൂപ്പർ താരങ്ങളായ മമ്മൂട്ടി, മോഹൻ ലാൽ എന്നിവരുടെ ട്വീറ്റുകളും ഫുട്‍ബോൾ – സിനിമാ ആരാധകർ ഏറ്റെടുത്തു.

- pma

വായിക്കുക: , , ,

Comments Off on കേരളം സന്തോഷ് ട്രോഫി കിരീടം ചൂടി

ഇഫ്താർ സംഗമവും ലോഗോ പ്രകാശനവും

April 18th, 2022

kozhikkode-kmcc-foot-ball-logo-release-ePathram
അബുദാബി : കോഴിക്കോട് ജില്ലാ കെ. എം. സി. സി. സംഘടിപ്പിക്കുന്ന മൂന്നാമത് എ. വി. ഹാജി സ്മാരക വോളി ബോൾ ടൂർണ്ണ മെന്‍റിന്‍റെ ലോഗോ പ്രകാശനം ചെയ്തു. ഇന്ത്യന്‍ ഇസ്ലാമിക് സെന്‍ററില്‍ കോഴിക്കോട് ജില്ലാ കെ. എം. സി. സി. ഒരുക്കിയ ഇഫ്താര്‍ വിരുന്നില്‍ വെച്ചാണ് അബുദാബി കെ. എം. സി. സി. പ്രസിഡണ്ട് ഷുക്കൂർ അലി കല്ലുങ്കൽ, അഹല്യ ഗ്രൂപ്പ് പ്രതിനിധി ജിജോ എന്നിവര്‍ ചേര്‍ന്നാണ് ലോഗോ റിലീസ് ചെയ്തത്.

കേന്ദ്ര കെ. എം. സി. സി. വർക്കിംഗ് പ്രസിഡണ്ട് യു. അബ്ദുല്ല ഫാറൂഖി, ഇന്ത്യൻ ഇസ്ലാമിക് സെന്‍റർ ജനറൽ സെക്രട്ടറി ടി. കെ. അബ്ദുൽ സലാം, കെ. എം. സി. സി. നേതാക്കളായ ഇബ്രാഹീം ബഷീർ, മുസ്തഫ വാഫി, ഷറഫുദ്ദീൻ മംഗലാട്, സി. എച്ച്. ജാഫർ തങ്ങൾ തുടങ്ങി നിരവധി പേര്‍ പങ്കെടുത്തു.

ഹാരിസ് അത്തോളി, ജാഫർ വരയാലിൽ, അഷ്റഫ് നജാത്ത്, നൗഷാദ് കൊയിലാണ്ടി, ഹമീദ് കച്ചേരികുനി, ഇസ്മായിൽ തൊട്ടിൽ പാലം, സിദ്ദീഖ് എളേറ്റിൽ, കെ. കെ കാസിം, മജീദ് അത്തോളി, റഫീഖ് ബാലുശ്ശേരി, റസാഖ് കൊളക്കാട്, സാദത്ത്, ഷംസുദ്ദീൻ കുന്ന മംഗലം, മഹബൂബ്, ഷംസുദ്ദീൻ കൊടു വള്ളി, ഫഹീം ബേപ്പൂർ തുടങ്ങിയവർ ഇഫ്താര്‍ വിരുന്നിന് നേതൃത്വം നൽകി. കാസിം മാളിക്കണ്ടി അദ്ധ്യക്ഷത വഹിച്ചു. അബ്ദുൽ ബാസിത്ത് കായക്കണ്ടി സ്വാഗതവും അഷ്റഫ് സി. പി. നന്ദിയും പറഞ്ഞു. വ്യവസായ രംഗത്തെ പ്രമുഖരും മാധ്യമ പ്രവർത്തകരും വിവിധ തലങ്ങളിലെ നേതാക്കളും അടക്കം നിരവധി പേര്‍ ഇഫ്താര്‍ വിരുന്നില്‍ സംബന്ധിച്ചു.

- pma

വായിക്കുക: , , ,

Comments Off on ഇഫ്താർ സംഗമവും ലോഗോ പ്രകാശനവും

മാട്ടൂൽ പ്രീമിയർ ലീഗ് : മുഫ്തി ഹാർട്ട് ബീറ്റേഴ്സ് ജേതാക്കള്‍

April 7th, 2022

sevens-foot-ball-in-dubai-epathram

അബുദാബി : മാട്ടൂൽ കെ. എം. സി. സി. സംഘടിപ്പിച്ച മാട്ടൂൽ പ്രീമിയർ ലീഗ് – സീസൺ 6 സെവന്‍സ് ഫുട് ബോള്‍ ടൂര്‍ണ്ണമെന്‍റില്‍ മുഫ്തി ഹാർട്ട് ബീറ്റേഴ്സ് ജേതാക്കളായി. റണ്ണേഴ്‌സ് അപ്പ് : കെ. കെ. എഫ്സി മാട്ടൂല്‍. വാശിയേറിയ ഫൈനൽ മത്സരത്തിൽ പെനാൽട്ടി ഷൂട്ടിലൂടെയാണ്’ മുഫ്തി ഹാർട്ട് ബീറ്റേഴ്സ് കപ്പു നേടിയത്.

mufthi-heart-beaters-winners-kmcc-mattul-sevens-foot-ball-ePathram

ഏറ്റവും നല്ല കളിക്കാരന്‍ : ഫഹദ്, പ്രോമിസിംഗ് പ്ലയെർ ഓഫ് മാട്ടൂൽ : അയ്മന്‍, മികച്ച ഗോൾ കീപ്പര്‍ : ഷാഹിദ്, ഡിഫെൻഡർ : റഷാദ്, ഫൈനൽ മത്സരത്തിലെ മികച്ച കളിക്കാരന്‍ : ഹംസ എന്നിവര്‍.

കെ. എം. സി. സി. ആക്ടിംഗ് പ്രസിഡണ്ട് സി. എം. വി ഫത്താഹ് അദ്ധ്യക്ഷത വഹിച്ചു. കമ്മ്യൂണിറ്റി പോലീസ് ഓഫീസർ അഹ്‌മദ്‌ ജുനൈബി ഉൽഘടനം ചെയ്തു. കെ. എം. സി. സി. നേതാക്കളായ അബ്ദുല്ല ഫാറൂഖി, വി. പി. കെ. അബ്ദുല്ല, സുനീർ. ഇ. ടി., ഹംസ നടുവിൽ, ഷംസുദ്ദീൻ, ഇസ്മായിൽ പാലക്കോട്, റയീസ് ചെമ്പിലോട്, ഹസൈനാർ മുട്ടം തുടങ്ങിയവര്‍ സംബന്ധിച്ചു.

- pma

വായിക്കുക: , ,

Comments Off on മാട്ടൂൽ പ്രീമിയർ ലീഗ് : മുഫ്തി ഹാർട്ട് ബീറ്റേഴ്സ് ജേതാക്കള്‍

മാട്ടൂൽ പ്രീമിയർ ലീഗ് സെവന്‍സ് ഫുട്ബോള്‍ ടൂര്‍ണ്ണമെന്‍റ്

March 24th, 2022

kmcc-mattul-football-ePathram
അബുദാബി : മാട്ടൂൽ കെ. എം. സി. സി. ഒരുക്കുന്ന ‘മാട്ടൂൽ പ്രീമിയർ ലീഗ് – സീസൺ 6 സെവന്‍സ് ഫുട് ബോള്‍ ടൂര്‍ണ്ണമെന്‍റ്’ അബുദാബി ഹുദരിയാത്ത് സ്പോർട്സ് ഗ്രൗണ്ടിൽ നടക്കും.

ടൂര്‍ണ്ണമെന്‍റിന്‍റെ ലോഗോ പ്രകാശനം ജില്ലാ കെ. എം. സി. സി. ഉപാദ്ധ്യക്ഷൻ സി. എം. കെ. മുസ്തഫ, അഹല്യ എക്സ് ചേഞ്ച് ഡെപ്യൂട്ടി ഓപ്പറേഷൻ മാനേജർ ഷാനിഷ് കൊല്ലാറ ക്ക് നൽകി നിർവഹിച്ചു.

logo-release-mattul-kmcc-sevens-foot-ball-ePathram

അബുദാബി മാട്ടൂൽ കെ. എം. സി. സി. ആക്ടിംഗ് പ്രസിഡണ്ട് സി. എം. വി. ഫത്താഹ്, ട്രഷറർ ആരിഫ് കെ. വി, റഹീസ് കെ. പി, റഹീം സി. എം. കെ, മഷൂദ്, ഇബ്രാഹിം സി. കെ. ടി., നൗഷാദ് താങ്കളപ്പള്ളി, മഹമൂദ് എന്നിവർ ചടങ്ങില്‍ സംബന്ധിച്ചു.

യു. എ. ഇ. യിലെ 16 പ്രമുഖ ടീമുകൾ ടൂര്‍ണ്ണമെന്‍റില്‍ പങ്കാളികളാവും. 2022 മാർച്ച് 26 ശനിയാഴ്ച വൈകുന്നേരം 5 മണിക്ക് ടൂര്‍ണ്ണമെന്‍റ് തുടക്കമാവും.

വിശദ വിവരങ്ങള്‍ക്ക് : 050 418 2266

- pma

വായിക്കുക: , ,

Comments Off on മാട്ടൂൽ പ്രീമിയർ ലീഗ് സെവന്‍സ് ഫുട്ബോള്‍ ടൂര്‍ണ്ണമെന്‍റ്

Page 5 of 9« First...34567...Last »

« Previous Page« Previous « പയസ്വിനിയുടെ അറിവിൻ പത്തായം
Next »Next Page » ചരക്കു വാഹനങ്ങള്‍ക്കും ബസ്സുകള്‍ക്കും ഡല്‍ഹിയില്‍ പ്രത്യേക പാത »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha