ഉമ്മുല്‍ ഖുവൈന്‍ : ലോക പുകവലി വിരുദ്ധ ദിനത്തിന്റെ ഭാഗമായി ‘എന്റെ ആരോഗ്യം സമൂഹ നന്മക്ക് ‘ എന്ന മുദ്രാവാക്യം ഉയര്‍ത്തി ഉമ്മുല്‍ ഖുവൈന്‍ കെ. എം. സി. സി. പ്രവര്‍ത്തകര്‍ പുകവലി വിരുദ്ധ പ്രതിജ്ഞയും ബോധവല്‍കരണ ക്ലാസ്സും സംഘടിപ്പിച്ചു.
കമാല്‍ ഹുദവിയുടെ നേതൃത്വത്തില്‍ നൂറില്‍പരം ആളുകള്‍ പുകവലി വിരുദ്ധ പ്രതിജ്ഞഏറ്റുചൊല്ലി. പുക വലിക്കുന്നവന്‍ സ്വയം നശിക്കുക മാത്രമല്ല,തന്റെ ചുറ്റുപാടുകളെ കൂടി നശിപ്പിക്കുകയാണ് എന്നും വ്യക്തികളും സംഘടനകളും ഈ മുദ്രാവാക്യം ഏറ്റെടുത്ത്‌ രംഗത്തിറ ങ്ങണം എന്നും ആരോഗ്യ ബോധ വല്‍കരണ ക്ലാസ്‌ എടുത്ത ഡോക്ടര്‍ ജമാല്‍ പറഞ്ഞു.
ഉമ്മുല്‍ ഖുവൈന്‍ ഹെല്ത്ത് സോണ്‍ അസിസ്റ്റന്റ്‌ ഡയറക്ടര്‍ മുഹമ്മദ്‌ അല്‍ ഖര്‍ജി, ഉമ്മുല്‍ ഖുവൈന്‍ – സംസ്ഥാന കെ. എം. സി. സി. നേതാക്കള്‍, ശാഖാ കമ്മിറ്റി നേതാക്കള്‍ തുടങ്ങീ വിവിധ ഭാരവാഹികള്‍ പങ്കെടുത്തു.
- pma
അനുബന്ധ വാര്‍ത്തകള്‍
വായിക്കുക: ആരോഗ്യം, കെ.എം.സി.സി., പ്രവാസി, സാമൂഹ്യ സേവനം, സാംസ്കാരികം
