 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ജൂണ് 19ന് വായനാ ദിനത്തോട് അനുബന്ധിച്ച് (പി. എന്. പണിക്കര് ജന്മദിനം) അബുദാബി മലയാളി സമാജം ലൈബ്രറി വിഭാഗം രാത്രി 8 മണിക്ക് സമാജം ലൈബ്രറി ഹാളില് ‘അക്ഷര ജ്യോതി’ സംഘടിപ്പിക്കും.
യു. എ. ഇ. യിലെ പ്രമുഖ സാഹിത്യ കാരന്മാര് പങ്കെടുക്കുന്ന പരിപാടി യില് പുസ്തക സമാഹരണം, വായനാനുഭവം, സാഹിത്യ ചര്ച്ച എന്നിവയും ഉണ്ടാവും. കൂടുതല് വിവരങ്ങള്ക്ക് : 050 73 49 807.
- pma
വായിക്കുക: മലയാളി സമാജം, സാഹിത്യം
അബുദാബി: ഫാതിഹ് അകിന് സംവിധാനം ചെയ്ത ‘ ദി എഡ്ജ് ഓഫ് ഹെവന് ‘ എന്ന ചലച്ചിത്രം ജൂണ് 23 ശനിയാഴ്ച വൈകീട്ട് 8 മണിക്ക് അബുദാബി കേരള സോഷ്യല് സെന്ററില് പ്രദര്ശിപ്പിക്കും.
കാന് ഫിലിം ഫെസ്റ്റിവല് അടക്കം നിരവധി ഫിലിം ഫെസ്റ്റിവലുകളില് പങ്കെടുത്ത് പുരസ്കാരങ്ങള് നേടിയ ഈ ചിത്രത്തിന്റെ പ്രദര്ശനത്തെ തുടര്ന്ന് ഓപ്പണ് ഫോറവും ഉണ്ടായിരിക്കും.
കേരള സോഷ്യല് സെന്റര്, പ്രസക്തി, നാടകസൗഹൃദം, കോലായ, ആര്ട്ടിസ്റ്റ ആര്ട്ട് ഗ്രൂപ്പ് എന്നിവയുടെ സംയുക്താഭി മുഖ്യത്തിലാണ് സിനിമാ പ്രദര്ശനം. പ്രവേശനം സൗജന്യമായിരിക്കും.
- pma
വായിക്കുക: സിനിമ
ദോഹ : കൈരളി ചാനലിന് വേണ്ടി ഫ്രെയിം വണ് മീഡിയ അവതരിപ്പിക്കുന്ന ‘ആര്ഗണ് ഗ്ലോബല് ഡാന്സ് ഫിയസ്റ്റ – 2012 നൃത്ത സംഗീത നിശ’ ജൂണ് 22 ന് വെള്ളിയാഴ്ച വൈകീട്ട് 6 മണിക്ക് ദോഹ മോഡേണ് ഇന്ത്യന് സ്കൂള് ഓഡിറ്റോറി യത്തില് അരങ്ങേറും.
ഖത്തറിലെ ഒമ്പത് സ്കൂളു കളില് നിന്നുള്ള കുട്ടികള് അവതരിപ്പിക്കുന്ന ഒപ്പന, സിനിമാറ്റിക്, ഫോക്ക് ഡാന്സ് വിഭാഗ ത്തില് നിന്ന് തിരഞ്ഞെടുക്കപ്പെട്ട പതിനഞ്ചോളം ടീമുകള് മാറ്റുരയ്ക്കും. പ്രശസ്ത മാപ്പിളപ്പാട്ടു ഗായകരായ കൊല്ലം ഷാഫി, ഷമീര് ചാവക്കാട്, സുറുമി വയനാട് എന്നിവരോടൊപ്പം ദോഹയില് നിന്നുള്ള ഗായകരായ ഷക്കീര് പാവറട്ടി, റഫീക്ക് മാറഞ്ചേരി, ഹംസ പട്ടുവം, ഹമീദ് ദാവിഡ, ജിനി ഫ്രാന്സിസ്, ആന് മറിയ, നിധി രാധാകൃഷ്ണന് എന്നിവര് അവതരിപ്പിക്കുന്ന സംഗീത സന്ധ്യയും ഉണ്ടായിരിക്കുന്നതാണ്.
പരിപാടി യിലേക്കുള്ള പ്രവേശനം നിയന്ത്രിക്കുന്നതിനായി പാസ്സ് ഏര്പ്പെടുത്തിയിട്ടുണ്ട്. നാലു മണിക്കൂര് നീണ്ടു നില്ക്കുന്ന നൃത്ത സംഗീത നിശ യുടെ ഫ്രീപാസ്സുകള് ജൂണ് 19 മുതല് കൊടുത്ത് തുടങ്ങും.
വിശദ വിവരങ്ങള്ക്ക് വിളിക്കുക : 550 40 586, 557 11 415
-അയച്ചു തന്നത് : കെ. വി. അബ്ദുല് അസീസ് ചാവക്കാട്, ദോഹ – ഖത്തര്
- pma
അബുദാബി : കലാ സാംസ്കാരിക കൂട്ടായ്മയായ ‘കേരള ആര്ട്സ് ലവേഴ്സ് അസോസിയേഷന്’ (കല ) യുടെ 2012-13 വര്ഷത്തെ പുതിയ സാരഥികളെ തെരഞ്ഞെടുത്തു.
പ്രസിഡന്റ് : കെ. ജി. അമര് കുമാര്, ജനറല് സെക്രട്ടറി : എം. വി. മെഹബൂബ് അലി, ട്രഷറര് : ഗോപാല്, വനിതാ വിഭാഗം കണ്വീനര് : സുരേഖ സുരേഷ്.
വൈസ് പ്രസിഡന്റുമാര് : മോഹന്ദാസ് ഗുരുവായൂര്, കെ. കെ. അനില് കുമാര്, വര്ക്കല പ്രകാശ്, സുരേഷ് കാടാച്ചിറ, ടി. പി. ഗംഗാധരന്. ജോയന്റ് സെക്രട്ടറി മാര് : കെ. വി. ബഷീര്, മഹേഷ്, ജയരാജന് പയ്യന്നൂര്.
ജയന്തി ജയരാജ്, സീനാ അമര് സിംഗ്, ബിജു കിഴക്കനേല, മധു കണ്ണാടിപ്പറമ്പ്, വിചിത്ര വീര്യന്, അനീഷ്ദാസ്, അരുണ് നായര്, ദിലീപ്, വേണു, സുരേഷ് പയ്യന്നൂര്, ദിലീപ്, ഫസല് റഹ്മാന്, ദിനേഷ് ബാബു, ലവീ ജോസ്, തമ്പാന് എന്നിവരാണ് മറ്റു ഭാരവാഹികള്.
- pma
അബുദാബി : തൃശൂര് കേന്ദ്രമാക്കി പ്രവര്ത്തിക്കുന്ന അങ്കണം സാംസ്കാരിക വേദി രജത ജൂബിലി ആഘോഷ ങ്ങളുടെ ഭാഗമായി പ്രവാസി എഴുത്തു കാര്ക്ക് വേണ്ടി നടത്തിയ കഥാ – കവിതാ മത്സര ത്തിലെ വിജയികളെ പ്രഖ്യാപിച്ചു.
പുന്നയൂര്ക്കുളം സൈനുദ്ദീന്റെ ‘ഹാഗോപ്’ കഥാ വിഭാഗ ത്തില് ഒന്നാം സമ്മാനാര്ഹമായി. കഴിഞ്ഞ 20 വര്ഷങ്ങളായി യു. എ. ഇ. യില് ജോലി ചെയ്യുന്ന സൈനുദ്ദീന് ഇവിടത്തെ സാഹിത്യ സാംസ്കാരിക രംഗത്ത് സജീവ സാന്നിദ്ധ്യമാണ്. 2009 ലെ മാധ്യമം വാര്ഷിക പ്പതിപ്പില് പ്രസിദ്ധീകരിച്ച കഥയായിരുന്നു ഹാഗോപ്.
അങ്കണം സാംസ്കാരിക വേദിയുടെ അവാര്ഡ് ജേതാക്കള്
അതോടൊപ്പം നിര്മ്മലാ തോമസ് (കാനഡ )എഴുതിയ ‘മേപ്പിള്ളിയില് പതിഞ്ഞു പോയ നക്ഷത്രങ്ങള്’ എന്ന കഥയും ഒന്നാം സമ്മാനം നേടി. റിയാദില് ജോലി ചെയ്യുന്ന ജോസഫ് അതിരുങ്കലിന് കഥാ വിഭാഗത്തില് പ്രോത്സാഹന സമ്മാനം ലഭിച്ചു.
കവിതയില് ന്യൂയോര്ക്കിലുള്ള സന്തോഷ് പാലാ (അരൂപിയുടെ രൂപം) യ്ക്കാണ് ഒന്നാം സ്ഥാനം. കെ. ബാലചന്ദ്രന് (ബഹ്റൈന്), സറീനാ റിയാസുദ്ദീന് (അല്കോബാര്) എന്നിവര്ക്ക് പ്രോത്സാഹന സമ്മാനവും ലഭിച്ചു.
ആഗസ്റ്റ് അവസാന വാരത്തില് നടക്കുന്ന പരിപാടി യില് പ്രശസ്തി പത്രവും ശില്പവും ക്യാഷ് അവാര്ഡും സമ്മാനിക്കും.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
