 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : ദുബായ് കെ. എം. സി. സി. സാഹിത്യ വിഭാഗം സര്‍ഗ്ഗധാര സര്‍ഗ സംഗമം നടത്തി. ചെയര്‍മാന്‍ സൈനുദ്ദീന്‍ ചേലേരി അദ്ധ്യക്ഷനായിരുന്നു. പ്രസിഡന്‍റ് ഇബ്രാഹി എളേറ്റില്‍ ഉദ്ഘാടനം ചെയ്തു. പട്ടുറുമാല്‍ ജനപ്രിയ ഗായകന്‍ ഷഹദ് കൊടിയത്തൂരിനെ ഉപഹാരം നല്‍കി ആദരിച്ചു. തുടര്‍ന്ന് നടന്ന സംഗീത വിരുന്നില്‍ ഷഹദ് കോടിയത്തൂര്‍, പ്രവാസി ഗായകരായ ഷഫീക്, അഡ്വ. സാജിത്, ലത്തീഫ്, അബ്ദള്ളകുട്ടി, ഷാജി എന്നിവര്‍ ഗാനങ്ങള്‍ ആലപിച്ചു.
- pma
വായിക്കുക: കെ.എം.സി.സി., സംഗീതം
അബുദാബി : മലപ്പുറം, വയനാട്‌ ജില്ലകളിലെ 12 ക്ലിനിക്കു കളിലായി 800 ഓളം മാനസിക രോഗികളെ ചികിത്സി ക്കുകയും, പരിചരി ക്കുകയും ചെയ്തു കൊണ്ടിരിക്കുന്ന ‘മെഹത്’ ( മെന്‍റല്‍ ഹെല്‍ത്ത്‌ ആക്ഷന്‍ ട്രസ്റ്റ്‌ – M H A T) ന്റെ പ്രവര്‍ത്തനങ്ങള്‍ പ്രവാസ ലോകത്ത്‌ എത്തിക്കുന്നതിനു വേണ്ടി സംഘടിപ്പിച്ച മെഹത് അബുദാബി സംഗമം ശ്രദ്ധേയമായി.
കെ. എസ്. സി. പ്രസിഡന്‍റ് കെ. ബി. മുരളി സംഗമം ഉദ്ഘാടനം ചെയ്തു. മെഹത് ക്ലിനിക്കല്‍ ഡയറക്ടര്‍ ഡോ. മനോജ് കുമാര്‍ ട്രസ്റ്റിന്‍റെ പ്രവര്‍ത്തന ങ്ങളെ ക്കുറിച്ച് വിശദീകരിച്ചു.
മെഹത് നടത്തി വരുന്ന പ്രവര്‍ത്തങ്ങള്‍ വിശദീകരിക്കുന്ന ‘റീ ബില്‍ഡിംഗ് ലൈവ്സ്‌’ എന്ന ഹ്രസ്വ ചിത്ര വും പ്രദര്‍ശിപ്പിച്ചു. പ്രശസ്ത മാന്ത്രികനും മെന്‍റലിസ്റ്റുമായ പ്രവീണ്‍ അറുമുഖന്‍ ‘സിക്സ്ത് സെന്‍സ്‌’ എന്ന മൈന്‍ഡ്‌ & മാജിക്‌ ഷോ അവതരിപ്പിച്ചു.
ഡോ. ജ്യോതി അരയമ്പത്ത്, ഇ. ആര്‍. ജോഷി കെ. ടി. പി. രമേശ്‌, സഫറുള്ള പാലപ്പെട്ടി, വി. ടി. വി. ദാമോദരന്‍, ജി. രവീന്ദ്രന്‍ നായര്‍ എന്നിവര്‍ സംസാരിച്ചു.
- pma
വായിക്കുക: കേരള സോഷ്യല്‍ സെന്റര്‍, സംഘടന, സാമൂഹ്യ സേവനം
അബുദാബി : കാസര്‍കോട്ടെ ആയിര ക്കണക്കിന് ആളുകളുടെ ജീവിത ത്തെ നരക തുല്യമാക്കിയ എന്‍ഡോസള്‍ഫാന്‍ കീട നാശിനി ഇന്ത്യയില്‍ നിരോധിക്കണം എന്നും മാനവ രാശിക്ക് ഭീഷണി ഉയര്‍ത്തുന്ന ഈ മാരക വിഷത്തിന് എതിരെ ജനീവ യില്‍ നടക്കുന്ന സ്റ്റോക്ക്ഹോം കണ്‍‌വെന്‍ഷ നില്‍ നിലപാട് എടുക്കണം എന്നും ആവശ്യപ്പെട്ട് മുഖ്യമന്ത്രി വി. എസ്. അച്യുതാനന്ദന്റെ നേതൃത്വ ത്തില്‍ നടത്തി വരുന്ന ഉപവാസ സമര ത്തിനു ഐക്യദാര്‍ഢ്യം പ്രഖ്യാപിച്ചു കൊണ്ട്, കേരളാ സോഷ്യല്‍ സെന്ററില് ഏപ്രില്‍ 25 തിങ്കളാഴ്ച വൈകുന്നേരം 9 മണിക്ക് അബുദാബി യിലെ സാംസ്കാരിക പ്രവര്‍ ത്തകര്‍ ഒത്തു കൂടുന്നു.
ഓപ്പണ്‍ ഫോറം, ഫോട്ടോപ്രദര്‍ശനം, ഒപ്പുശേഖരണം, ഡോക്യുമെന്ററി പ്രദര്‍ശനം, സിഗ്നേച്ചര്‍ ട്രീ, ഡ്രോയിംഗ് എന്നിവ അവതരിപ്പിക്കുന്ന ഈ കൂട്ടായ്മ യിലേക്ക് എല്ലാ പൊതുപ്രവര്‍ത്ത കരേയും സ്വാഗതം ചെയ്യുന്നു എന്ന് സംഘാടകര്‍ അറിയിച്ചു.
- pma
വായിക്കുക: കേരള സോഷ്യല്‍ സെന്റര്‍, പരിസ്ഥിതി, പ്രതിഷേധം, സാമൂഹ്യ സേവനം
അബുദാബി : പി. എസ്. എല്‍. വി. റോക്കറ്റ് വിക്ഷേപണം കുറ്റമറ്റതാക്കാന്‍ ശാസ്ത്രീയ മായി പരിശോധിച്ച് ഉറപ്പു വരുത്തുന്നതിനു പകരം തിരുപ്പതി ക്ഷേത്ര ത്തില്‍ റോക്കറ്റ് മാതൃക പൂജിച്ച് അനുഗ്രഹം വാങ്ങിയ ശാസ്ത്രജ്ഞന്മാരുടെ നടപടി അത്യന്തം അപലപനീയം ആണെന്ന് ഫ്രണ്ടസ് ഓഫ് ശാസ്ത്ര സാഹിത്യ പരിഷദ് അബുദാബി സമ്മേളനം അഭിപ്രായപ്പെട്ടു.
വഞ്ചനാ പരമായ ഇത്തരം നിലപാടു കളില്‍നിന്ന് ശാസ്ത്രജ്ഞര്‍ പിന്തിരിയണം എന്ന് സമ്മേളനം പാസ്സാക്കിയ പ്രമേയ ത്തിലൂടെ ആവശ്യപ്പെട്ടു.
അബുദാബി കേരള സോഷ്യല്‍ സെന്ററില് നടന്ന സമ്മേളനം, പരിഷദ് യു. എ. ഇ. പ്രസിഡന്‍റ് മനോജ് ഉദ്ഘാടനം ചെയ്തു. അബുദാബി പ്രസിഡന്‍റ് മണികണ്ഠന്‍ അദ്ധ്യക്ഷത വഹിച്ചു. ജനറല്‍ സെക്രട്ടറി ജയാനന്ദന്‍ വാര്‍ഷിക റിപ്പോര്‍ട്ട് അവതരിപ്പിച്ചു. സുരേഷ്ബാബു, ഭാവി പ്രവര്‍ത്തന ങ്ങളെക്കുറിച്ച് വിശദീകരിച്ചു. തുടര്‍ന്ന് നടന്ന ചര്‍ച്ച യില്‍ കെ. എം. എ. ഷരീഫ് മാന്നാര്‍, ഷെരീഫ് മാറഞ്ചേരി, ഇ. ആര്‍. ജോഷി തുടങ്ങിയവര്‍ സംസാരിച്ചു.
പുതിയ ഭാരവാഹി കളായി കുഞ്ഞിലത്ത് ലക്ഷ്മണന്‍ (പ്രസിഡന്‍റ്), ധനേഷ് (ജനറല്‍ സെക്രട്ടറി), മണികണ്ഠന്‍ (വൈസ് പ്രസിഡന്‍റ്), ജയാനന്ദന്‍ (ജോയിന്‍റ് സെക്രട്ടറി), സമീര്‍ഷംസ് (ട്രഷറര്‍) എന്നിവര്‍ ഉള്‍പ്പെട്ട 22 അംഗ കമ്മിറ്റിയെ തിരഞ്ഞെടുത്തു.
- pma
വായിക്കുക: പ്രതിഷേധം, മതം, ശാസ്ത്ര സാഹിത്യ പരിഷത്ത്‌
ദുബായ് : കേരളത്തില്‍ എന്‍ഡോസള്‍ഫാന്‍ വിരുദ്ധ ദിനം ആചരിക്കുന്ന ഏപ്രില്‍ 25ന് ഫ്രണ്ട്സ്‌ ഓഫ് കേരള ശാസ്ത്ര സാഹിത്യ പരിഷത്ത്‌ യു. എ. ഇ. യുടെ ആഭിമുഖ്യത്തില്‍ ഉപവാസം ആചരിക്കുന്നു. ഉപവാസം ആചരിക്കുന്നതിന്റെ ഫലമായി ലഭിക്കുന്ന പണം എന്‍ഡോസള്‍ഫാന്‍ ദുരിത ബാധിതരുടെ സഹായത്തിനായി അയച്ചു കൊടുക്കും എന്ന് പരിഷത്തിന്റെ ഭാരവാഹികള്‍ അറിയിച്ചു.
ഇന്ത്യയും ചൈനയുമൊഴികെ ലോക രാഷ്ട്രങ്ങള്‍ എല്ലാം നിരോധിച്ച ഈ മാരക വിഷത്തിന് അനുകൂലമായ നിലപാടുകള്‍ സ്വീകരിക്കുന്ന രാഷ്ട്രീയ കോമരങ്ങളായ മന്ത്രിമാരാണ് ജയറാം രമേഷും ശരദ്‌ പവാറും. 30 ബില്യണ്‍ ഡോളറിന്റെ കീടനാശിനി വ്യവസായത്തിന്റെ കോര്‍പ്പൊറേറ്റ്‌ താല്പര്യങ്ങള്‍ക്ക് വേണ്ടി ഇവര്‍ ജനകീയ മുന്നേറ്റത്തിന് നേരെ കൊഞ്ഞനം കാട്ടുകയാണ്. ഈ നാണംകെട്ട കോര്‍പ്പൊറേറ്റ്‌ ദല്ലാളന്മാര്‍ക്കെതിരെ ഒന്നിച്ചുചേര്‍ന്നു സമരം ചെയ്യേണ്ട സമയം അതിക്രമിച്ചിരിക്കുന്നു. ഏപ്രില്‍ 25ന്റെ കൂട്ട ഉപവാസത്തില്‍ പങ്കെടുത്ത് ഈ പ്രതിരോധത്തില്‍ എല്ലാ രാഷ്ട്രീയ സാമൂഹ്യ സംഘടനകളും പങ്കാളികളാവണം എന്ന് പരിഷത്ത്‌ പ്രസ്താവനയില്‍ അറിയിച്ചു.
- ജെ.എസ്.
വായിക്കുക: പരിസ്ഥിതി, പ്രതിഷേധം, ശാസ്ത്ര സാഹിത്യ പരിഷത്ത്‌
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
