ദുബായ്: ഇസ്ലാം കടുത്ത പരീക്ഷണങ്ങള്‍ നേരിടുന്ന ഈ കാലഘട്ടത്തില്‍ ഇസ്ലാമിനെതിരെ ഉയര്‍ന്നു വരുന്ന വെല്ലുവിളികളെ ഓരോ വിശ്വാസിയും സഹിഷ്ണുതയോടെ നേരിടാന്‍ തയ്യാറാകണമെന്ന് പ്രമുഖ പണ്ഡിതനും അല്‍മനാര്‍ ഖുര്‍ആന്‍ സ്റ്റഡി സെന്റര്‍ ഡയറക്ടറുമായ അബ്ദുസ്സലാം മോങ്ങം വിശ്വാസികളെ ആഹ്വാനം ചെയ്തു. ഇസ്ലാം ഒരിക്കലും ഭീകരതയെ പ്രോത്സാഹിപ്പിക്കുന്നില്ല. കഴിഞ്ഞ മുപ്പത്‌ ദിവസം നാം നേടിയെടുത്ത സഹനവും ക്ഷമയും ഈ ഒരു വീണ്ടു വിചാരത്തിലേക്ക് നയിക്കണമെന്ന്‌ അദ്ദേഹം പറഞ്ഞു.
അല്‍ മനാര്‍ ഈദ്ഗാഹിലെ പെരുന്നാള്‍ നമസ്കാരം
(മുകളിലെ ചിത്രത്തില്‍ ക്ലിക്ക്‌ ചെയ്‌താല്‍ കൂടുതല്‍ ചിത്രങ്ങള്‍ കാണാം)
ദുബായ് അല്‍ഖൂസില്‍ അല്‍മനാര്‍ ഈദ്‌ ഗാഹില്‍ പെരുന്നാള്‍ ഖുതുബ നടത്തുകയായിരുന്നു അദ്ദേഹം. അല്‍ഖൂസില്‍ നടന്ന ഈദ്‌ ഗാഹില്‍ പതിനായിരങ്ങളാണ് പങ്കെടുത്തത്. ആബാല വൃദ്ധ ജനങ്ങളടക്കം സമൂഹത്തിന്റെ നാനാ തുറയില്‍ പെട്ട മലയാളികള്‍ അല്‍ മനാര്‍ ഈദ്‌ ഗാഹില്‍ എത്തിയിരുന്നു. അല്‍മനാര്‍ മൈതാനം തിങ്ങി നിറഞ്ഞതോടെ മനാറിനു പുറത്തും ജനങ്ങള്‍ നമസ്കാരത്തിനായി അണി നിരന്നു. മറ്റു എമിറേറ്റ്സുകളില്‍ നിന്നും നിരവധി പേര്‍ എത്തിയിരുന്നു. ഈദ്‌ ഗാഹില്‍ സ്ത്രീകളുടെ പങ്കാളിത്തം ശ്രദ്ധേയമായി. ഇ. ടി. പി. കുഞ്ഞഹമ്മദ്‌, യൂസഫ്‌ മനാര്‍ തുടങ്ങിയവരുടെ നേതൃത്വത്തിലുള്ള വളണ്ടിയര്‍മാരുടെ സേവനം പ്രത്യേക പ്രശംസ പിടിച്ചു പറ്റി.
ബഹറൈന്‍ : ഗള്‍ഫ്‌ മലയാളികളുടെ സര്‍ഗ്ഗ വാസനകള്‍ കണ്ടെത്തുന്നതിനും പ്രോത്സാഹി പ്പിക്കുന്ന തിനുമായി ബഹറൈന്‍ കേരളീയ സമാജം സാഹിത്യ വിഭാഗം “സമാജം കഥ / കവിതാ പുരസ്കാരം – 2010” എന്ന പേരില്‍ കഥ – കവിത മത്സരം സംഘടിപ്പിക്കുന്നു. അയ്യായിരം രൂപയും, ഫലകവും, പ്രശസ്‌തി പത്രവുമാണ്‌ ഓരോ വിഭാഗത്തിലേയും സമ്മാനം.
ബഹ്റിന്‍ കേരളീയ സമാജത്തിന്‍റെ 2009 ലെ സാഹിത്യ പുരസ്ക്കാരങ്ങള്‍ ചെറുകഥാ വിഭാഗത്തില്‍ ബിജു പി. ബാലകൃഷ്ണനും, കവിതാ വിഭാഗത്തില്‍ ദേവസേനയ്ക്കും ആണ് ലഭിച്ചത്. ബിജുവിന്റെ അവര്‍ക്കിടയില്‍ എന്ന കഥയ്ക്കാണ് സമ്മാനം.
ദുബായ് : കേരളാ റീഡേഴ്സ് ആന്‍ഡ് റൈറ്റേഴ്സ് സര്‍ക്കിള്‍ (വായനക്കൂട്ടം), ‘അഖിലേന്ത്യാ സ്ത്രീധന വിരുദ്ധ മുന്നേറ്റം’ (All India Anti – Dowry Movement) എന്നിവയുടെ സംയുക്ത ആഭിമുഖ്യത്തില്‍ ദുബായില്‍ സംഘടിപ്പിക്കാനിരുന്ന ഈ വര്‍ഷത്തെ ‘അന്താരാഷ്ട്ര സാക്ഷരതാ ദിന’ ആചരണം ഈദിന് ശേഷം നടത്തും എന്ന് ഭാരവാഹികള്‍ അറിയിച്ചു.
ഷാര്‍ജ : അനുദിന ചാര്‍ജ്‌ വര്‍ദ്ധനയും നിരന്തരം റദ്ദാക്കലും വഴി പ്രവാസികളെ ബുദ്ധിമുട്ടിക്കുന്ന വിമാന സര്‍വീസുകളെക്കാള്‍ താഴെ തട്ടിലുള്ള പ്രവാസികള്‍ക്ക്‌ കൂടി ആശ്വാസമേകാവുന്ന കപ്പല്‍ സര്‍വീസ്‌ ആരംഭിക്കാന്‍ ബന്ധപ്പെട്ടവര്‍ താല്പര്യം എടുക്കണമെന്ന് ഷാര്‍ജയില്‍ ആമീ റസിഡന്‍സില്‍ ചേര്‍ന്ന സ്വരുമ ദുബായ് പ്രവര്‍ത്തക സമിതി യോഗം ആവശ്യപ്പെട്ടു.
