 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : അഹല്യ ആശുപത്രി സംഘടിപ്പിക്കുന്ന രക്തദാന ക്യാമ്പ് ജൂലായ് 18 ഞായറാഴ്ച അബുദാബി ഹംദാന് സ്ട്രീറ്റിലെ അഹല്യ ആശുപത്രി യില് വെച്ച് നടത്തും. ‘GIVE BLOOD – GIVE LIFE’ എന്ന മുദ്രാവാക്യ വുമായി ഒരുക്കുന്ന രക്തദാന ക്യാമ്പ് രാവിലെ 8:30 മുതല് ഉച്ചക്ക് 12:30 വരെ ഉണ്ടായിരിക്കും. വിവരങ്ങള്ക്ക് വിളിക്കുക ഉമേഷ് 02 62 62 666
- pma
വായിക്കുക: അബുദാബി, വൈദ്യശാസ്ത്രം
ദുബായ് : യു. എ. ഇ. യിലെ അജ്മാന് കേന്ദ്രമായി, ദൃശ്യ മാധ്യമ രംഗത്ത് പ്രവര്ത്തിക്കുന്ന എം. ജെ. എസ്. മീഡിയ (M.J.S.Media) എട്ടാം വര്ഷത്തിലേക്ക് പ്രവേശിക്കുന്ന അവസരത്തില് പ്രവാസി സമൂഹത്തിന് വിലമതിക്കാനാവാത്ത സംഭാവനകള് നല്കിയ പ്രമുഖ വ്യക്തിത്വങ്ങളെ “പ്രവാസ മയൂരം” പുരസ്കാരം നല്കി ബഹുമാനിക്കും. ഡോ. ബി. ആര്. ഷെട്ടി, സൈമണ് വര്ഗ്ഗീസ്, ഹനീഫ് ബൈത്താന്, ഇ. പി. മൂസ്സ ഹാജി, ജോബി ജോര്ജ്ജ്, കെ. ടി. റബീഉള്ള, ബഷീര് പടിയത്ത് എന്നിവരെയാണ് ജൂലായ് 31 ശനിയാഴ്ച വൈകീട്ട് 7 മണിക്ക് ദുബായ് ഹയാത്ത് റീജന്സി യില് വെച്ച് നടക്കുന്ന ചടങ്ങില് ആദരിക്കുക എന്ന് ദുബായില് നടത്തിയ പത്ര സമ്മേളനത്തില് എം. ജെ. എസ്. മീഡിയ മാനേജിംഗ് ഡയറക്ടര് ഷലീല് കല്ലൂര്, ഇവന്റ്സ് ഡയറക്ടര് മുഷ്താഖ് കരിയാടന് എന്നിവര് അറിയിച്ചു.
മുഷ്താഖ് കരിയാടന്, ഷലീല് കല്ലൂര്, ചെറിയാന് പി. കെക്കേട് എന്നിവര് പത്രസമ്മേളനത്തില്
നിരവധി അവസരങ്ങള് ഉണ്ടായിട്ടും, യു. എ. ഇ. യിലെ സാംസ്കാരിക മേഖല യിലേക്കോ, പൊതു ജീവിതത്തിലെ മുഖ്യധാര യിലേക്കോ കടന്നു വരാതെ, അധികം ആരാലും തിരിച്ചറിയപ്പെടാതെ തിരശ്ശീല ക്ക് പിറകില് തങ്ങളുടെ കര്മ്മ പഥത്തില് ഇവര് പ്രവര്ത്തിച്ചു മുന്നേറുമ്പോള് ഈ വ്യക്തിത്വങ്ങളെ, പ്രശസ്തിയുടെ വെള്ളി വെളിച്ചത്തിലേക്ക് ആനയിക്കുവാന് “പ്രവാസ മയൂരം” പുരസ്കാരത്തിലൂടെ തങ്ങള് ശ്രമിക്കുകയാണ്.
പ്രവാസ മയൂരം പുരസ്കാര ജേതാക്കള്
പ്രവാസി കളായി ഈ സ്വപ്നഭൂമിയില് ജീവിക്കുമ്പോഴും തങ്ങളുടെ ജോലിക്കിടയിലും സര്ഗ്ഗ വാസനകളെ പരിപോഷിപ്പിക്കുകയും, ഈ കൂട്ടായ്മയുടെ വിജയത്തിനായി ആത്മാര്ത്ഥമായി, ലാഭേച്ഛയില്ലാതെ സഹകരിക്കുകയും ചെയ്ത കലാ കാരന്മാര്, പൊതു പ്രവര്ത്തകര്, അത് പോലെ പൊതു സമൂഹത്തിനും, വിശിഷ്യാ പ്രവാസി മലയാളി സമൂഹത്തിനും ഉപകാര പ്രദമായ ജീവകാരുണ്യ പ്രവര്ത്തനം അടക്കം നിരവധി സംഭാവനകള് നല്കി മാധ്യമ രംഗത്തും സാംസ്കാരിക രംഗത്തും സജീവമായ ഒരു ഡസന് വ്യക്തിത്വങ്ങളെയും എം. ജെ. എസ്. മീഡിയ വിശിഷ്ട ഉപഹാരങ്ങള് നല്കി ആദരിക്കുന്നുണ്ട്.
പി. എം. അബ്ദുള് റഹിമാന് (e പത്രം അബുദാബി കറസ്പോണ്ടന്റ്)
കെ. കെ. മൊയ്തീന് കോയ
ലിയോ രാധാകൃഷ്ണന്
ഇ. എം. അഷ്റഫ്
അനില് കരൂര്
അനില് വടക്കേക്കര
സതീഷ് മേനോന്
മാലതി സുനീഷ്
നിഷാദ് അരിയന്നൂര്
റാഫി പാവറട്ടി
അനുപമ വിജയ് 
മിഥില ദാസ് എം. ജെ. എസ്. മീഡിയ (M.J.S.Media) എന്ന ഈ കൂട്ടായ്മയെ പ്രോല്സാഹിപ്പിക്കുകയും, മുന്നോട്ടു നയിക്കാന് ഉപദേശ നിര്ദ്ദേശങ്ങള് നല്കിയും എല്ലാ തരത്തിലുമുള്ള പിന്തുണയും നല്കി തങ്ങളോടൊപ്പം നിന്നിട്ടുള്ളവരാണ് ഇവരെല്ലാവരും.
തങ്ങളുടെ സര്ഗ്ഗാത്മക കഴിവുകള് വിപുലമാക്കുവാനും, അതോടൊപ്പം സര്ഗ്ഗ ശേഷിയുള്ള പുതു നാമ്പുകള്ക്ക് കലാ സാംസ്കാരിക രംഗത്ത് അവസരങ്ങള് നല്കുവാനുമായി ഏഴു വര്ഷങ്ങളായി ഒരു കൂട്ടം ചെറുപ്പക്കാര് എം. ജെ. എസ്. മീഡിയ യുടെ ബാനറില് ദൃശ്യ മാധ്യമ രംഗത്ത് പ്രവര്ത്തിച്ചു വരുന്നു.
ഇതില് ശ്രദ്ധേയമായിട്ടുള്ളത് ദുബായ് ഷോപ്പിംഗ് ഫെസ്റ്റിവലിനോട് അനുബന്ധിച്ച് അവതരിപ്പിച്ചിട്ടുള്ള റോഡ് ഷോകള്, വിവിധ ഡോക്യുമെന്റ്റികള്, ടെലി സിനിമകള്, തുടങ്ങിയവയാണ്.
മായാവിയുടെ അത്ഭുത ലോകം, DSF – its 4U, മഹാബലി തമ്പുരാന് വരുന്നേ, എന്നും പൊന്നോണം തുടങ്ങിയ ടി.വി. പരിപാടികളും പെരുന്നാള് നിലാവ്, തമ്പ് എന്നീ ടെലി സിനിമകളും, റിയാലിറ്റി ഓഫ് യു. എ. ഇ. (ഡോക്യുമെന്ററി), മനസ്സാസ്മരാമി (പ്രശസ്ത നടന് മാള അരവിന്ദനെ കുറിച്ചുള്ള ഡോക്യുമെന്ററി) എന്നിവയെല്ലാം മലയാളത്തിലെ വിവിധ ചാനലുകളിലായി സംപ്രേക്ഷണം ചെയ്തു കഴിഞ്ഞവയാണ്. കൂടാതെ മേഘങ്ങള്, തീരം, ചിത്രങ്ങള് എന്നീ ടെലി സിനിമകള് സംപ്രേഷണത്തിന് തയ്യാറായി ക്കഴിഞ്ഞു.
യു. എ. ഇ. യിലെ ചലച്ചിത്രകാരന് അലി ഖമീസ്, പ്രശസ്ത ചലച്ചിത്ര താരം ഇന്നസെന്റ് എന്നിവര് പരിപാടിയില് മുഖ്യാതിഥികളായി പങ്കെടുക്കുന്നതായിരിക്കും.
- ജെ.എസ്.
വായിക്കുക: ബഹുമതി, മാധ്യമങ്ങള്
ദുബായ് : ദല സംഘടിപ്പിക്കുന്ന സഃ ഇ. എം. എസ്. ജന്മ ശതാബ്ദി ആഘോഷം 2010 ആഗസ്റ്റ് 6ന് രാവിലെ 10 മണി മുതല് രാത്രി 9 വരെ ദുബായ് ഇന്ത്യന് കൗണ്സിലേറ്റ് ഹാളില് വെച്ച് നടക്കും. സാഹിത്യ – സാംസ്ക്കാരിക – ദാര്ശനിക – രാഷ്ട്രിയ – ചരിത്ര രംഗങ്ങളില് സഃ ഇ. എം. എസ്. നല്കിയിട്ടുള്ള വിലപ്പെട്ട സംഭാവനകളെ പറ്റിയുള്ള ചര്ച്ചകളും സിമ്പോസിയവും സെമിനാറും ഉണ്ടാവും. ലോകം അറിയപ്പെടുന്ന ചരിത്ര പണ്ഡിതന് ഡോഃ കെ. എന്. പണിക്കര്, പ്രശസ്ത സാമ്പത്തിക വിദഗ്ധന് കെ. എന്. ഹരിലാല്, മന്ത്രിമാരും സാമൂഹ്യ – സാമ്പത്തിക – സാംസ്ക്കാരിക രംഗത്തെ മറ്റു പ്രമുഖരും പങ്കെടുക്കും.
- ജെ.എസ്.
വായിക്കുക: കേരള രാഷ്ട്രീയ നേതാക്കള്, കേരള വ്യക്തിത്വം, ചരമം
ഷാര്ജ : ഭോപ്പാല് വാതക ദുരന്തവും 25 വര്ഷ ങ്ങള്ക്കു ശേഷം ഉണ്ടായ കോടതി വിധി യും വിലയിരുത്തു ന്നതിനായി, ഷാര്ജ യിലെ സാംസ്കാരിക പ്രവര്ത്തകര് ഒത്തു കൂടുന്നു. ജൂലായ് 16 വെള്ളിയാഴ്ച ഷാര്ജ യിലെ ഏഷ്യാ മ്യൂസിക് ഇന്സ്റ്റിട്യൂട്ട് ഹാളില് നടക്കുന്ന ഈ സാംസ്കാരിക കൂട്ടായ്മ ഒരുക്കുന്നത് പ്രസക്തി ഷാര്ജ. “ഭോപ്പാല് ദുരന്തവും കോടതി വിധിയും: ആണവ ബാദ്ധ്യതാ ബില്ലിന്റെ പശ്ചാത്തലത്തില്” എന്ന വിഷയത്തില് നടക്കുന്ന സെമിനാറില് e പത്രം കോളമിസ്റ്റും, പ്രമുഖ പരിസ്ഥിതി പ്രവര്ത്തകനുമായ ഫൈസല് ബാവ, ഡോ. അബ്ദുല് ഖാദര്, ഗഫൂര് പട്ടാമ്പി, ശിവ പ്രസാദ് എന്നിവര് സംബന്ധിക്കും.
കൂട്ടായ്മയോടനുബന്ധിച്ചു വിവിധ പരിപാടികള് ഉണ്ടായിരി ക്കുമെന്ന് സംഘാടകര് അറിയിച്ചു. സാംസ്കാരിക സമ്മേളനം രാവിലെ 10 മണിക്ക് പ്രമുഖ മാധ്യമ പ്രവര്ത്തകനും, സാംസ്കാരിക രംഗത്തെ സജീവ സാന്നിദ്ധ്യ വുമായ കെ. കെ. മൊയ്തീന് കോയ ഉദ്ഘാടനം ചെയ്യും.
സാംസ്കാരിക സമ്മേളന ത്തിന്റെ ഭാഗമായുള്ള സംഘ ചിത്ര രചനയും ആര്ട്ട് ക്യാമ്പും പ്രശസ്ത കവി സത്യന് മാടാക്കര ഉദ്ഘാടനം ചെയ്യും. ഇതില് യു. എ. ഇ. യിലെ പ്രശസ്തരായ ചിത്ര കാരന്മാര് പങ്കെടുക്കും.
വൈകീട്ട് 3 മണിക്ക് നടക്കുന്ന കവി സമ്മേളനം ഏഷ്യാനെറ്റ് റേഡിയോ വാര്ത്താ അവതാരകന് കുഴൂര് വിത്സണ് ഉദ്ഘാടനം ചെയ്യും. പ്രവാസ ലോകത്തെ ശ്രദ്ധേയരായ കവികളായ കമറുദ്ദീന് ആമയം, ശിവപ്രസാദ്, അസ്മോ പുത്തന്ചിറ, ടി. എ. ശശി, തബ്ശീര്, കെ. എം. എം. ഷെരീഫ് തുടങ്ങിയവര് പങ്കെടുക്കും.
കൂടുതല് വിവര ങ്ങള്ക്കായി അബ്ദുല് നവാസ് (050 495 10 54), വേണു ഗോപാല് (050 100 48 71) എന്നിവരുമായി ബന്ധപ്പെടുക.
- pma
അബുദാബി: ലിംക ബുക്ക് ഓഫ് വേള്ഡ് റെക്കോര്ഡില്, ലോകത്തിലെ ഒരേ ഒരു അനാട്ടമിക് കാലിഗ്രാഫര് എന്ന ബഹുമതി യോടെ ഖലീലുല്ലാഹ് ചെമ്നാട് സ്ഥാനം നേടി. ആദ്യമായാണ് ഒരു മലയാളി കലാകാരന് ‘കാലിഗ്രാഫി ചിത്രകല’ യുടെ മികവില് ലിംക ബുക്കില് എത്തുന്നത്. അറബി യില് ഒരാളുടെ പേര് എഴുതു മ്പോള് അത് അക്ഷര ചിത്രങ്ങളുടെ ക്രമീകരണ ങ്ങളിലുടെ ആ വ്യക്തി യുടെ രൂപമായി മാറുന്ന നൂതന വും വൈവിദ്ധ്യ മാര്ന്നതു മായ ഒരു കാലിഗ്രാഫിക് ശൈലി യാണ് ‘അനാട്ടമിക് കാലിഗ്രാഫി.
യു. എ. ഇ. യുടെ പ്രഥമ പ്രസിഡന്റ്, ‘ശൈഖ് സായിദ് ബിന് സുല്ത്താന് അല് നഹ്യാന്’ എന്ന് അറബിയില് ഉള്ള പേരു കൊണ്ട് പതിനെട്ട് വര്ഷ ങ്ങള്ക്ക് മുമ്പ് ഖലീല് വരച്ച കാലിഗ്രാഫി യാണ് ലോകത്തിലെ ഏറ്റവും ആദ്യത്തെ അനാട്ടമിക് കാലിഗ്രാഫി.
ശൈഖ് സായിദ് ബിന് സുല്ത്താന് അല് നഹ്യാന് - ആദ്യത്തെ അനാട്ടമിക് കാലിഗ്രാഫി
ഇത്തരം ഒരു നൂതന ചിത്ര സങ്കേതമാണ് ‘ഖലീലുല്ലാഹ് ചെമ്നാടിനെ ലിംക ബുക്ക് ഓഫ് വേള്ഡ് റെക്കോര്ഡില് എത്തിച്ചത്. യു.എ. ഇ. വൈസ് പ്രസിഡണ്ടും പ്രധാന മന്ത്രിയും ദുബൈ ഭരണാധി കാരിയു മായ ഹിസ് ഹൈനസ്സ് ശൈഖ് മുഹമ്മദ് ബിന് റാഷിദ് അല് മക്ത്തൂമിന്റെ ‘ലോകത്തിലെ ഏറ്റവും വലിയ’ കാലിഗ്രാഫി വരച്ച് ഈ കലയില് ഇതിനോടകം ഒട്ടേറേ നേട്ടങ്ങള് കൈ വരിച്ചിട്ടുള്ള ഖലീലുല്ലാഹ് ഈ അടുത്ത കാലത്ത് അള്ജീറിയ യില് വെച്ച് നടന്ന ‘ഇന്റ്ര്നാഷണല് ഫെസ്റ്റിവല് ഓഫ് കാലിഗ്രാഫി യില്’ ഇന്ത്യയെ പ്രതിനിധീ കരിച്ച് പങ്കെടുക്കു കയും പുരസ്കാര മായി യോഗ്യതാ പത്രം നേടുകയും ചെയ്തിരുന്നു.
ലോകത്തിലെ ഏറ്റവും വലിയ കാലിഗ്രാഫി യുടെ രചനയില്
കാസര്ഗോഡ് സ്വദേശിയും, പ്രവാസി യുമായ ഖലീലുല്ലാഹ് ചെമ്നാട്, നൂതന മായ ഈ കലാ രംഗത്ത് എത്തിയത് വളരെ ആശ്ചര്യകരമായി തോന്നാം.
പിതാവിന്റെ മേല്വിലാസ ത്തില് എത്തിയിരുന്ന അറബിക്ക് പുസ്തക ങ്ങളിലെ അക്ഷര ങ്ങളുടെ മനോഹാരിത യില് ആകൃഷ്ടനായ ഖലീല്, വളരെ ചെറുപ്പത്തില് തന്നെ കാലിഗ്രാഫി ചിത്രങ്ങള് വരക്കുകയും പ്രസിദ്ധീകരി ക്കുകയും ചെയ്തിരുന്നു. പിന്നീട് ക്ലാസ്സിക് കാലിഗ്രാഫി കളായ ഖൂഫി, ദീവാനി, സുലുസ് തുടങ്ങിയ നിയമ ങ്ങളില് നിന്നും വിത്യസ്ഥനായി നടന്ന ഖലീല് ‘അനാട്ടമിക്ക് കാലിഗ്രാഫി’ എന്ന ഒരു പുതിയ വഴി കണ്ടെത്തുക യായിരുന്നു. ഇപ്പോഴിതാ ലോകത്തിലെ ഒരേ ഒരു അനാട്ടമിക് കാലിഗ്രാഫര് എന്ന ബഹുമതി യോടെ ലിംക ബുക്കില് സ്ഥാനം നേടിയിരിക്കുന്നു.
ശൈഖ് മുഹമ്മദ് ബിന് റാഷിദ് അല് മക്തൂം എന്ന് അറബിയില് എഴുതി വരച്ച അനാട്ടമിക് കാലിഗ്രാഫി
‘ഈ പ്രവര്ത്തന ങ്ങളും നേട്ടങ്ങളും ഇന്ത്യന് ചിത്രകല യില് കാലിഗ്രാഫി യെ കുടുതല് സുപരിചിത മാക്കുകയും, പുതിയ തലമുറ ഈ കലയെ കുറിച്ച് പഠിക്കുക യും കുടുതല് ഉയര ങ്ങളിലേക്ക് എത്തുകയും ചെയ്യണമെന്ന് ഞാന് ആഗ്രഹിക്കുന്നു’ എന്ന് ഖലീലുല്ലാഹ് പറഞ്ഞു.
ഖലീലിന്റെ വെബ്സൈറ്റായ www.worldofcalligraphy.com സന്ദര്ശിച്ച ലിംക ബുക്ക് എഡിറ്റര് വിജയ ഘോഷ് എഴുതിയത് “You are very talented! The pics on your website were fantastic indeed” എന്നാണ്.
കേരള കാര്ട്ടൂണ് അക്കാദമി രജത ജൂബിലി ആഘോഷങ്ങളുടെ ഭാഗമായി സംഘടിപ്പിച്ച ‘കാര്ട്ടൂണ് പ്രദര്ശനവും’ റെക്കോര്ഡു കളുടെ കൂട്ടത്തില് ഉണ്ട്.
അക്കാദമി യുടെ മെമ്പര് കൂടിയായ ഖലീല്, കാര്ട്ടൂണ് അക്കാദമിയുടെ നേട്ടത്തില് സന്തോഷം പ്രകടിപ്പികുകയും, സെക്രട്ടറി സുധീര്നാഥിന്റെ പ്രയത്നങ്ങളെ അഭിനന്ദിക്കുകയും ചെയ്തു.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
