 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : വാരാന്ത്യ അവധി ദിനങ്ങളില്‍ അടക്കം ഇനി എല്ലാ ദിവസങ്ങളിലും എക്സ്പോ യിലേക്കുള്ള പ്രവേശന ടിക്കറ്റ് നിരക്ക് 45 ദിർഹം ആയിരിക്കും. പ്രവൃത്തി ദിനങ്ങളിൽ 45 ദിർഹം, വാരാന്ത്യ അവധി ദിനങ്ങളിൽ 95 ദിര്‍ഹം എന്നിങ്ങനെ ആയിരുന്നു ടിക്കറ്റ് നിരക്കുകള്‍.
സീസൺ ടിക്കറ്റിന്‍റെ നിരക്ക് 495 ദിര്‍ഹം ആയിരുന്നത് 195 ദിർഹമായി കുറച്ചിരുന്നു. 18 വയസ്സിനു താഴെ ഉള്ളവർക്കും 59 വയസ്സിനു മുകളില്‍ ഉള്ളവർക്കും പ്രവേശനം സൗജന്യം ആയിരിക്കും. എക്സ്പോ പാസ്സിനുള്ള നിരക്കിൽ അമ്പതു ശതമാനം ഇളവു വരുത്തിയതായി അധികൃതർ അറിയിച്ചു.
- pma
വായിക്കുക: expo, ദുബായ്, യു.എ.ഇ., സാമ്പത്തികം
ദുബായ് : 2022 ജൂലായ് മുതല്‍ ദുബായില്‍ പ്ലാസ്റ്റിക് ബാഗുകൾക്ക് നിയന്ത്രണം ഏര്‍പ്പെടുത്തും. ഒരിക്കല്‍ മാത്രം ഉപയോഗി ക്കാവുന്ന പ്ലാസ്റ്റിക് ബാഗുകൾക്ക് 2 വർഷത്തിനകം രാജ്യത്ത് പൂർണ്ണ നിരോധനം കൊണ്ടു വരുന്നതിന് മുന്നോടി ആയിട്ടാണ് പുതിയ നിയന്ത്രണ ങ്ങള്‍ കൊണ്ടു വരുന്നത്.
പുനര്‍ ഉപയോഗം സാദ്ധ്യമല്ലാത്ത പ്ലാസ്റ്റിക് ബാഗു കൾക്ക് ജൂലായ് ഒന്നു മുതൽ 25 ഫിൽസ് ഈടാക്കുവാന്‍ ദുബായ് എക്സിക്യൂട്ടീവ് കൗണ്‍ സില്‍ തീരുമാനിച്ചു. റസ്റ്റോറന്‍റുകൾ, ഹൈപ്പര്‍ മാര്‍ക്കറ്റുകള്‍, ഫാർമസികള്‍, ടെക്സ്റ്റൈൽസ്, ഓൺ ലൈന്‍ ഓര്‍ഡര്‍ അനുസരിച്ച് സാധനങ്ങൾ എത്തിക്കുന്ന സ്ഥാപനങ്ങള്‍ക്കും ഈ നിയമം ബാധകമാണ്. വീണ്ടും ഉപയോഗിക്കാവുന്ന ബാഗുകൾ പ്രോത്സാഹി പ്പിക്കുവാൻ കച്ചവട സ്ഥാപനങ്ങൾക്ക് അധികൃതര്‍ നിർദ്ദേശം നൽകി.
ഭക്ഷണം പാർസൽ ചെയ്യുന്ന ഡിസ്പോസിബിൾ പാത്രങ്ങൾ, പ്ലാസ്റ്റിക്ക് കപ്പുകള്‍, പ്ലാസ്റ്റിക് സ്ട്രോ തുടങ്ങിയവ അടക്കം 16 ഉല്‍പ്പന്നങ്ങ ളുടെ നിരോധനം അധികൃതരുടെ പരിഗണനയിലാണ്.
പ്ലാസ്റ്റിക് തിന്നുന്ന ഒട്ടകങ്ങള്‍
പരിസ്ഥിതി ആഘാതം കുറക്കു വാനാണ് പ്ലാസ്റ്റിക് സഞ്ചികളുടെ നിരോധനത്തിന് ശക്തമായ നടപടി കളുമായി അധികൃതര്‍ മുന്നോട്ടു പോകുന്നത്.
പ്ലാസ്റ്റിക് സഞ്ചി വിമുക്തമാക്കാനുള്ള സന്ദേശവുമായി പ്ലാസ്റ്റിക് സഞ്ചികള്‍ കൊണ്ട് നിര്‍മ്മിച്ച ഒട്ടകം
പ്ലാസ്റ്റിക് ബാഗുകള്‍ അടക്കമുള്ള ഉല്‍പ്പന്നങ്ങള്‍ തിന്ന് 300 ഒട്ടകങ്ങൾ ചത്തു എന്നുള്ള റിപ്പോര്‍ട്ട് അബുദാബി എൻവയൺമെന്‍റ് ഏജൻസി പുറത്തു വിട്ടിരുന്നു.
- pma
വായിക്കുക: ആരോഗ്യം, പരിസ്ഥിതി, പ്രവാസി, സാമ്പത്തികം
അബുദാബി : അന്തരിച്ച സാമൂഹ്യ പ്രവര്‍ത്തകന്‍ മുഗള്‍ ഗഫൂറിന്‍റെ സ്മരണാര്‍ത്ഥം സാമൂഹിക, സാംസ്കാരിക, ജീവ കാരുണ്യ രംഗത്ത് പ്രവർത്തിക്കുന്നവർക്ക് യുവ കലാ സാഹിതി അബുദാബി ചാപ്റ്റര്‍ നൽകി വരുന്ന മുഗൾ ഗഫൂർ സ്മാരക അവാർഡ്, വ്യവസായിയും അബുദാബി മലയാളി സമാജം രക്ഷാധികാരിയും കൂടിയായ ലൂയിസ് കുര്യാക്കോസിനു സമ്മാനിക്കും. യുവ കലാ സാഹിതി അബുദാബി യിൽ ഒരുക്കുന്ന ചടങ്ങിൽ വെച്ച് അവാർഡ് സമർപ്പിക്കും.
സൗദി അറേബ്യ യിലെ ജീവ കാരുണ്യ പ്രവർത്തക ആയിരുന്ന സഫിയ അജിത്ത്, റസാഖ് ഒരുമനയൂർ, നാസർ കാഞ്ഞങ്ങാട് എന്നിവർക്കാണ് മുൻ വർഷ ങ്ങളിൽ മുഗൾ ഗഫൂർ സ്മാരക അവാർഡ് സമ്മാനിച്ചത്.
- pma
വായിക്കുക: expat, പ്രവാസി, ബഹുമതി, യുവകലാസാഹിതി, സാമൂഹ്യ സേവനം
അബുദാബി : കൊവിഡ് വ്യാപനം തടയുവാന്‍ ഏറ്റവും പുതിയ സംവിധാനങ്ങള്‍ ഏറ്റവും വിജയകരമായി നടപ്പിലാക്കി ശ്രദ്ധേയമായ യു. എ. ഇ. യുടെ അൽ ഹൊസ്ൻ ആപ്പിന് യു. എസ്. ആസ്ഥാനമായുള്ള ഗ്ലോബൽ എക്സലൻസ് അവാർഡിന്‍റെ ‘ആപ്പ് ഓഫ് ദി ഇയർ -2021’ അംഗീകാരം ലഭിച്ചു.
യു. എ. ഇ. സര്‍ക്കാറിന്‍റെ ആരോഗ്യ രംഗത്തെ മേന്മയും ഗ്രീന്‍ പാസ്സ് തയ്യാറാക്കിയത് അടക്കം ഡിജിറ്റൽ സാങ്കേതിക സംവിധാനത്തിന്‍റെ മികവും ഇതിലൂടെ പ്രതിഫലിക്കുന്നു.
تعرف على مهمة تطبيق #الحصن التي تركز على الحلول الرقمية المستدامة لتحصين #صحة المتجمع الإماراتي.
Get to know Alhosn’s mission, which focuses on #sustainable digital solutions to improve the #health and immunization of residents, citizens, and tourists in the #UAE. pic.twitter.com/fvxBjKEnqI
— Al Hosn App (@AlHosnApp) February 11, 2022
വാക്സിനേഷൻ, പി. സി. ആർ. പരിശോധന തുടങ്ങി എല്ലാ വിവരങ്ങളും അറബി, ഇംഗ്ലീഷ്, ഹിന്ദി ഭാഷ കളിൽ ആപ്പിലൂടെ അറിയാന്‍ സാധിക്കുന്നു. മാത്രമല്ല കൊവിഡ് വ്യാപനം കുറക്കുന്നതിൽ അല്‍ ഹൊസ്ന്‍ ആപ്പിന്‍റെ ഉപയോഗം നിർണ്ണായക ഘടകമായി എന്നും അവാർഡ് കമ്മിറ്റി സൂചിപ്പിച്ചു.
- pma
വായിക്കുക: covid-19, ആരോഗ്യം, ബഹുമതി, യു.എ.ഇ., വൈദ്യശാസ്ത്രം
ദുബായ് : എക്സ്പോ-2020 യിലെ കേരള പവലിയൻ ഫെബ്രുവരി 4 വെള്ളിയാഴ്ച വൈകുന്നേരം 5 മണിക്ക് കേരളാ മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. നിയമ – വ്യവസായ വകുപ്പു മന്ത്രി പി. രാജീവ്, യു. എ. ഇ. യിലെ ഇന്ത്യൻ അംബാസഡർ സഞ്ജയ് സുധീർ, വ്യവസായ വകുപ്പ് പ്രിൻസി പ്പൽ സെക്രട്ടറി എ. പി. എം. മുഹമ്മദ് ഹനീഷ്, ഇന്ത്യൻ കോൺസുൽ ജനറൽ ഡോ. അമൻ പുരി, ഉന്നത ഉദ്യോഗസ്ഥർ, വ്യവസായ പ്രമുഖർ തുടങ്ങിയവർ സംബന്ധിക്കും. കേരളത്തിന്‍റെ കലാ-സാംസ്കാരിക പൈതൃകം തനതു പരമ്പരാഗത ശൈലിയിൽ പവലിയനിൽ അവതരിപ്പിക്കും.
കേരള പവലിയനിൽ ഫെബ്രുവരി 4 മുതൽ 10 വരെ നടക്കുന്ന ‘കേരള വീക്കി’ ൽ വ്യത്യസ്ത പദ്ധതി കൾ, നിക്ഷേപ മാർഗ്ഗ ങ്ങൾ, ടൂറിസം, ഐ. ടി., സ്റ്റാർട്ടപ്പ് തുടങ്ങിയവ സംബന്ധിച്ച് അവതരണങ്ങള്‍ നടക്കും. സുപ്രധാന മേഖല കളിലെ നിക്ഷേപത്തിനുള്ള ബിസിനസ്സ് സാദ്ധ്യത കളും ഈസ് ഓഫ് ഡൂയിംഗ് ബിസി നസ്സ്, കെ-സ്വിഫ്റ്റ് പോർട്ടൽ, എം. എസ്. എം. ഇ. ഫെസിലിറ്റേഷൻ ആക്റ്റ് തുടങ്ങിയവയിലെ സമീപ കാല മാറ്റങ്ങളും സംബന്ധിച്ച കാര്യങ്ങൾ വ്യവസായ വകുപ്പ് പ്രദർശിപ്പിക്കും.
പ്രവാസികളുടെ ക്ഷേമ-സാമൂഹിക ആനുകൂല്യങ്ങളും ബിസിനസ്സ് അവസരങ്ങളും സംബന്ധിച്ച വിശദാംശങ്ങൾ നോർക്ക വകുപ്പ് നൽകും.
കേരളാ അടിസ്ഥാനത്തില്‍ ഉള്ള സ്റ്റാർട്ടപ്പുകളെ യു. എ. ഇ. യിൽ നിന്നുള്ള നിക്ഷേപകരുമായി ഐ. ടി. & സ്റ്റാർട്ടപ്പ് വകുപ്പ് ബന്ധിപ്പിക്കുകയും കേരള സ്റ്റാർട്ടപ്പുകളുടെ വിജയ ഗാഥകൾ പങ്കിടുകയും ചെയ്യും.
കാരവൻ ടൂറിസം, ഇക്കോ ടൂറിസം, അഡ്വഞ്ചർ ടൂറിസം തുടങ്ങിയ വിനോദ സഞ്ചാര പദ്ധതി കളെയും ടൂറിസ വുമായി ബന്ധപ്പെട്ട നിക്ഷേപ-ബിസിനസ്സ് അവസര ങ്ങളെയും ടൂറിസം വകുപ്പ് അവതരിപ്പിക്കും. ബിസിനസ്സ് കൂട്ടായ്മകളുമായി നേരിട്ട് സംവദിക്കാനും മീറ്റിംഗു കൾക്കും സൗകര്യവും ഉണ്ടായിരിക്കും എന്ന് പബ്ലിക് റിലേഷന്‍സ് പുറത്തിറക്കിയ വാര്‍ത്താ കുറിപ്പില്‍ അറിയിച്ചു.
- pma
വായിക്കുക: expat, expo, nri, ഇന്ത്യന്‍ കോണ്സുലേറ്റ്, പ്രവാസി, വ്യവസായം, സാമ്പത്തികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
