അബുദാബി : യു. എ. ഇ. യിലെ സാധാരണക്കാരായ പ്രവാസി കള്‍ക്കും കൂടെ വളരെ എളുപ്പ ത്തില്‍ മനസ്സിലാക്കുവാന്‍ കഴിയും വിധം യു. എ. ഇ. യിലെ പരിഷ്‌കരിച്ച തൊഴില്‍ നിയമങ്ങള്‍ മലയാളത്തില്‍ പരിഭാഷപ്പെടുത്തി നോര്‍ക്ക റൂട്ട്സ് പ്രസിദ്ധീകരിച്ചു.
പുതിയ നിയമ പ്രകാരം, തൊഴിലുടമകള്‍ക്ക് ജീവന ക്കാരുടെ ഔദ്യോഗിക രേഖകള്‍ കണ്ടു കെട്ടാനോ, ജോലി കാലാവധി അവസാനിച്ച തിന് ശേഷം തൊഴിലാളികളെ രാജ്യം വിടാന്‍ നിര്‍ബ്ബന്ധിക്കു വാനോ പാടില്ല എന്ന് പുതിയ വ്യവസ്ഥയില്‍ നിഷ്‌കര്‍ഷിക്കുന്നു. റിക്രൂട്ട്‌ മെന്‍റിന്‍റെ ഫീസും മറ്റു ചെലവു കളും തൊഴില്‍ ഉടമ തന്നെ വഹിക്കുകയും വേണം.
സ്വകാര്യ മേഖലയില്‍ പ്രസവ അവധി ഉള്‍പ്പെടെയുള്ള അവധികളിലും നിരവധി മാറ്റങ്ങളും വന്നിട്ടുണ്ട്. തൊഴിലിടങ്ങളില്‍ നില നില്‍ക്കുന്ന വിവേചനങ്ങള്‍ അവസാനിപ്പിക്കുന്നതിന് ആവശ്യമായ നിയന്ത്രണ ങ്ങളും പുതിയ തൊഴില്‍ നിയമങ്ങളില്‍ ഉള്‍ക്കൊള്ളി ച്ചിട്ടുണ്ട്. യു. എ. ഇ. തൊഴിൽ നിയമങ്ങളുടെ മലയാള പരിഭാഷ ഇവിടെ വായിക്കാം.
ദുബായ് : ഏറ്റവും വലിയ ജനാധിപത്യ രാജ്യമായ ഇന്ത്യയില്‍ ഭരണ ഘടനാ തത്വങ്ങൾ ലംഘിക്കപ്പെട്ടു കൊണ്ടിരിക്കുകയാണ് എന്നും കേരളത്തിന്റെ മുഖ്യധാര യിൽ ജനാധിപത്യ പ്രശ്നങ്ങൾ ഉയർത്തിക്കൊണ്ട്, അരികുവൽക്കരിക്കപ്പെട്ട ജന വിഭാഗ ങ്ങൾക്ക് വേണ്ടി അവരുടെ പ്രശ്നങ്ങൾക്ക് കൂടുതൽ ദൃശ്യത നൽകിക്കൊണ്ട് സംഘ പരിവാർ ശക്തികളോട് യാതൊരു വിട്ടു വീഴ്ചക്കും തയ്യാറാകാതെ കഴിഞ്ഞ 9 വർഷമായി പ്രവര്‍ത്തിക്കുന്ന മീഡിയ വൺ ചാനലിന്‍റെ ലൈസെൻസ് വരെ റദ്ദു ചെയ്ത നടപടി യിലൂടെ ഭരണ കൂടം രാജ്യത്ത് അഭിപ്രായ സ്വാതന്ത്ര്യം തടസ്സപ്പെടുത്തിക്കൊണ്ട് ഭരണ ഘടനാ ലംഘനം നടത്തുകയാണ് എന്നും പ്രമുഖ രാഷ്ട്രീയ നിരീക്ഷകൻ സി. കെ. അബ്ദുൽ അസീസ് ആരോപിച്ചു.
