അബുദാബി : യു. എ. ഇ. യില് ഒക്ടോബര് 4 ശനിയാഴ്ച ബലി പെരുന്നാള് ആഘോഷിക്കും.
പെരുന്നാള് പ്രമാണിച്ച് രാജ്യത്തെ പൊതു മേഖല, സ്വകാര്യ സ്ഥാപന ങ്ങള്ക്ക് അവധി പ്രഖ്യാപിച്ചു. ഒക്ടോബര് 3, 4, 5 തീയ്യതികളിൽ സ്വകാര്യ മേഖലാ സ്ഥാപന ങ്ങള്ക്ക് അവധി ആയിരിക്കും.
വിദ്യാഭ്യാസ സ്ഥാപന ങ്ങള് അടക്ക മുള്ള പൊതു മേഖലാ സ്ഥാപന ങ്ങള്ക്ക് ഒക്ടോബര് 6 വരെയും അവധി ലഭിക്കും. ഇക്കഴിഞ്ഞ ബുധനാഴ്ച ദുൽഹജ്ജ് മാസ പ്പിറവി ദൃശ്യ മായ പശ്ചാത്തല ത്തിൽ സെപ്റ്റംബർ 25 വ്യാഴാഴ്ച, ദുല്ഹജ്ജ് ഒന്ന് ആയി സൗദി സുപ്രീം കൗണ്സില് പ്രഖ്യാപി ക്കുകയും, ഒക്ടോബര് 3 വെള്ളിയാഴ്ച അറഫാദിനവും പിറ്റേ ദിവസം ശനിയാഴ്ച ഈദുല് അദ്ഹ അഥവാ ബലി പെരുന്നാള് ആഘോഷിക്കുവാനും തീരുമാനിച്ചു.
ഹജ്ജ് കർമ്മം നിർവ്വഹിക്കുന്ന അറഫാ ദിനം, വെള്ളിയാഴ്ച ആയി വന്നത് ‘ഹജ്ജുൽ അക്ബർ’ എന്ന വിശേഷണമാണ് വിശ്വാസികൾ നല്കുന്നത്.
