ദുബായ് : കൊയ്ത്തുത്സവ ത്തോട് അനുബന്ധിച്ച് ദുബായ് സെന്റ് തോമസ് ഓര്‍ത്തഡോക്‌സ് കത്തീഡ്രല്‍ ഏര്‍പ്പെടുത്തിയ മികച്ച സാമൂഹ്യ പ്രവര്‍ത്തകന്‍ എന്ന ബഹുമതിക്ക് കിഡ്‌നി ഫെഡറേഷന്‍ ഓഫ് ഇന്ത്യ ചെയര്‍മാന്‍ ഫാ. ഡേവിസ് ചിറമേല്‍ അര്‍ഹനായി. പ്രശസ്തി പത്രവും ഫലകവും ക്യാഷ് അവാര്‍ഡുമാണ് പുരസ്കാരം.
ഒക്ടോബര്‍ 25 വെള്ളിയാഴ്ച വൈകീട്ട് 5 മണിക്ക് കത്തീഡ്രല്‍ അങ്കണ ത്തില്‍ നടക്കുന്ന പൊതു സമ്മേളന ത്തില്‍ പുരസ്കാരം സമ്മാനിക്കും എന്ന് ഇടവക വികാരി ഫാ. ടി. ജെ. ജോണ്‍സണ്‍, സഹ വികാരി ഫാ. ലെനി ചാക്കോ, കണ്‍വീനര്‍ മാരായ കെ. സി. ജോസഫ്, ബാബു വര്‍ഗീസ്, ഇടവക ട്രസ്റ്റി റ്റി. സി. ജേക്കബ് എന്നിവര്‍ അറിയിച്ചു.
