അബുദാബി : മലയാള ത്തിന്റെ അശ്വര കാവ്യം ഉണ്ണായി വാര്യരുടെ നള ചരിതം ആട്ടക്കഥ അബുദാബി യിലെ കഥകളി പ്രേമികള്ക്കായി ഒക്ടോബര് 22 ചൊവ്വാഴ്ച മുതല് 25 വെള്ളിയാഴ്ച വരെ തുടര്ച്ചയായി നാലു ദിവസ ങ്ങളിലായി കേരളാ സോഷ്യല് സെന്ററില് അവതരിപ്പിക്കും.
ശക്തി തിയറ്റേഴ്സ്, മണിരംഗ് അബുദാബി യുമായി സഹകരിച്ചാണ് ‘നൈഷധം’എന്ന പേരില് നള ചരിതം അരങ്ങിലെത്തിക്കുന്നത്. പത്മശ്രീ കലാമണ്ഡലം ഗോപി ആശാ നോടൊപ്പം മാര്ഗി വിജയകുമാര്, കലാമണ്ഡലം ഹരി ആര്. നായര്, കലാമണ്ഡലം വിപിന്, കലാമണ്ഡലം ആദിത്യന്, കലാമണ്ഡലം ബാജിയോ, ചിനോഷ് ബാലന് തുടങ്ങിയവര് വേഷമിടും.
കഥകളി സംഗീത ത്തിലെ സമുന്നത ഗായകരായ പത്തിയൂര് ശങ്കരന് കുട്ടി, കോട്ടയ്ക്കല് മധു, കലാനിലയം രാജീവന് എന്നിവരാണ് പിന്നണിയില്.
പരിപാടി കളെ കുറിച്ചു വിശദീ കരിക്കാന് വിളിച്ചു ചേര്ത്ത വാര്ത്താ സമ്മേളന ത്തില് കലാമണ്ഡലം ഗോപി ആശാന്, മാര്ഗി വിജയകുമാര്, എ. കെ. ബീരാന്കുട്ടി, ഡോ. പി. വേണു ഗോപാലന്, ഡോക്ടര് കെ. എസ്. രവികുമാര് തുടങ്ങിയവര് സംബന്ധിച്ചു.
