ബോള്‍ഗാട്ടി പദ്ധതി പൂര്‍ത്തിയാക്കിയ ശേഷം കേരള ത്തില്‍ മറ്റു പദ്ധതികള്‍ : എം. എ. യൂസുഫലി

July 10th, 2013

ma-yousufali-epathram
അബുദാബി : ബോള്‍ഗാട്ടി പദ്ധതി യുടെ നിര്‍മാണ പ്രവര്‍ത്ത നങ്ങള്‍ റമദാന്‍ കഴിഞ്ഞാല്‍ ആരംഭിക്കും എന്നും രണ്ടര വര്‍ഷം കൊണ്ടു തന്നെ അത് പൂര്‍ത്തി യാക്കി ക്കഴിഞ്ഞ തിനു ശേഷമേ കേരള ത്തില്‍ പുതിയ പദ്ധതികള്‍ ആരംഭിക്കുക യുള്ളൂ എന്ന് എം. കെ. ഗ്രൂപ്പ് മാനേജിംഗ് ഡയരക്ടര്‍ എം. എ. യൂസുഫലി പറഞ്ഞു.

emke-group-yousuf-ali-with-uae-media-team-ePathram

കുറെ വര്‍ഷ ങ്ങളായി പ്രവാസി കളായി ജീവിക്കാന്‍ നിര്‍ബന്ധിക്ക പ്പെട്ടിരി ക്കുകയാണ് മലയാളി സമൂഹം. കേരള ത്തിലെ വരും തലമുറ കള്‍ എങ്കിലും പ്രവാസി കള്‍ ആവാതി രിക്കാന്‍ സംസ്ഥാനത്ത് കൂടുതല്‍ നിക്ഷേപ പദ്ധതികള്‍ ഉണ്ടാവണ മെന്നും അതിന് എല്ലാ രാഷ്ട്രീയ കക്ഷി കളും വ്യവസായി കളും മാധ്യമ ങ്ങളും ഒരുമിച്ചു നില്‍ക്കണം എന്നും അദ്ദേഹം പറഞ്ഞു.

lulu-group-yousuf-ali-with-ima-imf-team-ePathram

അബുദാബി യില്‍ നിര്‍മിച്ച പുതിയ ഗ്ളോബല്‍ ഹെഡ്ക്വാര്‍ട്ടേഴ്സായ ‘ വൈ ’ ടവറിന്റെ ഉത്ഘാടന ത്തോട് അനുബന്ധിച്ചു നടത്തിയ വാര്‍ത്താ സമ്മേളന ത്തിലാണ് എം. എ. യൂസുഫലി ഇക്കാര്യം സൂചിപ്പിച്ചത്.

അബുദാബി സര്‍ക്കാര്‍ നല്‍കിയ രണ്ട് ഏക്കര്‍ സ്ഥലത്ത് 80 കോടി ദിര്‍ഹം (ഏകദേശം 1280 കോടി രൂപ) ചെലവിട്ട് നിര്‍മിച്ച ‘വൈ ടവര്‍’ എന്ന 12 നില കെട്ടിട ത്തില്‍ ഏറ്റവും അത്യാധുനിക സൗകര്യ ങ്ങളുള്ള ഐ. ടി. വിഭാഗം ഒരുക്കി, ലോക ത്തിന്‍റെ വിവിധ ഭാഗ ങ്ങളിലുള്ള എം. കെ. ഗ്രൂപ്പ് സ്ഥാപന ങ്ങള്‍ ഒറ്റ സ്ഥലത്ത് ഇരുന്ന് നിയന്ത്രി ക്കാവുന്ന രീതി യിലാണ് ‘വൈ ടവര്‍’ നിര്‍മിച്ചിരിക്കുന്നത്. പുതിയ ആസ്ഥാന ത്തേക്ക് മാറി യതിന്‍റെ ഭാഗമായി 30000ഓളം വരുന്ന ജീവന ക്കാര്‍ക്ക് 500 ദിര്‍ഹം വീതം ( 25 കോടി യോളം ഇന്ത്യന്‍ രൂപ) സമ്മാന മായി നല്‍കി അദ്ദേഹം മാതൃക യായി.

ഒരു വര്‍ഷ ത്തിനുള്ളില്‍ വിവിധ ജി. സി. സി. രാജ്യ ങ്ങളില്‍ അഞ്ച് ഹൈപ്പര്‍മാര്‍ക്കറ്റുകള്‍ കൂടി ആരംഭിക്കും. സൌദി അറേബ്യ, യു. എ. ഇ. എന്നിവിട ങ്ങളില്‍ രണ്ടു വീതവും ഒമാനില്‍ ഒരു ഹൈപ്പര്‍ മാര്‍ക്കറ്റും ആരംഭിക്കും. കൂടാതെ ഈജിപ്ത്, മലേഷ്യ, വിയറ്റ്നാം, ഇന്തോനേഷ്യ എന്നിവിട ങ്ങളില്‍ ഹൈപ്പര്‍മാര്‍ക്കറ്റുകളുടെ ജോലികള്‍ പൂര്‍ത്തി യായി വരുന്നു എന്നും അദ്ദേഹം അറിയിച്ചു.

എം. കെ. ഗ്രൂപ്പ് – ലുലു സ്ഥാപന ങ്ങളുടെ വളര്‍ച്ചയില്‍ സഹായിക്കുകയും പിന്തുണ യ്ക്കുകയും ചെയ്ത ഗള്‍ഫിലെ ഭരണാധി കാരികളോടും എം. എ. യൂസുഫലി നന്ദി പറഞ്ഞു.

- pma

വായിക്കുക: ,

അഭിപ്രായം എഴുതുക »

സ്വരുമ രചനാ മത്സരം : പുരസ്കാരങ്ങള്‍ സമ്മാനിച്ചു

July 9th, 2013

salim-ayyanath-winner-swaruma-story-award-2013-ePathram
ദുബായ് : സ്വരുമ കലാ സാംസ്‌കാരിക വേദി യുടെ പത്താം വാര്‍ഷിക ത്തിന് നടത്തിയ രചനാ മത്സര വിജയി കള്‍ക്കുള്ള പുരസ്കാരങ്ങള്‍ സമ്മാനിച്ചു. കഥാ രചനാ വിഭാഗ ത്തില്‍ സലീം അയ്യനത്തിന്റെ ‘എച്ച് ടു ഒ’ ഒന്നാം സ്ഥാനം നേടി.

soniya-rafeek-swaruma-award-winner-2013-ePathram

സോണിയാ റഫീഖിന്റെ ‘വെരോളി യിലെ സാധാരണ ക്കാരന്‍’ കഥാ രചനാ വിഭാഗ ത്തില്‍ രണ്ടാം സ്ഥാനവും കരസ്ഥമാക്കി. വിജു സി. പരവൂരിന്റെ ‘സതീ ദേവിയും ഒരമ്മ യാണ്’ മൂന്നാം സ്ഥാനം നേടിയ കഥ.

കവിതാ രചനാ വിഭാഗ ത്തില്‍ രഘുനന്ദന്‍ മാഷ് രചിച്ച ‘തലയിണ’ ഒന്നാം സ്ഥാനവും ആര്‍. സന്ധ്യ യുടെ ‘ബന്ധങ്ങള്‍’ രണ്ടാം സ്ഥാനവും നേടി.

ബഷീര്‍ തിക്കോടി, ഷാജി ഹനീഫ്, ലത്തീഫ് മമ്മിയൂര്‍, സമദ് മേലടി സുരേന്ദ്രന്‍ മാസ്റ്റര്‍, മംഗലത്ത് മുരളി എന്നിവര്‍ ആയിരുന്നു വിധി കര്‍ത്താക്കള്‍.

- pma

വായിക്കുക: , ,

അഭിപ്രായം എഴുതുക »

ആർട്ട്‌ ലാൻഡ്‌ പ്രവര്‍ത്തനം ആരംഭിച്ചു

July 9th, 2013

abudhabi-art-land-opening-ePathram
അബുദാബി : യുവ കലാ പ്രതിഭകളെ പ്രോത്സാഹി പ്പിക്കുന്നതിനും ചിത്രകല യോട് ആഭിമുഖ്യം പുലർത്തുന്ന കുട്ടികൾക്ക് വേണ്ടതായ പരിശീലനം നല്കുക എന്ന ഉദ്യമ വുമായി ആർട്ട്‌ ലാൻഡ്‌ എന്ന ചിത്രകലാ സ്ഥാപനം അബുദാബി യിൽ പ്രവർത്തനം ആരംഭിച്ചു.

rajeev-mulakkuzha-faizal-bava-in-art-land-ePathram

ചിത്രകലാ അദ്ധ്യാപകനും ശില്പി യുമായ രാജീവ് മുളക്കുഴയും ഇ പത്രം കോളമിസ്റ്റും പരിസ്ഥിതി പ്രവർത്തക നുമായ ഫൈസൽ ബാവ യും സാംസ്കാരിക പ്രവര്‍ത്തകരായ കൃഷ്ണകുമാറും ഫൈസല്‍ കല്ലിവളപ്പില്‍ എന്നിവര്‍ ചേർന്ന് തുടക്കം കുറിച്ച ‘ആർട്ട്‌ ലാൻഡ് ‘ അബുദാബി കേരള സോഷ്യൽ സെന്റർ പ്രസിഡൻറ്റ് എം. യു. വാസു ഉത്ഘാടനം ചെയ്തു.

ചടങ്ങിൽ മാധ്യമ പ്രവർത്തകരും കലാ സാമൂഹ്യ സാംസ്കാരിക രംഗ ത്തെ പ്രമുഖരും പങ്കെടുത്തു.

- pma

വായിക്കുക: ,

അഭിപ്രായം എഴുതുക »

അറബി സാഹിത്യ രചനകള്‍ മലയാളി കള്‍ക്ക് ആസ്വദിക്കുവാന്‍ അവസരങ്ങള്‍ സൃഷ്ടിക്കണം : കുഴൂര്‍ വിത്സണ്‍

July 8th, 2013

kuzhoor-wilson-epathram
ദോഹ : അറബ് ലോകത്തെ പ്രതിഭാധന രായ കവി കളുടേയും സാഹിത്യ കാരന്മാരുടേയും ക്രിയാത്മക രചന കളെ മലയാളി സമൂഹ ത്തിന് മനസ്സി ലാക്കുവാനും ആസ്വദി ക്കുവാനും അവസരങ്ങൾ ‍ സൃഷ്ടിക്കണ മെന്നും അറബ് ലോക വുമായുള്ള മലയാളി കളുടെ ബന്ധം കൂടുതൽ ‍ ഊഷ്മള മാക്കുവാൻ ‍സഹായകമാകുമെന്നും യുവ കവിയും മാധ്യമ പ്രവര്‍ത്തകനുമായ കുഴൂര്‍ വിത്സണ്‍ അഭിപ്രായപ്പെട്ടു.

ഖത്തറിലെ മാധ്യമ പ്രവര്‍ത്തകനും ഗ്രന്ഥ കാരനുമായ അമാനുല്ല വടക്കാങ്ങര യുടെ പ്രഥമ കൃതി യായ അറബി സാഹിത്യ ചരിത്രം എന്ന ഗ്രന്ഥ ത്തിന്റെ സില്‍വർ ‍ജൂബിലി ആഘോഷ ചടങ്ങിൽ സംസാരിക്കുക യായിരുന്നു കുഴൂര്‍ വിത്സണ്‍.

അറബി സാഹിത്യവും കവിതയും മനസ്സിലാക്കു വാനും അടുത്തറി യുവാനും അറബ് ലോകത്ത് ജീവിക്കുന്നവർ ‍പോലും തയ്യാറാകുന്നില്ല എന്നത് ആശാ വഹമല്ല. അറബ് രചന കളെ പരിചയ പ്പെടുവാനും മലയാള ത്തിലേക്ക് ഭാഷാന്തരം ചെയ്യു വാനുമുള്ള ശ്രമങ്ങ ളുണ്ടാവണം. ഗള്‍ഫില്‍ നിന്നും അദ്ധ്വാനിച്ച് പണ മയക്കുന്നതു പോലെ സര്‍ഗ വ്യാപാര ത്തിലൂടെ ഒരു സാഹിത്യ സൃഷ്ടി യെങ്കിലും മലയാള ത്തിന് സമ്മാനി ക്കുവാൻ ‍ കഴിവും സൗകര്യ വുമുള്ള ഓരോ മലയാളിയും പരിശ്രമിക്കണം എന്ന് ചടങ്ങില്‍ മുഖ്യാഥിതി യായി പങ്കെടുത്ത കേരള സാഹിത്യ അക്കാദമി അംഗം പി. കെ. പാറക്കടവ് പറഞ്ഞു.

അറബി ഭാഷയും സംസ്‌കാരവും ലോക നാഗരികതക്ക് നല്‍കിയ സംഭാവനകൾ ‍ അമൂല്യ മാണ്. കവിതാ രംഗത്ത് ഉജ്വല മായ സംഭാവനകൾ ‍ നല്‍കിയ അറബ് സാഹിത്യ കാരന്മാർ ‍ ഗദ്യ സാഹിത്യ ത്തിലും ഉന്നത സൃഷ്ടി കളാണ് സമ്മാനി ച്ചിട്ടുള്ളത്. ഈ കൃതി കൾ ‍ പഠിക്കുവാനും ആസ്വദി ക്കുവാനും അവസര ങ്ങളുണ്ടാവണം. സാമൂഹ്യ സാംസ്‌കാരിക വിനിമയ രംഗത്ത് വമ്പിച്ച മാറ്റ ത്തിന് ഈ സംവാദ ങ്ങളും കൊള്ള കൊടുക്കകളും കാരണ മാകുമെന്ന് അവർ പറഞ്ഞു. ഒരു പുസ്തകം കാൽ ‍നൂറ്റാണ്ട് കാലം സജീവമായി നിലനില്‍ക്കുക എന്നത് വലിയ നേട്ട മാണെന്നും അറബി ഭാഷാ സാഹിത്യ പഠന രംഗത്ത് അമാനുല്ലയുടെ സംഭാവന വിലപ്പെട്ട താണെന്നും ചടങ്ങിൽ സംസാരി ച്ചവർ ‍അഭിപ്രായപ്പെട്ടു.

ഖത്തര്‍ ഇന്ത്യൻ മീഡിയ ഫോറം പ്രസിഡണ്ട് റഈസ് അഹമദ്, കെ. എം. വര്‍ഗീസ്, ശംസുദ്ധീന്‍ ഒളകര, അബ്ദുൽ ഗഫൂര്‍, കെ. മുഹമ്മദ് ഈസ, അഹമ്മദ് കുട്ടി അറലയിൽ, മശ്ഹൂദ് തിരുത്തി യാട്, എം. ടി. നിലമ്പൂർ, മുഹമ്മദ് പാറക്കടവ്, ഇസ്മാഈൽ ‍മേലടി, യതീന്ദ്രൻ ‍മാസ്റ്റർ, അഹമദ് തൂണേരി തുടങ്ങിയവര്‍ പ്രസംഗിച്ചു. ആസഫ് അലി സ്വാഗതവും അമാനുല്ല വടക്കാങ്ങര നന്ദിയും പറഞ്ഞു.

-കെ. വി. അബ്ദുൽ അസീസ്‌, ചാവക്കാട് – ഖത്തർ

- pma

വായിക്കുക: , , ,

അഭിപ്രായം എഴുതുക »

ചിരന്തന മാധ്യമ പുരസ്‌കാരങ്ങള്‍ പ്രഖ്യാപിച്ചു

July 8th, 2013

ദുബായ് : ഗള്‍ഫിലെ മാധ്യമ പ്രവര്‍ത്തകര്‍ക്കായി ദുബായ് ചിരന്തന സാംസ്‌കാരിക വേദി നല്‍കി വരുന്ന യു. എ. ഇ. എക്‌സ്‌ചേഞ്ച് – ചിരന്തന മാധ്യമ പുരസ്‌കാര ജേതാക്കളെ പ്രഖ്യാപിച്ചു.

ജയ് ഹിന്ദ്‌ ടി. വി. മിഡില്‍ ഈസ്റ്റ് ബ്യൂറോ ചീഫ് എല്‍വിസ് ചുമ്മാര്‍, ഏഷ്യാനെറ്റ് ന്യൂസ് ബ്യൂറോ ചീഫ് ഇ. സതീഷ്, ഗള്‍ഫ് ടുഡേ കണ്‍സല്‍ട്ടന്‍റ് എഡിറ്റര്‍ പി. വി. വിവേകാനന്ദന്‍, ഹിറ്റ് എഫ്. എം. റേഡിയോ അവതാരക സിന്ധു ബിജു എന്നിവര്‍ക്കാണ് പുരസ്‌കാരം.

സ്വര്‍ണ മെഡലും പ്രശസ്തി പത്രവും അടങ്ങുന്ന പുരസ്‌കാരങ്ങള്‍ ജൂലായ്‌ 24 ന് സമ്മാനിക്കും എന്ന് ചിരന്തന ഭാരവാഹികള്‍ അറിയിച്ചു.

- pma

വായിക്കുക: , ,

അഭിപ്രായം എഴുതുക »


« Previous Page« Previous « യുവ കലാ സാഹിതി കളിവീട് ക്യാമ്പ് നടത്തി
Next »Next Page » അറബി സാഹിത്യ രചനകള്‍ മലയാളി കള്‍ക്ക് ആസ്വദിക്കുവാന്‍ അവസരങ്ങള്‍ സൃഷ്ടിക്കണം : കുഴൂര്‍ വിത്സണ്‍ »



  • പത്തനംതിട്ട ജില്ലാ കെ. എം. സി. സി. റമദാൻ റിലീഫിന് തുടക്കമായി
  • ഇ. കെ. നായനാർ സ്മാരക റമദാൻ ഫുട് ബോൾ ടൂർണ്ണ മെന്റ് ശനിയാഴ്ച മുസ്സഫയിൽ
  • അബുദാബി മലയാളീസ് മെഡിക്കൽ ക്യാമ്പ് സംഘടിപ്പിച്ചു
  • ജ്വാല ഉത്സവ് 2025 ബ്രോഷർ പ്രകാശനം ചെയ്തു
  • കേരള സോഷ്യൽ സെന്റർ ഇഫ്‌താർ സംഗമം
  • ഐ. ഐ. സി. ഹോളി ഖുര്‍ആന്‍ : ബ്രോഷർ പ്രകാശനം ചെയ്തു
  • ഉപന്യാസ മത്സരം : സൃഷ്ടികൾ ക്ഷണിച്ചു
  • ഇഫ്താർ സംഗമവും അവാർഡ് ദാനവും സംഘടിപ്പിച്ചു
  • കെ. എസ്‌. സി. ചങ്ങാതിക്കൂട്ടം ശ്രദ്ധേയമായി
  • നമ്മൾ ചാവക്കാട്ടുകാർ സൗദി ചാപ്റ്ററിനു പുതിയ നേതൃത്വം
  • സീതി സാഹിബ് ഫൗണ്ടേഷൻ യു. എ. ഇ. കമ്മിറ്റി
  • ഒമാനിലേക്ക് പുതിയ കരാതിർത്തി തുറന്നു
  • റമദാൻ റിലീഫ് : ഈത്തപ്പഴ ചലഞ്ച് നടത്തി
  • അബുദാബി മലയാളീസ് സിംഫണി അരങ്ങേറി
  • നോള്‍ കാര്‍ഡ് റീചാർജ്ജ് ചുരുങ്ങിയ തുക 20 ദിർഹം
  • ബസ്സ് – മറൈന്‍ ട്രാന്‍സ്‌പോര്‍ട്ട് സ്റ്റേഷനുകളില്‍ സൗജന്യ വൈ-ഫൈ ലഭ്യമാക്കും
  • എം. ടി. യുടെ മരണത്തോടെ താര പദവിയുള്ള എഴുത്തുകാരുടെ ഗണം അസ്തമിച്ചു
  • ഖുർ ആൻ പാരായണ മത്സരം സീസൺ- 4 മാർച്ച് 14 മുതൽ
  • സമാജം മുൻ വൈസ് പ്രസിഡണ്ട് പള്ളിക്കൽ ബാബു അന്തരിച്ചു
  • ഇരുപതാം വാർഷിക സമ്മേളനം ഫെബ്രുവരി 23 നു അജ്മാനിൽ



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine