 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : കോഴിക്കോട് സാമൂതിരി ഗുരുവായൂരപ്പൻ കോളേജ് (യു. എ. ഇ.) പൂർവ്വ വിദ്യാർത്ഥി കൂട്ടായ്മ ഏപ്രിൽ 28 വെള്ളിയാഴ്ച വൈകുന്നേരം 7 മണിക്ക് ദുബായ് കരാമ വൈഡ് റേഞ്ച് റെസ്റ്റോറന്‍റില്‍ ഒത്തു ചേരുന്നു.
യു. എ. ഇ. യിലുള്ള ഗുരുവായൂരപ്പൻ കോളേജ് പൂര്‍വ്വ വിദ്യാര്‍ത്ഥികള്‍ എല്ലാവരും പങ്കെടുക്കണം എന്നു സംഘാടകര്‍ അറിയിച്ചു.
കൂടുതൽ വിവരങ്ങൾക്ക് ബന്ധപ്പെടുക : ശങ്കർ (056 292 2562), രജീഷ് (056 591 2379), സലിം (050 848 0260).
- pma
വായിക്കുക: ദുബായ്, പൂര്‍വ വിദ്യാര്‍ത്ഥി, സംഘടന
അബുദാബി : പയസ്വിനി അബുദാബിയുടെ വിഷു ആഘോഷം ‘വിഷു പൊലിക-2023’ വൈവിധ്യങ്ങളായ പരിപാടികളാൽ ശ്രദ്ധേയമായി. മുസ്സഫയില്‍ വെച്ചു സംഘടിപ്പിച്ച ‘വിഷു പൊലിക-2023’ ചലച്ചിത്ര ബാല താരം തമന്ന പ്രമോദ് ഉൽഘാടനം ചെയ്തു. പയസ്വിനി പ്രസിഡണ്ട് ശ്രീജിത്ത് കുറ്റിക്കോൽ അദ്ധ്യക്ഷത വഹിച്ചു.
പയസ്വിനി രക്ഷാധികാരികള്‍ ജയകുമാർ പെരിയ, ടി. വി. സുരേഷ് കുമാർ, ആർട്സ് സെക്രട്ടറി ഉമേഷ് കാഞ്ഞങ്ങാട്, കോഡിനേറ്റർ ഹരിപ്രസാദ്, കളിപ്പന്തൽ കോഡിനേറ്റർ രമേശ് ദേവരാഗം എന്നിവർ സംസാരിച്ചു. അബുദാബിയിലെ സാമൂഹ്യ സംസ്കാരിക രംഗത്തെ പ്രമുഖര്‍ സംബന്ധിച്ചു.
പയസ്വിനി സെക്രട്ടറി ദീപ ജയകുമാർ സ്വാഗതവും ട്രഷറർ വാരിജാക്ഷൻ നന്ദിയും പറഞ്ഞു. വിഭാ ഹരീഷ് അവതാരകയായ പ്രോഗ്രാമില്‍ കുട്ടികളുടെ ഫാഷൻ ഷോ, അക്ഷര ശ്ലോക സദസ്സ്, പയസ്വിനി മൂസിക് ടീം അവതരിപ്പിച്ച ഗാനമേള എന്നിവ അരങ്ങേറി.
- pma
വായിക്കുക: ആഘോഷം, പൂര്‍വ വിദ്യാര്‍ത്ഥി, പ്രവാസി, സംഘടന
അബുദാബി : കെ. എം. സി. സി. തൃപ്രങ്ങോട് പഞ്ചായത്ത് ആറാമത് റമദാൻ റിലീഫ് വിതരണം പാണക്കാട് സയ്യിദ് ഹമീദലി ശിഹാബ് തങ്ങൾ ഉൽഘാടനം ചെയ്തു. തിരൂർ സി. എച്ച്. സെന്‍റര്‍, പുറതത്തൂർ സി. എച്ച്. സെന്‍റര്‍, തൃപ്രങ്ങോട് പഞ്ചായത്തിലെ മുഴുവൻ വാർഡുകളിലേക്കും നല്‍കി വരാറുള്ള ധന സഹായവും വിതരണം ചെയ്തു.
മദ്രസ്സ പൊതു പരീക്ഷയിൽ ഉന്നത വിജയം നേടിയ വിദ്യാര്‍ത്ഥികളെ ചടങ്ങിൽ ആദരിച്ചു. ആലത്തിയൂർ എരിഞ്ഞിക്കത്ത് ബാപ്പുട്ടി ഹാജി നഗറിൽ വെച്ച് നടന്ന ചടങ്ങില്‍ എം. മുസ്തഫ ഹാജി അദ്ധ്യക്ഷത വഹിച്ചു. പരിപാടിയുടെ ഭാഗമായി സംഘടിപ്പിച്ച തസ്കിയത് ക്യാമ്പിനു അസിം ചെമ്പ്ര നേതൃത്വം നല്‍കി. ബാപ്പുട്ടി ഹാജി അനുസ്മരണം പി. കെ. ഖമറുദ്ധീന്‍ നിര്‍വ്വഹിച്ചു.
ഫൈസൽ ഇടശേരി, ബാവ ഹാജി, ഹമീദ്, മുജീബ് പുളക്കൽ, ഹംസ, സലാം പുറത്തൂർ, നാസർ, നാസിക് ഷൗക്കത്ത് എന്നിവർ സംസാരിച്ചു അഷ്റഫ് ആലുക്കൽ സ്വാഗതവും ഹുസൈൻ പുല്ലത്ത് നന്ദിയും പറഞ്ഞു.
- pma
വായിക്കുക: കെ.എം.സി.സി., ജീവകാരുണ്യം, സംഘടന, സാമൂഹ്യ സേവനം
അജ്മാൻ : മലയാളം മിഷൻ അജ്മാൻ ചാപ്റ്റർ മാതൃകാ പഠനോത്സവം സംഘടിപ്പിച്ചു. അജ്മാൻ ഹാബിറ്റാറ്റ് സ്കൂളിൽ ഒരുക്കിയ പരിപാടി യില്‍ കണിക്കൊന്ന, സൂര്യകാന്തി എന്നീ കോഴ്സുകളിലെ ഇരുനൂറോളം വിദ്യാർത്ഥികള്‍ പങ്കാളികളായി. ഏപ്രിൽ 30 ഞായറാഴ്ച രാവിലെ 9 മണി മുതല്‍ വിപുലമായ പരിപാടികളോടെ പഠനോത്സവം അരങ്ങേറും.
മലയാളം മിഷന്‍റെ ആദ്യ രണ്ട് കോഴ്സുകളായ കണിക്കൊന്ന സൂര്യകാന്തി എന്നീ കോഴ്സുകൾ പൂർത്തിയാക്കുന്ന പഠിതാക്കൾക്ക് തൊട്ടടുത്ത കോഴ്സിലേക്ക് പ്രവേശനം നൽകും.
കണിക്കൊന്ന കോഴ്സ് പാസ്സായ വിദ്യാർത്ഥികളെ സൂര്യകാന്തിയിലേക്കും, സൂര്യകാന്തി കോഴ്സ് പാസ്സായ വിദ്യാർത്ഥികളെ ആമ്പല്‍ എന്ന മൂന്നാമത്തെ കോഴ്സിലേക്കും പ്രവേശിപ്പിക്കും. ഇവർക്കായുള്ള പ്രത്യേക ക്ലാസുകൾ തുടർ പഠനത്തിന്‍റെ ഭാഗമായി ഒരുക്കും. പഠനോത്സവത്തിന്‍റെ വിജയത്തിന് ചാപ്റ്റർ ഭാരവാഹികളോടൊപ്പം അദ്ധ്യാപകരും രക്ഷിതാക്കളും ക്ലാസ്സ് കോഡിനേറ്റർമാരും വലിയ പിന്തുണയാണ് നൽകുന്നത്.
മലയാളം മിഷൻ യു. എ. ഇ. കോഡിനേറ്റർ കെ. എൽ. ഗോപി, അജ്മാൻ മലയാളം മിഷൻ ചാപ്റ്റർ പ്രസിഡണ്ട് ഫാമി ഷംസുദ്ദീൻ, സെക്രട്ടറി ജാസിം മുഹമ്മദ്, കൺവീനർ ദീപ്തി ബിനു, വൈസ് പ്രസിഡണ്ട് പ്രജിത്ത്‌, ജോയിന്‍റ് സെക്രട്ടറി ഷെമിനി സനിൽ, ക്ലാസ്സ് കോഡി നേറ്റർ അഞ്ജു ജോസ്‌ എന്നിവർ പഠനോത്സവ ത്തിന്‍റെ പ്രവർത്തനങ്ങൾക്ക് നേതൃത്വം നൽകി. FB Page
- pma
വായിക്കുക: അജ്മാന്‍, കുട്ടികള്‍, വിദ്യാഭ്യാസം
അബുദാബി: ഇന്ത്യൻ മീഡിയ അബുദാബി (ഇമ) ഇഫ്താർ വിരുന്ന് സംഘടിപ്പിച്ചു. മുഷ്റിഫ് മാളിലെ ഇന്ത്യാ പാലസിൽ നടന്ന ഇഫ്താറിൽ ഇന്ത്യൻ എംബസിയിലെ കൗൺസല‍ർ ഡോ. ബാലാജി രാമസ്വാമി മുഖ്യാതിഥി ആയിരുന്നു.
വിവിധ മേഖലകളില്‍ മാധ്യമ പ്രവര്‍ത്തകരുടെ ഇട പെടലുകള്‍ സമൂഹത്തിന് ഏറെ ഗുണം ചെയ്യും എന്ന് ഇഫ്താര്‍ വിരുന്നില്‍ പങ്കെടുത്ത് ഡോ. ബാലാജി രാമ സ്വാമി പറഞ്ഞു.
ഇത്തരം കൂട്ടായ്മകളും കൂടിച്ചേരലുകളും അതിന് കൂടുതല്‍ സാദ്ധ്യതകള്‍ ഉണ്ടാക്കട്ടെ എന്നും അദ്ദേഹം കൂട്ടിച്ചേര്‍ത്തു.
ഇമ പ്രസിഡണ്ട് എൻ. എം. അബൂബക്കർ (മലയാള മനോരമ), വൈസ് പ്രസിഡണ്ട് പി. എം. അബ്ദുൽ റഹിമാൻ (ഇ-പത്രം), ആക്ടിംഗ് ജനറൽ സെക്രട്ടറി അനിൽ സി. ഇടിക്കുള (ദീപിക), ഭരണ സമിതി അംഗങ്ങളായ റാഷിദ് പൂമാടം (സിറാജ്), സമീർ കല്ലറ (24 / 7), റസാഖ് ഒരുമനയൂർ (ചന്ദ്രിക), സഫറുള്ള പാലപ്പെട്ടി (ദേശാഭിമാനി) എന്നിവർ നേതൃത്വം നൽകി.
ഇന്ത്യന്‍ മീഡിയ അംഗങ്ങളും കുടുംബാംഗങ്ങളും ഇഫ്താര്‍ വിരുന്നില്‍ സംബന്ധിച്ചു.
- pma
വായിക്കുക: social-media, അബുദാബി, ആഘോഷം, ഇന്ത്യന്‍ കോണ്സുലേറ്റ്, പൂര്‍വ വിദ്യാര്‍ത്ഥി, പ്രവാസി, മാധ്യമങ്ങള്‍, സംഘടന, സാംസ്കാരികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
