 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : അന്തരിച്ച മുന്‍ പ്രധാനമന്ത്രി ഇന്ദിരാ ഗാന്ധിയുടെ ഓര്‍മ്മ ദിനത്തില്‍ ഒ. ഐ. സി. സി. അബുദാബി യുടെ ആഭിമുഖ്യ ത്തില്‍ യുടെ അനുസ്മരണ യോഗം ചേര്‍ന്നു.
മുസ്സഫ യിലെ അബുദാബി മലയാളീ സമാജ ത്തില്‍ നടന്ന പരിപാടിയില്‍ ഡോ. മനോജ്‌ പുഷ്കര്‍ മുഖ്യ പ്രഭാഷണം നടത്തി. എം. യു. ഇര്‍ഷാദ് ഇന്ദിരാജിയുടെ ഭരണ നൈപുണ്യത്തെയും അതിലൂടെ ഇന്ത്യ കൈവരിച്ച നേട്ടങ്ങളെ ക്കുറിച്ചും വിശദീകരിച്ചു.
ടി. എ. നാസര്‍, കെ. എച്. താഹിര്‍, അബ്ദുല്‍കരീം, യേശുശീലന്‍, സുനില്‍, ജീബ. എം. സാഹിബ്‌ എന്നിവര്‍ അനുസ്മരണ പ്രഭാഷണം നടത്തി.
- pma
അബുദാബി : 2012 ജനുവരി മുതല്‍ സെപ്തംബര്‍ അവസാനം വരെയുള്ള ഒന്‍പതു മാസത്തിനുള്ളില്‍ അബുദാബി വിമാനത്താവളം വഴി യാത്ര ചെയ്തവരുടെ എണ്ണത്തില്‍ 20.7 ശതമാനം വര്‍ദ്ധനവ്‌. ഈ ഒന്‍പതു മാസത്തിനിടെ 10.9 മില്യന്‍ യാത്രക്കാരാണ് വിമാനത്താവളം വഴി യാത്ര ചെയ്തിട്ടുള്ളത്. കഴിഞ്ഞ വര്‍ഷം ഇതേ കാലയളവില്‍ യാത്രചെയ്തത് 9 മില്യന്‍ യാത്രക്കാരായിരുന്നു എന്നും അബുദാബി എയര്‍പോര്‍ട്ട് കമ്പനി(അഡാക്) വാര്‍ത്താ കുറിപ്പില്‍ അറിയിച്ചു.
1.2 മില്യന്‍ യാത്രക്കാര്‍ സെപ്റ്റംബര്‍ മാസ ത്തില്‍ മാത്രമായി യാത്ര ചെയ്തു. കഴിഞ്ഞ വര്‍ഷത്തെക്കാള്‍ 14.5 ശതമാനം വളര്‍ച്ച കൈവരിച്ചു. ഈ വര്‍ഷം 413,000 ടണ്‍ കാര്‍ഗോയും അബുദാബി വിമാന ത്താവളംവഴി കൊണ്ടു പോയിരുന്നു. കഴിഞ്ഞ വര്‍ഷത്തേ ക്കാള്‍ 18.2 ശതമാനം വളര്‍ച്ചയും കൈവരിച്ചിട്ടുണ്ട്. 10057 വിമാനങ്ങള്‍ യാത്രക്കാരെ കൊണ്ടു പോകുകയും വരികയും ചെയ്തു. അതും കഴിഞ്ഞ വര്‍ഷ ത്തേക്കാള്‍ 8.4 ശതമാനമാണ് വളര്‍ച്ച. കാര്‍ഗോ കഴിഞ്ഞ വര്‍ഷത്തെ ക്കാള്‍ 25 ശതമാനം വളര്‍ച്ചയുമുണ്ട്.
അബുദാബി യുടെ വളര്‍ച്ച യുടെ ഭാഗമായാണ് വിമാന ത്താവളത്തിലൂടെയുള്ള യാത്ര ക്കാരുടെ വര്‍ദ്ധനവിന് കാരണം.
-അയച്ചു തന്നത് : അബൂബക്കര്‍ പുറത്തീല്‍ – അബുദാബി
- pma
അബുദാബി : എമിറേറ്റ്സ് ഫ്യൂച്ചര്‍ ഇന്റര്‍നാഷണല്‍ അക്കാദമി മലയാള വിഭാഗ ത്തിന്റെ നേതൃത്വ ത്തില്‍ കേരളപ്പിറവി ദിനം ആഘോഷിച്ചു.
ഗൃഹാതുര സ്മരണകള്‍ ഉണര്‍ത്തുന്ന മലയാള ഗാനങ്ങളും വിദ്യാര്‍ത്ഥി കള്‍ക്കായുള്ള ചിത്ര രചനാ മല്‍സര ങ്ങളും ആഘോഷങ്ങള്‍ക്കു മാറ്റു കൂട്ടി.
മലയാള വിഭാഗം അദ്ധ്യാപകരായ നിഷാ നെപ്പോളിയനും സീമാ രാജേഷും പരിപാടി കള്‍ക്കു നേതൃത്വം നല്‍കി.
സ്കൂള്‍ അസംബ്ലിയില്‍ ദേശീയ പതാക ഉയര്‍ത്തിയ ചടങ്ങില്‍ വൈസ് പ്രിസിപ്പല്‍ ശ്രീമതി. വിനായകി കേരളപ്പിറവി അഘോഷങ്ങള്‍ക്ക് ആശംസകള്‍ നേര്‍ന്നു സംസാരിച്ചു.
- pma
വായിക്കുക: ആഘോഷം, കുട്ടികള്‍, വിദ്യാഭ്യാസം
അബുദാബി : മലപ്പുറം ജില്ലയിലെ ചങ്ങരംകുളം സ്വദേശികളുടെ കൂട്ടായ്മയായ ചങ്ങാത്തം ചങ്ങരംകുളം ഒരുക്കുന്ന കൗല കുപ്പിവള 2012 നവംബര്‍ രണ്ടിന് വെള്ളിയാഴ്ച രാത്രി 8 മണിക്ക് അബുദാബി നാഷണല്‍ തിയേറ്ററില്‍ അരങ്ങേറും.
പിന്നണി ഗായകന്‍ അഫ്‌സലിന്റെ നേതൃത്വ ത്തില്‍ അന്‍സാര്‍, കണ്ണൂര്‍ സീനത്ത്, നിമ്മി, ലിജി ഫ്രാന്‍സിസ് തുടങ്ങിയവര്‍ സംഗീത പരിപാടിയില്‍ പങ്കെടുക്കും. യു. എ. ഇ. യിലെ കലാകാരന്മാരും കലാകാരികളും പങ്കെടുക്കുന്ന നൃത്ത നൃത്യങ്ങളും ഒപ്പനയും കോല്‍ക്കളിയും ‘കൗല കുപ്പിവള’ യില്‍ ഉണ്ടാവും.
ചങ്ങരംകുളം പഞ്ചായത്തിലെ മൂക്കുതല, കോക്കൂര്‍ ഹൈസ്‌കൂളു കളിലെ പഠിക്കാന്‍ മിടുക്കാരായ വിദ്യാര്‍ത്ഥികളെ സഹായിക്കാന്‍ ചങ്ങാത്തം ചങ്ങരംകുളം സംഘടിപ്പിക്കുന്ന സാമ്പത്തിക സമാഹരണ പദ്ധതിയുടെ ഭാഗമായാണു കൗല കുപ്പിവള അരങ്ങിലെത്തുന്നത്.
ദരിദ്രരായ രോഗികള്‍ക്ക് ചികിത്സാ സഹായം, നിര്‍ധന യുവതി കളുടെ വിവാഹം എന്നിവയും ചങ്ങാത്തത്തിന്റെ പദ്ധതി കളില്‍ പെടും.
പരിപാടിയെ ക്കുറിച്ച് വിശദീകരിക്കാന്‍ അബുദാബി ഇന്ത്യന്‍ ഇസ്‌ലാമിക് സെന്ററില്‍ ചേര്‍ന്ന പത്ര സമ്മേളന ത്തില്‍ ചങ്ങാത്തം ചങ്ങരംകുള ത്തിന്റെ മുഖ്യരക്ഷാധികാരി പി. ബാവ ഹാജി, രക്ഷാധികാരി രാമകൃഷ്ണന്‍, പ്രസിഡന്റ് ജബാര്‍ ആലംകോട്, ജനറല്‍ സെക്രട്ടറി ജമാല്‍ മൂക്കുതല, സെക്രട്ടറി അസ്‌ലം മാന്തടം, ട്രഷറര്‍ ഫൈസല്‍ മരയ്ക്കാര്‍, പ്രോഗ്രാം ചെയര്‍മാന്‍, അസീസ് പറപ്പൂര്‍, പ്രോഗ്രാം ഡയരക്ടര്‍ ബഷീര്‍ ചങ്ങരംകുളം, പ്രോഗ്രാം കോ-ഓര്‍ഡിനേറ്റര്‍ നൗഷാദ് യൂസഫ്, അല്‍ത്താഫ്, മുഹമ്മദ് അഷറഫ് എന്നിവര്‍ പങ്കെടുത്തു.
- pma
വായിക്കുക: ജീവകാരുണ്യം, സംഗീതം, സംഘടന
ദുബായ് : യു. എ. ഇ. യിലെ വെഞ്ഞാറമൂട് നിവാസി കളുടെ പ്രവാസി കൂട്ടായ്മ വെണ്മ യുടെ ഈ വര്‍ഷത്തെ ഓണം ഈദ് സംഗമം നവംബര്‍ 2 വെള്ളിയാഴ്ച ദുബായ് മംസാര്‍ പാര്‍ക്കില്‍ വെച്ച് നടത്തും.
രാവിലെ 8 മണി മുതല്‍ വൈകുന്നേരം 5 മണിവരെ നടക്കുന്ന ആഘോഷ ത്തില്‍ ഓണസദ്യയും അംഗങ്ങളുടെ വിവിധ കലാ കായിക മത്സരങ്ങളും ഉണ്ടായിരിക്കും.
ഈ സംഗമ ത്തിന്റെ വിജയത്തിന് എല്ലാ അംഗ ങ്ങളുടേയും പങ്കാളിത്തം പ്രതീക്ഷിക്കുന്നതായി സംഘാടകര്‍ അറിയിക്കുന്നു.
വിശദ വിവരങ്ങള്‍ക്ക് ബന്ധപ്പെടുക. 050 58 38 207 – 050 85 43 563
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
