അബുദാബി : കേരളാ സോഷ്യല്‍ സെന്ററിന്റെ ആഭിമുഖ്യ ത്തില്‍ അല്‍ജസീറ സ്പോര്ട്സ് ക്ലബ്ബില്‍ ജിമ്മി ജോര്‍ജ് മെമ്മോറിയല്‍ വോളിബോള്‍ ടൂര്‍ണമെന്റിന് തുടക്കം കുറിച്ചു. യു.എ.ഇ. എക്സ്ചേഞ്ച് ഗ്ലോബല്‍ ഓപ്പറേഷന്‍സ് മാനേജര്‍ പ്രമോദ് മങ്ങാട്ട് ഉദ്ഘാടനം ചെയ്തു.
കേരള സോഷ്യല്‍ സെന്റര്‍ പ്രസിഡന്റ് കെ. ബി. മുരളി അതിഥി കള്‍ക്ക് പൂച്ചെണ്ടുകള്‍ നല്‍കി. ഉദ്ഘാടനത്തോട് അനുബന്ധിച്ച് കേരള സോഷ്യല്‍ സെന്റര്‍ വനിതാ വിഭാഗത്തിന്റെ നേതൃത്വ ത്തില്‍ വര്‍ണ്ണാഭമായ കലാപരിപാടികള്‍ നടന്നു.
തുടര്‍ന്നു നടന്ന ആദ്യ കളിയില്‍ അല്‍ജസീറ സ്പോര്ട്സ് ക്ലബ്ബ് ഏകപക്ഷീയ മായ മൂന്നു സെറ്റുകള്‍ക്ക് ടോട്ടല്‍ ഓഫീസിനെ പരാജയ പ്പെടുത്തി. ഇന്ത്യന്‍ ഇന്റര്‍ നാഷണലു കളായ രവി കുമാര്‍, ദിലീപ് കോയല്‍, യു. എ. ഇ. ഇന്റര്‍നാഷണല്‍ റാഷിദ് അയൂബ്, യൂണി വേഴ്‌സിറ്റി താരങ്ങളായ ഷമീം, ഫാജിസ്, സജീര്‍ തുടങ്ങിയ താരങ്ങള്‍ നിറഞ്ഞ ടോട്ടല്‍ ഓഫീസിനെ വാശിയേറിയ മത്സര ങ്ങളിലൂടെയാണ് അല്‍ ജസീറ ക്ലബ് പരാജയ പ്പെടുത്തിയത്.
യു. എ. ഇ. നാഷണല്‍ ടിമിലെ ഹാമുദ് ഒമര്‍, സെയ്ഫ് റാഷിദ്, അഹമ്മദ് അല്‍ അത്താസ്, സയീദ് അല്‍മാസ്, മുഹമ്മദ് മുബാറക്, ഹസ്സന്‍ അവാദ്, അവാദ് സലീം എന്നിവര്‍ മിന്നുന്ന സ്മാഷുകളും ബ്ലോക്കിങും നടത്തി ടോട്ടല്‍ ഓഫീസിനെ വിറപ്പിച്ചു.
