 |
 |
 |
 |
 |
 |
 |
 |
 |
 |
 |
 |
 |
 |
എം. ഇ. എസ്. ദുബായിൽ എം. ഇ. എസ്. മാസ്റ്റർ ബ്രെയിൻ 2012 നെ പറ്റി വിശദീകരിക്കാൻ നടത്തിയ പത്ര സമ്മേളനത്തിൽ പ്രസിഡന്റ് ഡോ. ഫസൽ ഗഫൂർ സംസാരിക്കുന്നു. സി. മുനീർ, കരീം വെങ്കിടങ്ങ്, മനാഫ്, ഷാഹുൽ ഹമീദ്, കെ. കെ. നാസർ തുടങ്ങിയവർ സമീപം.
അയച്ചു തന്നത് : കെ. വി. എ. ഷുക്കൂർ
- ന്യൂസ് ഡെസ്ക്
വായിക്കുക: കുട്ടികള്‍, വിദ്യാഭ്യാസം, സംഘടന
ദുബായ് : തൃശൂര്‍ ജില്ല യിലെ ചാവക്കാട് എടക്കഴിയൂര്‍ നിവാസി കളുടെ യു. എ. ഇ. കൂട്ടായ്മ എനോറ യുടെ കുടുംബ സംഗമം വിവിധ തുറകളിലുള്ള പ്രമുഖരുടെ പങ്കാളിത്തം കൊണ്ട് ശ്രദ്ധേയമായി.
ദുബായ് ഖിസൈസ് ഗള്‍ഫ് മോഡല്‍ സ്‌കൂളില്‍ വെച്ച് നടന്ന ‘എനോറ ഫാമിലി ഫെസ്റ്റ് 2012’ എന്ന കുടുംബ സംഗമം കാര്‍ത്ത്യായനി ടീച്ചര്‍ ഉദ്ഘാടനം ചെയ്തു.
റസാഖ് അമ്പലത്ത് എനോറയെ പരിചയപ്പെടുത്തി. മുഹമ്മദ്‌ താഹിര്‍ എനോറ യുടെ പ്രവര്‍ത്തനങ്ങള്‍ വിശകലനം ചെയ്തു സംസാരിച്ചു.
പ്രമുഖ മാധ്യമ പ്രവര്‍ത്തകരായ കെ. എ. ജബ്ബാരി (സലഫി ടൈംസ്), ടി. ജമാല്‍ ( കൈരളി ), രാജീവ് കോടമ്പള്ളി (ഏഷ്യാനെറ്റ്‌ റേഡിയോ ), പി. എം. അബ്ദു റഹിമാന്‍ ( ഇ – പത്രം ), കവി സൈനുദ്ദീന്‍ ഖുറൈഷി, സിനി ആര്‍ട്ടിസ് ഫൈസല്‍ കല്ലൂര്‍, വീപീസ് അബൂബക്കര്‍ ഹാജി തുടങ്ങിയവര്‍ സാംസ്‌കാരിക സംഗമ ത്തില്‍ പ്രസംഗിച്ചു.
മുസ്തഫ, റംസീന്‍ ദാനിഫ്, ഷഹമ റഹിമാന്‍ എന്നിവരുടെ നേതൃത്വ ത്തില്‍ സംഗീത വിരുന്ന്, നജം പാലേരി യുടെ മിമിക്‌സ് പരേഡ്, അംഗങ്ങളുടെ കുട്ടികളുടെ നൃത്ത നൃത്ത്യങ്ങള്‍, വെബ് സൈറ്റ് പ്രകാശനം, മുതിര്‍ന്ന പ്രവാസി കളെ ആദരിക്കല്‍, ഹ്രസ്വ സിനിമാ പ്രദര്‍ശനം തുടങ്ങി നിരവധി പരിപാടികള്‍ ഉണ്ടായിരുന്നു.
കാസിം ചാവക്കാട്, ഓ. എസ്. എ. റഷീദ്‌, ഫലാല്‍, സലിം മനയത്ത്‌, അബ്ദുറഹിമാന്‍ ആനക്കോട്ടില്‍ എന്നിവര്‍ പരിപാടികള്‍ നിയന്ത്രിച്ചു. എനോറ പ്രസിഡന്റ് അബ്ദു റസാഖ് കളത്തില്‍ അദ്ധ്യക്ഷത വഹിച്ചു. സെക്രട്ടറി ജംഷീര്‍ സ്വാഗതവും, എം. കെ. ഷറഫുദ്ദീന്‍ നന്ദിയും പറഞ്ഞു.
- pma
അബുദാബി : ഫയര്‍ സേഫ്റ്റി രംഗത്ത് ഗള്‍ഫിലും ഇന്ത്യ യിലും തൊഴില്‍ സാദ്ധ്യത കൂടുന്നു എന്ന് ഈ രംഗത്തെ വിദഗ്ധര്‍ അഭിപ്രായപ്പെട്ടു.
ഗള്‍ഫിലും ഇന്ത്യയിലും മാത്രമല്ല മറ്റു രാജ്യങ്ങളിലും ആധുനിക കെട്ടിടങ്ങള്‍ നിര്‍മിക്കുന്നത് ‘ഫയര്‍ സേഫ്റ്റി’ ഉറപ്പു വരുത്തി ക്കൊണ്ടാണ്. അതിനാല്‍ ഇതുമായി ബന്ധപ്പെട്ട് പ്രവര്‍ത്തിക്കുന്ന സ്ഥാപനങ്ങളും അതിലൂടെ പുതിയ തൊഴില്‍ അവസരങ്ങളും വര്‍ദ്ധിക്കുക യാണ്. ഈ അവസരം പ്രയോജന പ്പെടുത്തി മികച്ച ജോലി നേടാന്‍ വരും തലമുറ ശ്രദ്ധിക്കണം എന്ന് അബുദാബി യില്‍ ‘ഫയര്‍ സേഫ്റ്റി’ രംഗത്ത് 24 വര്‍ഷത്തെ പാരമ്പര്യവുമായി ‘എവര്‍ സെയ്ഫ്’ എന്ന പേരില്‍ ആരംഭിക്കുന്ന പുതിയ സ്ഥാപന ത്തിന്റെ സാരഥി കളായ അറബ് വ്യവസായി മാനാ ഈസാ, മലയാളി യായ സജീവ് എന്നിവര്‍ നടത്തിയ വാര്‍ത്താ സമ്മേളന ത്തില്‍ പറഞ്ഞു.
മെയ്‌ 12 വ്യാഴാഴ്‌ച അബുദാബി മുറൂര്‍ റോഡില്‍ പ്രവര്‍ത്തനം ആരംഭിക്കുന്ന ‘എവര്‍ സെയ്ഫി’ ലൂടെ 60 പേര്‍ക്ക് തൊഴില്‍ നല്കും എന്നും ഇവര്‍ പറഞ്ഞു.
ഭാവി പദ്ധതികള്‍ ദുബായിലും സൗദിയിലും കൊച്ചി യിലുമാണ് ആസൂത്രണം ചെയ്യുന്നത്. കേരളത്തില്‍ നൂറു കണക്കിന് ബഹുനില കെട്ടിട ങ്ങളാണ് ഉയര്‍ന്നു വരുന്നത്. ഫയര്‍ സേഫ്റ്റി ഉറപ്പു വരുത്തുന്ന സര്‍ട്ടിഫിക്കറ്റുകള്‍ ഇല്ലാതെ ലോകത്ത് എവിടെ ആയാലും പുതിയ കെട്ടിട ങ്ങള്‍ക്ക് അനുമതി നല്കില്ല. അതിനാല്‍ ആയിരക്കണക്കിന് വിദഗ്ധ തൊഴിലാളികളെയാണ് ഈ മേഖല യില്‍ ആവശ്യമുള്ളത് എന്നും എവര്‍ സെയ്ഫിന്റെ മാനേജിംഗ് ഡയറക്ടറായ സജീവന്‍ പറഞ്ഞു.
- pma
വായിക്കുക: തൊഴിലാളി
റിയാദ് : ഫര്‍ണിച്ചര്‍ വര്‍ക്ക് ഷോപ്പ് തകര്‍ന്ന് മലയാളി യുവാവ് മരിച്ചു. റിയാദിന് അടുത്ത ശിഫ സനാഇയ്യയില്‍ ജോലി ചെയ്തിരുന്ന മലപ്പുറം അരീക്കോട് കാവന്നൂര്‍ ഏലിയാപറമ്പ് പടത്തലക്കുന്നില്‍ വേലുക്കുട്ടിയുടെ മകന്‍ സുമേഷ് കുമാര്‍ (26) ആണ് മരിച്ചത്. ബുധനാഴ്ച രാത്രിയുണ്ടായ ശക്തമായ കാറ്റിലാണ് ഫര്‍ണിച്ചര്‍ വര്‍ക്ക് ഷോപ്പ് സ്ഥിതി ചെയ്യുന്ന ഷെഡ്‌ തകര്‍ന്നു വീണത്. ഹോളോബ്രിക്സില്‍ പണിത ചുമരിടിഞ്ഞു ദേഹത്തു പതിച്ചാണ് ഈ സ്ഥാപനത്തില്‍ തന്നെ മരപ്പണിക്കാരനായ സുമേഷിന്റെ മരണത്തിനു കാരണമായത്‌. മന്‍ഫുഅയിലെ അല്‍ ഈമാന്‍ ആശുപത്രിയില്‍ എത്തിച്ചപ്പോഴേക്കും മരിച്ചിരുന്നു. മൃതദേഹം മോര്‍ച്ചറിയിലേക്ക് മാറ്റി. അവിവാഹിതന്നായ സുമേഷ് അടുത്ത ആഴ്ച അവധിക്കു നാട്ടില്‍ പോകാനിരി ക്കുകയായിരുന്നു.
- ന്യൂസ് ഡെസ്ക്
വായിക്കുക: ചരമം, പ്രവാസി, സൗദി അറേബ്യ
അബുദാബി : ഇന്തോ അറബ് സാഹിത്യകാരന്‍ എസ്. എ. ഖുദ്സി മലയാളി കള്‍ക്കു പരിചയ പ്പെടുത്തിയ പ്രമോദ്യ അനന്തത്തൂരിന്റെ ‘ഇത് മനുഷ്യന്റെ ഭൂമി’ എന്ന ഇന്തോനേഷ്യന്‍ നോവലിനെ അധികരിച്ചുള്ള പഠനവും ആസ്വാദനവും അബുദാബി ശക്തി തിയ്യറ്റേഴ്സിന്റെ ആഭിമുഖ്യ ത്തില്‍ മെയ്‌ 12 ശനിയാഴ്ച കേരള സോഷ്യല്‍ സെന്ററില്‍ സംഘടിപ്പിക്കുന്നു.
ഡച്ച് അധിനിവേശ ത്തിനു കീഴില്‍ ആത്മാഭിമാനം നഷ്ടപ്പെട്ടവരായി ജീവിച്ചു പോന്നിരുന്ന ഇന്തോനേഷ്യന്‍ ജനതയുടെ ഭൂതത്തേയും വര്‍ത്തമാന ത്തേയും കുറിച്ച് വിവരിക്കുന്ന തോടൊപ്പം ഭാവിയെ കുറിച്ച് അവരെ ബോദ്ധ്യപ്പെടുത്തി മുന്നോട്ടേയ്ക്ക് നയിക്കുവാന്‍ സന്നദ്ധരാക്കു കയാണു ഈ കൃതി യിലൂടെ നോവലിസ്റ്റ് ചെയ്യുന്നത്.
നിരവധി അറബ് പേര്‍ഷ്യന്‍ ഇറാനിയന്‍ കൃതികള്‍ വിവര്‍ത്തനം ചെയ്തുകൊണ്ട് മലയാള വിവര്‍ത്തന രംഗത്ത് തന്റേതായൊരു ഇടം കണ്ടെത്തിയ ഖുദ്സിയുടെ പന്ത്രണ്ടാമത്തെ കൃതിയാണു ‘ഇത് മനുഷ്യന്റെ ഭൂമി’.
‘നാല്‍പതു വര്‍ഷത്തെ മൌനം’ എന്ന ഡോക്യുമെന്ററി യോടുകൂടി രാത്രി 8:30നു ആരംഭിക്കുന്ന സാഹിത്യ സമ്മേളന ത്തില്‍ ഇന്തോനേഷ്യന്‍ ഭൂമിക യിലൂടെ എന്ന വിഷയത്തെ ആസ്പദമാക്കി കെ. എല്‍. ഗോപിയും പുസ്തകത്തെ കുറിച്ച് ലായിന മുഹമ്മദും സംസാരിക്കും. തുടര്‍ന്നു നടക്കുന്ന സംവാദത്തില്‍ നിരവധി പേര്‍ സംബന്ധിക്കുമെന്ന് ഭാരവാഹികള്‍ അറിയിച്ചു.
- pma
വായിക്കുക: ശക്തി തിയേറ്റഴ്സ്
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
