അബുദാബി : രാജ്യം ഭരിക്കുന്ന യു. പി. എ. സര്ക്കാരിന്റെ ജനവിരുദ്ധ സാമ്പത്തിക നയങ്ങള്ക്ക് എതിരെ പോരാടുന്ന ഇടതു പക്ഷ രാഷ്ട്രീയ പ്രസ്ഥാനത്തിന് പ്രണബ് മുഖര്ജിയെ പിന്തുണക്കാന് കഴിയില്ല എന്നും രാഷ്ട്രീയ മൂല്യ ബോധം ഉള്ളത് കൊണ്ടാണ് സി. പി. ഐ. പ്രസിഡന്റ് തെരഞ്ഞെടുപ്പില് പ്രണബ് മുഖര്ജിയെ പിന്തുണയ്ക്കാത്തത് എന്നും ബിനോയ് വിശ്വം പറഞ്ഞു.
അബുദാബി കേരള സോഷ്യല് സെന്ററില് യുവ കലാ സാഹിതി ഒരുക്കിയ സി. അച്യുതമേനോന് – കെ. ദാമോദരന് ജന്മശതാബ്ദി സമ്മേളനത്തില് ‘രാഷ്ട്രീയവും മൂല്യങ്ങളും’ എന്ന വിഷയം അവതരിപ്പിച്ച് കൊണ്ട് സംസാരിക്കുക യായിരുന്നു അദ്ദേഹം.
പ്രതിദിനം ഇരുപതു രൂപയില് താഴെ മാത്രം വരുമാനം ലഭിക്കുന്ന സാധാരണ ക്കാര്ക്ക് വേണ്ടി ഒന്നും ചെയ്യാത്ത യു. പി. എ. സര്ക്കാര് പക്ഷെ കോര്പ്പറെറ്റുകള്ക്ക് വലിയ നികുതി ഇളവുകള് നല്കുകയാണ്.
പെട്രോള് വില വര്ദ്ധി പ്പിക്കാനുള്ള അധികാരം പെട്രോള് കമ്പനികള്ക്ക് നല്കിയ സര്ക്കാര് ആണ് ഇന്ന് ഇന്ത്യ ഭരിക്കുന്നത്. ആ സര്ക്കാരിലെ ധന കാര്യ മന്ത്രിയെ പിന്തുണച്ചാല് ഇതു വരെ ഇടതു പക്ഷം ഉയര്ത്തിക്കൊണ്ടു വന്ന ജനകീയ സമരങ്ങളുടെ അര്ത്ഥം ഇല്ലാതാകും.
വാക്കില് മാത്രമല്ല പ്രവര്ത്തി യിലും രാഷ്ട്രീയ പാര്ട്ടികള് മൂല്യം കാത്തു സൂക്ഷിക്കണം എന്നും അദ്ദേഹം പറഞ്ഞു. ലോകം സാമ്പത്തിക കുഴപ്പങ്ങളില് ഉഴലുമ്പോള് മാര്ക്സിസ ത്തിന്റെ പ്രസക്തി വര്ദ്ധിച്ചി രിക്കുകയാണ് എന്നും കമ്മ്യുണിസ്റ്റ് മനിഫെസ്റ്റോ ഉദ്ധരിച്ച് കൊണ്ട് ബിനോയ് വിശ്വം ചൂണ്ടിക്കാട്ടി.
ദുബായ് : എയര് ഇന്ത്യ പൈലറ്റു മാരുടെ പണി മുടക്കിനെ ത്തുടര്ന്ന് ഗള്ഫ് വിമാന സര്വീസുകള് വെട്ടിച്ചുരുക്കിയ സാഹചര്യ ത്തില് അടിയന്തര മായി ഇടപെട്ട് ബദല് സംവിധാനം ഒരുക്കി പ്രശ്നം പരിഹരിക്കാന് കേന്ദ്ര സര്ക്കാര് മുന്നോട്ട് വരണം എന്നും പ്രവാസി ഇന്ത്യക്കാരെ ചൂഷണം ചെയ്യുന്ന എയര് ഇന്ത്യ ഉള്പ്പെടെയുള്ള വിമാന കമ്പനികളുടെ നടപടിക്ക് അറുതി വരുത്തുവാന് കൂടുതല് വിദേശ വിമാന കമ്പനികള്ക്ക് സര്വീസ് നടത്താന് അനുമതി നല്കണമെന്നും ദുബായ് കെ. എം. സി. സി. കാസര്കോട് മണ്ഡലം കമ്മിറ്റി കേരള – കേന്ദ്ര സര്ക്കാരുകളോട് ആവശ്യപ്പെട്ടു.
