 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : പയ്യന്നൂര്‍ കോളേജ് അലുംനെ യു. എ. ഇ. ചാപ്റ്റര്‍ കുടുംബ സംഗമം സംഘടിപ്പിക്കുന്നു. കോളേജ് ഡേ എന്ന പേരില്‍ നടത്തുന്ന പരിപാടി മാര്‍ച്ച് 30 വെള്ളിയാഴ്ച രാവിലെ പത്ത് മുതല്‍ വൈകുന്നേരം അഞ്ച് വരെ ദുബായ് കറാമ യിലെ കരറാമ ഹോട്ടലില്‍ വെച്ചാണ് നടക്കുക. കൂടുതല്‍ വിവരങ്ങള്‍ക്ക് കെ. ടി. പി. രമേഷ് ( 050 31 61 475), പി. യു. ശ്രീനാഥ്. (050 82 16 556) എന്നിവരെ ബന്ധപ്പെടുക.
- pma
വായിക്കുക: പൂര്‍വ വിദ്യാര്‍ത്ഥി
ദുബായ് : അക്കാഫിന്റെ ( ഓള്‍ കേരള കോളേജ്സ് അലുംനെ ഫോറം) ആഭിമുഖ്യത്തില്‍ ഹിറ്റ്‌ 96.7 എഫ്‌. എം. ചാനലിന്റെ സഹകരണ ത്തില്‍ നടത്തി വരുന്ന കെ. എഫ്‌. എല്‍ (കേരള ഫുട്ബോള്‍ ലീഗ്) ഫൈനല്‍ മാര്‍ച്ച് 29 വ്യാഴാഴ്ച രാത്രി എട്ടു മുതല്‍ പത്തു വരെ ദുബായ് ഖിസൈസിലെ ഇത്തിസലാത്ത്‌ അക്കാദമി ഗ്രൗണ്ടില്‍ നടക്കും.
തിരുവനന്തപുരം കോളേജ് ഓഫ് എഞ്ചിനീയറിംഗ് അലുംനെ (സീറ്റ)യും കാഞ്ഞങ്ങാട്‌ നെഹ്‌റു ആര്‍ട്സ്‌ ആന്‍ഡ്‌ സയന്‍സ് കോളേജ് അലുംനെ (നാസ്ക്ക)യും തമ്മിലാണ് ഫൈനലില്‍ ഏറ്റുമുട്ടുക.
ലൂസേഴ്സ് ഫൈനലില്‍ തിരുവനന്തപുരം മാര്‍ ഇവാനിയോസ് കോളേജ് അലുംനെ ഇരിഞ്ഞാലക്കുട ക്രൈസ്റ്റ് കോളേജ് അലുംനെ എന്നിവര്‍ തമ്മില്‍ മത്സരിക്കും കൂടാതെ അക്കാഫ് – എ. ആര്‍. എന്‍. ഫാമിലി ടീമുകളുടെ മത്സരവും നടക്കും.
- pma
വായിക്കുക: കായികം, പൂര്‍വ വിദ്യാര്‍ത്ഥി
അബുദാബി : ദക്ഷിണേന്ത്യന്‍ ക്ലാസിക്‌ നൃത്ത രൂപമായ കുച്ചുപ്പുടി അബുദാബി ഇന്ത്യാ സോഷ്യല്‍ സെന്ററില് അരങ്ങേറുന്നു. ‘ നാട്യമഞ്ജരി ‘ എന്ന പേരില്‍ മാര്‍ച്ച് 30 വെള്ളിയാഴ്ച വൈകുന്നേരം 6 മണിക്ക് അവതരിപ്പിക്കുന്ന പരിപാടി യില്‍ കുച്ചുപ്പുടി അവതരിപ്പിക്കുന്നത് ജോണിറ്റ ജോസഫ്‌ എന്ന കലാകാരിയാണ്.
നര്‍ത്തകി ജോണിറ്റ ടീച്ചര്‍ പ്രിയാ മനോജിനോടൊപ്പം
അബുദാബി ഔര്‍ ഓണ്‍ ഇംഗ്ലീഷ് സ്കൂളിലെ ഒമ്പതാം തരം വിദ്യാര്‍ത്ഥിനിയായ ജോണിറ്റ ജോസഫ്‌, നര്‍ത്തകി എന്ന നിലയിലും അഭിനേത്രി എന്ന നിലയിലും കഴിവ് തെളിയിച്ചു കഴിഞ്ഞു. യു. എ. ഇ. യില്‍ ചിത്രീകരിച്ച ഇടവഴിയിലെ പൂക്കള്‍ , മേല്‍വിലാസം എന്നീ ടെലി സിനിമ കളില്‍ അഭിനയിച്ചു.
അഞ്ചാം വയസ്സു മുതല്‍ ശാസ്ത്രീയ നൃത്തം അഭ്യസിക്കാന്‍ തുടങ്ങിയ ഈ കലാകാരി ഭരതനാട്യത്തിലും മോഹിനിയാട്ടത്തിലും അരങ്ങേറ്റം നടത്തി. ലൈഫ്‌ ലൈന്‍ ആശുപത്രി യിലെ ഡോക്ടര്‍ ജോസഫ്‌ കുരിയന്‍ – സോണിയ ദമ്പതികളുടെ മകളാണ് ജോണിറ്റ. യൂണിവേഴ്സ്റ്റി – സ്കൂള്‍ യുവജനോല്‍സവ ങ്ങളില്‍ കലാതിലകം നേടിയ പ്രശസ്ത നര്‍ത്തകിയും കോറിയോഗ്രാഫറുമായ പ്രിയാ മനോജിന്റെ കീഴിലാണ് ജോണിറ്റ കുച്ചുപ്പുടി അഭ്യസിച്ചത്‌.
- pma
വായിക്കുക: കുട്ടികള്‍, നൃത്തം, വിദ്യാഭ്യാസം
അബുദാബി : ചിരന്തന സാംസ്കാരിക വേദിയുടെ പതിമൂന്നാമത് പ്രസിദ്ധീകരണം ‘നേര്‍ച്ച വിളക്ക്’ എന്ന നോവല്‍ പ്രകാശനം ചെയ്യുന്നു. പ്രമുഖ ഗ്രന്ഥകാരനും മാധ്യമ പ്രവര്‍ത്തകനും ഇമ വൈസ്‌ പ്രസിഡണ്ടുമായ ജലീല്‍ രാമന്തളി യുടെ പതിനൊന്നാമത് കൃതി യാണ് നേര്‍ച്ച വിളക്ക്.
മാര്‍ച്ച് 31 ശനിയാഴ്ച രാത്രി 7.30 ന് അബുദാബി ഇന്ത്യന്‍ ഇസ്ലാമിക് സെന്ററില് നടക്കുന്ന പരിപാടി യില്‍ യു എ ഇ എക്സ്ചേഞ്ച് സെന്‍റര്‍ സി ഓ ഓ സുധീര്‍ കുമാര്‍ ഷെട്ടി, മലയാളീ സമാജം പ്രസിഡന്‍റ് മനോജ്‌ പുഷ്കറിനു നല്‍കിയാണ് പ്രകാശനം നിര്‍വ്വഹിക്കുക.
സാഹിത്യ – സാംസ്കാരിക രംഗത്തെ പ്രമുഖ വ്യക്തിത്വങ്ങള്‍ ചടങ്ങില്‍ സംബന്ധിക്കും.
- pma
അബുദാബി : ശക്തി തിയ്യറ്റേഴ്സ് ഇന്ത്യന്‍ എംബസി യുടെ സഹകരണ ത്തോടെ ഒരുക്കുന്ന ‘റിഥം 2012’ എന്ന പരിപാടി മാര്‍ച്ച് 29 വ്യാഴാഴ്ച രാത്രി 7:30നു അബുദാബി ഇന്ത്യാ സോഷ്യല്‍ സെന്ററില് നടക്കും.
വാദ്യകല യുടെ കുലപതിയായ പത്മശ്രീ മട്ടന്നൂര്‍ ശങ്കരന്‍കുട്ടിയും സംഘവും നയിക്കുന്ന ‘ട്രിപ്പിള്‍ തായമ്പക’ യും നാട്യകല യിലെ രാജകുമാരി രാജശ്രീ വാര്യര്‍ അവതരിപ്പിക്കുന്ന ‘ഭരതനാട്യ’വും ആണ് റിഥം 2012 ലൂടെ നൃത്ത വാദ്യ സംഗീത ആസ്വാദകര്‍ക്ക് സമ്മാനിക്കുന്നത് എന്ന് സംഘാടകര്‍ അറിയിച്ചു.
വിശദ വിവരങ്ങള്‍ക്ക് വിളിക്കുക : 050 611 21 79, 050 692 1018
- pma
വായിക്കുക: നൃത്തം, ശക്തി തിയേറ്റഴ്സ്, സംഗീതം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
