 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : സാഹിത്യ കൂട്ടായ്മ യായ കോലായ, മലയാള ഭാഷയെ പ്രോത്സാ ഹിപ്പിക്കുന്നതിന്റെ ഭാഗമായി സാഹിത്യ മല്‍സരങ്ങളില്‍ പങ്കെടുത്ത വര്‍ക്ക് സമ്മാനങ്ങള്‍ നല്‍കുന്നു.
ഏപ്രില്‍ 25 ബുധനാഴ്ച രാത്രി എട്ടു മണിക്ക് കെ. എസ്. സി. അങ്കണത്തില്‍ നടക്കുന്ന കോലായ കൂട്ടായ്മയില്‍ വെച്ച് കെ. എസ്. സി. നടത്തിയ യുവജനോത്സവ ത്തില്‍ മലയാളം ഭാഷാ അടിസ്ഥാനമാക്കിയുള്ള സാഹിത്യ മത്സര വിഭാഗത്തില്‍ പങ്കെടുത്ത എല്ലാവര്‍ക്കും സമ്മാനം വിതരണം ചെയ്യും.
കൂടുതല്‍ വിവരങ്ങള്‍ക്ക് ബന്ധപ്പെടുക : അസ്മോ പുത്തഞ്ചിറ 055 90 60 132
- pma
ദുബായ് : ഒരുമ ഒരുമനയൂര്‍ ദുബായ് കമ്മിറ്റി പുതിയ ഭാരവാഹികളെ തിരഞ്ഞെടുത്തു.
ആര്‍. എം. കബീര്‍ പ്രസിഡന്റും അസ്ഗര്‍ അലി ബനീജ് ജനറല്‍ സെക്രട്ടറി യായും ഷമീര്‍ പി. സി. ട്രഷറര്‍, ആര്‍. വി. കബീര്‍, പി. പി. കബീര്‍ എന്നിവരെ ജോയന്റ് സെക്രട്ടറി മാരായും, അബ്ദുല്‍ ഖനി, ആരിഫ് കെ. എന്നിവരെ വൈസ് പ്രസിഡന്റുമാരായും തിരഞ്ഞെടുത്തു.
ദുബായില്‍ നടന്ന തെരഞ്ഞെടുപ്പിന് സെന്‍ട്രല്‍ കമ്മിറ്റി വൈസ് പ്രസിഡന്റ് അബ്ദുല്‍ ഗഫൂര്‍ നേതൃത്വം നല്‍കി. ജനറല്‍ സെക്രട്ടറി അബ്ദുല്‍ ഹസീബ്, ജഹാന്‍ഗീര്‍ പി. പി., അന്‍വര്‍ പി. പി., അബ്ദുല്‍ ഖാദര്‍ എന്നിവര്‍ സംസാരിച്ചു.
-വാര്‍ത്ത അയച്ചത് : രഞ്ജിത്ത് എം. കെ.
- pma
ദുബായ് : പ്രസിദ്ധീകരണത്തിന്റെ വിജയകരമായ പത്ത് വർഷം പൂർത്തിയാക്കുന്ന ജീവരാഗം മാസികയുടെ ദശ വത്സര ആഘോഷങ്ങളുടെ ഭാഗമായി ഗ്ലോബൽ പേഴ്സണാലിറ്റി പുരസ്ക്കാരത്തിന് യു. എ. ഇ. എക്സ്ചേഞ്ച് ചീഫ് ഓപ്പറേറ്റിംഗ് ഓഫീസർ വൈ. സുധീർ കുമാർ ഷെട്ടി തെരഞ്ഞെടുക്കപ്പെട്ടു. ഔദ്യോഗിക മേഖലയിൽ എന്ന പോലെ, സാമൂഹ്യ സാംസ്ക്കാരിക ജീവകാരുണ്യ രംഗങ്ങളിലും നല്കിയ മികച്ച സേവനങ്ങൾ പരിഗണിച്ചാണ് അദ്ദേഹത്തെ പുരസ്ക്കാരത്തിന് തെരഞ്ഞെടുത്തത്. ഇന്ന് വൈകീട്ട് 5 മണിക്ക് തിരുവനന്തപുരം പ്രസ് ക്ലബ്ബിന്റെ ഫോർത്ത് എസ്റ്റേറ്റ് ഹാളിൽ സ്പീക്കർ ജി. കാർത്തികേയന്റെ അദ്ധ്യക്ഷതയിൽ ചേരുന്ന സാംസ്ക്കാരിക സമ്മേളനത്തിൽ വെച്ച് മുഖ്യമന്ത്രി ഉമ്മൻ ചാണ്ടിയിൽ നിന്ന് സുധീർ കുമാർ ഷെട്ടി പുരസ്ക്കാരം എറ്റുവാങ്ങും.
കാസർക്കോട് ജില്ലയിലെ അതിർത്തി ഗ്രാമമായ എൻമഗജെയിൽ ജനിച്ചു വളർന്ന സുധീർ ഷെട്ടി കഴിഞ്ഞ രണ്ട് ദശകത്തിൽ അധികമായി യു. എ. ഇ. എക്സ്ചേഞ്ചിന്റെ സാരഥി എന്ന നിലയിൽ ആഗോള ധന വിനിമയ മേഖലയിൽ സ്വന്തമായ കാഴ്ചപ്പാടും നിലപാടും ഉപയോഗപ്പെടുത്തി നൂതനമായ നിരവധി പരിഷ്ക്കാരങ്ങൾക്ക് നേതൃത്വം നല്കിയിട്ടുണ്ട്. യു. എ. ഇ. യിലെ അബുദാബിയിൽ ഒരു ശാഖയുമായി 1980ൽ പ്രവർത്തനം ആരംഭിച്ച യു. എ. ഇ. എക്സ്ചേഞ്ചിനെ 5 വൻ കരകളിലായി 30 രാഷ്ട്രങ്ങളിൽ 570ൽ പരം ശാഖകളുള്ള ഒരു വൻ ധന വിനിമയ സ്ഥാപനമായി വളർത്തിയത് ഷെട്ടിയുടെ നേതൃപാടവമാണ്.
- ജെ.എസ്.
വായിക്കുക: ബഹുമതി, സാമൂഹ്യ സേവനം
ഷാര്‍ജ : യുവ കലാ സാഹിതി യു. എ. ഇ. വാര്‍ഷിക പ്പതിപ്പ് ഏപ്രില്‍ 27 വെള്ളിയാഴ്ച ഷാര്‍ജ ഇന്ത്യന്‍ അസോസിയേഷനില്‍ വെച്ച് പ്രശസ്ത സാഹിത്യകാരനും കേരള ഭാഷാ ഇന്‍സ്റ്റിറ്റിയൂട്ടിന്റെ മുന്‍ ഡയറക്ടറുമായ ഡോ. പി. കെ. പോക്കര്‍ പ്രകാശനം ചെയ്യും. പ്രശസ്ത സംഗീതജ്ഞന്‍ ഉസ്താദ് അലി അക്ബര്‍ ഖാന്റെ മകളും എഴുത്തു കാരിയുമായ ലജോ ഗുപ്ത ആദ്യ പ്രതി ഏറ്റു വാങ്ങും. ചടങ്ങില്‍ യു. എ. ഇ. യിലെ മാധ്യമ – സാംസ്‌കാരിക മേഖല യിലെ പ്രമുഖര്‍ പങ്കെടുക്കും.
തുടര്‍ന്ന് ‘ഭാഷ – സംസ്‌കാരം’ എന്ന വിഷയത്തില്‍ സംവാദം നടക്കും. ഡോ. പി. കെ. പോക്കര്‍, പി. മണികണ്ഠന്‍, സര്‍ജു ചാത്തന്നൂര്‍ എന്നിവര്‍ പങ്കെടുക്കും.
കൂടുതല്‍ വിവര ങ്ങള്‍ക്കായി 050 49 78 520, 050 59 59 289 എന്നീ നമ്പറു കളില്‍ വിളിക്കുക.
- pma
വായിക്കുക: യുവകലാസാഹിതി, സാഹിത്യം
അബുദാബി : വടകര എന്‍ ആര്‍ ഐ ഫോറം ഒരുക്കുന്ന ‘വടകര മഹോല്‍സവ’ ത്തിന്റെ ഒരുക്കങ്ങള്‍ പൂര്‍ത്തിയായതായി സംഘാടകര്‍ അറിയിച്ചു.
വടകര എന്‍ ആര്‍ ഐ ഫോറം അബുദാബി യുടെ പത്താം വാര്‍ഷിക ആഘോഷ ങ്ങളുടെ ഭാഗമായി സംഘടിപ്പിക്കുന്ന ഗ്രാമീണ മേളക്ക് ഏപ്രില്‍ 27 വെള്ളിയാഴ്ച വൈകീട്ട് 5 മണിക്ക് കൊടിയേറും.
അബുദാബി കേരള സോഷ്യല്‍ സെന്ററില്‍ നടക്കുന്ന ഗ്രാമീണ മേള യില്‍ ഇരുപത്തി അഞ്ചോളം നാടന്‍ തട്ടുകട കളിലായി മലബാറിന്റെ നൂറോളം തനതു ഭക്ഷ്യ വിഭവങ്ങള്‍ ലഭിക്കും. വടകര എന്‍ ആര്‍ ഐ ഫോറം വനിതാ വിഭാഗ മാണ് പാരമ്പര്യ മലബാര്‍ പലഹാര ങ്ങള്‍ അതേ തട്ടുകട കളില്‍ സന്ദര്‍ശകര്‍ ക്കായി പാകം ചെയ്യുക. വടകരയുടെ ‘പലഹാര പ്പെരുമ’ രുചിച്ചരിയാന്‍ ഒരു അസുലഭ അവസരം ആയിരിക്കും ഈ മേള. കൂടാതെ സ്ത്രീകള്‍ക്കായി മൈലാഞ്ചി സ്റ്റാളുകളും ഒരുക്കുന്നതാണ്.
മേളയിലെ മറ്റൊരു പ്രത്യേകത, വടകര യിലെ നാട്ടിന്‍ പുറങ്ങളില്‍ ഉപയോഗി ച്ചിരുന്ന പാരമ്പര്യ ഗാര്‍ഹിക കാര്‍ഷിക ഉപകരണ ങ്ങളുടെ പ്രദര്‍ശനമാണ്.
മേളയില്‍ പ്രത്യേകം ഒരുക്കിയ അങ്കത്തട്ടില്‍ കടത്തനാടിന്റെ ആയോധന കലയായ കളരിപ്പയറ്റ് അവതരിപ്പിക്കും. കൂടാതെ കോല്‍ക്കളി, ദഫ്മുട്ട്, ഒപ്പന, ശാസ്ത്രീയ നൃത്തങ്ങള്‍, സിനിമാറ്റിക് ഡാന്‍സ്‌ എന്നിവയും അരങ്ങിലെത്തും.
മെയ് 4 വെള്ളിയാഴ്ച വൈകീട്ട് 6 മണി മുതല്‍ അബുദാബി ഇന്ത്യാ സോഷ്യല്‍ സെന്ററില്‍ കൈതപ്രം ദാമോദരന്‍ നമ്പൂതിരി നയിക്കുന്ന ഗാനമേളയും വടക്കന്‍ പാട്ടു രചയിതാവും ഗായകനുമായ പ്രഭാകരന്‍ മാസ്റ്റര്‍ നയിക്കുന്ന ‘കുഞ്ഞിത്താലു’ എന്ന വടക്കന്‍ പാട്ടും അവതരിപ്പിക്കും.
മെയ് 11 വെള്ളിയാഴ്ച കേരളാ സോഷ്യല്‍ സെന്ററില്‍ ഏകദിന വോളിബോള്‍ മല്‍സരങ്ങളും നടക്കും.
വാര്‍ത്താ സമ്മേളന ത്തില്‍ വടകര എന്‍ ആര്‍ ഐ ഫോറം പ്രസിഡന്റ് ഇബ്രാഹിം ബഷീര്‍, പ്രോഗ്രാം കമ്മിറ്റി ചെയര്‍മാന്‍ ബാബു വടകര, ജനറല്‍ കണ്‍വീനര്‍ എന്‍ കുഞ്ഞഹമ്മദ്, ജനറല്‍ സെക്രട്ടറി വി. പി. കെ. അബ്ദുള്ള, ട്രഷറര്‍ പി. മനോജ്, രജബ് കാര്‍ഗോ എം. ഡി. ഫൈസല്‍, പി. പി. അനസ് എന്നിവര്‍ പങ്കെടുത്തു.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
