 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : കണ്ണൂര്‍ ജില്ല ക്കാരുടെ പ്രവാസി കൂട്ടായ്മയായ വെയ്ക് പുതിയ കമ്മിറ്റി നിലവില്‍ വന്നു. പ്രസിഡന്‍റ് അബ്ദുല്‍ ഖാദര്‍ പണക്കാട്ട് , ജനറല്‍ സെക്രട്ടറി : ടി. പി. സുധീഷ്‌ . ട്രഷറര്‍ : കെ. പി. മസൂദ്‌. മറ്റ് ഭാരവാഹികള്‍ : മുഹമ്മദ് അന്‍സാരി, എം. പി. മുരളി, കെ. പി. സുരേഷ് കുമാര്‍ (വൈസ് പ്രസി), മോഹന്‍ദാസ്, ബാലന്‍ നായര്‍ , ഷാകിര്‍ കൂമ്പയില്‍ (ജോയിന്റ് സെക്രറിമാര്‍ ), എം. കെ. ഹരിദാസ്, കെ. പി. മുനീര്‍ (ജോയിന്റ് ട്രഷറര്‍ )എന്നിവരാണ്.
- pma
വായിക്കുക: പ്രവാസി
കുവൈത്ത് : കുവൈത്ത് എറണാകുളം റെസിഡന്റ്‌സ് അസോസിയേഷ (കേര) ന്റെ ഫഹാഫില്‍ ഏരിയ കമ്മിറ്റി സംഘടിപ്പിച്ച ക്രിസ്മസ് – ന്യൂ ഇയര്‍ ആഘോഷ പരിപാടി ‘വിന്റെര്‍ഫെസ്റ്റ്’ വര്‍ണാഭമായ വിവിധ കലാ സാംസ്‌കാരിക പരിപാടി കളോടെ ‘മംഗഫ്’ ഓഡിറ്റോറിയ ത്തില്‍ നടന്നു. അഹ്മദി സെന്റ് തോമസ് പാരിഷ് ചര്‍ച്ചിലെ റവ. ഫാ. അബ്രഹാം പി.ജോര്‍ജ് പരിപാടി ഉദ്ഘാടനം ചെയ്തു.സത്താര്‍ കുന്നില്‍ മുഖ്യ പ്രഭാഷണം നടത്തി. സി. ദിനചന്ദ്രന്‍ ക്രിസ്മസ് – ന്യൂ ഇയര്‍ സന്ദേശം നല്‍കി. തെരേസ ആന്റണി, മഹിളാ വേദി കണ്‍വീനര്‍ ശബ്‌നം സിയാദ്, അനില്‍കുമാര്‍ എന്നിവര്‍ ആശംസകള്‍ അര്‍പ്പിച്ചു. തുടര്‍ന്നു കേരയുടെ കുടുംബാംഗങ്ങള്‍ അവതരിപ്പിച്ച വിവിധ കലാപരിപാടി കള്‍ക്കു കലാ വിഭാഗം കണ്‍വീനര്‍ ബോബി പോള്‍ നേതൃത്വം നല്‍കി. ഡെന്നീസ് ജോണ്‍ അവതരിപ്പിച്ച സംഗീത പരിപാടി യില്‍ നാസര്‍ , മനു, ലിജി, ലെയ്‌സ ജോര്‍ജ്, ട്രീസ, റീന റോയ് എന്നിവരും പങ്കെടുത്തു.
കേരയുടെ കുടുംബ ത്തിലെ കുട്ടികള്‍ അവതരിപ്പിച്ച വൈവിധ്യമാര്‍ന്ന നൃത്ത നൃത്യങ്ങളും അരങ്ങ് കൊഴുപ്പിച്ചു. കുമാരി ശ്രേയ ബെന്നി അവതാരക ആയിരുന്നു. സുനില്‍ മേനോന്‍ അവതരിപ്പിച്ച ക്വിസ് മത്സരം സദസ്സിനു ഹരമായി. സുനില്‍ സണ്ണി നേതൃത്വം കൊടുത്ത ക്രിസ്മസ് കരോള്‍ തിരുപിറവി യുടെ ആഘോഷം ഉണര്‍ത്തുന്നതായി. ബോബി സംവിധാനം ചെയ്ത ‘സൈലന്റ് നൈറ്റ്’ എന്ന സ്‌കിറ്റും പരിപാടി യില്‍ ദൃശ്യവിരുന്നായി. പരിപാടി യുടെ മുന്നോടി യായി നടന്ന ഉദ്ഘാടന സമ്മേളന ത്തില്‍ ജന. കണ്‍വീനര്‍ ജോമി അഗസ്റ്റിന്‍ അദ്ധ്യക്ഷത വഹിച്ചു. സെക്രട്ടറി സുബൈര്‍ അലമന സ്വാഗതവും ബോബി നന്ദിയും പറഞ്ഞു. പ്രതാപന്‍ , ബിജു. എസ്. പി, സോമന്‍ , മനോജ്, ഹരീഷ് തൃപ്പൂണിത്തുറ, സൈനുദ്ദീന്‍ , അനൂപ്, രജനി അനില്‍ , മുജീബ്, നൂര്‍ജഹാന്‍ എന്നിവര്‍ പരിപാടികള്‍ നിയന്ത്രിച്ചു.
- pma
വായിക്കുക: കുവൈറ്റ്‌
ദുബായ് : ശക്തമായ ഷമാല്‍ കൊണ്ടു വന്ന മഴ യു.എ.ഇ. യിലെ പല ഭാഗങ്ങളിലും താപനിലയില്‍ ഗണ്യമായ വ്യതിയാനം രേഖപ്പെടുത്താന്‍ കാരണമായി. ഷാര്‍ജയില്‍ പെയ്ത മഴയെ തുടര്‍ന്ന് മല്‍സ്യ ബന്ധന തൊഴിലാളികള്‍ ബോട്ടുകള്‍ കരയ്ക്കടുപ്പിച്ചു. ഇനി കാലാവസ്ഥാ വകുപ്പിന്റെ നിര്‍ദ്ദേശം ലഭിച്ചാല്‍ മാത്രമേ തങ്ങള്‍ കടലിലേക്ക്‌ പോകുകയുള്ളൂ എന്ന് തൊഴിലാളികള്‍ അറിയിച്ചു. ശനിയാഴ്ചയും ഞായറാഴ്ചയും യു.എ.ഇ. യില്‍ ഏറ്റവും കുറഞ്ഞ താപനില രേഖപ്പെടുത്താന്‍ സാദ്ധ്യതയുണ്ട് എന്നാണ് നിഗമനം. ഇത് 8 ഡിഗ്രി സെല്‍ഷ്യസ്‌ വരെയാവാം. ദുബായിലെ പലയിടങ്ങളിലും ചെറിയ തോതില്‍ മഴ രേഖപ്പെടുത്തുകയുണ്ടായി.
- ജെ.എസ്.
ദുബായ് : ആലൂര്‍ യു. എ. ഇ. നുസ്രത്തുല്‍ ഇസ്ലാം കേന്ദ്ര കമ്മിറ്റി വാര്‍ഷിക ജനറല്‍ ബോഡി യോഗം ജനുവരി 20 ന് വെള്ളിയാഴ്ച്ച വൈകീട്ട് നാല് മണിക്ക് അബൂദാബി മദീന സായിദിലുള്ള ജാഫര്‍ ഹാളില്‍ ചേരും. വാര്‍ഷിക റിപ്പോര്‍ട്ടും പുതിയ വര്‍ഷ ത്തിലേക്കുള്ള കര്‍മ പദ്ധതി അവതരണവും മുഖ്യ അജണ്ട ആയിരിക്കുമെന്നും യു. എ. ഇ. ലെ എല്ലാ എമിറേറ്റ്‌സിലുള്ള കൗണ്‍സില്‍മാരും യോഗത്തില്‍ സംബന്ധിക്കണമെന്നും ചെയര്‍മാന്‍ ആലൂര്‍ ടി. എ. മഹമൂദ് ഹാജി അറിയിച്ചു.
- pma
ദുബൈ : ദുബൈ കെ. എം. സി. സി. കാസര്‍കോട് മണ്ഡലം കമ്മിറ്റി യുടെ പ്രവര്‍ത്തക സമിതി യോഗം ഡിസംബര്‍ 20 വെള്ളിയാഴ്ച ഉച്ചക്ക് 2 മണിക്ക് കെ. എം. സി. സി. ഓഡിറ്റോറിയ ത്തില്‍ ചേരും. ജില്ലാ, സംസ്ഥാന നേതാക്കള്‍ പങ്കെടുക്കുന്ന യോഗത്തില്‍ സമിതി അംഗങ്ങളും, മണ്ഡല ത്തിലെ പഞ്ചായത്ത് കമ്മിറ്റി ഭാരവാഹികളും, പ്രധാന പ്രവര്‍ത്തകരും കൃത്യ സമയത്ത് തന്നെ പങ്കെടുക്കണം എന്ന് ഭാരവാഹികള്‍ അറിയിച്ചു. കൂടുതല്‍ വിവരങ്ങള്‍ക്ക് ബന്ധപ്പെടുക : 050 420 07 85, 050 574 76 36.
- pma
വായിക്കുക: കെ.എം.സി.സി.
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
