 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ചെറിയ പെരുന്നാള്‍ അവധി ദിവസ ങ്ങളില്‍ (ആഗസ്റ്റ്‌ 21 ചൊവ്വാഴ്ച വരെ) അബുദാബി നഗര ത്തില്‍ വാഹന പാര്‍ക്കിംഗ് സൗജന്യം ആയിരിക്കും.
റമദാന്‍ കഴിഞ്ഞാല്‍ മവാഖിഫ്‌ (പെയ്ഡ്‌ പാര്‍ക്കിംഗ്) സമയ ത്തില്‍ മാറ്റം ഉണ്ടാവും എന്ന് അധികൃതര്‍ നേരത്തെ അറിയിച്ചിരുന്നു. ഈദുല്‍ ഫിത്വര്‍ അവധി കഴിഞ്ഞാല്‍ അബുദാബി യില്‍ എല്ലായിടത്തും അര്‍ദ്ധരാത്രി 12 മണി വരെ പെയ്ഡ്‌ പാര്‍ക്കിംഗ് സംവിധാനം നിലവില്‍ വരും.
- pma
അബുദാബി : യു. എ. ഇ. യിലെ ഇന്ത്യന്‍ സ്ഥാനപതി കാര്യാലയത്തിലും കോണ്‍സുലേറ്റിലും വിവിധ ഇന്ത്യന്‍ സംഘടന കളിലും വൈവിധ്യം നിറഞ്ഞ പരിപാടി കളോടെ സ്വാതന്ത്ര്യ ദിനം ആഘോഷിച്ചു.
അബുദാബി ഇന്ത്യന്‍ എംബസിയില്‍ അംബാസഡര്‍ എം. കെ. ലോകേഷ് ത്രിവര്‍ണ പതാക ഉയര്‍ത്തി. എംബസി ഓഡിറ്റോറിയ ത്തില്‍ നടന്ന സാംസ്കാരിക സമ്മേളന ത്തില്‍ എം. കെ. ലോകേഷ്, രാഷ്ട്രപതി പ്രണബ് കുമാര്‍ മുഖര്‍ജിയുടെ സ്വാതന്ത്ര്യ ദിന സന്ദേശം വായിച്ചു. തുടര്‍ന്ന് അബുദാബി ഇന്ത്യന്‍ സ്കൂള്, സെന്റ് ജോസഫ് സ്കൂള് എന്നീ വിദ്യാലയ ങ്ങളിലെ കുട്ടികള്‍ ദേശഭക്തി ഗാനങ്ങളും നൃത്ത രൂപങ്ങളും അവതരിപ്പിച്ചു. പരിപാടി യില്‍ അബുദാബി യിലെ ഇന്ത്യന്‍ സമൂഹം പങ്കെടുത്തു.
- pma
വായിക്കുക: expat, അബുദാബി, ആഘോഷം, ഇന്ത്യന്‍ കോണ്സുലേറ്റ്
അബുദാബി : പ്രമുഖ സംരംഭകനും സാംസ്കാരിക പ്രവര്‍ത്ത കനുമായ പത്മശ്രീ ഡോ. ബി. ആര്‍. ഷെട്ടി യുടെ നേതൃത്വ ത്തില്‍ അബുദാബി മുസഫയില്‍ ആരംഭിക്കുന്ന ‘ബ്രൈറ്റ് റൈഡഴ്സ് സ്കൂള്’ എന്ന വിദ്യാലയ ത്തിന്റെ ശിലാ സ്ഥാപന കര്‍മ്മം ഇന്ത്യന്‍ സ്ഥാനപതി എം. കെ. ലോകേഷ് നിര്‍വ്വഹിച്ചു. അബുദാബി എഡ്യുക്കേഷന്‍ കൌണ്‍സില്‍ എക്സിക്യൂട്ടീവ് ഡയറക്ടര്‍, എഞ്ചിനീയര്‍ ഹാമദ്‌ അലി അല്‍ ദാഹിരി മുഖ്യാതിഥി യായിരുന്നു. ഡോ. ബി. ആര്‍. ഷെട്ടി യോടൊപ്പം അബുദാബി എഡ്യുക്കേഷന്‍ കൌണ്‍സില്‍ അധികൃതരായ എഞ്ചിനീയര്‍ താരീഖ് സെയാദ് അല്‍ ആമിരി, എഞ്ചിനീയര്‍ മജീദ ഈസാ അല്‍ ഖിത്, ഡാനി നജീബ് ഗ്രീഗ് എന്നിവരടക്കം നിരവധി വിശിഷ്ട അതിഥികള്‍ ചടങ്ങില്‍ സന്നിഹിതരായി.
മുസഫ യിലെ ഷെയ്ഖ്‌ മുഹമ്മദ് ബിന്‍ സായിദ് സിറ്റിയില്‍ 36,000 ചതുരശ്ര മീറ്റര്‍ സ്ഥലത്ത് സര്‍വ്വ സൌകര്യങ്ങളോടെയും പണിയുന്ന ഈ സ്കൂളില്‍ നഴ്സറി തലം മുതല്‍ പന്ത്രണ്ടാം ക്ലാസ്സ്‌ വരെ നാലായിരം കുട്ടികളെ ഉള്‍ക്കൊള്ളാനാവും. അബുദാബി എഡ്യുക്കേഷന്‍ കൌണ്‍സില്‍ അംഗീകരിച്ച ഇന്ത്യന്‍ സിലബസ് പ്രകാരം അടുത്ത അധ്യയന വര്‍ഷം തന്നെ ഇവിടെ ക്ലാസുകള്‍ തുടങ്ങുമെന്ന് ഡോ. ബി. ആര്‍. ഷെട്ടി പറഞ്ഞു.
ലോക നിലവാര ത്തില്‍ പരിസ്ഥിതി നിയമ ങ്ങളൊക്കെ പാലിച്ചു കൊണ്ടുള്ള ഒരു വിദ്യാ കേന്ദ്ര മായിരിക്കും ‘ബ്രൈറ്റ് റൈഡഴ്സ് സ്കൂള്’. ആരോഗ്യരക്ഷാ രംഗം ഉള്‍പ്പെടെ ഇടപെട്ട മേഖല കളിലൊക്കെ ഏറ്റവും മികച്ച സേവനം നല്‍കി പ്പോരുന്ന ഡോ. ബി. ആര്‍. ഷെട്ടി വിദ്യാഭ്യാസ രംഗത്ത് നില നിര്‍ത്തി പ്പോരുന്ന യശസ്സിന് കൂടുതല്‍ തിളക്കം നല്‍കുന്നതാകും ഈ വിദ്യാലയം എന്നും അബുദാബി യിലെ ഇന്ത്യന്‍ സമൂഹ ത്തിന് അത് കൂടുതല്‍ സഹായ കമാകുമെന്നും അംബാസഡര്‍ ലോകേഷ് അഭിപ്രായപ്പെട്ടു.
തികച്ചും പുതുമയാര്‍ന്ന ഒരു നിര്‍മ്മാണ ശൈലി അവലംബിച്ച് കൊണ്ടുള്ള ഈ സമുച്ചയം എമിരേ റ്റിലെ വിദ്യാഭ്യാസ രംഗത്ത് വഴിത്തിരിവാകുമെന്ന് എഞ്ചിനീയര്‍ ഹാമദ്‌ അലി അല്‍ ദാഹിരി സൂചിപ്പിച്ചു. കാലഘട്ട ത്തിന്റെ ആവശ്യവും തങ്ങളുടെ പ്രതിബദ്ധതയും ഉള്‍ക്കൊണ്ട്, ബ്രൈറ്റ് റൈഡഴ്സ് സ്കൂള്‍ന് ഏറ്റവും നല്ല ഒരിടത്ത് വിശാലമായ സ്ഥലം അനുവദിച്ച അബുദാബി എഡ്യുക്കേഷന്‍ കൌണ്‍സില്‍ അധികൃത രോട് നന്ദി ഉണ്ടെന്നും ലാഭേച്ച കൂടാതെ തന്നെ വിദ്യാര്‍ത്ഥി കള്‍ക്ക് മികച്ച പഠന അന്തരീക്ഷം ഒരുക്കുമെന്നും ഡോ. ബി ആര്‍ ഷെട്ടി കൂട്ടിച്ചേര്‍ത്തു.
- pma
വായിക്കുക: അബുദാബി, കുട്ടികള്‍, വിദ്യാഭ്യാസം
അബുദാബി : കരകൗശല ഉത്പന്ന ങ്ങളുടെയും പൗരാണിക വസ്തുക്കളുടെയും ഏറ്റവും വലിയ ശേഖരം ആന്റിക് മ്യൂസിയം അബുദാബിയില്‍ പ്രവര്‍ത്തനം ആരംഭിച്ചു.
27 രാജ്യങ്ങളില്‍ നിന്നുള്ള പൗരാണിക വസ്തുക്കളുടെയും കരകൗശല ഉത്പന്ന ങ്ങളുടെയും പ്രദര്‍ശനവും വിപണന വുമായിട്ടാണ് ഏഷ്യയിലെ ഏറ്റവും വലിയ ആന്റിക് കളക്ഷനുകളുടെ ഉടമസ്ഥരായ ‘ഫാക്കിഗ്രൂപ്പ് ഓഫ് കമ്പനി’ യുടെ ആന്റിക് മ്യൂസിയം മുഹമ്മദ് സാലിം ഒത്ത്മാന്‍ മുബാറക് അല്‍ സാബി അബുദാബി ടൂറിസ്റ്റ് ക്ലബ്ബ് മേഖല യില്‍ പൊതു ജനങ്ങള്‍ക്കായി തുറന്നു കൊടുത്തത്.
പാഴ്‌ വസ്തുക്കള്‍ ഉപയോഗിച്ച് നിര്‍മ്മിച്ച കൗതുക ഉത്പന്നങ്ങളും മരത്തിലും ലോഹത്തിലും നിര്‍മ്മിച്ച ടോയ്സ്‌ അടക്കമുള്ള വൈവിധ്യ മാര്‍ന്ന അനേകം ഉത്പന്നങ്ങളും ആന്റിക് മ്യൂസിയ ത്തിലുണ്ട്.
ഇന്ത്യയില്‍ നിര്‍മ്മിച്ച ആകര്‍ഷകങ്ങളായ ചിത്രപ്പണികളോടു കൂടിയ കാര്‍പ്പറ്റുകളും ബെഡ് ഷീറ്റുകളും മുള, കയര്‍ എന്നിവ കൊണ്ടുള്ള കരകൗശല ഉത്പന്നങ്ങള്‍ എന്നിവ ഇവിടത്തെ സവിശേഷതയാണ്.
പന്ത്രണ്ടായിരം ചതുരശ്രയടി വിസ്തീര്‍ണത്തിലുള്ള മ്യൂസിയ ത്തില്‍ യു. എ. ഇ, ഇന്ത്യ, ഇന്‍ഡൊനീഷ്യ, തായ്‌ലന്‍ഡ്, ചൈന, വിയറ്റ്‌നാം, കംബോഡിയ, തുര്‍ക്കി, നേപ്പാള്‍, ബര്‍മ, ഫിലിപ്പീന്‍സ്, ശ്രീലങ്ക, ബംഗ്ലാദേശ്, ഇറാഖ്, ഇറാന്‍, പാകിസ്ഥാന്‍ തുടങ്ങി 27 രാജ്യങ്ങളില്‍ നിന്നുള്ള ശേഖര ങ്ങളാണ് പ്രദര്‍ശന ത്തിനും വിപണന ത്തിനും ഒരുക്കിയിട്ടുള്ളത്.
ചടങ്ങില്‍ തായ്‌ലന്‍ഡ് അമ്പാസഡര്‍ സെമാച്ചി ചരണ സൊസൂണ്‍, ഇന്‍ഡൊനീഷ്യന്‍ അമ്പാസഡര്‍ സല്‍മാന്‍ അല്‍ഫറൈസി, ഫാക്കി ഗ്രൂപ്പ് ഓഫ് കമ്പനി എം. ഡി. എന്‍.പി. ഫാക്കി, യു. എ. ഇ. യിലെ സാമൂഹിക രംഗത്തെയും മാധ്യമ രംഗത്തെയും പ്രമുഖരും സംബന്ധിച്ചു.
- pma
വായിക്കുക: അബുദാബി
അബുദാബി : റമദാന്‍ 19ന് ഇഹലോക വാസം വെടിഞ്ഞ യു. എ. ഇ. യുടെ രാഷ്ട്ര പിതാവ് ശൈഖ് സായിദ് ബിന്‍ സുല്‍ത്താന്‍ അല്‍ നഹ്യാന്റെ ഓര്‍മ്മ ദിനത്തില്‍ രാജ്യം നായകന്റെ സ്മരണയില്‍.
അബുദാബി യിലെ ശൈഖ് സായിദ് ഗ്രാന്‍റ് മസ്ജിദിലാണ് ശൈഖ് സായിദിന്റെ സ്മരണ നില നിര്‍ത്തിയ പ്രധാന ചടങ്ങു നടന്നത്. യു. എ. ഇ. പ്രസിഡന്‍ഷ്യല്‍ കാര്യവകുപ്പിന്റെയും ജനറല്‍ അതോറിറ്റി ഓഫ് ഇസ്ലാമിക് അഫയേഴ്‌സിന്റെയും ആഭിമുഖ്യ ത്തിലായിരുന്നു ചടങ്ങ് സംഘടിപ്പിച്ചത്.
യു. എ. ഇ. വിദേശകാര്യ മന്ത്രി ശൈഖ് അബ്ദുള്ള ബിന്‍ സായിദ് അല്‍ നഹ്യാന്‍, ഉന്നത വിദ്യാഭ്യാസ വകുപ്പ് മന്ത്രി ശൈഖ് നഹ്യാന്‍ ബിന്‍ മുബാറക് അല്‍ നഹ്യാന്‍, ജനറല്‍ അതോറിറ്റീ ഓഫ് ഇസ്ലാമിക് അഫയേഴ്‌സ് ചെയര്‍മാന്‍ ഡോ. ഹംദാന്‍ മുസല്ലം അല്‍ മസ്രോയി, പ്രമുഖ പണ്ഡിതര്‍, നയതന്ത്ര പ്രതിനിധികള്‍, സ്വദേശി പ്രമുഖര്‍, പ്രമുഖ ഇന്ത്യന്‍ വ്യവസായി എം. എ. യൂസഫലി എന്നിവരോടൊപ്പം വലിയ ജനാവലി ഉണ്ടായിരുന്നു.
ശൈഖ് സായിദിനെപ്പറ്റി അദ്ദേഹത്തിന്റെ നാമധേയ ത്തിലുള്ള പള്ളിയില്‍ വെച്ച് സംസാരിക്കാന്‍ അവസരം ലഭിച്ചത് തന്റെ ജീവിത ത്തിലെ അസുലഭ നിമിഷങ്ങളില്‍ ഒന്നായിരുന്നു എന്ന് യൂസഫലി പറഞ്ഞു.
യു. എ. ഇ. യെ ഇന്നു കാണുന്ന ആധുനികത യിലേക്ക് നയിച്ച ശൈഖ് സായിദിനെപ്പറ്റി എത്ര പറഞ്ഞാലും അധികമാകില്ല. ഇന്ത്യയടക്കം വിവിധ രാജ്യങ്ങളില്‍ നിന്ന് ഇവിടെ എത്തിയ എല്ലാവരോടും അദ്ദേഹം ഏറെ സ്‌നേഹ ത്തോടെ പെരുമാറിയിരുന്നു.
ശൈഖ് സായിദിനെ നേരില്‍ കണ്ട് സംസാരിക്കാന്‍ കിട്ടിയ അവസരത്തെ പ്പറ്റിയും എം. എ. യൂസഫലി ഓര്‍മിച്ചു. ശൈഖ് സായ്ദിന്റെ ദീര്‍ഘ വീക്ഷണവും നേതൃ പാടവവും രാജ്യത്തിന് മാത്രമല്ല, മേഖല യിലെ മറ്റു രാജ്യങ്ങള്‍ക്കും ഏറെ പ്രയോജനപ്പെട്ടു. യു. എ. ഇ. യെ ഗള്‍ഫ് മേഖല യിലെ ഏറ്റവും കരുത്തുറ്റ രാഷ്ട്രമാക്കിയതില്‍ അദ്ദേഹം വഹിച്ച പങ്ക് ഏറെ പ്രാധാന്യം അര്‍ഹി ക്കുന്നതാണ് എന്ന് എം. എ. യൂസഫലി അനുസ്മരിച്ചു.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
