 |
 |
 |
 |
 |
 |
 |
 |
 |
 |
 |
 |
 |
 |
ഷാർജ : യു. എ. ഇ. യിലെ കല്ലറ നിവാസികളുടെ കലാ സാസ്കാരിക സൗഹൃദ കൂട്ടായ്മ ഡി – കമ്പനി ഷാർജയിൽ സൗഹൃദ സംഗമം സംഘടിപ്പിച്ചു. രക്ഷാധികാരി ആദർശ് മുതുവിള അദ്ധ്യക്ഷത വഹിച്ചു.
മാധ്യമ പ്രവർത്തകൻ സമീർ കല്ലറ മുഖ്യ അതിഥി ആയിരുന്നു. സിനിമാ പിന്നണി ഗായകൻ വിഷ്ണു രാജിനെ ചടങ്ങിൽ ആദരിച്ചു.
ഗായകരായ ആദർശ് വെഞ്ഞാറമൂട്, നസീർ, ബിനീഷ്, ഗിരി, ഷൈജു എന്നിവർ കലാ പരിപാടികൾക്ക് നേതൃത്വം നൽകി. യു. എ. ഇ. യിലും നാട്ടിലും നിരവധി ജീവകാരുണ്യ പ്രവർത്തന ങ്ങൾക്ക് ഡി – കമ്പനി സൗഹൃദ കൂട്ടായ്മ ചുക്കാൻ പിടിക്കുന്നുണ്ട്.
- pma
വായിക്കുക: പൂര്‍വ വിദ്യാര്‍ത്ഥി, പ്രവാസി, സംഘടന
അബുദാബി: മാധ്യമ പ്രവർത്തകരുടെ കൂട്ടായ്മ ഇന്ത്യൻ മീഡിയ അബുദാബി (ഇമ) യുടെ ഇഫ്താർ വിരുന്നും കടുംബ സംഗമവും അബുദാബി മുശ്രിഫ് മാളിലെ ഇന്ത്യൻ പാലസ് റസ്റ്റോറണ്ടിൽ വെച്ച് നടന്നു. ഇമ പ്രസിഡണ്ട് റാഷിദ് പൂമാടം അദ്ധ്യക്ഷത വഹിച്ചു. യു. എ. ഇ. ഇന്ത്യൻ എംബസ്സി സെക്കൻഡ് സെക്രട്ടറി ദ്രുവ് മിശ്ര മുഖ്യാതിഥി ആയിരുന്നു. എസ്. എഫ്‌. സി. ഗ്രൂപ്പ് മാർക്കറ്റിങ് മാനേജർ അനൂപ് സംബന്ധിച്ചു.
വിവിധ മാധ്യമങ്ങളെ പ്രതിനിധീകരിച്ചു കൊണ്ട് റാഷിദ് പൂമാടം (സിറാജ്), ടി. പി. അനൂപ് (മാതൃഭൂമി), സമീർ കല്ലറ (അബുദാബി 24 സെവൻ), ടി. എസ്. നിസാമുദ്ദീൻ (ഗൾഫ് മാധ്യമം), എൻ. എം. അബൂബക്കർ (മലയാള മനോരമ), അനിൽ സി. ഇടിക്കുള (ദീപിക), സഫറുള്ള പാലപ്പെട്ടി (ദേശാഭിമാനി), റസാഖ് ഒരുമനയൂർ (മിഡിൽ ഈസ്റ്റ് ചന്ദ്രിക), ഷിജിന കണ്ണൻ ദാസ് (കൈരളി ടി. വി.), പി. എം. അബ്ദുൽ റഹിമാൻ (ഇ-പത്രം) എന്നിവരും കുടുംബാംഗങ്ങളും സംബന്ധിച്ചു.
- pma
വായിക്കുക: പൂര്‍വ വിദ്യാര്‍ത്ഥി, പ്രവാസി, മാധ്യമങ്ങള്‍, സംഘടന
അബുദാബി: വടകര എൻ. ആര്‍. ഐ. ഫോറം അബുദാബി ചാപ്റ്റര്‍, കേരളാ സോഷ്യൽ സെന്‍ററില്‍ ഒരുക്കിയ ഇഫ്താർ സംഗമം സമൂഹത്തിന്‍റെ വിവിധ തുറകളില്‍ ഉള്ള പ്രമുഖരുടെ സംഗമം കൊണ്ട് ശ്രദ്ധേയമായി. ഫോറം സീനിയർ അംഗങ്ങളായ കുഞ്ഞഹമ്മദ്, ഇന്ദ്ര തയ്യിൽ, രവീന്ദ്രൻ മാസ്റ്റർ, ഇബ്രാഹിം ബഷീർ, ഭാരവാഹികളായ യാസർ കല്ലേരി, രജീദ് പട്ടേരി, ജാഫർ തങ്ങൾ നാദാപുരം, മുകുന്ദൻ, ഷാനവാസ് എ. കെ., സുനിൽ മാഹി, രാജേഷ് എൻ. ആർ., നിഖിൽ കാർത്തികപ്പള്ളി, രാജേഷ് എം. എം., ഹാരിസ് കെ. പി., മുഹമ്മദ് അലി കുറ്റ്യാടി, സുഹ്റ കുഞ്ഞഹമ്മദ്, പൂർണ്ണിമ ജയകൃഷ്ണൻ, ലമിന യാസർ എന്നിവർ നേതൃത്വം നൽകി. അബ്ദുൽ ബാസിത് കായക്കണ്ടിഅദ്ധ്യക്ഷത വഹിച്ചു. സുരേഷ് കുമാർ ടി. കെ. സ്വാഗതവും ജയകൃഷ്ണൻ നന്ദിയും പറഞ്ഞു.
- pma
വായിക്കുക: nri, പൂര്‍വ വിദ്യാര്‍ത്ഥി, പ്രവാസി, സംഘടന
അബുദാബി : മലയാളി കലാകാരൻമാരുടെ കൂട്ടായ്മ ഫിലിം ഇവന്‍റ്- റെഡ് എക്സ് മീഡിയ യുടെ ബാനറിൽ ഒരുക്കിയ ‘ഫിലിം ഇവന്‍റ് മീറ്റ് 2022’ അബുദാബി ഐ. എസ്. സി. യില്‍ അരങ്ങേറി.
ഫിലിം ഇവന്‍റ് പ്രസിഡണ്ട് ഫിറോസ്. എം. കെ. അദ്ധ്യക്ഷത വഹിച്ചു. ഐ. എസ്. സി. ജനറൽ സെക്രട്ടറി ജോജോ അമ്പൂക്കൻ ഉത്‌ഘാടനം നിർവഹിച്ചു. ഫിലിം ഇവന്‍റ് രക്ഷാധികാരി ഹനീഫ് കുമരനെല്ലൂര്‍, മലയാളി സമാജം പ്രസിഡണ്ട് സലിം ചിറക്കല്‍, യേശു ശീലന്‍, ഫ്രാൻസിസ് ആന്‍റണി എന്നിവര്‍ ആശംസകള്‍ നേര്‍ന്നു. ഫിലിം ഇവന്‍റ് ട്രെഷറർ ഉമ്മർ നാലകത്ത് നന്ദി പ്രകാശിപ്പിച്ചു. മാധ്യമ പ്രവർത്തകൻ സമീർ കല്ലറ, ഷിജിൽ കുമാർ, ബാബുരാജ് എന്നിവരും സംബന്ധിച്ചു.
അബുദാബിയിൽ വിവിധ മേഖലകളിൽ കഴിവ് തെളിയിച്ച നയീമ അഹമ്മദ്, തമന്ന പ്രമോദ്, കബീർ അവറാൻ, അൻസർ വെഞ്ഞാറമൂട്, ഷാഫി മംഗലം, ഷാജി ഭജനമഠം, റസാഖ് തിരുവത്ര, സമദ് കണ്ണൂർ, സാഹിൽ ഹാരിസ് എന്നിവരെ ആദരിച്ചു.
സൗമ്യ, രമ്യ എന്നി വരുടെ നൃത്തത്തോടെയാണ് കലാ വിരുന്നുകൾക്കു തുടക്കമായത്.
ഫിലിം ഇവന്‍റ് കലാകാരന്മാർ അണിനിരന്ന നൃത്ത സംഗീത വിരുന്ന്, ശബ്ദാനുകരണം എന്നിവ ആസ്വാദകർക്ക് നവ്യാനുഭവമാണ് സമ്മാനിച്ചത്. നാടൻ പാട്ടുകളിലൂടെ വിസ്മയം സൃഷ്‌ടിച്ച ഉറവ് ടീം ഒരുക്കിയ നൃത്ത സംഗീത മേളം ഐ. എസ്. സി. യില്‍ ഉത്സവാന്തരീക്ഷം ഒരുക്കി.
Film Event FB Page
- pma
ദുബായ് : യു. എ. ഇ. യില്‍ നിന്നും ഇന്ത്യയിലേക്ക് പോകുന്ന, കൊവിഡ് വാക്സിന്‍ എടുത്ത യാത്രക്കാര്‍ക്ക് ഇനി മുതല്‍ പി. സി. ആർ. പരിശോധന ആവശ്യമില്ല എന്ന് എയര്‍ ഇന്ത്യ. യാത്രക്കു മുന്‍പായി കൊവിഡ് വാക്സിനേഷൻ സർട്ടിഫിക്കറ്റ് എയർ സുവിധയിൽ അപ്ലോഡ് ചെയ്യണം.
വാക്സിന്‍ സ്വീകരിക്കാത്ത യാത്രക്കാര്‍ 72 മണിക്കൂറിന് ഉള്ളില്‍ എടുത്ത പി. സി. ആർ. നെഗറ്റീവ് റിസള്‍ട്ട്, മറ്റു വിവരങ്ങളോടൊപ്പം എയർ സുവിധ യിൽ അപ്ലോഡ് ചെയ്യണം.5 വയസ്സിനു താഴെയുള്ളവര്‍ക്ക് ഇതിന്‍റെ ആവശ്യം ഇല്ല.
പി. സി. ആർ. പരിശോധന ആവശ്യമില്ലാത്ത രാജ്യങ്ങളുടെ പട്ടികയിൽ യു. എ. ഇ. യെയും ഉൾപ്പെടുത്തി കേന്ദ്ര ആരോഗ്യ മന്ത്രാലയ ത്തിന്‍റെ പ്രഖ്യാപനം വന്നതിനു ശേഷമാണ് ഈ തീരുമാനം.
- pma
വായിക്കുക: covid-19, പൂര്‍വ വിദ്യാര്‍ത്ഥി, പ്രവാസി, യു.എ.ഇ.
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
