ദുബായ് :ഹൃസ്വ സന്ദര്‍ശന ത്തിനായി ദുബായില്‍ എത്തിയ അബ്ദു റസാക്ക് പയ്യോളിക്ക് ദുബായിലെ സൌഹൃദ കൂട്ടായ്മ യാത്രയയപ്പ് നല്‍കി. ജന്മനാ അന്ധനും സാമൂഹിക പ്രവര്‍ത്തകനുമായ അബ്ദു റസാക്ക് പയ്യോളിക്ക്, ജപ്തി ഭീഷണി നേരിടുന്ന വീടും പറമ്പും തിരിച്ചെടുക്കാനുള്ള സാമ്പത്തിക സഹായം ദുബായിലെ സഹൃദ കൂട്ടായ്മ സ്വരൂപിച്ചു നല്‍കി. ജീവിതത്തിന്റെ വിവിധ തുറകളിലുള്ളവര്‍ അബ്ദു റസാക്കിന്റെ സഹായത്തിനുണ്ടായിരുന്നു.
നെല്ലറ റെസ്റ്റോറന്റ് ഹാളില്‍ വെച്ച് നടന്ന ചടങ്ങില്‍ സബാ ജോസഫ്‌ ഉപഹാരം സമ്മാനിച്ചു. നെല്ലറ മീഡിയ മാനേജര്‍ ഷമീര്‍ ഉദ്ഘാടനം ചെയ്ത ചടങ്ങില്‍ ബഷീര്‍ തിക്കൊടി,ഇസ്മയില്‍ പുനത്തില്‍, രാമകൃഷ്ണന്‍ ഇരിങ്ങല്‍, റഫഫീഖ് വാണിമേല്‍, മനോജ്‌ വടകര, അഡ്വ. മുഹമ്മദ് സാജിദ്, നാസര്‍, സമദ് പയ്യോളി, നജീബ് അയനിക്കാട്, അസീസ്‌ വടകര എന്നിവര്‍ സംബന്ധിച്ചു. രാജന്‍ കൊലാവി പാലം,സുബൈര്‍ വെള്ളിയോട്, നജീബ് എന്നിവരായിരുന്നു അബ്ദു റസാക്ക് പയ്യോളി യെ സഹായിക്കാനുള്ള ശ്രമങ്ങള്‍ക്ക് മുന്‍ നിരയില്‍ ഉണ്ടായിരുന്നത്.
ഷാര്‍ജ : യു. എ. ഇ. യിലെ കൊയിലാണ്ടി നിവാസികളുടെ പ്രവാസി കൂട്ടായ്മ ‘കൊയിലാണ്ടി എന്‍ ആര്‍ ഐ ഫോറം’ വാര്‍ഷിക ജനറല്‍ ബോഡി യോഗം അജ്മാന്‍ ബിന്റ്റ് അല്‍ ഖലീജ് വര്‍ക്ക്‌ ഷോപ്പ് ഓഡിറ്റോറിയ ത്തില്‍ നടന്നു.
