ദുബായ് : സ്വാതന്ത്ര്യദിന ആഘോഷങ്ങളുടെ ഭാഗമായി ബ്ലഡ് ഡോണേഴ്സ് കേരള യു. എ. ഇ. ചാപ്റ്റർ ദുബായ് കരാമ ADCB മെട്രോ സ്റ്റേഷൻ പരിസരത്ത് സംഘടിപ്പിച്ച രക്തദാന ക്യാമ്പ്, പങ്കാളിത്ത ബാഹുല്യം കൊണ്ട് ശ്രദ്ധേയമായി. അതി കഠിനമായ ചൂടിലും രക്ത ദാനത്തിൻ്റെ മാഹാത്മ്യം മനസിലാക്കി തന്നെ വിവിധ ദേശക്കാരായ പ്രവാസികളും ബ്ലഡ് ഡോണേഴ്സ് കേരള യു. എ. ഇ. ചാപ്റ്റർ അംഗങ്ങളും രക്തം ദാനം ചെയ്യാനായി എത്തി.
വൈകുന്നേരം 4 മണി മുതൽ രാത്രി 9 വരെ നടന്ന ക്യാമ്പിൽ നൂറോളം പേർ പങ്കെടുത്തു. ബി. ഡി. കെ. യു. എ. ഇ. ഭാരവാഹികളായ പ്രയാഗ് പേരാമ്പ്ര, ഉണ്ണി, ഗോവിന്ദ് എന്നിവർ ക്യാമ്പ് നിയന്ത്രിച്ചു. രക്തം ദാനം ചെയ്യാൻ ആഗ്രഹിക്കുന്നവർ 055 201 0373 (ഉണ്ണി), 055 719 5610 (പ്രയാഗ്) എന്നീ നമ്പറുകളിൽ ബന്ധപ്പെടുക.
