ദുബായ് : മണലൂര്‍ പ്രവാസി കളുടെ കൂട്ടായ്മ മണലൂര്‍ യു. എ. ഇ. അസോസിയേഷന്‍ വാര്‍ഷികാഘോഷം മണലൂര്‍ വിന്‍റര്‍ ഫെസ്റ്റ് 2012 ദുബായ് ഗിസൈസിലെ മില്ലേനിയം സ്കൂള്‍ ഓഡിറ്റോറിയ ത്തില് നടന്നു.
പ്രശസ്ത ഗായകനും സംഗീത സംവിധായകനുമായ ജാസ്സി ഗിഫ്റ്റ് വിശിഷ്ടാഥിതി ആയിരുന്നു. മലയാള ത്തിലെ പുതുമുഖ സംവിധായ കനായ രാജേന്ദ്ര പ്രസാദ് ആശംസകള്‍ നേര്‍ന്നു.
മണലൂര്‍ പഞ്ചായത്ത്‌ പ്രസിഡന്റ്റ് വി. എന്‍ സുര്‍ജിത്ത് ടെലിഫോണില്‍ മണലൂര്‍ ക്കരക്കാരെ അഭി സംബോധന ചെയ്തു ആശംസകള്‍ അറിയിക്കു കയും ചെയ്തു. ഈ സംഗമ ത്തില് അറന്നൂറില്‍ പരം ആളുകള്‍ പങ്കെടുത്തു.
കുട്ടികള്‍ക്കും മുതിര്‍ന്ന വര്‍ക്കും വേണ്ടിയുള്ള രസകരമായ മത്സരങ്ങള്‍, മണലൂരിലെ കലാകാരന്മാരും കലാകാരികളും അവതരിപ്പിച്ച നൃത്ത നൃത്യങ്ങള്‍, പാട്ടുകള്‍, വടംവലി, കൈകൊട്ടികളി, ശിങ്കാരി മേളം, തെയ്യം, കുമ്മാട്ടി, ക്രിസ്മസ് കരോള്‍ തുടങ്ങിയവ യോടൊപ്പം ജാസ്സി ഗിഫ്റ്റ് മണലൂര്‍ക്കരക്കായി വേദിയിലും കാണികള്‍ക്കിട യിലും നിന്ന് പാടിയ ഒരു പിടി ഗാനങ്ങള്‍ അംഗങ്ങള്‍ ആസ്വദിച്ചു. ചാര്‍ളി അവതരിപ്പിച്ച റോഡ് ഷോയും ഉണ്ടായിരുന്നു.
പ്രസിഡന്റ്റ് ദീപക്, ജനറല്‍ സെക്രട്ടറി ആമിഷ് കാര്‍ത്തികേയന്‍, വൈസ് പ്രസിഡന്റ്റ് സ്റ്റാലിന്‍ പവിത്രന്‍, രാജേന്ദ്രന്‍ കുറ്റിയില്‍ തുടങ്ങിയവര്‍ പരിപാടി കള്‍ക്ക് നേതൃത്വം നല്‍കി.
