 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : കോഴിക്കോട് തെക്കെപുറം നിവാസി കളായ പ്രവാസി കളുടെ ഈദ് സംഗമം പെരുന്നാള്‍ ദിനമായ ഒക്ടോബര്‍ 26 വെള്ളിയാഴ്ച വൈകുന്നേരം 4 മണി മുതല്‍ 10 മണി വരെ ദുബായിലെ അല്‍ഖൂസില്‍ വെച്ച് നടക്കും. ഫുട്ബോള്‍ മത്സരം അടക്കമുള്ള കായിക മത്സരങ്ങള്‍ ഉണ്ടായിരിക്കും.
അബുദാബി, അലൈന്‍, ഷാര്‍ജ, റാസല്‍ ഖൈമ, അജമാന്‍, ദുബായി എന്നിവിട ങ്ങളിലെ തെക്കെപുറം നിവാസികള്‍ പങ്കെടുക്കുന്നു. അംഗങ്ങള്‍ക്കായി രക്ത ഗ്രൂപ്പ് നിര്‍ണ്ണയ കാമ്പ്‌ ഉണ്ടായിരിക്കും.
വിവരങ്ങള്‍ക്ക് : നിസ്താര്‍ 050 57 59 352
- pma
അബുദാബി : യു. എ. ഇ. യില്‍ ബലി പെരുന്നാള്‍ നിസ്കാരം പള്ളികളിലും ഈദ് ഗാഹു കളിലുമായി 995 സ്ഥല ങ്ങളില്‍ നടക്കും. പള്ളികളുടെ പേരുകളും ഔഖാഫ് അതോറിറ്റി പ്രഖ്യാപിച്ചു.
പെരുന്നാള്‍ നിസ്കാരം നടക്കേണ്ട പള്ളികളും ഈദ് ഗാഹുകളും ഒരുക്കങ്ങളെല്ലാം പൂര്‍ത്തിയായിട്ടുണ്ട്. രണ്ടു ജുമുഅ നിസ്കാര ത്തിനും അതിനുള്ള ഖുത്തുബ നിര്‍വ്വഹിക്കാനുള്ള ഖത്തീബു മാരെയും തെരഞ്ഞെടുത്തിട്ടുണ്ട്.
അബുദാബി യില്‍ രാവിലെ 06:54 നും ദുബായില്‍ 06:50 നും ഷാര്‍ജ യില്‍ 06:49 നും അജ്മാന്‍, ഉമ്മുല്‍ഖുവൈന്‍ 06:45 നും റാസല്‍ഖൈമ, ഫുജൈറ 06:44നും എന്ന ക്രമ ത്തിലാണ് പെരുന്നാള്‍ നിസ്കാരം നടക്കുക.
യു. എ. ഇ. പ്രസിഡന്റ് ശൈഖ് ഖലീഫ ബിന്‍ സായിദ്‌ അല്‍നഹ്യാന്‍, കിരീടാവകാശി ശൈഖ് മുഹമ്മദ്‌ ബിന്‍ സായിദ്‌ അല്‍ നഹ്യാന്‍, ദുബായ് ഭരണാധികാരി ശൈഖ് മുഹമ്മദ്‌ ബിന്‍ റാഷിദ്‌ അല്‍ മക്തൂം, മറ്റു എമിറേറ്റ്സ് ഭരണാധി കാരികളും പൌര പ്രമുഖരും രാജ്യത്തെ എല്ലാ വിശ്വാസി കള്‍ക്കും ബലി പെരുന്നാള്‍ ആശംസകള്‍ നേര്‍ന്നു. വിശ്വാസത്തെ മുറുകെ പ്പിടിക്കുകയും പെരുന്നാളിന്റെ പവിത്രതയെ കാത്തു സൂക്ഷിക്കുകയും ചെയ്യുക എന്നും ഓര്‍മിപ്പിച്ചു.
- pma
ദോഹ : വലിയ പെരുന്നാള്‍ ആഘോഷ ത്തിനായി ഈണം ദോഹ അവതരിപ്പിക്കുന്ന ഗുഡ് വില്‍ കാര്‍ഗോ ‘ഈണ നിലാവ് -2012’ ഒക്ടോബര്‍ 27 ശനിയാഴ്ച രാത്രി 7 മണിക്ക് സലത ജദീദിലുള്ള സ്കില്‍ ഡെവലപ്മെന്റ് സെന്ററില്‍ അരങ്ങേറുന്നു.
സൌജന്യ പ്രവേശനത്തോട് കൂടിയുള്ള ഈ സംഗീതസന്ധ്യ യില്‍ ദോഹയിലെ ഗായകരായ കണ്ണൂര്‍ സമീര്‍, ഹംസ പട്ടുവം, ഷക്കീര്‍ പാവറട്ടി, ആഷിക് മാഹി, ഫാസില്‍ കൊല്ലം, അനഘ രാജ ഗോപാല്‍, ഫാത്തിമ സമ എന്നിവര്‍ ഗാനങ്ങള്‍ ആലപിക്കുന്നു.
‘സംഗീത ത്തിലൂടെ സൗഹൃദം ; സൌഹൃദ ത്തിലൂടെ കാരുണ്യം’ എന്ന ആശയ വുമായി വന്ന ഈണം ദോഹ നിരവധി ഗായകരെ ദോഹയിലെ സംഗീതാ സ്വാദകര്‍ക്ക് പരിചയപ്പെടുത്തുകയും 6 വര്‍ഷ ത്തിനിടക്ക് കേരള ത്തിന്റെ പല ഭാഗങ്ങളി ലായി നിരവധി കാരുണ്യ പ്രവര്‍ത്തന ങ്ങളും നടത്തിയിട്ടുണ്ട്.
ഈ സംഗീത സന്ധ്യക്ക്‌ മാറ്റ് കൂട്ടാനായി ആകര്‍ഷകമായ നൃത്തങ്ങളും ഉള്‍പ്പെടുത്തിയിട്ടുണ്ടെന്ന് സംഘാടകര്‍ അറിയിച്ചു.
-കെ. വി.അബ്ദുല്‍ അസീസ്‌ ചാവക്കാട്‌ -ദോഹ, ഖത്തര്
- pma
ദുബായ് : യു. എ. ഇ. എക്സ്ചേഞ്ച് സമര്‍പ്പിക്കുന്ന ദല കേരളോത്സവം ബലി പെരുന്നാള്‍ ഒന്ന് രണ്ട് ദിനങ്ങളില്‍ അരങ്ങേറുന്നു (ഒക്ടോബര്‍ 26, 27) മംസാര്‍ അല്‍ മുല്ല പ്ലാസയ്ക്ക് സമീപമുള്ള ദുബായ് ഫോക് ലോര്‍ തീയേറ്റര്‍ ഗ്രൌണ്ടില്‍ കൊടിയേറുന്ന
കേരളീയ കലാ പൈതൃക ത്തിന്റെ അകം പൊരുളു കളെയും സമ്പന്നമായ സാംസ്കാരിക പാരമ്പര്യത്തെയും വിളിച്ചറിയിക്കുന്ന ഒരു ഗ്രാമോത്സവത്തെ അതിന്റെ ചാരുത ഒട്ടും ചോര്‍ന്ന് പോകാതെ പ്രവാസ മണ്ണിലും പുനരാവിഷ്കരി ക്കുന്നതാണ് ദല കേരളോത്സവം. നാടിന്റെ ഈ സാംസ്കാരിക പൈതൃകം അതിന്റെ നിറപ്പകിട്ടോടെ മനസ്സില്‍ സൂക്ഷിക്കുന്ന മുതിര്‍ന്ന വര്‍ക്കും നാടന്‍ കലകളും നാട്ടുത്സവ ങ്ങളും കാണാത്ത ഇളം തലമുറക്കും ഒരേ പോലെ ഇതൊക്കെ കാണാനും ആസ്വദിക്കാനും ലഭിക്കുന്ന അപൂര്‍‌വ്വ അവസരമാണിത്.
ഒരു നാട്ടുത്സവ ത്തിന്റെ സമസ്ത വൈവിധ്യങ്ങളും പകര്‍ന്നു നല്‍കുന്ന വില്പന സ്റ്റാളുകള്‍, ഭക്ഷണ ശാലകള്‍, സൈക്കിള്‍ യജ്ഞം, ആയോധന കലകള്‍, വിനോദ കേളികള്‍ മുതലായവയ്ക്ക് പുറമേ പഞ്ചവാദ്യം, തായമ്പക, ആന, കാവടിയാട്ടം, തെയ്യം, തിറ, കാളി, കാളകളി, പരിചമുട്ടു കളി തുടങി നിരവധി നാടന്‍ കലാരൂപങ്ങള്‍ അണി നിരത്തി ക്കൊണ്ടൂള്ള അതി വിപുലമായ സാംസ്കാരിക ഘോഷയാത്രയും നാടന്‍ കലകള്‍, പെണ്‍കുട്ടികള്‍ അണീ നിരക്കുന്ന ദലയുടെ ശിങ്കാരി മേളം, ഒപ്പന, മാര്‍ഗ്ഗം കളി, തിരുവാതിര, മാപ്പിളപ്പാട്ട്, നാടന്‍ പാട്ടുകള്‍ ഗ്രൂപ്പ് ഡാന്‍സുകള്‍, കോല്‍ക്കളി, ദഫ് മുട്ട്, ഓട്ടം തുള്ളല്‍, തുടങ്ങി കേരള ത്തിന്റെ കലാ മഹിമ വിളിച്ചറിയിക്കുന്ന നിരവധി കലാ പരിപാടികളും ഉണ്ടായിരിക്കും.
കേരളോത്സവ ത്തിന്റെ മറ്റൊരു പ്രത്യേകത, അവയവ ദാനത്തിനു ആഗ്രഹിക്കുന്നവര്‍ക്ക് അവരുടെ പേര്‍ രജിസ്റ്റര്‍ ചെയ്യുന്നതിന് പ്രത്യേക കൌണ്ടര്‍ ഉത്സവ നഗരി യില്‍ ഉണ്ടായിരിക്കും.
കൂടാതെ കേരള ത്തിന്റെ ചരിത്രവും പോരാട്ട ത്തിന്റെ നാള്‍ വഴികളും പുതു തലമുറയ്ക്കും പകര്‍ന്നു നല്‍കാന്‍ ഉതകുന്ന തരത്തില്‍ ആവിഷ്കരിച്ചിട്ടുള്ള ചിത്ര പ്രദര്‍ശനവും ഈ വര്‍ഷത്തെ സവിശേഷതയാണ്.
യു. എ. ഇ. എക്സ്ചേഞ്ച് – ദല കേരളോത്സവം അരങ്ങേറുന്ന ഉത്സവ പറമ്പിലേക്ക് പ്രവേശനം സൗജന്യമാണ്‌.
-അയച്ചു തന്നത് : നാരായണന്‍ വെളിയംകോട്
- pma
അബുദാബി : ബലി പെരുന്നാള്‍ ആഘോഷങ്ങളുടെ ഭാഗമായി അബുദാബി ഇശല്‍ എമിറേറ്റ്സ് അവതരിപ്പിക്കുന്ന ‘ഈദ് ഇശല്‍ നൈറ്റ്‌’ മൂന്നാം പെരുന്നാള്‍ ദിനമായ ഒക്ടോബര്‍ 28 ഞായറാഴ്ച ഇന്ത്യന്‍ ഇസ്ലാമിക്‌ സെന്ററില്‍ അരങ്ങേറും.
ഇശല്‍ മര്‍ഹബ എന്ന സ്റ്റേജ് ഷോ യുടെ വിജയ ത്തിന് ശേഷം ഇശല്‍ എമിറേറ്റ്സ് ഒരുക്കുന്ന ഈ പരിപാടി യില്‍ പ്രശസ്ത പിന്നണി ഗായകരായ അന്‍വര്‍ സാദത്ത്‌, ദുര്‍ഗ്ഗ വിശ്വനാഥ്, മാപ്പിളപ്പാട്ടു ഗായകരായ കണ്ണൂര്‍ സീനത്ത്‌, അഷ്‌റഫ്‌ പയ്യന്നൂര്‍, യുവ ഫെയിം മന്‍സൂര്‍ എന്നിവരും പ്രവാസി ഗായകനായ ബഷീര്‍ തിക്കോടിയും പങ്കെടുക്കും.
വോഡാഫോണ്‍ കോമഡി ഷോ യിലൂടെ ശ്രദ്ധേയരായ ടീം ഫോര്‍ സ്റ്റാര്‍സ് കലാകാരന്‍മാര്‍ അവതരിപ്പിക്കുന്ന മിമിക്സ് പരേഡ്‌, നൃത്ത നൃത്ത്യങ്ങള്‍, സിനിമാറ്റിക് ഡാന്‍സ്‌, ഒപ്പന എന്നിവയും അരങ്ങിലെത്തും. പ്രവേശനം പാസ്സ് മൂലം നിയന്ത്രിക്കും.
വിവരങ്ങള്‍ക്ക് വിളിക്കുക : നവാസ്‌ കുറ്റ്യാടി : 055 561 88 44 – 050 268 79 57
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
