അബുദാബി : ഇന്റര്‍നെറ്റ് സൗഹൃദ കൂട്ടായ്മകളിലെ നിറസാന്നിദ്ധ്യമായ മലയാള ത്തിന്റെ സ്വന്തം നല്ലസ്ക്രാപ്പ് ഡോട്ട് കോം മൂന്നാം വാര്‍ഷികം അബുദാബി യില്‍ ആഘോഷിക്കുന്നു.
മനസ്സിലെ വികാരങ്ങള്‍ പൂര്‍ണ്ണമായും പ്രതിഫലിപ്പിക്കാന്‍ കഴിയുന്ന തര ത്തിലുള്ള നല്ല സ്ക്രാപ്പിന്റെ ആശംസാ കാര്‍ഡുകളും വിശേഷ ദിവസങ്ങള്‍ ക്കായുള്ള പ്രത്യേക ഡിസൈനുകളും മലയാളികള്‍ക്കിടയില്‍ ഇതിനോടകം തന്നെ ചര്‍ച്ചാ വിഷയമായി കഴിഞ്ഞിട്ടുണ്ട്.
നാല് വര്‍ഷങ്ങള്‍ക്കു മുന്‍പ് ഓര്‍ക്കൂട്ടിലൂടെ പരിചയപ്പെട്ട നാല് സുഹൃത്തുക്കള്‍ തങ്ങളുടെ സര്‍ഗ്ഗ സൃഷ്ടികള്‍ പങ്കു വെക്കുകയും അത് കൂടുതല്‍ ആളുകളിലേക്ക് എത്തിക്കുവാനും വേണ്ടി രൂപം നല്‍കിയതായിരുന്നു നല്ലസ്ക്രാപ്പ് ഡോട്ട് കോം.
അബുദാബിയില്‍ നടക്കുന്ന മൂന്നാം വാര്‍ഷികാഘോഷ ങ്ങളുടെ ഭാഗമായി പുതിയ ഒരു സംരംഭത്തിനു കൂടി തുടക്കം കുറിക്കുകയാണ്.
മറ്റു ഭാഷക്കാര്‍ക്കു കൂടി ഉപയോഗിക്കാന്‍ കഴിയുന്ന രീതിയില്‍ വിശിഷ്യാ ഫേയ്സ് ബുക്ക് – ട്വിറ്റര്‍ എന്നിവയെ ലക്‌ഷ്യം വെച്ചു കൊണ്ട് ലൈക്‌ & ഷെയര്‍ ഡോട്ട് കോം എന്ന പുതിയ വെബ് സൈറ്റിനു തുടക്കം കുറിക്കും. ഈ സൈറ്റിലെ ആശംസാ കാര്‍ഡുകള്‍ എല്ലാം തന്നെ ഇംഗ്ലീഷ്‌ ഭാഷയില്‍ ആയിരിക്കും എന്ന താണ് ഇതിന്റെ പ്രത്യേകത.
മെയ് 31 നു നടക്കുന്ന ചടങ്ങില്‍ ഇന്ത്യന്‍ മീഡിയ അബുദാബി (ഇമ) യുടെ പ്രസിഡന്റ് ടി. പി. ഗംഗാധരന്‍ ലൈക്‌ & ഷെയര്‍ ഡോട്ട് കോം ഉദ്ഘാടനം ചെയ്യും.
തുടര്‍ന്ന് നടക്കുന്ന ആഘോഷ പരിപാടികളില്‍ നല്ലസ്ക്രാപ്പ് ഡോട്ട് കോം ഫേയ്സ് ബുക്ക് കൂട്ടായ്മ യിലെ യു. എ. ഇ. യില്‍ നിന്നുള്ള നിരവധി അംഗങ്ങള്‍ പങ്കെടുക്കും.
അബുദാബി : കല അബുദാബി യുടെ യുവജനോത്സവം അബുദാബി കേരള സോഷ്യല്‍ സെന്ററില്‍ മെയ് 17, 18, 19 തീയതി കളില്‍ നടക്കും. കല യുടെ ഈ വര്‍ഷത്തെ കഥകളിയരങ്ങ് ജൂണ്‍ ഒന്നിന് അബുദാബി ഇന്ത്യാ സോഷ്യല്‍ സെന്ററിലും അരങ്ങേറും.
ദുബായ് : യു. എ. ഇ. യിലെ ഗുരുവായൂര്‍ നിവാസികളുടെ പ്രവാസി കൂട്ടായ്‌മയായ ‘ഗുരുവായൂര്‍ എന്‍ ആര്‍ ഐ ഫോറം’ സംഘടിപ്പിക്കുന്ന കുടുംബ സംഗമം ‘ഫാമിലി ഫെസ്റ്റ് -2012’ മെയ് 4 വെള്ളിയാഴ്ച വൈകുന്നേരം 4.30 ന് ദുബായ് ഗിസൈസിലുള്ള ‘ആപ്പിള്‍ ഇന്റര്‍നാഷണല്‍ സ്കൂളില്’ (ലേബര്‍ ഓഫീസിനു സമീപം) വെച്ച് ചേരുന്നു.
