ദുബായ് : ‘സൃഷ്ടി സ്ഥിതി സംഹാരം – വര്‍ത്തമാന മാധ്യമ വിവക്ഷ’ എന്ന വിഷയത്തെ ആസ്പദമാക്കി സീതി സാഹിബ് വിചാര വേദി യു. എ. ഇ. ചാപ്ടര്‍ മാധ്യമ സെമിനാര്‍ സംഘടിപ്പിക്കുന്നു. പത്ര പ്രവര്‍ ത്തന രംഗത്ത് ചരിത്ര പരമായ ദൗത്യം നിര്‍ വ്വഹിച്ച കേരളത്തിലെ പ്രമുഖ സാംസ്കാരിക നായകരില്‍ ഒരാളായ കെ. എം. സീതി സാഹിബിന്റെ സ്മരണക്കായി സംഘടിപ്പിക്കുന്ന സെമിനാറുകളുടെ ഭാഗമായിട്ടാണ് സീതി സാഹിബ് വിചാര വേദി ഈ സെമിനാര്‍ ഒരുക്കുന്നത് .
ആഗസ്റ്റ്‌ 2 തിങ്കളാഴ്ച രാത്രി 8 മണിക്ക് ദുബായ് കെ. എം. സി. സി. ഹാളില്‍ നടക്കുന്ന സെമിനാറില്‍ സി. വി. എം. വാണിമേല്‍ മോഡറേറ്റര്‍ ആയിരിക്കും. പി. എം. അബ്ദുല്‍ റഹിമാന്‍ (e പത്രം അബുദാബി കറസ്പോണ്ടന്റ്), കെ. എം. ജബ്ബാരി (സലഫി ടൈംസ്), ഷീലാ പോള്‍ (മലയാള നാട്), വി. എം. സതീഷ് (എമിറേറ്റ്സ് 24/7), കെ. കെ. മൊയ്തീന്‍ കോയ (യു.എ.ഇ. എക്സ്ചേഞ്ച്), ഇസ്മായില്‍ മേലടി (ദുബായ് മുന്‍സിപ്പാലിറ്റി), ടി. പി. ഗംഗാധരന്‍ (മാതൃഭൂമി), എന്‍. വിജയ് മോഹന്‍ (അമൃത), ജലീല്‍ പട്ടാമ്പി (മിഡില്‍ ഈസ്റ്റ്‌ ചന്ദ്രിക), ബഷീര്‍ തിക്കൊടി, ഫൈസല്‍ ബിന്‍ അഹമ്മദ് (ഏഷ്യാനെറ്റ്), ഷാബു കിളിത്തട്ടില്‍ (ഹിറ്റ്‌ എഫ്. എം.), റീനാ സലീം, ബഷീര്‍ അഹമ്മദ് ബുര്‍ഹാനി, മസ് ഹറുദ്ധീന്‍ തുടങ്ങി യു. എ. ഇ. യിലെ സാംസ്കാരിക – മാധ്യമ രംഗത്തെ പ്രമുഖര്‍ പങ്കെടുക്കും. വിവരങ്ങള്ക്ക് വിളിക്കുക : അഷ്‌റഫ്‌ കൊടുങ്ങല്ലൂര്‍ 050 37 67 871
ദുബായ് : ലോക മലയാളി കൌണ്‍സില്‍ ദുബായ് പ്രവിശ്യയുടെ ഏഴാമത് വാര്‍ഷിക ആഘോഷങ്ങളും കുടുംബ സംഗമവും ദുബായില്‍ നടന്നു. ജൂണ്‍ 25ന് ദുബായ് ദൈറയിലെ മാര്‍ക്കോ പോളോ ഹോട്ടലില്‍ വെച്ച് നടന്ന സമ്മേളനം ലോക മലയാളി കൌണ്‍സില്‍ ആഗോള ചെയര്‍മാന്‍ സോമന്‍ ബേബി ഉദ്ഘാടനം ചെയ്തു.
ദുബായ് : പാലക്കാട്‌ എന്‍. എസ്. എസ്. എന്‍ജിനീയറിംഗ് കോളജ്‌ പൂര്‍വ വിദ്യാര്‍ത്ഥികളുടെ ആഗോള സംഘടനായ ദര്‍ശന യുടെ യു.എ.ഇ. ചാപ്റ്റര്‍ സംഘടിപ്പിച്ച കുടുംബ സംഗമം ദര്‍ശന യു.എ.ഇ. സംഗമം 2010 ദുബായ് ഫ്ലോറ ഗ്രാന്‍ഡ്‌ ഹോട്ടലില്‍ വെച്ച് നടന്നു. ദര്‍ശന എക്സിക്യൂട്ടിവ്‌ കമ്മിറ്റി അംഗവും അധ്യക്ഷനുമായ അരുണന്‍ ടി. എന്‍. സംഗമം ഉദ്ഘാടനം ചെയ്തു. മനു രവീന്ദ്രന്‍ സ്വാഗതം പറഞ്ഞു.
ദുബായ് : മാവേലിക്കര ബിഷപ്‌ മൂര്‍ കോളേജ് അലുംനായ് അസോസിയേഷന്റെ ദശ വാര്‍ഷിക ത്തോടനുബന്ധിച്ച് “ചായങ്ങള്‍” എന്ന പേരില്‍ സ്റ്റേജ് ഷോ സംഘടിപ്പിക്കുന്നു. ജൂണ്‍ 11 വെള്ളിയാഴ്ച വൈകീട്ട് 5:30 നു ഖിസൈസ്‌ മില്ലേനിയം ഹൈസ്ക്കൂള്‍ ഓഡിറ്റോറിയത്തിലാണ് “ചായങ്ങള്‍” നടക്കുന്നത്. പ്രശസ്ത ഗായകരായ സുദീപ്‌ കുമാര്‍, സിസിലി, അനൂപ്‌, അനുപമ എന്നിവര്‍ ഗാന സന്ധ്യയ്ക്കും, മനോജ്‌ ഗിന്നസ്‌, പ്രശാന്ത്‌ എന്നിവര്‍ ഹാസ്യ വിരുന്നിനും നേതൃത്വം നല്‍കും.
ദുബായ് : പൊന്നാനി എം. ഇ. എസ്. കോളേജ് അലുംമിനി യു. എ. ഇ. ചാപ്റ്ററിന്റെ ആഭിമുഖ്യത്തില്‍ ജൂണ്‍ പതിനെട്ട് വെള്ളിയാഴ്ച മൂന്നു മണി മുതല്‍ ദുബായ് ഗുസൈസിലുള്ള അല്‍ ഹസന്‍ ഓഡിറ്റോറിയത്തില്‍ (പഴയ സായദ് യൂനിവേഴ്സിറ്റി ക്യാമ്പസ്‌) വെച്ച് വിവിധ കലാ – കായിക പരിപാടികളോടെ വാര്‍ഷിക ആഘോഷ പരിപാടികള്‍ (പൊന്‍ ഫെസ്റ്റ് 2010) സംഘടിപ്പിക്കുന്നു.
