അബുദാബി : കേരളാ സോഷ്യല്‍ സെന്‍റര്‍ – യു. എ. ഇ. എക്സ്ചേഞ്ച്‌ ജിമ്മി ജോര്‍ജ്ജ്‌ സ്മാരക വോളിബോള്‍ എവര്‍ റോളിങ്ങ്‌ ട്രോഫിക്ക്‌ വേണ്ടിയുള്ള വാശിയേറിയ മല്‍സര ത്തില്‍ ഓഷ്യന്‍ ട്രാവല്‍സ് വിജയി കളായി.

ലൈഫ് ലൈന്‍ ഹോസ്പിറ്റല്‍ ടീമിനെ ഒന്നിനെതിരെ മൂന്ന് സെറ്റു കള്‍ക്കാ യിരുന്നു ഓഷ്യന്‍ ട്രാവല്‍സ് പരാജയ പ്പെടുത്തിയത്.

റണ്ണര്‍ അപ് ട്രോഫി യുമായി ലൈഫ് ലൈന്‍ ടീം

അല്‍ ജസീറ സ്പോര്‍ട്സ്‌ ക്ലബ്ബിലെ ഇന്‍ഡോര്‍ സ്റ്റേഡിയ ത്തില്‍ നടന്ന മത്സര ത്തില്‍ ആദ്യ സെറ്റില്‍ ഇരു ടീമുകളും ഒപ്പത്തിനൊപ്പം മുന്നേറി. പിന്നീട് തുടര്‍ച്ച യായ രണ്ടു സെറ്റും നേടി ക്കൊണ്ട് പതിനെട്ടാമത് ജിമ്മി ജോര്‍ജ്ജ്‌ സ്മാരക വോളി ബോള്‍ ട്രോഫിയില്‍ ഓഷ്യന്‍ ട്രാവല്‍സ് താരങ്ങള്‍ മുത്തമിട്ടു.

മികച്ച കളിക്കാരനായി ലൈഫ് ലൈന്‍ ടീമിന്റെ അമീര്‍ ഗുലാമി നെയും മികച്ച ഭാവി വാഗ്ദാനമായി ആമിര്‍ ഹുസ്സൈന്‍ എന്നിവരേയും തെരഞ്ഞെടുത്തു. കെ എസ് സി. പ്രസിഡന്റ്‌ കെ. ബി. മുരളി, പ്രമോദ് മാങ്ങാട്ട്, രമേശ്‌ പണിക്കര്‍ എന്നിവര്‍ ചേര്‍ന്നു ട്രോഫി സമ്മാനിച്ചു.

അബുദാബി : കേരളാ സോഷ്യല്‍ സെന്‍റര്‍ – യു. എ. ഇ. എക്സ്ചേഞ്ച്‌ എവര്‍ റോളിങ്ങ്‌ ട്രോഫിക്ക്‌ വേണ്ടി സംഘടിപ്പിച്ചു വരുന്ന ജിമ്മി ജോര്‍ജ്ജ്‌ സ്മാരക വോളിബോള്‍ ടൂര്‍ണമെന്‍റ് മാര്‍ച്ച് 12 ചൊവ്വാഴ്ച അല്‍ ജസീറ സ്പോര്‍ട്സ്‌ ക്ലബ്ബിലെ ഇന്‍ഡോര്‍ സ്റ്റേഡിയ ത്തില്‍ ആരംഭിക്കും.

മത്സരങ്ങള്‍ രാത്രി 8 മണി മുതല്‍ രണ്ടു പൂളുകളില്‍ ആയാണ് നടക്കുക. പ്രമുഖ ടീമുകള്‍ മാറ്റുരക്കുന്ന ടൂര്‍ണമെന്റില്‍ അര്‍ജ്ജുന അവാര്‍ഡ് ജേതാക്കള്‍ അടക്കം ഇന്ത്യന്‍ ഇന്റര്‍ നാഷണല്‍ താരങ്ങളും വിവിധ ടീമുകള്‍ക്കായി ജഴ്സി അണിയും.

മാര്‍ച്ച് 16 നു നടക്കുന്ന ഫൈനലില്‍ വിജയികള്‍ ആവുന്നവര്‍ക്ക് ഇരുപതിനായിരം ദിര്‍ഹം കാഷ് പ്രൈസും ട്രോഫിയും സമ്മാനിക്കും. പ്രവേശനം തികച്ചും സൌജന്യം ആയിരിക്കും എന്നും ഇതുമായി ബന്ധപ്പെട്ടു നടത്തിയ വാര്‍ത്താ സമ്മേളന ത്തില്‍ സംഘാടകര്‍ അറിയിച്ചു.